Loading alternative title

MƏDƏNİYYƏT

  • alternative title

    Mədəniyyət Nazirliyi ictimaiyyətə müraciət edib

    Mədəniyyət Nazirliyi ictimaiyyətə müraciət edib. AZƏRTAC xəbər verir ki, müraciətdə ölkəmizdə, bütün sahələrdə olduğu kimi, dövlət rəhbərliyinin yüksək diqqət və qayğı göstərdiyi mədəniyyət sahəsində də kompleks və sistemli islahatların həyata keçirilməsi günün tələbi olduğu qeyd edilir. Bildirilir ki, Azərbaycan xalqının zəngin mədəni və mənəvi irsinin qorunması, təbliği, ölkəmizdə mədəniyyət sahəsinin bütün istiqamətlərinin inkişaf etdirilməsi Prezident İlham Əliyevin və Birinci vitse-prezident Mehriban Əliyevanın daim diqqətindədir. İslahatların və görüləcək işlərin daha keyfiyyətli və səmərəli olmasını təmin etmək üçün mədəniyyətin müxtəlif sahələrində fəaliyyət göstərən təşkilatlar və fərdlərin iştirakı ilə məsləhətləşmələrin aparılması və sahəvi inkişaf proseslərində onların rəy və təkliflərinin nəzərə alınması planlaşdırılır. Bu məqsədlə aşağıdakı suallar ətrafında rəy və təklifləri info@creative.az e-mail ünvanına göndərmək nazirlik tərəfindən xahiş olunur. 1. Mədəniyyət sahəsində siyasət və idarəetmədə gözləntiləriniz nədir? 2. Mədəni irsin mühafizəsi və inkişafı ilə bağlı hansı təklifləriniz vardır? 3. Mədəniyyət sahəsində yerli və beynəlxalq təbliğatın gücləndirilməsi üçün nə kimi yenilikləri təklif edərdiniz? Mədəniyyət Nazirliyi rəy və təkliflərin mədəniyyət sahəsində gələcək uğurlarımız üçün əhəmiyyətli olduğunu düşünür.

    Ətraflı   16:50     06-Aug-2020     1394
  • alternative title

    “YARAT” uşaqlar üçün növbəti dəfə virtual sərgi açacaq

    “YARAT” Müasir İncəsnət Məkanının təşkilatçılığı ilə bu həftənin şənbə və bazar günləri uşaqlar üçün “Virtual Artım” sərgisi həyata keçirəcək. Layihə çərçivəsində uşaqlara yeni sərgi ilə tanış olmaq, öz robot- avatarlarını yaratmaq, habelə əsərlərini hazırlayıb, izləyicilərlə bölüşmək şansı veriləcək. Qeydiyyat və virtual məkanın tətbiqindən istifadə barəsində məlumat üçün 0502469292 nömrəsinə bazar ertəsindən cümə gününə kimi saat 10:00-18:30-dək müraciət etmək olar. Layihənin moderatoru Mina Abbasovadır.

    Ətraflı   16:49     06-Aug-2020     1481
  • alternative title

    Almaniya öz vətəndaşlarının Türkiyəyə gedişinə məhdudiyyətləri ləğv edib

    Almaniyanın federal hakimiyyət orqanları ölkə sakinlərinin Türkiyədə populyar turizm istiqamətlərinə səfərləri barədə məhdudiyyətləri ləğv edib. Bundan əvvəl Türkiyənin Antalya, Muqla, İzmir və Aydın bölgələrinə səfərlər qadağan edilmişdi. İndi isə, Almaniya hökuməti həmin rayonları səyahətlər və istirahət üçün nisbətən təhlükəsiz hesab edir. Bununla belə, turistlər Aİ-yə, öz vətənlərinə qayıdandan sonra koronavirus testlərinin nəticələrini təqdim etməli olacaqlar. Testləri Türkiyə otellərində cəmi 25 dollara vermək olar və onun nəticələri 48 saat müddətində etibarlıdır. Bu qərar Türkiyə və AFR hökumətləri arasında müvafiq danışıqlardan sonra qəbul edilib.

    Ətraflı   14:43     06-Aug-2020     1866
  • alternative title

    Gürcüstanın turizm gəlirləri 80 faiz azalacaq

    Qlobal pandemiya Gürcüstanın turizm sektoruna mənfi təsir göstərib. Ölkənin turizmdən builki gəlirləri 2019-cu illə müqayisədə 80 faiz azalacaq. Bu barədə Gürcüstan Milli Bankının prezidenti Koba Qvenetadze məlumat verib. Onun sözlərinə görə, bu göstərici turizm gəlirlərinin ilin qalan hissəsi üçün minimal olacağı ehtimalı ilə proqnoz edilir. O, bu rəqəmin dəyişəcəyini də istisna etməyib.

    Ətraflı   14:41     06-Aug-2020     2731
  • alternative title

    Vyana şəhərində keçirilən festivalda “Min bir gecə“ baleti nümayiş olunub

    Avropada klassik musiqinin beşiyi sayılan Vyana şəhərində ilin bütün mövsümlərində müxtəlif səpkili mədəniyyət tədbirləri, festivallar, konsert və tamaşalar təşkil olunur. Onların sırasında Vyana Şəhər Bələdiyyəsi önündə açıq havada təşkil olunan Vyana Film Festivalının özünəməxsus yeri var. Bələdiyyə meydanında quraşdırılmış böyük ekranda dünyanın müxtəlif ölkələrində istehsal olunmuş opera və balet tamaşalarından tutmuş klassik, caz və digər janrlarda ifa olunan konsertlər nümayiş olunur. Builki festivalda ilk dəfə olaraq təşkilatçılar Azərbaycan klassik musiqisinə müraciət ediblər. Festival çərçivəsində avqustun 5-də görkəmli Azərbaycan bəstəkarı Fikrət Əmirovun “Min bir gecə“ baleti nümayiş olunub. Tamaşa həm melodiya rəngarəngliyi, həm də səhnə tərtibatına görə tamaşaçılarda böyük maraq oyadıb. Qeyd edilməlidir ki, festivalda təqdim olunan “Min bir gecə” baleti ötən il Bakıda Heydər Əliyev Sarayında Rusiyanın məşhur “Kreml baleti” teatrının quruluşunda təqdim olunub. İyulun 4-dən sentyabrın 6-dək davam edən Vyana Film Festivalının xüsusiyyətlərindən biri də Bələdiyyə meydanında qurulan kulinariya köşkləridir. Milli və beynəlxalq mətbəxin təqdim olunduğu həmin köşklər sayəsində festivala gələnlər həm musiqidən, həm də ləzzətli təamlardan zövq ala bilirlər.

    Ətraflı   13:02     06-Aug-2020     1997
  • alternative title

    Respublika Gənclər Kitabxanası “Toğrul Nərimanbəyovun rənglər dünyası” adlı videoçarx hazırlayıb

    Cəfər Cabbarlı adına Respublika Gənclər Kitabxanası “Toğrul Nərimanbəyovun rənglər dünyası” adlı videoçarx hazırlayıb. Kitabxanadan bildirilib ki, videoçarx “Instagram” və “facebook” sosial şəbəkələri üzərindən geniş istifadəçi auditoriyasına təqdim edilib. Videoçarxda Toğrul Nərimanbəyovun bir sıra kədərli hadisələr, repressiyalar, məhdudiyyətlər və ayrılıqlarla müşayiət olunan uşaqlıq illəri, əzmkarlıq, zəhmət ilə çizilən gənclik illəri haqqında məlumatlar öz əksini tapıb. Hazırlanan çarxda görkəmli rəssamın mənzərə, portret, monumental boyakarlıq, illüstrasiya və teatr rəssamlığı kimi müxtəlif sahələrdə yaratdığı parlaq əsərlər mövzu və janr rəngarəngliyi, estetik kamilliyi və özünəməxsus üslubu ilə fərqlənməsinə dair nümunələr gətirilib. Bundan əlavə, materialda istedadlı fırça ustasının həm də opera ifaçısı olması, klassik operalardan, xüsusilə İtaliya bəstəkarlarının əsərlərindən ariyaları peşəkar səviyyədə ifa etməsi də vurğulanıb. Videoçarxda Toğrul Nərimanbəyovun təltif edildiyi mükafatlar haqqında da məlumat verilib. Sözügedən videoçarxda rəssamın əsərləri, həmçinin də özünün şəxsi foto şəkilləri və videomaterialları da yer alıb.

    Ətraflı   12:46     06-Aug-2020     1139
  • alternative title

    Qubada “Xalçaçılığın təbliği, mədəni və maddi irsinin qorunması” mövzusunda təlimlər keçirilib

    “Xalça Dünyası Assosiasiyası” İctimai Birliyi “Xalçaçılığın təbliği, mədəni və maddi irsinin qorunması” mövzusunda təlimlərin təşkili layihəsini davam etdirir. Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi və Mədəniyyət Nazirliyinin tərəfdaşlığı ilə icra edilir. Quba rayonunda icra olunan layihə çərçivəsində qədim və unudulmaqda olan xalça naxışları, xalçaların daranması, iplərin seçilməsi və yuyulması, xalçaların qayçılanması, xalçalara ilmə vurma, xalçaların toxunduğu dəzgahlar və onlarla iş texnikasının qurulması, xalçaların toxunma qaydaları mövzularında nəzəri və praktiki təlimlər keçirilib. Təlimlərdə layihə rəhbəri, Azərbaycanın ilk sahibkar qadını, Əməkdar mədəniyyət işçisi Fatimət Ağamirzəyeva bildirib ki, xalçaçılıq sənətinin xanımlar arasında təbliğ edilməsi və nəsillərə ötürülməsi bu qədim sənətin yaşadılması deməkdir. "Regionda və ucqar kəndlərdə sahibkarlığın inkişafına stimul vermək məqsədi ilə layihə iştirakçılarına peşə sahibi, peşəyə yiyələnməklə yanaşı, həmçinin bu sənətə sahib olmaqla gəlir əldə etmək imkanı qazandırmaq əsas vəzifəmizdir.

    Ətraflı   12:45     06-Aug-2020     1488
  • alternative title

    Bəxtiyar Vahabzadə yaradıcılığı Türkiyənin ədəbiyyat portalında

    Türkiyənin erikagacioyku.com (“Alça ağacı”) ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində Azərbaycanın Xalq şairi Bəxtiyar Vahabzadənin türk dilinə tərcümə edilmiş “Şəhidlər”, “Bilə bildiyin qədər” kimi şeirlərinin yayımına başlayıb. 2015-ci ildən fəaliyyət göstərən portal bu ilin iyun ayından başlayaraq Dövlət Tərcümə Mərkəzi ilə əməkdaşlıq çərçivəsində Azərbaycan ədəbiyyatının aparıcı nümunələrini işıqlandıran “Azərbaycan ədəbiyyatı” bölməsini açıb. Bölməyə yerləşdirilmiş şeirlər Bəxtiyar Vahabzadənin yaradıcılığı haqqında geniş məlumatla təqdim edilir. Bölmənin, klassik Azərbaycan ədəbiyyatı ilə yanaşı, müasir Azərbaycan ədəbiyyatı nümunələrini də mütəmadi olaraq işıqlandıracağı nəzərdə tutulur.

    Ətraflı   17:00     05-Aug-2020     4441
  • alternative title

    Üçüncü ANİMAFİLM-in müsabiqə iştirakçıları bəlli olub

    Üçüncü ANİMAFİLM Beynəlxalq Animasiya Festivalının seçim komissiyası müsabiqə proqramına daxil edilmiş animasiya filmləri və ssenarilərin siyahısını elan edib. Mədəniyyət Nazirliyindən bildirilib ki, seçim komissiyası 58 müxtəlif ölkədən 433 müraciətə baxaraq 146 əsəri müsabiqə proqramına daxil edib. Festivalda yerli və beynəlxalq 13 kateqoriya var. İştirakçıların tam siyahısı festivalın rəsmi saytında dərc olunub: www.animafilm.az “Bu il ən çox müraciət yenə ABŞ-dan daxil olub. İngiltərə, Kanada və Fransa həmişəki kimi aktiv olublar. Müraciətlərin sayı ötən ilə nisbətən iki dəfə artıb. Həmçinin, Azərbaycandan bu il müsabiqəyə 20-yə yaxın film, 40-a yaxın ssenari göndərilib. Bu, çox sevindiricidir və onu göstərir ki, Azərbaycanda animasiya kinosu dirçəlməyə başlayır”, – bu sözləri festivalın direktoru Rəşid Ağamalıyev deyib. Bütün seçilmiş filmlər və ssenarilər beynəlxalq münsiflər heyəti tərəfindən baxılacaq və qaliblər 2020-ci ilin oktyabrın 18-də 3-cü ANİMAFİLM festivalının bağlanış mərasimində elan olunacaq. Xatırladaq ki, builki ANİMAFİLM-in milli kateqoriyalarının qaliblərini möhtəşəm mükafatlar gözləyir. ANİMAFİLM festivalı Fransanın Azərbaycandakı səfirliyi və Fransız İnstitutunun (İFA) tərəfdaşlığı və Annecy Animasiya Filmləri Beynəlxalq Festivalının dəstəyi ilə "Ən yaxşı Azərbaycan qısametrajlı animasiya filmi" kateqoriyası üzrə yeni mükafat təsis edib. Builki ANİMAFİLM festivalının qalibi 2021-ci ildə Fransada keçiriləcək Annecy Beynəlxalq Animasiya Film Festivalında iştirak edəcək və MİFA adlı peşəkar akkreditasiya alacaqdır. Qalibin bütün səyahət və yaşayış xərcləri İFA tərəfindən qarşılanacaq. ANİMAFİLM festivalı "Qısametrajlı animasiya filmi üçün ən yaxşı Azərbaycan ssenarisi" kateqoriyası üzrə qalibə də yeni mükafat təqdim etmək üçün Avropa İttifaqının Azərbaycandakı nümayəndəliyi ilə əməkdaşlıq edir. Builki ssenari qalibinin mükafatı qiymətli fotokamera olacaq. Xatırladaq ki, 3-cü ANİMAFİLM festivalı oktyabrın 14-dən 18-dək Bakı şəhərində keçiriləcək. Builki festivalın mövzusu Fransız animasiyasına həsr olunub. Festival Azərbaycan Respublikası Mədəniyyət Nazirliyi, Azərbaycan Kinematoqrafçılar İttifaqı, Çex Respublikasının Azərbaycandakı səfirliyi, Fransanın Azərbaycandakı səfirliyi, Azərbaycandakı Fransız İnstitutu, “Nizami” Kino Mərkəzi, “Mücrü” nəşriyyatı, Barat Abdullayev və digər tərəfdaş və sponsorların dəstəyi ilə keçiriləcək.

    Ətraflı   16:59     05-Aug-2020     4140
  • alternative title

    Tacikistan portalı Azərbaycan Əlifbası və Azərbaycan Dili Günü ilə əlaqədar yazı dərc edib

    Tacikistanın millat.tj portalında Azərbaycan Əlifbası və Azərbaycan Dili Günü haqqında geniş yazı yer alıb. Tacik dilində çap olunan yazıda Azərbaycan dilinin formalaşması, xalqın etnogenezi haqqında ətraflı məlumat verilir. Yazıda bildirilir ki, ilk dəfə Azərbaycan dili dövlət dili səviyyəsinə Səfəvilər dövlətinin banisi Şah İsmayıl Xətai tərəfindən qaldırılıb. Həm də şair olan Şah İsmayıl Xətai fars dili ilə yanaşı türk (Azərbaycan) dilində də şeirlər yazıb. Böyük Azərbaycan şairləri Məhəmməd Füzuli və İmadəddin Nəsimi də bu dildə böyük əsərlər yaradıb. Məqalədə vurğulanır ki, cəmi 23 ay yaşayan Azərbaycan Xalq Cümhuriyyətinin dövlət dili də Azərbaycan dili olub. Sovet dövründə Azərbaycan dilinin heç bir statusu olmayıb. Ancaq 1956-cı il avqustun 21-də ölkədə dövlət dilinin Azərbaycan dili olması haqqında Qanun qəbul edilib. Bildirilir ki, hələ keçmiş SSRİ dövründə Heydər Əliyevin Azərbaycana rəhbərlik etdiyi dövrdə dilimizin qorunması və saxlanması istiqamətində böyük işlər görülüb. Vurğulanır ki, müstəqillik illərində Azərbaycan dili yenidən Dövlət dili elan edilib. 2001-ci il avqustun 1-də isə Azərbaycanda yenidən latın qrafikasına keçilib və bu işdə ulu öndər Heydər Əliyevin böyük rolu olub. O vaxtdan avqustun 1-i Azərbaycan Əlifbası və Azərbaycan Dili Günü kimi qeyd edilir.

    Ətraflı   16:56     05-Aug-2020     4071
  • alternative title

    Gənclər Kitabxanası Milli Qəhrəman Mübariz İbrahimov haqqında virtual kitab sərgisi hazırlayıb

    Cəfər Cabbarlı adına Respublika Gənclər Kitabxanası fəaliyyət göstərdiyi uzun illər ərzində Ermənistan-Azərbaycan Dağlıq Qarabağ münaqişəsi mövzusuna xüsusi diqqət ayırıb, bu sahədə gəncləri maarifləndirməyi ən mühüm vəzifəsi hesab edib. Bu məqsədlə kitabxananın sosial şəbəkələrində Fəxrəddin Cəbrayılov, Şükür Həmidov, Salatın Əsgərova, Albert Aqanurov, Fərid Əhmədov, Yuriy Kovolyov, Şahlar Şükürov, Aqil Məmmədov və başqaları haqqında videoçarxlar hazırlayaraq sosial şəbəkə istifadəçilərinə təqdim edilib. AZƏRTAC xəbər verir ki, bu gün də kitabxana Azərbaycanın Milli Qəhrəmanı Mübariz İbrahimov haqqında virtual kitab sərgisi hazırlayıb. Virtual sərgi kitabxananın sosial şəbəkələr üzərindən həyata keçirdiyi “Tariximizin qəhrəmanlıq imzası” layihəsi çərçivəsində təşkil olunub. Virtual kitab sərgisində Mübariz İbrahimovun həyatı, döyüş yolu, qəhrəmancasına həlak olması, hətta səngərdən ailəsinə yazdığı məktub belə öz əksini tapıb. Bundan əlavə Azərbaycanın qəhrəman oğlu haqqında qələmə alınan 15-dən çox kitab da sərgidə yer alıb. Gənclərdə hərbi vətənpərvərlik ruhunun yüksəldəlməsinə, izləyicilərimizi Azərbaycanın Milli qəhrəmanı haqqında məlumatlandırmağa yönəldilmiş bu virtual kitab sərgisi qısa müddət ərzində öz ətrafında kifayət qədər geniş izləyici auditoriyası toplayıb. Cəfər Cabbarlı adına Respublika Gənclər Kitabxanasının “Əfsanəvi qəhrəman” adlı virtual kitab sərgisi ilə bu link vasitəsilə tanış ola bilərsiniz: https://www.instagram.com/p/CDLn0PPhqMo/

    Ətraflı   16:54     05-Aug-2020     4174
  • alternative title

    İstiqlal Muzeyinin əməkdaşları beynəlxalq vebinarda iştirak ediblər

    İkinci Dünya müharibəsində Qələbənin əldə olunmasının 75-ci ildönümü münasibətilə Rusiya Federasiyası Böyük Vətən müharibəsi muzeyinin təşkilatçılığı ilə “Açıq mədəniyyət – təhsil forumu “Qələbə” mövzusunda beynəlxalq vebinar keçirilib. AZƏRTAC xəbər verir ki, Rusiya, Belarus, Tatarıstan və Ermənistan muzeylərinin iştirakı ilə keçirilən vebinarda İstiqlal Muzeyinin direktoru vəzifəsinin səlahiyyətlərini müvəqqəti icra edən Sədi Mirseyibli və baş mühafiz Aida Axundova da iştirak ediblər. Vebinarda II Dünya müharibəsinə həsr edilmiş ekspozisiyalar ətrafında elmi müzakirələr aparılıb. Qeyd edək ki, Azərbaycan İstiqlal Muzeyi 2018-ci ilin dekabrında Böyük Vətən müharibəsi muzeyi ilə əməkdaşlıq barədə memorandum imzalayıb və həmin memorandum çərçivəsində İkinci Dünya müharibəsi ilə əlaqədar muzeydə müxtəlif tədbirlər təşkil edilir.

    Ətraflı   16:53     05-Aug-2020     401
  • alternative title

    Madriddə Bonapartın gizli tunelini ziyarətçilərə açmaq niyyətindədirlər

    Madrid meri Xose Luis Martines-Almeyda Bonapart tunelinin bərpası və açılışı üzrə planın yenilənməsi barədə təklifi şəhər şurasına təqdim edib. Bu təklif bəyəniləcəyi təqdirdə Madrid sakinləri və turistlər şəhərin indiyədək bağlı qalan bu görməli yerini ilk dəfə olaraq görmək imkanı əldə edəcəklər. İspaniya KİV-ləri xəbər verir ki, tunelin bərpası və açılışı üzrə planın təsdiqlənməsinə bir neçə dəfə cəhd göstərilsə də, indiyə qədər ondan istifadə olunmayıb. Tunelin 55 metr uzunluqda böyük hissəsi öz əvvəlki zahiri görkəmini saxlayıb, lakin bəzi hissələri 2011-ci ildə yenilənib. Bundan başqa, tunel maraq doğuran mədəniyyət obyekti statusuna malik deyil. Bildirilir ki, layihəyə təqribən 500 min avro ayırmaq nəzərdə tutulub. Bundan məqsəd isə 2020-2021-ci illərdə planlaşdırılan Kral Kolleksiyası Muzeyinin açılışından əvvəl tuneli şəhər sakinləri və qonaqlar üçün əlçatan etməkdir. Vandalizmdən yarana biləcək ziyanın və insanların bir yerə toplanmasının qarşısını almaqdan ötrü ziyarətçilərin sayının məhdudlaşdırılması sxemindən istifadə etmək nəzərdə tutulur.

    Ətraflı   16:52     05-Aug-2020     1095
  • alternative title

    Respublika Kinematoqrafçılar İttifaqı Milli Kino Günü ilə bağlı kino xadimlərinə pul mükafatları təqdim edib

    Azərbaycan Respublikası Kinematoqrafçılar İttifaqının İdarə Heyəti 2 avqust - Milli Kino Günü ilə bağlı bir sıra kino xadimlərinə pul mükafatları təqdim edib. Bu barədə Azərbaycan Respublikası Kinematoqrafçılar İttifaqının mətbuat xidmətinin rəhbəri Əli Vəliyev məlumat verib. Bildirib ki, bu il 60 yaşları tamam olan Əməkdar incəsənət xadimi Ayaz Salayev və kinorejissor Şamil Əliyevə yubileyləri münasibətilə Milli Kino Günündə pul mükafatları təqdim edilib. Bununla yanaşı, ittifaqın rəsmisi bildirib ki, Milli Kino Günü ilə bağlı kino veteranları olan Əməkdar incəsənət xadimi Leyla Səfərova, Əməkdar mədəniyyət işçisi Rəfiqə Budaqlı, Əməkdar mədəniyyət işçiləri Şahin Qalabəyov və Akif Rüstəmov, kinorejissor Zamin Məmmədov və veteran Ədalət Yunusova da pul mükafatları verilib. Əli Vəliyev daha sonra qeyd edib ki, Respublika Kinematoqrafçılar İttifaqı İdarə Heyətinin hər il təqdim etdiyi “Milli Kino” mükafatı isə pandemiya ilə bağlı olaraq sentyabr ayında açıqlanacaq.

    Ətraflı   16:51     05-Aug-2020     355
  • alternative title

    “Mənim yay tətilim-2020” rəsm müsabiqəsi davam edir

    Mədəniyyət və Təhsil nazirlikləri, “Azərbaycan Televiziya və Radio Verilişləri” Qapalı Səhmdar Cəmiyyəti, Xətai Rayonu İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Könüllülər ili” çərçivəsində rəssamlıq istedadı olan məktəblilərin yay istirahətlərinin səmərəli keçməsi və tətil ərzində diqqətini çəkən hadisələri öz düşüncələri ilə tabloda əks etdirmək bacarıqlarını inkişaf etdirmək məqsədilə elan edilən “Mənim yay tətilim-2020” Respublika Uşaq Rəsm Müsabiqəsi davam edir. AZƏRTAC xəbər verir ki, müsabiqəyə qeydiyyat bu il oktyabrın 15-dək aparılacaq. Qeydiyyat üçün www.xsm.az saytında tədbirlər bölümündəki “Mənim yay tətilim-2020” və ya http://xsm.az/site/menimyaytetilim2020/ linkinə daxil olub 1 və ya 2 əsərin fotosunu daxil etməklə göstərilən anketi doldurmaq tələb olunur. Seçim iki yaş kateqoriyası üzrə (12 yaşa qədər, 12-17 yaşarası) keçiriləcək. Ən çox uşaqların öz duyğu və düşüncələri ilə işlənmiş əsərləri seçiləcək. Seçim zamanı müəllifin yaşı nəzərə alınmaqla düzgün kompozisiya, rəng seçimi və ideya əsas götürüləcək. Birinci turdan keçmiş əsərlərin müəllifləri sərgidə nümayiş olunmaq üçün Xətai Sənət Mərkəzinə dəvət olunacaqlar. Müsabiqənin münsiflər heyətinin seçimi ilə razı olmayanlar (müəllim, valideyn və şagird) seçimlərin elan olunduğu vaxtdan sonra 3 iş günü ərzində xsm.2016@mail.ru adresinə müraciət edə bilərlər. Təşkilat komitəsi münsiflər heyətinin seçimi ilə razılaşmayan iddiaçılar üçün əvvəlcədən gün təyin edəcək, müəyyən zaman müddətində iddiaçı Xətai Sənət Mərkəzinə dəvət olunacaq və ona peşəkarların nəzarəti altında yeni rəsm çəkməklə öz bacarığını nümayiş etdirməyə imkan yaradılacaq. Sərgidə nümayiş üçün seçilən işlərin müəllifləri diplomla və fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunacaqlar.

    Ətraflı   16:08     04-Aug-2020     5056
  • alternative title

    “YARAT” uşaqlar üçün virtual sərgi açıb

    “YARAT” Müasir İncəsənət Məkanının təşkilatçılığı ilə uşaqlar üçün “Virtual Artım” sərgisi açılıb. Layihə çərçivəsində uşaqlara yeni sərgi ilə tanış olmaq, öz robot- avatarlarını yaratmaq, habelə əsərlərini hazırlayıb, izləyicilərlə bölüşmək şansı verilib. Moderatoru Mina Abbasova olan layihə hər həftənin şənbə və bazar günləri təşkil olunur. Qeydiyyat və virtual məkanın tətbiqindən istifadə barəsində məlumat üçün 0502469292 nömrəsinə bazar ertəsindən cümə gününə kimi saat 10:00-18:30-dək müraciət etmək olar.

    Ətraflı   16:06     04-Aug-2020     5866
  • alternative title

    Ölkəmizdə könüllülük fəaliyyəti şaxələnir

    Ölkə rəhbərliyi tərəfindən son dövrlərdə aparılan işlər və mədəniyyətə ayrılan misilsiz qayğının nəticəsi olaraq gənclərimizin sözügedən sahəyə artan diqqətin şahidi oluruq. Mövcud kontekstdə ölkəmizdə sürətlə inkişaf edən könüllülük fəaliyyəti də xüsusi olaraq vurğulanmalıdır. Bu məqsədlə Mədəniyyət üzrə Elmi-Metodiki və İxtisasartırma Mərkəzi “2020-ci ilin “Könüllülər ili” elan edilməsi haqqında” Azərbaycan Respublikası Prezidentinin Sərəncamının icrasına pandemiya dövründə xüsusi fəallıq göstərmiş regionlarda çalışan gənc mədəniyyət könüllüləri ilə görüş təşkil edib. Gədəbəy rayonu Heydər Əliyev Mərkəzində baş tutan tədbiri giriş sözü ilə açan mərkəzin elmi katibi Cavid Əliyev bildirib ki, ötən ildə mərkəz tərəfindən keçirilən mədəni-kütləvi tədbirlərdə, yarışlarda, sərgilərdə, müsabiqələrdə, təqdimatlarda, eləcə də digər maarifləndirici tədbirlərdə gənc mədəniyyət işçiləri və tələbələr könüllü olaraq fəal iştirak ediblər. Qeyd edilib ki, görüşün təşkilində əsas məqsəd pandemiya dövründə mədəniyyət və incəsənət sahələrində çalışanlar arasında könüllülük fəaliyyətinin inkişafı, səmərəliliyin artırılması, müxtəlif sahələrin potensiallarının səfərbər olunması, müəssisələrarası əməkdaşlıq əlaqələrinin möhkəmləndirilməsidir. Həmçinin, pandemiya dövründə xüsusi fəallıq göstərmiş gənc mədəniyyət könüllülərinin mükafatlandırılmasıdır. Mərkəzin şöbə müdiri Nurəddin Babazadə pandemiya dövründə yerli və beynəlxalq könüllülük fəaliyyətini müqayisəli təhlil etdi, nöqsan və üstünlüklər, peşəkarlıq və peşə etikasının formalaşmasında könüllülüyün rolu haqqında məlumat verib. Mədəniyyət və incəsənət sahələrində çalışan gəncləri, xüsusən, bu dövründə könüllülük fəaliyyətində fəal olmağına çağırıb. Tədbirin təşəbbüskarı olan Gədəbəy rayonun Heydər Əliyev Mərkəzinin direktoru Pərviz Bayramov rəhbərlik etdiyi ideoloji müəssisənin fəaliyyəti, habelə rayonun mədəniyyət könüllülərinin həyata keçirdiyi tədbirlər və digər təşəbbüslər barədə ətraflı məlumat verib. Gədəbəy Aşıq Məktəbinin direktoru Etibar Əliyev məktəbin fəaliyyətindən bəhs edib. Öz növbəsində çıxış edən Gədəbəy rayonunun mədəniyyət könüllüləri sahəyə göstərilən diqqət və qayğıya görə ölkə rəhbərliyinə öz təşəkkürlərini bildiriblər. Sonda Mədəniyyət könüllüləri Nicat Nəsibova, Fatimə Əmiraslanovaya, Nəhayət Mustafayevə, Sübhan Xıdırzadəyə, Muraz Süleymanova və Narın Məmmədhəsənovaya ictimai fəallığına görə Mədəniyyət üzrə Elmi-Metodiki və İxtisasartırma Mərkəzinin sertifikatları təqdim olunub. Görüşün sonunda Mədəniyyət üzrə Elmi-Metodiki və İxtisasartırma Mərkəzinin direktoru, mədəniyyət sahəsində könüllülük fəaliyyətinin koordinatoru Asif Usubəliyev çıxış edərək gənc mədəniyyət könüllülərini və digər fəal gənclərin də gələcəkdə könüllülük hərəkatına qoşulacağına və Azərbaycan dövlətinin milli maraqları naminə ümumi işə töhfə verəcəklərinə əminliyini ifadə edib. Direktor bildirib ki, keçən il mərkəzin sayəsində könüllülər sırasına Lənkəran Dövlət Universitətinin, Azərbaycan Dövlət Pedaqoji Universitetinin Şamaxı filialının, Gəncə Dövlət Universitetinin, Azərbaycan Dövlət Mədəniyyət və İncəsənət Universitetinin, Bakı Xoreografiya Akademiyasının, Bakı Humanitar kollecinin tələbələri də qoşulub. Vurğuladı ki, öz tarixini, mədəniyyətini, mənəviyyatını tədqiq və təbliğ edən hər bir şəxsi könüllü adlandırmaq olar. Eyni zamanda bundan sonra regionlardan fəaliyyət göstərən Mədəniyyət könüllülərin vəsiqə və sertifikatların məhz regionun Heydər Əliyev mərkəzlərində təqdim olunacağı barədə məlumat verib. Qeyd edək ki, tədbirdə Mərkəzin əməkdaşları və könüllülərlə yanaşI, bir sıra Heydər Əliyev Mərkəzlərinin direktorları da iştirak ediblər.

    Ətraflı   16:05     04-Aug-2020     5045
  • alternative title

    “Hər kitab bir dünyadır” layihəsi davam edir

    Bakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin 2 nömrəli filialı "Hər kitab bir dünyadır" layihəsinə davam edir və Azərbaycanın Xalq yazıçısı İlyas Əfəndiyevin yaradıcılığına müraciət edərək "Dağlar arxasında üç dost" əsəri haqqında videoçarx hazırlayıb. AZƏRTAC xəbər verir ki, videoçarxda yazıçının həyat yolu və zəngin yaradıcılığı haqqında geniş məlumat əksini tapıb. Azərbaycan ədəbiyyatının görkəmli nümayəndəsi, böyük dramaturq, Əməkdar incəsənət xadimi, Xalq yazıçısı İlyas Əfəndiyev yaradıcılığı nəinki özünün yaşadığı dövrün ictimai, siyasi, sosial, mədəni, mənəvi problemlərini daim diqqətlə saxlayıb, həm də xeyli hallarda psixoloji gərilmələr və kataklizmlərlə müşayiət olunan məsələlərə yeni ideya-axtarış istiqamətlərində fərqli rakurslardan münasibət sərgiləyib. Məhz bu keyfiyyətinə görə onun yaradıcılığının müasirlik düşüncəsində daim yer alacağı şübhə doğurmur. İlyas Əfəndiyev yaradıcılığı çoxşaxəlidir. Belə ki, o, yaradıcılığı dövründə hekayələr, əmək qəhrəmanları haqqında oçerklər, irihəcmli pyeslər və romanlar, dramaturji cəhətdən bir-birindən fərqli olan səhnə əsərləri yazıb-yaradıb. Məhz bu kontekstdən İlyas Əfəndiyev bütün sovet məkanında öz dövrünün ən görkəmli və məhsuldar yazıçısı kimi dəyərləndirilib. İlyas Əfəndiyevin xarici ölkələrin teatrlarında səhnələşdirilən dramaturgiya nümunələri də az deyildir. Ədibin ayrı-ayrı əsərləri türk, fars, rus, alman, ingilis, fransız, bolqar, çex və digər dillərə tərcümə edilib. Onun yaradıcılığı təkcə nəsr və dramaturgiya nümunələri ilə məhdudlaşmır. O, bədii yaradıcılığın mühüm sənətkarlıq məsələlərinə, yazıçı fərdiyyətinə, dil, üslub problemlərinə, dram əsərlərinin səhnə təcəssümünə dair qiymətli məqalələrin, onlarla publisistik yazının müəllifidir. Videoçarxa aşağıdakı keçidlərdən baxa bilərsiniz: https://m.facebook.com/story.php?story_fbid=2770831523203137&id=100008289486457 https://www.instagram.com/p/CDYuSUDBLQv/?igshid=baox90lqyxaa

    Ətraflı   16:03     04-Aug-2020     5163
  • alternative title

    Maestro Niyazinin xatirəsi anılıb

    Azərbaycan dirijoru və bəstəkarı, SSRİ Xalq artisti, Azərbaycan və SSRİ Dövlət mükafatları laureatı, C.Nehru adına Beynəlxalq Mükafat laureatı, Sosialist Əməyi Qəhrəmanı, Hacıbəyovlar nəslinin parlaq nümayəndəsi Maestro Niyazinin vəfatından 36 il ötür. Bununla əlaqədar Azərbaycan Musiqi Mədəniyyəti Muzeyi və Niyazinin Mənzil Muzeyinin əməkdaşları Fəxri xiyabanda görkəmli sənətkarın məzarını ziyarət edib, üzərinə güllər qoyublar. Niyazinin Azərbaycan incəsənətinin çiçəklənməsi yolunda zəngin fəaliyyəti müasir mədəniyyət tariximizin parlaq səhifəsini təşkil edir. Milli dirijorluq məktəbinin formalaşması və az vaxtda böyük inkişaf yolu keçməsi bilavasitə onun adı ilə bağlıdır. Dirijor Niyazi bütün həyatı boyu Azərbaycan musiqisində yaranmış yeni əsərlərin təbliğində, beynəlxalq aləmdə şöhrət qazanmasında müstəsna xidmətlər göstərmişdi. Bəstəkar Niyazi Azərbaycan musiqisində bitkin və dolğun məzmunlu simfonik əsərlərin müəllifi kimi də milli simfonizmin təşəkkülünə dəyərli töhfələr vermişdi. Onun “Xosrov və Şirin” operası, “Rast” simfonik muğamı, “Çitra” baleti və onlarla irili-xırdalı əsərləri musiqi xəzinəmizin dəyərli inciləridir. Maestro Niyazinin əziz xatirəsi Azərbaycan xalqı, sənətsevər insanlar tərəfindən həmişə hörmətlə yad ediləcək.

    Ətraflı   15:22     03-Aug-2020     5164
  • alternative title

    Dövlət Rəsm Qalereyasının “+5C” adlı yeni virtual layihəsi davam edir

    Azərbaycan Dövlət Rəsm Qalereyasının “+5C” adlı yeni virtual layihəsi davam edir. Qalereyadan bildirilib ki, sənətsevərlər layihənin növbəti proqramında da xüsusi karantin rejimi və sosial izolyasiya şəraitində Azərbaycan incəsənətini əhatə edən onlayn bilik yarışmasında iştirak etməklə yanaşı, həm də 5 suala cavab verib, hədiyyə də qazanıblar. Virtual layihəyə Azərbaycan Dövlət Rəsm Qalereyasının ınstagram (@azgallery.az) sosial media hesabı vasitəsilə qoşulub, iştirak etmək mümkündür. Yarışda iştirak etmək istəyən şəxslər qeydiyyat üçün 077-717-33-37 “whatsapp” nömrəsi ilə əlaqə saxlaya bilərlər.

    Ətraflı   15:21     03-Aug-2020     5480

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 16:52     06-Aug-2020     2143
  • alternative title 16:46     06-Aug-2020     2168
  • alternative title 15:44     06-Aug-2020     2832
  • alternative title 14:29     06-Aug-2020     2528
  • alternative title 12:03     06-Aug-2020     3085
image title here

Some title