Fotoğraf:
28 Sep 2022, 21:05
"Barselona"nın futbolçusu əməliyyat olunub
İspaniyanın "Barselona" klubunun və Uruqvay millisinin futbolçusu Ronald Arauxo əməliyyat olunub.
Qalanews Kataloniya təmsilçisinin rəsmi saytına istinadən xəbər verir ki, 23 yaşlı müdafiəçi Finlandiyanın Turku şəhərində cərrahi müdaxiləyə ehtiyac duyub.
Arauxo İrana 0:1 hesabı ilə uduzduqları yoldaşlıq görüşündə zədələnib. Oyunçunun 20 noyabr - 18 dekabrda Qətərdə keçiriləcək dünya çempionatını buraxacağı ehtimal olunur.
Qeyd edək ki, Ronald Arauxo 2019-cu ildən "Barselona"nın əsas komandasında çıxış edir.
