Loading alternative title

GÜNÜN XƏBƏR MƏNZƏRƏSİ

alternative title

Bakının bu küçə və prospektində tıxac yarandı - FOTO

18:58     06-Aug-2020     1454

Hazırda paytaxtda bir sıra küçə və prospektdə nəqliyyat vasitələrinin hərəkətində sıxlıq müşahidə olunur. Bu barədə Bakı Nəqliyyat Agentliyindən (BNA) məlumat verilib. “Sıxlıq səbəbindən bəzi müntəzəm və ekspres xətlər üzrə avtobusların intervalında gecikmə yaranıb. Bu dəqiqlərdə sıxlıq olan küçələr aşağıdakılardır: Heydər Əliyev prospekti kənar yol şəhər istiqaməti, Ziya Bünyadov prospekti 20 Yanvar istiqaməti və Tbilisi prospekti 20 Yanvar dairəsi istiqaməti”, - məlumatda qeyd olunub.

Ətraflı
alternative title

Fransanın Livana qayıtması üçün onlayn petisiya

18:53     06-Aug-2020     1457

Bır sıra KİV-lər xəbər verir ki, Fransa prezidenti Makronun Livana səfəri ilə eyni vaxtda minlərlə livanlı onlayn petisiya imzalayaraq, Fransanı növbəti 10 il ərzində ölkələrini yenidən nəzarətə götürməyə çağırıblar. Müraciətdə deyilir: “Livan rəsmiləri təhlükəsizliyin təmin edilməsində və ölkəni idarə etməkdə tamamilə səriştəsiz olduqlarını açıq şəkildə göstəriblər. Uğursuz bir sistem, korrupsiya, terrorizm və yaraqlıların tüğyan etməsi ilə ölkə son nəfəsinə çatıb”. Bununla belə, xəbər hazırlananadək sözügedən petisiyanı 48 min nəfər imzalasa da, sosial mediada bir sıra tənqilərlə də üzləşib. Qeyd edək ki, Livan 1943-cü ildə müstəqilliyini əldə edib.

Ətraflı
alternative title

“40 pillə”də karantin qaydalarını pozanlar saxlanıldı – FOTO

18:51     06-Aug-2020     1665

Səbail rayonu, Nəriman Nərimanov prospektində yerləşən “40 pillə” restoranı karantin qaydalarına zidd olaraq fəaliyyət göstərdiyi üçün polis əməkdaşları tərəfindən həmin obyektə baxış keçirilib. DİN-dən verilən xəbərə görə, məlumat daxil olan kimi Səbail Rayon Polis İdarəsi və 9-cu Polis Bölməsinin əməkdaşları həmin kafeyə yollanıb. Baxış zamanı kafedə səkkiz nəfər müştərinin olduğunu aşkarlanıb. Kafedə müştəri qismində əyləşən şəxslər polis əməkdaşları tərəfindən saxlanılaraq 9-cu Polis Bölməsinə aparılıb. Kafenin sahibi və müştərilər barəsində toplanılan materiallara hüquqi qiymət verilməsi üçün məhkəməyə göndərilib və onların hər biri inzibati qaydada cərimə ediliblər. Həmin şəxslərə karantin dövründə növbəti dəfə qayda pozuntusuna yol verəcəkləri təqdirdə inzibati qaydada həbs ediləcəkləri barədə xəbərdarlıq edilib.

Ətraflı
alternative title

Daşkəsəndə dəmir filizi yatağı istismara veriləcək

18:43     06-Aug-2020     829

Azərbaycan Respublikasının Prezidenti İlham Əliyev Daşkəsən dəmir filizi yatağının istismara verilməsi ilə bağlı tədbirlər haqqında sərəncam imzalayıb. Sərəncama əsasən, Daşkəsən dəmir filizi yatağının istismara verilməsi ilə əlaqədar ilkin qiymətləndirmə sənədinin hazırlanması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.64-cü bəndində göstərilmiş məbləğdən “AzerGold” Qapalı Səhmdar Cəmiyyətinə ilkin olaraq 3 milyon manat ayrılıb.

Ətraflı
alternative title

Başgicəllənmədən xilas olmağın ən asan yolu tapıldı

18:42     06-Aug-2020     740

D vitamini qəbul etmək vasitəsi ilə mütəmadi müşahidə olunan başgicəllənməni azaltmaq mümkündür. “Ridus” xəbər verir ki, bu qənaətə koreyalı alimlər gəlib. Elm adamları xoşxassəli pozisyonal patoksizmal başgicəllənmənin (XPPB) medikamentoz yolla mümkün korreksiyasını araşdırıblar. Bu, vestibulyar aparatının ən geniş yayılmış xəstəliyidir. Qeyd olunub ki, qadınlar bu xəstəliyə kişilərdən daha çox tutulurlar. Xəstəlik ölümcül olmasa da, həyat keyfiyyətinə öz mənfi təsirini göstərir. Bildirilib ki, araşdırmada fizioterapevt müalicəsi təyin edilmiş XPPB diaqnozlu 957 koreyalı iştirak edib. Onların bir qrupuna müəyyən dozada vitamin D ilə kalsium verilib, digərləri isə sadəcə plasebo (heç bir real effekti olmayan həb; müalicə imitasiyası) qəbul edib. Bir il sonra məlum olub ki, vitamin D və kalsium qəbul edənlərdə başgicəllənmənin mütəmadiliyi ortalama 24% azalıb. “Bizim araşdırmamız onu göstərir ki, kalsium və vitamin D qəbulu başgicəllənmə residivlərinin mütəmadiliyini azaltmağa kömək edə biləcək minimal yan təsirləri olan ucuz bir müalicə vasitəsidir”, - araşdırmanın həmmüəllifi Ci-Su Kim bildirib.

Ətraflı
alternative title

"Kaspersky" startaplara yardım edəcək

18:38     06-Aug-2020     1522

"Kaspersky" kiçik və orta sahibkarlığı qorumaq üçün həllər üzərində işləyən startaplar axtarmağa başlayır. Bu barədə şirkətdən məlumat verilib. Məlumatda deyilir ki, "Kaspersky", "Kaspersky Open Innovation Program" (Kaspersky Açıq İnnovasiya Proqramı) təşəbbüsü çərçivəsində beynəlxalq startap seçimlərinin yeni mərhələsini elan edir. Bulud mühitlərinin, məlumatların, tətbiqlərin, şəbəkələrin təhlükəsizliyini təmin edən məhsullar da daxil olmaqla, kiçik şirkətlər üçün təhlükəsizlik həllərinin hazırlanması ilə məşğul olan startaplar iştiraka dəvət olunurlar. Hüquqi qeydiyyata, məhsula və ya prototipə və bir neçə icra edilmiş sövdələşməyə və ya reallaşdırılmış pilot layihələrə malik startapların müraciətləri nəzərdən keçiriləcəkdir. Qazanan startaplar şirkətin müştəri və tərəfdaş bazasına daxil olmaq perspektivi fonunda "Kaspersky" ilə birgə pilot layihəyə başlamaq imkanı əldə edəcək. Onlara mentor dəstəyi də veriləcək. "Kaspersky", layihələrin qiymətləndirilməsini texniki cəhətdən nə dərəcədə hazır olmaları və inkişaf üçün gələcək imkanları baxımından aparacaq. Startapların seçilməsi ilə bağlı qərarlar, təklif olunan məhsulların və ya texnologiyaların kiçik və orta sahibkarlığın konkret problemlərini həll etməyə nə dərəcədə qadir olduqları nəzərə alınmaqla qəbul ediləcək. Startap axtarışı üçün dörd innovativ platformadan istifadə ediləcək: "GoTech", "Dsight", "Axis Innovation" və "F6S". "Kiçik şirkətlər iqtisadiyyatın dünya üzrə milyonlarla insanın çalışdığı böyük bir sektorudur. Kiçik və orta sahibkarlığın üzləşdiyi çətinliklər böyük təşkilatların üzləşdikləri çətinliklərə bənzəyir. Kiçik şirkətlərə biznesin inkişafına fokuslanmağa, bununla da diqqəti kibertəhlükəsizlik məsələlərinə çəkməməyə kömək edəcək həllər tapmaq üçün yeni startap seçimi elan edirik," Kaspersky-nin investisiya və innovasiya mərkəzinin rəhbəri Vitali Mzokov deyib. Ərizələrin qəbulu üçün son tarix 13 sentyabr 2020-ci ildir. Startapların seçim prosesi 29-30 sentyabr 2020-ci il tarixlərində baş tutacaq Online Demo Selection Days (Onlayn Demo Seçim Günləri) onlayn tədbiri ilə başa çatacaq.

Ətraflı
alternative title

Hakerlər “Canon”un bulud saxlancını sındırıb

18:36     06-Aug-2020     1523

İstifadəçilərin foto və videolarının saxlanıldığı Yaponiyanın “Canon” şirkətinin bulud depolama xidməti hakerlər tərəfindən sonradan pul tələb etmək məqsədilə sındırılıb. TASS xəbər verir ki, bu barədə “Bleeping Computer” məlumat yayıb. İddia olunur ki, avqustun 5-də “Maze” haker qrupunun hücumu nəticəsində 10 terabayt məlumat, o cümlədən istifadəçilərin şəxsi məlumatları oğurlanıb. İddia edilən haker hücumunu şərh edən “Canon”un rəsmisi “Forbes” jurnalına açıqlamasında hazırda vəziyyətin araşdırıldığını söyləyib.

Ətraflı
alternative title

Azərbaycanda reanimasiyada olan koronavirus xəstələrinin sayı açıqlanıb

18:34     06-Aug-2020     1341

Bu gün Azərbaycanda reanimasiya şöbəsində olan koronaviruslu xəstələrin sayı açıqlanıb. QALANEWS xəbər verir ki, aktiv 3 493 xəstədən 263-ü hazırda müalicələrini xəstəxanaların reanimasiya şöbəsində davam etdirirlər. Onlardan 58 nəfəri isə süni tənəffüs cihazında olanlardır. Qeyd edək ki, bu gün ölkədə 144 yeni yoluxma faktı olub, 435 nəfər isə sağalaraq evə buraxılıb, 3 nəfər isə dünyasını dəyişib.

Ətraflı
alternative title

Bakı Nəqliyyat Agentliyi qaydalara əməl etməyən daşıyıcılara qarşı tədbirləri davam etdirir

18:31     06-Aug-2020     1624

Müntəzəm marşrutlar üzrə avtobusların sərnişin tələbatına uyğun tənzimlənməsi barədə verilən tapşırıqların icrasına nəzarət məqsədilə “Xaliq Faiqoğlu” MMC, “Çinar Trans” MMC, “Ayşən LTD” MMC, “Azlənd Plaza” MMC, “GrandBus” MMC, “Fidan” MMC“ və General Auto Company” firmasının istehsalat bazalarına baxış keçirilib. Bakı Nəqliyyat Agentliyindən bildirilib ki, baxış zamanı saz vəziyyətdə olan avtobusların saxlanılaraq xətlərə buraxılmaması halları müşahidə edilib. Adı çəkilən daşıyıcılar müvəqqəti istismarlarında olan bəzi marşrutlar üzrə müəyyən olunan saydan az avtobus çıxararaq süni sərnişin sıxlığının yaranmasına səbəb olublar. Mövcud pandemiya şəraitində karantin rejimi qaydalarının pozulması ilə nəticələnən hərəkətlərə yol verən həmin daşıyıcılar barəsində qanunvericiliyə uyğun tədbirlər görülür. Toplanan materiallar araşdırılması üçün hüquq-mühafizə orqanlarına təqdim olunacaq. Bildirilib ki, nəzarət tədbirləri davamlı olaraq aparılacaq, xüsusilə mövcud pandemiya şəraitində vətəndaşlara keyfiyyətli və təhlükəsiz sərnişindaşıma xidmətlərinin göstərilməsini təmin etməyən daşıyıcılara qarşı qanunvericiliyə uyğun ən sərt tədbirlər görüləcək.

Ətraflı
alternative title

Elektron Kredit Platforması üzərindən 2000-dən çox müraciət daxil olub

18:30     06-Aug-2020     1597

Elektron Kredit Platforması sahibkarların kredit sifarişləri üçün əlverişli vasitədir. İqtisadiyyat Nazirliyinin mətbuat xidmətindən bildirilib ki, məlumat verildiyi kimi, kredit-zəmanət mexanizmi çərçivəsində yeni biznes kreditlərinin verilməsi məqsədilə müraciətlərin onlayn rejimdə qəbul edilməsi üçün Elektron Kredit Platforması (www.e-edf.gov.az) yaradılaraq sahibkarların istifadəsinə verilib. Avqustun 5-dək Elektron Kredit Platforması üzərindən yeni biznes krediti sifarişi 630 milyon manat olan 2000-dən çox müraciət daxil olub. Artıq 98 müraciət üzrə ümumi həcmi 12,5 milyon manat olan kreditlərin ayrılması barədə qərarlar qəbul edilib. Hazırda digər müraciətlərə baxılır və müəyyən olunmuş müddətdə (sürətli və ənənəvi kreditlər üzrə müvafiq olaraq 7 və 10 iş günü ərzində) nəticələr barədə sahibkarlara platforma vasitəsilə məlumat veriləcək. Qeyd edək ki, biznes kreditlərinin bu elektron sistem vasitəsilə verilməsi sahibkarlar üçün bir sıra üstünlüklər yaradır. Sahibkarlar biznes kreditləri üçün onlayn rejimdə müraciət edir, onların müraciətlərinə müvəkkil kredit təşkilatları və İqtisadiyyat Nazirliyində eyni vaxtda baxılır, müraciətlərin statusunun real vaxt rejimində izlənməsi imkanı yaradılır. Elektron Kredit Platformasının tətbiqi ilə, həmçinin sahibkarların kreditlərə çıxış imkanları genişləndirilir, sərf olunan vaxta və xərclərə qənaət olunur.

Ətraflı
alternative title

Azərbaycan istehsalı olan ikinci tanker inşasının ikinci mərhələsi üçün suya salınıb

18:28     06-Aug-2020     868

“Azərbaycan Xəzər Dəniz Gəmiçiliyi” QSC-nin (ASCO) sifarişi ilə “Bakı Gəmiqayırma Zavodu” MMC-də inşa edilən “Kəlbəcər” neftdaşıyan tankeri növbəti mərhələsinin tikintisinin aparılması üçün suya salınıb. ASCO-dan bildirilib ki, gəminin gövdə hissəsinin inşası 100 faiz başa çatıb. Qalan tamamlanma işləri Gəmiqayırma Zavodunun yanalma körpüsündə davam etdiriləcək. Bu məqsədlə “Kəlbəcər” tankeri zavodun tikinti-quraşdırma sahəsindən üzən dok üzərindən hidravlik arabacıqlar vasitəsilə suya salınıb. Bu gəminin konsepsiyası Odessa Dəniz Mühəndisliyi Bürosu və ASCO-nun təcrübəli mütəxəssisləri ilə birgə hazırlanıb. “Volqa-Don MAX” layihəsi olan gəmi maksimum yükgötürmə qabiliyyəti ilə Volqa-Don çayından keçmək imkanına malikdir. Yeni nəsil “Kəlbəcər” tankerinin uzunluğu 141 metr, eni 16,9 metr, bortunun hündürlüyü isə 6 metrdir. 15 nəfərlik heyətlə idarə edilən gəmi saatda 10 knot sürətlə hərəkət edə biləcək. Tanker xam neft və neft məhsulları daşınması üçün nəzərdə tutulmuş ümumi tutumu 9212 kubmetr olan 6 yük çəninə malikdir. Dedveyti dənizdə 7,875 T və çayda 5,447 T olan gəmi hər biri 1,200 kW gücə malik iki ədəd “Wartsila” istehsalı mühərriklərlə təchiz edilib. Zavodun yanalma körpüsündə istismar sınaqları başa çatdıqdan sonra “Kəlbəcər” tankerinin dəniz-istismar sınaqlarına başlanacaq. Yeni nəsil “Kəlbəcər” tankerinin xarici sularda istismarı nəzərdə tutulur. Unikal dizaynı ilə seçilən və texniki göstəricilərinə görə geniş imkanlara malik bu gəmi Bakı Gəmiqayırma Zavodunda inşa edilmiş sayca ikinci neftdaşıyan tankerdir. Ötən ilin sonunda istismara verilmiş “Laçın” adlı ilk tanker artıq üçrəngli bayrağımız altında xarici sularda istismar olunur. Eyni zamanda, ASCO-nun sifarişinə uyğun olaraq daha iki ədəd eyni tipli gəminin tikinti işləri də qrafikə uyğun davam edir. Bununla belə, hazırda ASCO-nun donanmaları üçün zəruri olan müxtəlif təyinatlı gəmilərin inşası ilə bağlı Gəmiqayırma Zavodu ilə danışıqlar davam etdirilir.

Ətraflı
alternative title

Avqustun 7-nə USD/AZN rəsmi məzənnəsi

18:26     06-Aug-2020     1019

Azərbaycan Mərkəzi Bankı (AMB) avqustun 7-nə olan USD/AZN rəsmi məzənnəsini açıqlayıb. AMB-dən bildirilib ki, bankın avqustun 7-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

Ətraflı
alternative title

Gəmiçilikdə mütəmadi dezinfeksiya işləri aparılır

18:25     06-Aug-2020     809

“Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”nın icrasını təmin etmək məqsədilə “Azərbaycan Xəzər Dəniz Gəmiçiliyi” QSC (ASCO) profilaktik tədbirləri davam etdirir. ASCO-dan bildirilib ki, müəyyənləşdirilmiş qrafikə uyğun olaraq növbəti dezinfeksiya işləri “Akademik Topçubaşov”, “Akademik Həsən Əliyev”, “Bərdə”, “Bəstəkar Qara Qarayev”, “Atlet-2”, “Zəfər”, “PS-158”, “Ağdərə-4”, “PSK-38”, “MPK-455”, “Ağdərə-7” gəmilərində aparılıb. Dezinfeksiya bu sahədə ixtisaslaşmış və müvafiq lisenziyaya malik şirkət tərəfindən həyata keçirilib. Proses ASCO-nun Sosial inkişaf və nəqliyyat şöbəsinin əməkdaşlarının nəzarəti ilə yerinə yetirilib.

Ətraflı
alternative title

Macarıstanda istehlak qiymətləri sürətlə artır

18:23     06-Aug-2020     903

Macarıstanın Mərkəzi Statistika İdarəsinin məlumatına görə, iyun ayında sənaye və kənd təsərrüfatı məhsullarının illik qiymət artımı 3,1 faiz olub. Bu, may ayı ilə müqayisədə 1,7 faiz çoxdur. Macarıstanın MTI agentliyi xəbər verir ki, koronavirus pandemiyası bazarlara və valyuta mübadilə məzənnələrinə ciddi təsir göstərib. Aprel ayından bəri daxili bazarda qiymətlər artmaqdadır. Bu halda idxal qiymətləri 1,1 faiz azalıb, ixrac qiymətləri isə 5,2 faiz artıb. Cari ilin əvvəlindən ixrac qiymətləri daha yüksək sürətlə artır. Bu, mübadilə məzənnələrinin təsiri üzündən baş verir. Nəqliyyat avadanlığı, kompüter, elektronika və optika məhsulları seqmentində qiymətlərin daha çox artması müşahidə olunur. Ərzaq məhsulları, içkilər və tütün məmulatı seqmentində artım bir qədər aşağıdır.

Ətraflı
alternative title

Baş Nazirdən yumşalma anonsu

18:19     06-Aug-2020     1347

“Cənab Prezident, qalan 13 şəhər və rayonda yumşalma prosesləri başlanılıb. Yay fəsli nəzərə alınaraq qərara alınıb ki, insanlar çimərliklərdən istifadə edə bilərlər. Əsas məqamlardan biri də ondan ibarətdir ki, SMS icazə, icaze.e-gov.az portalı vasitəsilə tərk etmək sistemi ləğv olunduqdan sonra şəxslər sərbəst hərəkət edə bilirlər”. Bunu avqustun 6-da Prezident İlham Əliyevin ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirdiyi müşavirədə Baş Nazir Əli Əsədov deyib. Baş Nazir bildirib ki, növbəti yumşalma proseslərinə də hazırlıq gedir: “Onu da məruzə etmək istəyirəm ki, vəziyyətin yaxşılaşma istiqamətində inkişaf etdiyini nəzərə alaraq, Operativ Qərargah yaxın zamanlarda bir sıra yumşalma proseslərinə də hazırlıq işləri görür. Bununla əlaqədar, bildirmək istəyirəm ki, insanlarımız maska və sosial izolyasiya rejiminə, sanitar-epidemioloji qaydalara hələ uzun müddət riayət etməlidir. O cümlədən həkimlərin və sanitar-epidemioloji qurumların tövsiyəsinə əsasən, açılmaqda olan obyektlərin fəaliyyəti üzrə bizim tərəfimizdən lazım olan bütün təlimatlar hazırlanıb. Buna nəzarət üçün xüsusi qruplar və qurumlar ayrılıb. Əhali və sahibkarlar da bilməlidir ki, həmin qaydalara çox ciddi şəkildə riayət olunmalıdır və buna xüsusi nəzarət ediləcək”.

Ətraflı
alternative title

COVID-19: Avropada vəziyyət pisləşir

18:16     06-Aug-2020     1423

“Yoluxma misli görünməmiş dərəcədə artır”. Fransa Səhiyyə Nazirliyinin rəhbərliyi son 24 saat ərzində qeydə alınan yoluxanların sayını belə xarakterizə edib. Yeni aşkarlanan virusdaşıyıcılarının sayı 1700-ə yaxınlaşıb. QALANEWS bu barədə “Euronews”a istinadla xəbər verir. Hakimiyyət orqanları bütün tədbirləri görürlər ki, təkrar karantin tətbiq etmək lazım gəlməsin. Lakin bu səylər davam edən epidemiyanın miqyasına hələ ki, təsir etmir. Bütün kurort şəhərlərində məcburi maska taxılması tətbiq edilib, Paris meriyası da oxşar qərarları qəbul etməlidir: sakinləri arasında populyar məhəllələrdə və Sena çayı sahillərində sosial məsafənin saxlanmasına az adam riayət edir. Qonşu İspaniyada da vəziyyət analojidir, burada da yoluxanların sayı iki ay bundan əvvəl izolyasiya tədbirlərinin götürüldüyü andan rekord səviyyəyə çatıb. İberiya krallığının paytaxt regionunda sanitar-epidemioloji vəziyyət və Balear adalarında baş verənlər daha çox narahatlıq doğurur. Böyük Britaniya ötən həftə İspaniyadan qayıdanlar üçün məcburi karantin tətbiq edib. Lakin tədbirlər regional səviyyələrdə də görülür. Lesterdə qüvvədə olan karantinin ardınca iki həftə ərzində analoji məhdudiyyətlər Şotlandiyanın Aberdin şəhərinin sakinləri üçün reallığa çevriləcək. Almaniyada COVID-19-a yoluxanların sayının 214 mini keçib. Burada federal hakimiyyət virusun geniş yayıldığı ölkələrdən qayıdan bütün səyahətçilərin üzərinə virusdaşıyıcılığın yoxlanması üçün analiz vermək öhdəliyi qoyub. Bundan başqa, hakimiyyət orqanları Belçikaya bütün səfərləri təxirə salmağı xahiş edir, çünki Antverpendə COVID-19 epidemiyasının geniş ocağı əmələ gəlib.

Ətraflı
alternative title

“Lavanguardia” qəzeti: “Ermənistan başa düşməlidir ki, Azərbaycanın səbri tükənməz deyil”

18:13     06-Aug-2020     1352

İspaniyanın qocaman nəşrlərindən biri olan “Lavanguardia” qəzetində Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyevin İspaniyanın EFE informasiya agentliyinə verdiyi müsahibə “Azərbaycanın səbri tükənməz deyil” sərlövhəsi ilə dərc edilib. AZƏRTAC xəbər verir ki, Azərbaycan Prezidentinin köməkçisi bu müsahibədə Ermənistanla sərhəddə yaranmış vəziyyəti şərh edib. Hikmət Hacıyev qeyd edib ki, rəsmi Bakı Ermənistanla münaqişənin danışıqlar yolu ilə həllinin tərəfdarıdır. Bu halda Azərbaycan Respublikasının ermənilər tərəfindən işğal edilmiş Dağlıq Qarabağ bölgəsinin və ona bitişik yeddi rayonun, BMT Təhlükəsizlik Şurasının qətnamələrində müəyyən edildiyi kimi hökmən işğaldan azad edilməsi nəzərdə tutulur. Hikmət Hacıyev vurğulayıb: “Əks halda Azərbaycan BMT Nizamnaməsinin 51-ci maddəsinə uyğun olaraq öz ərazi bütövlüyünü qorumaq və sərhədlərinin toxunulmazlığını təmin etmək hüququnu saxlayır”. O xəbərdarlıq edib ki, erməni silahlı qüvvələrinin Azərbaycanın işğal edilmiş ərazilərində qeyri-qanuni hərbi iştirakı qabaqcadan söylənilə bilməyəcək potensial nəticələr riskinin mənbəyidir”. Hikmət Hacıyev həmin müsahibəsində deyib: “Ermənistan münaqişənin həllində maraqlı deyil, o, indiki status-kvonu möhkəmlətməyə və onun müddətini uzatmağa çalışır”. Prezidentin köməkçisi vurğulayıb ki, Azərbaycan münaqişənin dinc yolla nizamlanmasının tərəfdarıdır. O deyib: “Otuz ilə yaxındır ki, biz danışıqlar prosesində iştirak edirik. “Strateji təmkin” adlandırıla biləcək bu fakt ölkəmizin məsələyə konstruktiv münasibətinin parlaq nümunəsidir. Lakin biz nəticə əldə edilməsinə yönəlmiş məzmunlu danışıqların tərəfdarıyıq”. H.Hacıyev xəbərdarlıq edib ki, Bakı danışıqlar xatirinə danışığa getməyəcək, danışıqlar əbədi davam edə bilməz, çünki “indiki status-kvo yolverilməzdir və dəyişməlidir”. “Azərbaycanın səbri tükənməz deyil”, - deyən H.Hacıyev vurğulayıb ki, işğal hərbi cinayətlərlə və insanlığa qarşı cinayətlərlə, etnik təmizləmələr müşayiət olunub. Münaqişə nəticəsində 1 milyondan çox azərbaycanlı qaçqın və məcburi köçkün vəziyyətinə düşüb. Prezidentin köməkçisinin sözlərinə görə, Ermənistan başa düşməlidir ki, XXI əsrdə beynəlxalq münasibətlər cəngəlliklər qanunu ilə nizamlana bilməz. İyulun 12-dən başlayaraq Azərbaycan-Ermənistan sərhədinin Tovuz rayonu istiqamətində atəşkəs rejiminin vaxtaşırı pozulmasına, azərbaycanlı hərbi qulluqçuların və bir nəfər dinc sakinin həlak olmasına gəldikdə isə, H.Hacıyev bu hadisələri qətiyyətlə “qəsdən törədilmiş provokasiya”, “Azərbaycanın suverenliyinə və ərazi bütövlüyünə qarşı təcavüz” adlandırıb. Onun fikrincə, Yerevan bu hərəkətləri etməklə bir neçə məqsəd güdür. Onun bir məqsədi qlobal neft-qaz və nəqliyyat layihələrinin Azərbaycanın şimal-qərbində Tovuz rayonunda yerləşən strateji infrastrukturuna ziyan vurmaqdır. H.Hacıyev bildirib ki, Ermənistan rəhbərliyinin daha bir məqsədi Ermənistanda ictimai rəyi daxili problemlərdən, amanabənd sosial-iqtisadi vəziyyətdən, müxalifətçilərin təqib edilməsindən və COVID-19 pandemiyasından yayındırmaq idi. Hikmət Hacıyev sonda diqqətə çatdırıb ki, Ermənistan Kollektiv Təhlükəsizlik Müqaviləsi Təşkilatını bu münaqişəyə cəlb etməyə çalışıb. Azərbaycan Prezidentinin köməkçisi vurğulayıb: “Azərbaycan ordusu bütün hücumları dəf etdi və Yerevan öz məqsədlərinin heç birinə nail olmadı”.

Ətraflı
alternative title

TBMM sədri: “Doqquz millət vəkilində koronavirus aşkarlanıb”

18:11     06-Aug-2020     1670

Türkiyə Böyük Millət Məclisinin sədri Mustafa Şentop koronavirusa yoluxan millət vəkilləri və personalın sayı barədə açıqlama verib. Bu barədə “HaberGlobal” məlumat yayıb. “Hazırda parlamentin personalında 32 nəfər evdə, iki nəfər də xəstəxanada müalicə alır. Dünən də bir yeni yoluxma halı aşkarlanıb. Evdə müalicə alan millət vəkillərinin sayı beş, xəstəxanadakıların sayı isə dörddür”, - deyə M.Şentop bildirib.

Ətraflı
image title here

Some title