Son yarım il ərzində Audi şirkəti öz dizaynerləri gələcək avtomobiləri necə gördüyünü alıcılara ardı ardına 4 konsept avtomobil nümayiş etdirir.
Bu dəfə Audi şirkəti bizə kross-kupe Activesphere konsept avtomobilini təqdim etdi.
Demək olar ki uzunluğu 5 metr (4980 x 2070 x 1600 mm, təkər bazası 2970 MM) olan avtomobildə nəhəng 22 düymlük təkərlər yer aldı.
Əgər siz avtomobili yolsuzluqda idarə etsəniz, onun disklərində yerləşən pərdəkçilər havalandırma üçün açılacaq, asfalda sürərkən aerodinamikanı yaxşılaşdırmaq üçün bağlanacaq.
Salonda ümumiyyətlə ekran yoxdur. Əvəzində dörd sərnişinin hamısı üçün VR eynəklər olacaq. Hətta sürücü avtomobili VR eynəkdə idarə etməli olacaq. O bu eynək vasitəsilə bütün naviqasiyanı, sürəti, multimediyanı 3D olaraq görəcək.
Avtomobildə yeni nəsil avtopilot da mövcudur. Avtopilot aktivləşəndə, sürücüyə mane olmamaq üçün sükan və pedallar özü yığışılır.