Fotoğraf:
01 Jun 2026, 19:36
“Kızılcık Şerbeti”ndə gözlənilməz ayrılıq
Türkiyənin məşhur Kızılcık Şerbeti serialında Sönmez obrazını canlandıran aktrisa Aliye Uzunatağan layihədən ayrılır.
QalaNews.com xəbər verir ki, bu haqda türkiyəli jurnalist Birsen Altuntaş məlumat yayıb.
Məlumata görə, mövsüm finalından əvvəl prodüser şirkətinə yeni şərtlərini çatdıran Uzunatağan maaliyyə məsələlərində razılığa gələ bilməyib. Uğursuz nəticələnən danışıqlardan sonra yolların ayrılması barədə qərar qəbul edilib.
Aliye Uzunatağan ilə prodüser şirkəti arasında daha əvvəl də oxşar böhran yaşandığı, lakin tərəflərin razılığa gələrək birlikdə işləməyə davam etdiyi də öyrənilib. Bu dəfə isə danışıqlar müsbət nəticə verməyib.
