"Bizim hamımız İsveç və Finlandiya ilə Türkiyə arasında imzalanmış üçtərəfli sazişin vacibliyi barədə və eyni zamanda Türkiyənin legitim təhlükəsizlik narahatlığı barədə ortaq fikirdəyik".
QalaNews.com xəbər verir ki, bunu NATO-nun Baş katibi Yens Stoltenberq İsveçin Baş naziri Ulf Kristerssonla görüşdən sonra keçirilən birgə mətbuat konfransında deyib.
"Mən bu sazişin müddəaları ilə bağlı İsveçin konkret addımlar atmasını alqışlayıram. Bura Türkiyəyə silahların satılması ilə bağlı qadağanın götürülməsi, terrorla mübarizədə əhəmiyyətli şəkildə inkişaf edən əməkdaşlıq, PKK da daxil olmaqla terrorçu təşkilatlara qoşulmaq və onun tərkibində iştirak etməyə qadağa, ekstradisiya və terror maliyyələşməsi ilə mübarizə sahəsində ortaq mexanizmin yaradılması barədə əməkdaşlıq daxildir", Stoltenberq deyib.