Loading alternative title

İDMAN

  • alternative title

    WRC mövsümünün finalı Monza ralli şousu çərçivəsində keçirilə bilər

    WRC (dünya ralli çempionatı) mövsümünün finalı 1978-ci ildən məşhur italyan trasında hər il təşkil edilən Monza ralli şousu çərçivəsində keçirilə bilər. Builki tədbirin dekabrın 3-6-da təşkili planlaşdırılır. QALANEWS xarici KİV-lərə istinadla xəbər verir ki, pandemiya ilə bağlı bəzi mərhələlərin ləğvindən sonra təqvimdə yalnız yeddi yürüş qalıb. WRC promouterləri təqvimə ən azı bir əlavə mərhələ daxil etməyi planlaşdırırlar. Belə ki, Monzadan əlavə, Xorvatiyada da yarışın təşkili variantı nəzərdən keçirilir. Monza ralli şousu dünya çempionatı təqviminə daxil edilməsə belə, yarış WRC komandaları üçün ənənəvi şou formatında təşkil olunacaq.

    Ətraflı   17:43     17-Sep-2020     710
  • alternative title

    “Fiorentina” klubu heyətinə yeni futbolçu cəlb edib

    “Fiorentina” klubu heyətinə yeni futbolçu cəlb edib. İtaliya təmsilçisi “İnter”in yarımmüdafiəçisi Borxa Valero ilə müqavilə imzalayıb. Otuz beş yaşlı oyunçu “Fiorentina”ya azad agent kimi qoşulub. Müqavilənin detalları açıqlanmayıb. Qeyd edək ki, B.Valero 2012-2017-ci illərdə də “Fiorentina”da oynayıb. O, ötən mövsüm “İnter”də 25 matçda 3 qol vurub.

    Ətraflı   17:41     17-Sep-2020     670
  • alternative title

    MBA-da ən yaxşı gənc basketbolçuların rəmzi heyəti açıqlanıb

    Milli Basketbol Assosiasiyasının (MBA) müntəzəm çempionatının nəticələrinə əsasən mövsümün debütant oyunçularının rəmzi heyəti açıqlanıb. QALANEWS xəbər verir ki, mövsümün ən dəyərli gənc basketbolçusu adını alan “Memfis”in oyun qurucusu Ca Morantla yanaşı, siyahıda onun komanda yoldaşı Brendon Klark, “Mayami”dən Kendrik Nann, “Nyu Orlean”dan Zayon Uilyams və “Qolden Steyt”dən Erik Paskall da yer alıblar. İkinci rəmzi beşlikdə isə “Mayami”də Tayler Hirro, “Toronto”dan Terrens Devis, “Çikaqo”dan Kobi Uayt, “Şarlott”dan Pi Cey Vaşinqton və “Vaşinqton”dan Ryu Xaçimura qərarlaşıblar.

    Ətraflı   17:39     17-Sep-2020     1612
  • alternative title

    “Zirə” futbolçusu George Antonla yollarını ayırıb

    Bakının “Zirə” klubu futbolçusu George Antonla yollarını ayırıb. QALANEWS kluba istinadla xəbər verir ki, 27 yaşlı moldovalı yarımmüdafiəçi ilə müqaviləyə qarşılıqlı razılaşma əsasında xitam verilib. Qeyd edək ki, G.Anton 2020-ci əvvəlində “Zirə”yə keçmişdi.

    Ətraflı   17:37     17-Sep-2020     1421
  • alternative title

    Azərbaycan və Qazaxıstan şahmatçıları arasında yoldaşlıq görüşünə start verilib

    Azərbaycan və Qazaxıstan şahmatçıları arasında yoldaşlıq görüşünə start verilib. AZƏRTAC xəbər verir ki, onlayn turnirdə hər iki ölkənin 16 yaşadək oğlan və qız şahmatçıları mübarizəyə qoşulub. “Lichess.org” platforması vasitəsilə keçirilən oyunları beynəlxalq qrossmeyster Nicat Abasov şərh edir.

    Ətraflı   17:36     17-Sep-2020     461
  • alternative title

    Millimiz FIFA reytinqində irəlilədi

    Futbol üzrə Azərbaycan milli komandası Beynəlxalq Futbol Federasiyasının (FIFA) reytinqindəki mövqeyini yaxşılaşdırıb. Xəbər FIFA-nın rəsmi saytında dərc edilib. Canni De Byazinin yetirmələri UEFA Millətlər Liqasının qrup mərhələsində Kipr üzərində qazandıqları qələbə (1:0) sayəsində dünya sıralamasında iki pillə irəliləyərək 112-ci yerdə qərarlaşıblar. Yığmamız 1 179 xal toplayıb. Qeyd edək ki, reytinqin ilk üç pilləsində Belçika (1 773), Fransa (1 744) və Braziliya (1 712) qərarlaşıb.

    Ətraflı   15:20     17-Sep-2020     1314
  • alternative title

    Rəqib futbolçunu vuran Neymarın cəzası məlum oldu

    Fransanın PSJ klubunun ulduz futbolçusu Neymar iki oyunluq diskvalifikasiyaya və bir oyunluq şərti cəzaya layiq görülüb. Bu barədə Fransanın peşəkar futbol liqası məlumat yayıb. Xatırladaq ki, 28 yaşlı braziliyalı hücumçu futbol üzrə Fransa çempionatının II turunda evdə “Marsel”lə matçda rəqib oyunçu Alvaro Qonsalesi vurub. Qarşılaşma “Marsel”in 1:0 hesablı qələbəsi ilə yekunlaşıb. Neymardan başqa, dörd oyunçu da qırmızı vərəqə ilə cəzalandırılıb.

    Ətraflı   15:13     17-Sep-2020     1368
  • alternative title

    “Neftçi”nin sabiq türkiyəli futbolçusu “Qalatasaray”la oyuna proqnoz verdi - VİDEO

    “Neftçi”nin sabiq türkiyəli futbolçusu Levent Kartop oyuna proqnoz verib. Hazırda Türkiyə Super Liqası klubu “Dənizlispor”da köməkçi məşqçi işləyən 41 yaşlı Kartop “Qalatasaray”ın bu gün qalib gələcəyini bildirib: “Qalatasaray”ı bu matçda favorit görürəm. “Cim-Bom”un 1:0 qalib gələcəyini düşünürəm. Yaxşı oynayan bu matçdan qalib ayrılar. Hər iki komandaya da uğurlar arzulayıram”. “Neftçi”nin sabiq yarımmüdafiəçisi keçmiş komandası haqda da danışıb: “Neftçi” Azərbaycanın köklü klublarından biridir. Bu klubun formasını geyindiyim üçün fəxr edirəm. Yeni gənc baş məşqçiləri var. İnşallah, qələbə qazanan dostluq olar. Kim mərhələni keçsə, bundan sonra da həmin komandaya azarkeşliyimizi davam etdirəcəyik. Bütün “Neftçi” sevərlərə və Azərbaycan xalqına sevgilərimi göndərirəm”. Qeyd edək ki, Levent Kartop 2008/2009 mövsümünün ilk yarısında “Neftçi”də oynayıb.

    Ətraflı   15:05     17-Sep-2020     1711
  • alternative title

    Niderlandda doğulmuş millimizin futbolçusu ilə müqavilə bağlandı

    “Sabah” futbol klubu futbolçu Ozan Kökçü ilə yeni müqavilə bağlayıb. Klubun rəsmi saytının verdiyi xəbərə görə, anlaşmaya əsasən gənc yarımmüdafiəçi 2023-cü ilə kimi Bakı komandasının uğurları üçün çalışacaq. Qeyd edək ki, Niderland doğumlu Ozan Kökçü ötən ilin yayından “Sabah”ın üzvüdür. U-21 millimizin də şərəfini qoruyan yarımmüdafiəçi “Sabah”da 19 oyun keçirib, bir qola imza atıb. Onun klubla əvvəlki müqaviləsi 2021-ci ilin yayında başa çatırdı.

    Ətraflı   14:56     17-Sep-2020     1375
  • alternative title

    İsveçli qapıçı “Qarabağ” üzərində qələbəni ölmüş atasına həsr etdi

    Norveçin “Molde” klubunun qapıçısı Andreas Linde “Qarabağ”la oyunda penaltilər seriyasından danışıb. 27 yaşlı isveçli futbolçu UEFA Çempionlar Liqasının III təsnifat mərhələsində Kiprin Larnaka şəhərində “Qarabağ” üzərində qələbənin memarı olub. Qolsuz başa çatan matçda onun penaltilər seriyasında Bədəvi Hüseynovun zərbəsini dəf etməsi sayəsində “Molde” nüfuzlu turnirdə yoluna davam edib. O, Norveç mətbuatına açıqlamasında bu haqda danışıb: “Qarışıq duyğular keçirirəm. Yolumuza davam etmək istəyirdik. İsti hava şəraitində görüşün əlavələrə uzanması işimizi çətinləşdirdi. Buna görə bütün komanda yoldaşlarım tərifəlayiqdirlər. Rəqibin altıncı penaltisi zamanı bir az arxayın idim. Çünki zərbələrin sayını itirmişdim və onun həlledici olub-olmadığını bilmirdim. Yalnız zərbəni dəf etdikdən sonra komanda yoldaşlarım mənə tərəf qaçdıqları zaman qələbə qazandığımızı başa düşdüm. İnanılmaz sevinc və rahatlıq hissi keçirdim. Həmin penalti karyeramın ən vacib qurtarışı idi”. Andreas Linde bu qələbəni 14 yaşı olarkən vəfat edən atasına həsr edib: “Bilirəm ki, atam hər gün, eyni zamanda meydanda olduğum zaman məni izləyir. “Qarabağ”la matçda da onun arxamda olduğunu hiss etdim. Bu, mənim üçün çox şey deməkdir və belə vəziyyətlərdə əlavə dəstəyim olur”.

    Ətraflı   14:42     17-Sep-2020     483
  • alternative title

    Azərbaycanlı Xalq artistinin arvadı xəstəxanaya yerləşdirildi

    Azərbaycanın Xalq artisti Yusif Eyvazovun arvadı, vokal ifaçısı Anna Netrebko xəstəxanaya yerləşdirilib. Bu barədə Rusiyanın Xalq artisti “Instagram” hesabında yazıb. Ona koronavirusdan yaranan pnevmoniya diaqnozu qoyulub. “Artıq beş gündür ki, koronavirus pnevmaniyası ilə xəstəxanadayam və tezliklə sağalacam. Test nəticəm neqativ çıxsa da, xəstələndiyimi hiss edən kimi özümü təcrid etdim. Vaxtında xəstəxanaya gəldim və hazırda mənə kömək edirlər”, - deyə o, qeyd edib. Netrebko eyni zamanda, əlavə edib ki, onun ərində anticism aşkar edilib, oğlunun vəziyyəti də yaxşıdır.

    Ətraflı   14:37     17-Sep-2020     622
  • alternative title

    Sosial məsafəni qoruyan alman komandası 37 qol buraxdı - VİDEO

    Almaniyada keçirilən futbol qarşılaşmasında unikal hesab qeydə alınıb. Bu barədə “Match TV” məlumat yayıb. “Ripdorf/Moltsen II” klubu “Holdenştedt”lə qarşılaşmada 0:37 hesabı ilə məğlub olub. Bu cür hesabın qeydə alınması məğlub komandanın sosial məsafə qaydasını gözləməsi ilə ortaya çıxıb. Belə ki, qarşılaşmadan əvvəl “Holdenştedt”in oyunçularının koronavirusa yoluxmuş şəxslə əlaqədə olduğu bildirilib. “Ripdorf” qarşılaşmanın təxirə salınmasını istəsə də, bu tələb qəbul edilməyib. Əksinə klub meydana çıxmayacağı halda böyük məbləğdə cərimələnməklə təhdid edilib.

    Ətraflı   14:35     17-Sep-2020     466
  • alternative title

    Teymur Rəcəbov onlayn şahmat akademiyası açdı

    Azərbaycanlı qrossmeyster Teymur Rəcəbov öz onlayn şahmat akademiyasını yaradıb. “Sputnik Azərbaycan” xəbər verir ki, o, akademiyaya tanınmış şahmat mütəxəssislərini cəlb edib. Onlayn akademiyanın müəllimləri T. Rəcəbovla yanaşı, tanınmış şahmat məşqçiləri Vladimir Çuçelov (Belçika) və İqor-Aleksandr Natafdır. Hər iki qrossmeyster uzun müddətdir T. Rəcəbovla işləyir və ona ən böyük beynəlxalq yarışlara hazırlaşmağa kömək edir. Rəcəbov qeyd edir ki, layihəsinin missiyası hər evə şahmat gətirməkdir: “Missiyamız bütün dünyada şahmatı inkişaf etdirmək və hər evə gətirməkdir. Ən yüksək səviyyədə şahmat oynamaqda misilsiz təcrübəyə sahibik, məşqçilərimiz və qrossmeysterlərimiz Çuçelov və Nataf uzun illərdir dünyanın ən yaxşı şahmatçıları ilə gündəlik işləyirlər”. Dərslər oktyabr ayının əvvəllərində başlayacaq.

    Ətraflı   14:19     17-Sep-2020     1274
  • alternative title

    “Qarabağ”ın Avropa Liqasındakı iki potensial rəqibi bilindi

    Azərbaycan çempionu “Qarabağ”ın UEFA Avropa Liqasının pley-off mərhələsində qarşılaşacağı potensial rəqiblərin ikisinin adına aydınlıq gəlib. Bunlar UEFA Çempionlar Liqasının II mərhələsində uduzmuş Bolqarıstan çempionu “Ludoqorets” və Albaniya çempionu “Tirana”dır. Digər doqquz potensial rəqibin adına sentyabrın 24-də UEFA Avropa Liqasının III təsnifat mərhələsi çərçivəsində keçiriləcək görüşlərdən sonra aydınlıq gələcək. Lakin Ermənistanın “Ararat-Armeniya” komandasının bu gün II təsnifat mərhələsində əvvəlcə Lüksemburq, gələn həftə Sloveniya çempionunu məğlub edərsə, “Qarabağ”la düşməyəcəyi dəqiqdir. Həmçinin Ağdam klubu pley-offda artıq cari mövsüm Çempionlar Liqasında qalib gəldiyi Şimali Makedoniya və Moldova çempionları ilə yenidən qarşılaşa bilər. “Sarayevo” (Bosniya və Herseqovina) – “Astana” (Qazaxıstan)/“Buduçnost” (Monteneqro) “Şerif” (Moldova) – “İnter” (Andorra)/“Dandalk” (İrlandiya) “Ararat-Armeniya” (Ermənistan)/“Fola” (Lüksemburq) – “Selye” (Sloveniya) “Riqa” (Latviya)/“Tre Fiori” (San Marino) – “Seltik” (Şotlandiya) “Kuopio” (Finlandiya)/“Slovan” (Slovakiya) – “Suduva” (Litva) “Leqiya” (Polşa) – “Sileks” (Şimali Makedoniya)/“Drita” (Kosovo) “Klasksvik” (Farer adaları) – “Kona” (Uels)/“Dinamo” (Tbilisi, Gürcüstan) “Yurqorden” (İsveç)/“Yuropa” (Cəbəllütariq) – ÇFR (Rumıniya) “Linfild” (Şimali İrlandiya)/“Floriana” (Malta) – “Flora” (Estoniya)/“Reykyavik” (İslandiya) Qeyd edək ki, püşkatma mərasimi sabah keçiriləcək.

    Ətraflı   14:17     17-Sep-2020     1521
  • alternative title

    “Neftçi” bu gün “Qalatasaray”la qarşılaşır

    “Neftçi” bu gün UEFA Avropa Liqasının II təsnifat mərhələsində matça çıxacaq. Rəqib bu turnirin əvvəlki sələfi sayılan UEFA Kubokunu 20 il əvvəl qazanmış Türkiyənin “Qalatasaray” klubudur. Hər 30 ildən bir “Neftçi” ilə qarşılaşan “Qalatasaray” 1960 və 1990-cı illərdə qalib gələ bilməyib. Həmin dövrdə o qədər də güclü olmayan 22 qat Türkiyə çempionu və 18 qat Türkiyə kubokunun qalibi “Qalatasaray” 60 ildən sonra ilk dəfə Bakıda oyun keçirəcək. “Neftçi” – “Qalatasaray” cütünün qalibinin növbəti mərhələdəki rəqibi də bu gün bilinəcək. Bakılılar turu adlasa, “Renova” (Şimali Makedoniya) – “Xayduk” (Xorvatiya) duelində üstün olan komandanı qəbul edəcək.

    Ətraflı   12:21     17-Sep-2020     1362
  • alternative title

    Rəqibin üzünə tüpürən futbolçunu ağır cəza gözləyir

    PSJ-nin argentinalı yarımmüdafiəçi Anxel Di Maria Fransa çempionatının üçüncü turunda “Marsel”ə qarşı keçirilən oyunda yol verdiyi hərəkətə görə diskvalifikasiya oluna bilər. Bu barədə “Daily Mail” agentliyi məlumat yayıb. Qeyd olunur ki, hücumçu rəqib klubun müdafiəçisi Alvaro Qonsalesin üzünə tüpürdüyünə görə altı oyun yaşıl meydanlardan kənarda qala bilər. Anxel Di Marianın rəqib futbolçuya qarşı yol verdiyi hərəkət oyunun videosuna təkrar baxdıqdan sonra müəyyən edilib. Bu hərəkət COVID-19 protokolunun kobud pozulması hesab olunur.

    Ətraflı   11:45     17-Sep-2020     528
  • alternative title

    Çempionlar Liqası: Pley-off cütləri müəyyənləşdi

    Bu gün UEFA Çempionlar Liqasında III təsnifat mərhələsi yekunlaşıb. Beləliklə, pley-offa yüksələn daha beş komanda məlum olub. Bunlar “Omoniya” (Kipr), “Ferentsvaroş” (Macarıstan), “Makkabi” (Təl-Əviv, İsrail), “Molde” (Norveç) və “Midtüllan” (Danimarka) klublarıdır. 16 sentyabr UEFA Çempionlar Liqası III təsnifat mərhələsi “Omoniya” (Kipr) – “Srvena Zvezda” (Serbiya) - 1:1 (penaltilərlə - 4:2) Qollar: Mixael Lüftner, 31 - Mirko İvaniç, 45+1 “Ferentsvaroş” (Macarıstan) – “Dinamo” (Zaqreb, Xorvatiya) - 2:1 Qollar: Gergö Lovrençiç, 2, Mürto Uzuni, 65 - Amer Qoyak, 23 “Makkabi” (Təl-Əviv, İsrail) – “Dinamo” (Brest, Belarus) - 1:0 Qol: Dan Biton, 50 (pen.) “Qarabağ” (Azərbaycan) – “Molde” (Norveç) - 0:0 (əlavə vaxt - 0:0, penaltilərlə - 5:6) “Midtüllann” (Danimarka) - “Yanq Boyz” (İsveçrə) - 3:0 Fabian Lustenberger, 51 (avtoqol), Anders Dreyer, 62, Aver Mabil, 84 Pley-off mərhələsinin cütlükləri Çempionlar yolu “Slaviya” (Çexiya) - “Midtülland” (Danimarka) “Makkabi” (Təl-Əviv, İsrail) - “Zalsburq” (Avstriya) “Olimpiakos” (Yunanıstan) - “Omoniya” (Kipr) “Molde” (Norveç) - “Ferensvaroş” (Macarıstan) Liqa yolu “Krasnodar” (Rusiya) – PAOK (Yunanıstan) “Gent” (Belçika) - “Dinamo” (Ukrayna) Qeyd edək ki, əvvəlki mərhələlərdən fərqli iki matçdan ibarət pley-offun ilk oyunları sentyabrın 22-23-də, cavab qarşılaşmaları 29-30-da keçiriləcək.

    Ətraflı   11:38     17-Sep-2020     375
  • alternative title

    “Qarabağ” penalti seriyasında məğlub oldu, Çempionlar Liqası ilə vidalaşdı

    Azərbaycan təmsilçisi “Qarabağ” klubu bu gün futbol üzrə UEFA Çempionlar Liqasında növbəti matçına çıxıb. Ağdam təmsilçisi Norveçin “Molde” klubu ilə qarşılaşıb. Kiprdə baş tutan qarşılaşmanın əsas vaxtında hesab açılmayıb. Qalibi müəyyənləşdirmək üçün oynanılan yarım saat da məhsuldar olmayıb. Oyunun taleyi penalti seriyası ilə müəyyənləşib. Gərgin keçən penalti seriyası “Molde”nin qələbəsi ilə bitib. “Qarabağ” – “​Molde” - 0:0 (Penaltilər seriyası - 5:6)

    Ətraflı   11:26     17-Sep-2020     550
  • alternative title

    Füzuli Məmmədov: “Qalatasaray”ın güclü və zəif tərəflərini bilirik”

    Avropa Liqasının II təsnifat mərhələsində keçiriləcək “Neftçi” – “Qalatasaray” oyunundan öncə keçirilən mətbuat konfransında “ağ-qaralar”ın baş məşqçisi Füzuli Məmmədov jurnalistlərin suallarını cavablandırıb. O, əvvəlcə sabahkı matç barədə fikirlərini bildirib: - Kimə qarşı oynayacağımızı bilirik. Rəqibin səviyyəsi bəllidir və bu barədə çox danışmağa ehtiyac yoxdur. “Qalatasaray”ı lazımi qədər analiz edib, futbolçulara fikirlərimizi çatdırmışıq. Oyunu gözləyirik. Meydana çıxıb qələbə üçün əlimizdən gələni etməyə çalışırıq. Bir faiz də şansımız varsa, ondan maksimum istifadə etməliyik. - “Qalatasaray”ın ən güclü tərəfi yarımmüdafiənin irəli hissəsi və hücum xəttidir. Bunu qarşılayacaq tərəf dayaq yarımmüdafiənizdir. Sizdə isə belə futbolçu yalnız bir nəfərdir... - Rəqibin güclü, zəif tərəflərini bilirik. Son oyuna görə belə düşünürsünüzsə, haqlısınız. Ancaq sabah fərqli oyun olacaq. Rəqibi analiz etdiyimizi deyiriksə, deməli, buna qarşı da planlarımız var. - Komandanı psixoloji olaraq bu “yama”dan çıxarmaq çətin deyil ki? - Düşünmürəm ki, komanda “yama”dadır. Sadəcə, son oyunu məğlub olmuşuq. Bu barədə çox danışmaq istəmirəm. Psixoloji durum çox önəmlidir. Komandanı maksimum dərəcədə hazırlamağa çalışırıq. Keyfiyyətli futbolçularımız var və oyunun mahiyyətini dərk edirlər. Belə komandalara qarşı həm milli səviyyəsində, həm klubda daha əvvəl də oynayıblar. - Fatih Terim iki görüşünüzü izlədiyinizi bildirdi. Siz rəqibin son oyununa baxmısınız? - Bəli. İzləmişik. - Bu oyunun həm sizin, həm də komandanız üçün şans olduğunu düşünürsünüzmü? - Əlbəttə, belə komandalara qarşı uğur qazanmaq tarixdir. Hər bir futbolçu da qələbə qazanmaq istəyir. - Son oyunda göründü ki, Mamadu Mbodjla aranızda problem var. Anton Krivotsyuk qırmızı vərəqə aldı və psixoloji durumunda problemlər görünür. Belə müdafiə xəttindən nə gözləyirsiz? - Yaxşı oyun gözləyirəm. Mbodjla aramızda heç bir problem yoxdur. Futbolda belə məqamlar yaşanır. Bunu öz aramızda danışmışıq. Onun səhvlərini göstərdikdən sonra tam razılaşdı. Bütün futbolçularımdan gözəl, mübariz, döyüşkən oyun gözləyirəm. - Oyuna az qalmış stadionun dəyişdirilməsi planlarınıza necə təsir etdi? - Elə də çox təsiri olmadı. Millidə olan futbolçularımız burada oynamışdı. İstənilən halda, doğma şəhərimizdəyik. Düşünmürəm ki, bu bizə problem yaradacaq. Sadəcə, meydana çıxıb oynamaq lazımdır. - Emin Mahmudovun oyunu alınanda komanda da yaxşı çıxış edir. Bu oyunla bağlı onunla xüsusi söhbətiniz olubmu? - Hər bir futbolçu komandamız üçün önəmlidir, hamısı mənə dəyərlidir. Bütün futbolçularla həm individual, həm kollektiv şəkildə danışmışıq. Peşəkar futbolçulardır və hər şeyi anlayırlar. Bu məqamları çox şişirtməyə ehtiyac yoxdur. Hamı sabahkı oyuna hazırdır. - Prins İbaranın durumu necədir? İlk dəqiqələrdən meydanda olması gözlənilir? - Tam qərarı son məşqdən sonra verəcəyik. Onun durumu ürəyimcədir.

    Ətraflı   10:50     17-Sep-2020     419
  • alternative title

    Makqreqor cinsi təcavüz barədə xəbərlərə münasibət bildirdi

    UFC döyüşçüsü Konor Makqreqor ona qarşı irəli sürülən cinsi təcavüz və intihar xəbərlərini şərh edib. İrlandiyalı döyüşçü fikirlərini öz “Facebook” səhifəsində yazıb. “Hamınız məni davamlı olaraq pis vəziyyətə qoymağa çalışırsınız, amma mən həqiqətin sayəsində hər zaman azadlıqda olacağam. Atalığıma dair xəbərlər, cinsi təcavüz, nalayiq davranış ittihamları - bütün bunlar cəfəngiyatdır”, - deyə K.Makqreqor bildirib. K.Makqreqor qeyd edib ki, onun sözlərinə inanmayanlar DNT analizlərinin nəticələrinə müraciət edə bilər. Qeyd edək ki, bəzi KİV-lər Korsika adasında istirahət edən K.Makqreqorun bir qadına cinsi təcavüz etdiyini yazmışdılar.

    Ətraflı   10:35     17-Sep-2020     490

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 15:08     21-Sep-2020     370
  • alternative title 15:06     21-Sep-2020     1334
  • alternative title 14:53     21-Sep-2020     1301
  • alternative title 14:51     21-Sep-2020     1390
  • alternative title 14:47     21-Sep-2020     1167
image title here

Some title