Loading alternative title

İDMAN

  • alternative title

    Güləş üzrə Azərbaycan çempionatını keçirmək üçün hökumətdən razılıq alına bilər

    Dekabrda keçirilməsi planlaşdırılan güləş üzrə Azərbaycan çempionatının qapalı məkanda baş tutması üçün Nazirlər Kabineti yanında operativ qərargahdan icazə alına bilər. Azərbaycan Güləş Federasiyasının prezidenti Namiq Əliyev bir sıra məsələlərlə bağlı fikirlərini səsləndirib: “Pandemiya ilə əlaqədar yarışlar təxirə salınıb. Ancaq dekabrda gənclərin (4-10 dekabr) və böyüklərin (12-20 dekabr) dünya çempionatı keçirilə bilər. Çünki təşkilatçı ölkə Serbiya Şengen ərazisi deyil və problem yaşanmayacaq. Amma Finlandiyadakı U-23-lərin dünya çempionatı (23-29 noyabr) baş tutmaya bilər. Çünki ora Şengen ölkəsidir və Azərbaycan kimi Şengen zonasına daxil olmayan ölkələrdən olan idmançılar orada karantinə alınacaq. Dünya Güləş Birliyi (UWW) bununla bağlı yekun qərarını oktyabrın 5-də keçiriləcək İcraiyyə Komitəsinin iclasında verəcək. Ola bilsin, dünya çempionatı keçirilməsə, onun əvəzinə dünyanın ən güclü 10 komandasının iştirakı ilə bir yarış keçiriləcək. Bildiyiniz kimi, Olimpiadaya təxminən 10 ay vaxt qalıb. Bu o qədər də çox deyil. Olimpiya Oyunlarına ən yüksək səviyyədə hazırlaşmalıyıq”. O, dekabrda Azərbaycan çempionatı keçirmək istədiklərini də bildirib: “Dekabrın əvvəllərində Azərbaycan çempionatı keçirməyi planlaşdırırıq. Çünki Belqraddakı dünya çempionatı üçün heyəti müəyyənləşdirməliyik. Ümumiyyətlə, biz dövlətin razılığı olmadan iş görmürük. Əgər qapalı zallarla bağlı qərar qüvvədə qalsa, tamaşaçısız olmaq şərtilə yarışı keçirmək üçün hökumətə müraciət edəcəyik”.

    Ətraflı   16:10     21-Sep-2020     232
  • alternative title

    Namiq Abdullayev vitse-prezident postunu itirə bilər

    Azərbaycan Güləş Federasiyasının prezident əvəzi Namiq Əliyev adaşı Namiq Abdullayevdən tələblərinin çox olacağını bildirib. O, təyinatla bağlı fikirlərini bölüşüb: “Bizim ona güzəşt etmək fikrimiz yoxdur (gülür). Əvvəlki məşqçilərdən nəyi tələb etmişiksə, ondan da tələb edəcəyik. Güləşdə hər zaman medallar olmalıdır. Bunun üçün dövlətimiz tərəfindən də tam dəstək alırıq”. Bundan əlavə, Namiq Abdullayev sərbəst güləşdə gənclər üzrə vitse-prezident postundan kənarlaşdırıla bilər. Buna səbəb onun sərbəst güləş üzrə millimizə baş məşqçi vəzifəsinə təyinatıdır. Bu barədə federasiyanın prezident əvəzi Namiq Əliyev məlumat verib: “Bu barədə hələ qərar verməmişik. Ola bilsin ki, artıq bu vəzifədə olmasın. Amma əgər bu işi görə bilərsə, saxlanılacaq. Hər halda bu barədə daha sonra qərar verəcəyik”.

    Ətraflı   15:19     21-Sep-2020     248
  • alternative title

    Millimizin üzvü Almaniya çempionu oldu

    Şahmat üzrə Azərbaycan millisinin üzvü Arkadi Naydiç Almaniya çempionu olub. 35 yaşlı qrossmeyster buna “OSG Baden-Baden” komandasının heyətində yiyələnib. Naydiçin komandası sonuncu - 7-ci turda heyətində Şəhriyar Məmmədyarovun da yer aldığı “Vernhaym”ı üstələyib - 4.5:3.5. Məmmədyarov son görüşdə ABŞ-ın tanınmış şahmatçısı Fabiano Karuana ilə heç-heçə edib - 0,5:0,5. Naydiç isə latviyalı İqor Kovalenkoya qalib gəlib - 1:0. Bu nəticədən sonra xallarının sayını 14-ə çatdıran “OSG Baden-Baden” çempionatda maksimum nəticə ilə qalib olub. Rəqibindən 2 xal az toplayan “Vernhaym” gümüş medal qazanıb.

    Ətraflı   15:15     21-Sep-2020     1115
  • alternative title

    Nazirlikdən Bakıda baş tutması problemə çevrilmiş yarışla bağlı RƏSMİ AÇIQLAMA

    Xəbər verdiyimiz kimi, dünən Bakıda baş tutmalı olan IFL (International Fighting League) MMA turniri təxirə salınıb. Səbəb Gənclər və İdman Nazirliyinin bu yarışı keçirməyə icazə verməməsidir. Artıq tərəflər arasında razılıq əldə olunub. Məsələ ilə bağlı Gənclər və İdman Nazirliyinin mətbuat xidmətinin rəhbəri Səmayə Məmmədova danışıb: “Təşkilatçılar bu yarışı nazirliyin Əsasnaməsi olmadan keçirirdilər. Azərbaycanda istənilən idman yarışı nazirliyin Əsasnaməsi əsasında təşkil olunmalıdır. Çünki yarışlara icazəni Gənclər və İdman Nazirliyi verir. Bu yarış isə icazəsiz keçirilirdi. Bəzi qurumlar da (Azad Əsgərovun rəhbəri olduğu Pankration, Qrapplinq və MMA Federasiyası da bura daxildir – S.M.) bu məsələyə qarışdı ki, bu yarışın keçirilməsi nə dərəcədə doğrudur?! Bu məsələ biz tərəfindən araşdırıldı və icazəsiz keçirildiyi müəyyən oldu. Ona görə də yarış dünən keçirilmədi. Artıq təşkilatçılar (qurumun prezidenti Heydər Məmmədəliyev nəzərdə tutulur – S.M.) nazirliyə dəvət olunub, onlarla danışılıb və turnirin nazirliyin Əsasnaməsi əsasında keçirilməsi barədə razılıq əldə olunub. Turnir bugünlərdə açıq hava şəraitində dövlətin qoyduğu karantin qaydalarına riayət olunmaqla keçiriləcək”. Qeyd edək ki, turnirin çəkiölçmə mərasimi və mətbuat konfransı 19 sentyabrda baş tutub.

    Ətraflı   15:13     21-Sep-2020     1329
  • alternative title

    Millimizin ilk rəsmi qələbəsinin memarı olmuş futbolçuya daha bir ağır itki

    I divizionda çıxış edən “Kəpəz” klubunun əsas komandasının məşqçisi Vidadi Rzayevə ağır itki üz verib. Gəncə klubunun “Facebook” səhifəsi məlumat verir ki, mütəxəssisin atası Vaqif Rzayev vəfat edib. Qeyd edək ki, iyulda veteran futbolçunun kiçik qardaşı Ayaz Rzayev 47 yaşında həyatını itirmişdi. Xatırladaq ki, 53 yaşlı Vidadi Rzayev Azərbaycanda “Neftçi”, “Dinamo” (Gəncə), “Turan”, “Kəpəz”, “Şəmkir”, “Qarabağ”, “Olimpik”də, xaricdə “Terek” (Rusiya), “Ərzurumspor” (Türkiyə) və “Mes” (İran) klublarında çıxış edib. “Turan”, “Neftçi”, “Kəpəz” və “Şəmkir”lə ümumilikdə beş dəfə Azərbaycan çempionu olmuş V.Rzayev 1996-cı ildə İsveçrə üzərində ilk rəsmi qələbəmizin memarı olub. O, bu səbəbdən həmin il ölkəmizdə ən yaxşı futbolçu seçilib. Vidadi Rzayev “Karvan”da baş məşqçi, “Qəbələ”də köməkçi məşqçi işləyib.

    Ətraflı   14:49     21-Sep-2020     1269
  • alternative title

    Avropa çempionatına media qeydiyyatı dayandırıldı

    Bu ilin noyabrında keçiriləcək cüdo üzrə Avropa çempionatının vaxtı dəyişdirilib. Avropa Cüdo İttifaqının saytı xəbər verir ki, 8-10 noyabr tarixlərində Çexiyanın paytaxtı Praqada keçirilməli olan Avropa çempionatının vaxtında dəyişiklik edilib. Belə ki, yarış 19-21 noyabra salınıb. Bu barədə Çexiya Cüdo Federasiyasının prezidenti Yirji Doleys və Avropa Cüdo İttifaqının çexiyalı vitse-prezidenti Mixal Vaxun məlumat yayıb. Dəyişiklik Beynəlxalq Cüdo Federasiyasının təqvimi ilə bağlıdır. Bu yarış üçün 4500 tamaşaçı üçün bilet satılıb. Qurum ümid edir ki, pandemiya ilə əlaqədar vəziyyət düzələcək və həmin azarkeşlərin yarışın keçiriləcəyi O2 Arenasına buraxılmasında heç bir problem olmayacaq. Həmçinin, media nümayəndələrinin də yarışa buraxılması sual altındadır. Bu səbəbdən KİV qeydiyyatı dayandırılıb. Situasiyadan asılı olaraq, media akkreditasiyası üçün qeydiyyat oktyabrın sonlarında elan olunacaq. Qeyd edək ki, bu il həm də Xorvatiyanın Poreç şəhərində gənclərin və 23 yaşadək cüdoçuların, eləcə də, Latviyanın paytaxtı Riqada yeniyetmələrin Avropa çempionatının keçirilməsi planlaşdırılır. İlk yarışın tarixi tezliklə təsdiqlənməlidir. İkinci yarış isə noyabrda baş tutmalıdır.

    Ətraflı   14:29     21-Sep-2020     1401
  • alternative title

    “İnter” “Barselona”nın futbolçusunu transfer etdi

    İtaliyanın “İnter” klubu İspaniya “Barselona”sının yarımmüdafiəçisi Arturo Vidalı heyətinə cəlb edib. Bu barədə Milan klubunun rəsmi “Twitter” səhifəsi məlumat yayıb. Çilili mərkəz yarımmüdafiəçisi ilə artıq rəsmi müqavilə bağlanılıb. O, 2+1 illik müqaviləyə qol çəkib. Bu transferin gələn ilə kimi müqaviləsi olan Kataloniya təmsilçisinə bir milyon avro qazandırdığı bildirilir. Klub saytı transferi yaxın saatlarda açıqlayacaq. Qeyd edək ki, Arturo Vidal “Barselona”ya 2018-ci ildə “Bayern”dən keçib. O, daha əvvəl İtaliyada dörd il “Yuventus”un şərəfini qoruyub.

    Ətraflı   14:22     21-Sep-2020     1241
  • alternative title

    Milyonluq virtual döyüş növü üzrə Azərbaycan Birinciliyi başladı

    Ölkəmizdə “Gaming League Azerbaijan”ın təşkilatçılığı ilə “Counter-Strike: Global Offensive” üzrə Azərbaycan Liqasına start verilib. Turnirin tərəfdaşı qismində məşhur “Mountain Dew” şirkəti çıxış edir. Qeyd edək ki, bu, dünyanın bir çox ölkəsində kiberidmanın inkişafına daima öz töhfəsini verən “Mountain Dew” brendi ilə ilk əməkdaşlıqdır. CS:GO Azərbaycan Liqasının reqlamenti CS:GO Azərbaycan Liqasında ümumilikdə 12 komanda iştirak edir. 1-ci, 2-ci və 3-cü divizionların hər birində 4 komanda yarışır. Hər komanda öz divizionunda püşkatma əsasında iki oyun keçirir və topladığı xallara görə ilk yeri tutmuş komanda daha yuxarı diviziona yüksəlir, divizionu sonuncu yerdə bitirmiş komanda isə aşağı diviziona düşür. Misal üçün, həftənin yekununda 2-ci divizionun qalibi 1-ci diviziona yüksəldiyi halda, 1-ci divizionun sonuncusu 2-ci diviziona enir. Beləliklə, növbəti həftədə komandalar mübarizəni öz divizionunda və ya digər divizionda davam etdirirlər. Qeyd edək ki, turnir onlayn rejimdə keçirilir və həftənin şənbə və bazar günləri GLAHUB “YouTube” kanalında canlı yayımlanır. “Counter-Strike: Global Offensive” oyunu haqqında “Counter-Strike: Global Offensive” (CS:GO) – şuter janrında komanda kompüter oyunudur. Seriyanın digər oyunlarında olduğu kimi, CS:GO oyununda da geymerlər iki komandaya bölünür: terrorçular və xüsusi təyinatlılar. Oyunun qalibi komandaların raundlar seriyasında göstərdiyi nəticələr əsasında müəyyən olunur. Dünyanın ən populyar kiberidman növlərindən olan “Counter-Strike: Global Offensive” oyununun ən nüfuzlu yarışmaları “Meycor” çempionatları (Major Championships) və “Blast Premier” turnirləridir. Əgər 2013-cü ildə keçirilmiş “DreamHack Winter 2013” turnirinin mükafat fondu 250 000 ABŞ dolları idisə, 2016-cı ildən bəri məbləğ artıq 1 000 000 ABŞ dolları təşkil edir. CS:GO üzrə daha bir böyük turnir – “Blast Premier” Liqasının 2020-ci ildə baş tutan turnirinin ümumi mükafat fondu 4 250 000 ABŞ dolları təşkil etmişdır.

    Ətraflı   14:03     21-Sep-2020     275
  • alternative title

    Serbiyalı futbolçu: “Biz “Qarabağ”dan daha istəkli idik”

    “Neftçi”nin serbiyalı mərkəz müdafiəçisi Voyislav Stankoviç “Qarabağ”la oyundan sonra klubun rəsmi saytına açıqlama verib. Rəqib qapısına vurulan ilk qolun müəllifi sevincini gizlətməyib: “Vaxt azlığına baxmayaraq, bu oyuna yaxşı hazırlaşmışdıq. Təbii ki, “Qalatasaray”la matçdan sonra psixoloji tərəfdən özümüzü toparlamaq ən vacib məsələ idi. Şadam ki, həm bunu bacarıb qələbə qazandıq, həm də qol vurdum. Mənə elə gəlir ki, biz “Qarabağ”dan daha istəkli idik, qələbəni daha çox istəyirdik. Ümid edirəm, bu qələbədən sonra qarşıdakı matçlarda daha gözəl oyun nümayiş etdirib vəziyyətimizi daha da yaxşılaşdıracağıq”. Qeyd edək ki, “Neftçi” Suraxanı səfərində “Qarabağ”a 2:1 qalib gəlməklə Ağdam komandasını turnir cədvəlinin liderliyindən salıb.

    Ətraflı   12:47     21-Sep-2020     1025
  • alternative title

    Qvardiola “Mançester Siti”dəki gələcəyi barədə danışdı

    “Mançester Siti”nin baş məşqçisi Xosep Qvardiola klubdakı gələcəyi barədə danışıb. Bu barədə “Manchester Evening News” məlumat yayıb. “Burada qalmaq istərdim, mənim üçün komandada çox yaxşıdır, ancaq qalmaq üçün buna layiq olmalıyam. Son illər klub çox yüksək səviyyəyə nail olub və çalışmağa davam etmək üçün mən komandamı bu səviyyədə dəstəkləməliyəm”, - deyə X.Qvardiola bildirib. Xatırladaq ki, təcrübəli məşqçi Mançester təmsilçisinə 2016-cı ildən rəhbərlik edir.

    Ətraflı   12:39     21-Sep-2020     1273
  • alternative title

    Türkiyədə futbolçu qaldığı otelin pəncərəsindən yıxılıb öldü

    Şotlandiyalı futbolçu Entonu Makdouell İstanbulda istirahət edən zaman faciəli şəkildə ölüb. Bununla bağlı “Metro” nəşri məlumat yayıb. “Southside United” klubunun 28 yaşlı futbolçusu keçmiş sevgilisi və onun dostu ilə Türkiyəyə istirahətə gedib. Nəşrin məlumatına görə, futbolçu gəldiyi günün səhəri naməlum şəkildə otelin pəncərəsindən yıxılaraq ölüb. Hadisənin hansı şəraitdə baş verməsi ilə bağlı araşdırmalar aparılır.

    Ətraflı   12:19     21-Sep-2020     332
  • alternative title

    Sevgilisi məşhur futbolçuya özündən 10 yaş kiçik oğlanla xəyanət edib - FOTO

    İngiltərənin “Mançester Siti” klubunun futbolçusu Kayl Volker 11 illik sevgilisi Anni Kilner tərəfindən xəyanətə uğrayıb. Haberler.com-un məlumatına görə, ötən ilin mayında Kilner Volkerin onu aldatdığını iddia etmiş və cütlük bir il ayrı qalmışdı. Ayrılıq müddətində 30 yaşlı Kilner futbolçuya xəyanət edib. Belə ki, o, 20 yaşlı Coşua Cox ilə münasibət qurub. Bir ildən sonra cütlük barışıb və Kilner Volkerin evlilik təklifini qəbul edib. Məlumatlara görə, barışdıqdan sonra Kilner Coşuadan uzaqlaşıb. Qeyd edək ki, Kilner və Volker cütlüyünün üç övladı var.

    Ətraflı   12:11     21-Sep-2020     312
  • alternative title

    İtaliya A seriyası: “Yuventus” ilk üç xalını üç qolla qazandı

    İtaliya A seriyasında ilk turun oyunları davam edir. QALANEWS xəbər verir ki, daha dörd görüş keçirilib. “Napoli” “Parma”ya qalib gəlib, “Cenoa” “Krotone”ni böyük hesabla üstələyib. “Yuventus” “Sampdoriya”nı böyük hesabla məğlub edib. İlk turun “Milan” – “Bolonya” görüşü sentyabrın 21-də keçiriləcək. İtaliya A seriyası I tur 20 sentyabr “Parma” – “Napoli” – 0:2 Qollar: Mertens, 63, İnsinye, 77 “Cenoa” – “Krotone” – 4:1 Qollar: Destro, 6, Pandev, 9, Zappakosta, 34, Pyaça, 75 – Rivyere, 28 “Sassuolo” – “Kalyari” – 1:1 Qollar: Burabia, 87 – Simeone, 77 “Yuventus” – “Sampdoriya” – 3:0 Qollar: Kuluşevski, 13, Bonuççi, 79, Ronaldo, 89

    Ətraflı   12:10     21-Sep-2020     290
  • alternative title

    Dünyanın bir nömrəli tennisçisi Novak Cokoviç “Masters” turnirinin finalına çıxıb

    Serbiyalı tennisçi Novak Cokoviç Peşəkar Tennisçilər Assosiasiyasının (ATP) “Masters” seriyasından olan turnirin yarımfinalında norveçli Kasper Ruud üzərində qələbə qazanıb. Torpaq kortda keçirilən turnirin mükafat fondu 3,85 milyon dollardır. AZƏRTAC xəbər verir ki, qarşılaşma 33 yaşlı serbiyalının 7:5 və 6:3 hesablı qələbəsi ilə nəticələnib. Novak Cokoviç turnirin final mərhələsində argentinalı Dieqo Şvartsmanla kanadalı Denis Şapovalov arasında bu gecə keçiriləcək görüşün qalibi ilə qarşılaşacaq. Novak Cokoviç hazırda ATR reytinqinin lideridir. O, 282 həftədir ki, dünyanın bir nömrəli tennisçisi titulunu əlində saxlayır (bu, tennis tarixində üçüncü göstəricidir). Serbiyalı tennisçinin aktivində “Böyük dəbilqə” seriyasında 17 qələbəsi var (bu, tennis tarixində kişilər arasında üçüncü göstəricidir): o, səkkiz dəfə Avstraliya açıq çempionatının, beş dəfə “Wimbledon” turnirinin, üç dəfə ABŞ açıq çempionatının, bir dəfə isə Fransa açıq çempionatının qalibi olub. Ümumilikdə isə ATR turnirində serbiyalı tennisçi 79 dəfə qələbə qazanıb (bu, tennis tarixində beşinci göstəricidir). O, həmçinin 2008-ci il Pekin Olimpiya oyunlarının bürünc mükafatçısıdır. İtaliyanın Roma şəhərində keçirilən turnir sentyabrın 21-də başa çatacaq. Ötən il bu turnirin qalibi ispaniyalı Rafael Nadal olmuşdu.

    Ətraflı   12:00     21-Sep-2020     1081
  • alternative title

    La Liqa: “Real” mövsümə xal itkisi ilə başladı

    İspaniya La Liqasında II turun növbəti oyunları keçirilib. Ikinci oyun günündə keçirilməli olan altı qarşılaşmadan dördü baş tutub. İlk qələbəsini qazanan “Kadis” səfərdə “Ueska”nı üstələyib. “Qranada” “Alaves”, “Betis” isə “Valyadolid”lə görüşdə ikinci qələbəsini rəsmiləşdirib. Günə “Real Sosyedad” – “Real” qarşılaşması ilə yekun vurulub. Cari mövsüm ilk oyununa San Sebastianda çıxan “kral klubu” qolsuz bərabərliklə kifayətlənməli olub. Qeyd edək ki, növbəti turun oyunları sentyabrın 25-27-də keçiriləcək. İspaniya La Liqası II tur 20 sentyabr “Ueska” – “Kadis” – 0:2 Qollar: Neqredo, 11, Pombo, 83 “Levante” – “Atletiko” – təxirə salınıb “Sevilya” – “Elçe” – təxirə salınıb “Qranada” – “Alaves” – 2:1 Qollar: Soldado, 7, Maçis, 79 – Xoselu, 22 “Betis” – “Valyadolid” – 2:0 Qollar: Fekir, 10 (pen.), Karvalyo, 18 “Real Sosyedad” – “Real” – 0:0

    Ətraflı   11:59     21-Sep-2020     331
  • alternative title

    Azərbaycan Kubokunun final matçının tarixi bəlli oldu

    Futbol üzrə Azərbaycan Premyer Liqasının və ölkə kubokunun tam təqvimi açıqlanıb. Bu barədə Peşəkar Futbol Liqası məlumat yayıb. Çempionatın sonuncu - XXVIII turu mayın 22-də olacaq. Azərbaycan Kubokunun finalı isə mayın 28-də gerçəkləşəcək. Əlavə olaraq bildirilib ki, Avrokuboklarda çıxışını davam etdirən komandalar oyunlarını təqvimdən göstərilən vaxtdan bir gün tez və ya gec keçirmək barəsində PFL-ə müraciət edə bilər. Yekun qərar vermək isə qurumun ixtiyarındadır.

    Ətraflı   11:30     21-Sep-2020     1220
  • alternative title

    Əliyar Ağayev Avropa Liqasının oyununa təyinat aldı

    Azərbaycanlı FIFA referisi Əliyar Ağayev bu mövsüm UEFA-dan ilk təyinatını alıb. 33 yaşlı beynəlxalq dərəcəli hakim Rumıniyaya yollanacaq. O, sentyabrın 24-də yerli “Styaua” və Çexiyanın “Slovan” (Liberets) komandaları arasındakı Avropa Liqasının III təsnifat mərhələsinin oyununu idarə edəcək. Ağayevə Zeynal Zeynalov və Akif Əmirəli yan xətt, Orxan Məmmədov isə dördüncü hakim qismində yardımçı olacaq. İsrailli Şmuel Şteyf hakim-inspektor, gürcüstanlı Bakar Jordaniya UEFA nümayəndəsi funksiyasını yerinə yetirəcək. Qeyd edək ki, Curcu şəhərindəki Marin Anastasoviçi adına stadionda gerçəkləşəcək qarşılaşma Bakı vaxtı ilə saat 21:30-da başlanacaq.

    Ətraflı   11:22     21-Sep-2020     258
  • alternative title

    “Tottenhem” “Real”dan iki oyunçu aldı

    “Tottenhem” heyətini yeni futbolçularla gücləndirib. QALANEWS xəbər verir ki, London klubu Madrid “Real”ından Qaret Beyl və Serxio Regilonu transfer edib. Bu barədə “Tottenhem”in rəsmi saytı məlumat yayıb. Qaret Beyl bir illik icarəyə götürülüb. Serxio Regilon isə birdəfəlik transfer olunub. 23 yaşlı ispan sol cinah müdafiəçisi yeni klubu ilə 5 illik müqaviləyə imza atıb. Qaret Beyl köhnə-yeni klubunda “9”, Regilon isə “3” nömrəli formanı geyinəcək.

    Ətraflı   10:40     21-Sep-2020     260
  • alternative title

    İkiqat Avropa çempionu Rafiq Hüseynov: Əsas hədəfimiz Olimpiya Oyunlarında medal qazanmıqdır

    Hazırda açıq hava şəraitində məşqlərimizi davam etdiririk. Sərt karantin günlərində ev şəraitində yığma komandanın məşqçilərinin verdiyi proqrama əsasən məşq edirdik. Federasiya tərəfindən bunun üçün lazım olan avadanlıq və inventarla təmin olunmuşduq. Bunu yunan-Roma güləşi üzrə dünya ikincisi və ikiqat Avropa çempionu Rafiq Hüseynov sentyabrın 19-da sərbəst və yunan-Roma güləşi üzrə yığmalarımızın açıq məşqi zamanı jurnalistlərə müsahibəsində deyib. Avropa çempionu bildirib ki, bir ay ərzində tam formaya düşəcəyimizi düşünürəm. Əsas hədəfimiz Olimpiya Oyunlarında medal qazanmıqdır. Bizim işimiz hazırlaşmaqdır. Ümid edirəm ki, Tokio Olimpiadası gələn il baş tutacaq. Əlbəttə, təxirəsalma xoşagələn hal deyil. Ancaq hamı bu vəziyyətlə üzləşib. Səbr edib, gələnilki Olimpiadanı gözləməliyik və buna səylə hazırlaşmalıyıq. Xatırladaq ki, Dünya Güləş Birliyi (UWW) dekabrın 1-dək beynəlxalq yarışların bir qismini təxirə salıb, böyük əksəriyyətini isə ləğv edib. Bunlar arasında U-15 Avropa çempionatı, yeniyetmələr və 23 yaşadək güləşçilər arasında dünya və Avropa çempionatları, eləcə də gənclər arasında qitə birinciliyi də var. Qurum oktyabrın 5-də baş tutacaq İcraiyyə Komitəsinin iclasında pandemiyanın inkişaf tempini nəzərə alaraq Serbiyada təşkil olunması nəzərdə tutulan dünya çempionatının taleyinə aydınlıq gələcək.

    Ətraflı   17:42     19-Sep-2020     520
  • alternative title

    Xüsusi olimpiyaçılar badminton yarışlarında qüvvələrini sınayacaqlar

    Sentyabrın 21-də Azərbaycan Xüsusi Olimpiya Komitəsinin təşkilatçılığı ilə badminton turniri keçiriləcək. AZƏRTAC xəbər verir ki, Şağan Olimpiya İdman Kompleksində açıq havada təşkil ediləcək yarışda xüsusi, yardımçı internatlar, sosial müəssisə və inklüziv orta məktəblərin məzunlarından ibarət komandalar iştirak edəcəklər. Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin dəstəyi ilə keçirilən turnir 2021-ci ilin beynəlxalq yarışlarına hazırlıq xarakteri daşıyır.

    Ətraflı   17:41     19-Sep-2020     524

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 15:08     21-Sep-2020     321
  • alternative title 15:06     21-Sep-2020     1302
  • alternative title 14:53     21-Sep-2020     1261
  • alternative title 14:51     21-Sep-2020     1358
  • alternative title 14:47     21-Sep-2020     1126
image title here

Some title