Loading alternative title

İDMAN

  • alternative title

    Dünya çempionatının loqosu təqdim olundu

    Sentyabrın 12-dən oktyabrın 4-dək Litvada keçiriləcək futzal üzrə dünya çempionatının embleminin təqdimat mərasimi olub. QALANEWS.COM xəbər verir ki, Litvanın paytaxtı Vilnüsdəki MO muzeyində keçirilən tədbirdə təşkilatçı ölkənin futbol federasiyasının Prezidenti Tomas Danileviçius, baş katib Edqaras Stankeviçius və FIFA-nın turnirlər üzrə rəhbəri Jayme Yarzanın salamlama nitqindən əvvəl işıq şousu altında yeni emblem təqdim olunub. Emblemdə Litvanın iki qürurverici xüsusiyyəti – təbii ehtiyatları və texnoloji təcrübəsi vurğulanıb. Litvada gücün simvolu hesab edilən palıd ağacının yarpaqlarının da təsvir olunduğu kubok Litvanın dövlət bayraqlarının rəngləri ilə bəzədilib. Landşaftın üstünlüyü isə Litvanın öz təbii irsinin qorunmasına sadiqliyinin göstəricisi kimi qeyd olunub. Xatırladaq ki, Azərbaycan millisinin də dünya çempionatında ardıcıl ikinci dəfə çıxış etmək şansı var. Komandamız ötən ilin sonlarında Bakıda vəsiqə qazandığı elit-raundun C qrupu çərçivəsində yanvarın 28-dən fevralın 2-dək Rusiya, Slovakiya və Xorvatiya ilə mübarizə aparacaq. Görüşlər Xorvatiyanın Osiyek şəhərində keçiriləcək. Qrup qalibləri birbaşa final mərhələsinə yüksələcək. İkinci pillənin sahibi olacaq dörd komanda pley-offda üz-üzə gələcək. Pley-off oyunları aprelin 9-da və 12-də ev-səfər prinsipi ilə keçiriləcək.

    Ətraflı   18:41     18-Jan-2020     1002
  • alternative title

    Kiprin futbol çempionatı hakimə sui-qəsd cəhdinə görə dayandırılıb

    Kiprin futbol çempionatının oyunu yarışın hakimlərindən birinin həyatına sui-qəsd cəhdinə görə qeyri-müəyyən müddətə təxirə salınıb. QALANEWS.COM xəbər verir ki, bu barədə Kiprin Futbol Federasiyasının mətbuat xidməti bildirib. Məlumata görə, matçın 33 yaşlı hakimi Andreas Konstantinin avtomobili minalanıb. Hüquq-mühafizə orqanlarının xəbərlərində bildirilir ki, sui-qəsd cəhdi hakimin evinin yaxınlığındakı dayanacaqda olub. Partlayışdan sonra avtomobilə ciddi zərər dəyib. Hakim özü zərər çəkməyib. Qeyd edilir ki, Andreas Konstantinə sui-qəsd cəhdi Kipr futbolunda korrupsiya və hakimlərin ələ alınması ilə bağlı yaranmış vəziyyətə reaksiya ola bilər.

    Ətraflı   11:17     18-Jan-2020     1089
  • alternative title

    Qvardiola: "Mançester Siti" məni istefaya göndərməyincə, heç yerə getməyəcəm

    "Mançester Siti"nin baş məşqçisi Xosep Qvardiola gələcək planları haqqında fikirlərini ifadə edərək vurğulayıb ki, klubu yalnız rəhbərlik tərəfindən işdən çıxarılması şərti ilə tərk edəcək. Bu barədə QALANEWS.COM xəbər verir. "Dəfələrlə demişəm - əgər "Mançester Siti" məni vəzifəmdən çıxarmasa, onda heç yerə getməyəcəyəm. Mən 100 faiz burada növbəti mövsümdə qalmağa hazırlaşıram və ona görə yox ki, biz son iki oyunu udduq və son aylar əla oynadıq. Oyunçularla işləmək xoşuma gəlir, hətta əgər hər şey pis olsa və biz Çempionlar Liqasına düşməsək, mən getməyəcəyəm”. "Menecer üçün həmişə yaxşı və pis anlar var, siz hər vaxt qalib gələ bilmərsiniz. Amma hər şey ondan asılıdır ki, biz sonra nə edə bilərik öz oyunumuzu yaxşılaşdıra bilərik", - deyə o əlavə edib. Qvardiolanın müqaviləsi 2021-ci ilin iyununa qədər nəzərdə tutulub. Onun illik maaşı 23,5 milyon avro təşkil edir. "Mançester Siti" bu gün 23-cü turun matçında "Etihad"da "Kristal Pelas"ı qəbul edəcək. Görüş Bakı vaxtı ilə saat 19:00-da başlanacaq.

    Ətraflı   11:09     18-Jan-2020     1143
  • alternative title

    Bu gün Azərbaycanın 4 klubu Antalyada yoxlama oyunu keçirəcək

    Türkiyənin Antalya bölgəsində təlim-məşq toplanışında olan Azərbaycan klublarının yoxlama oyunları davam edir. QALANEWS-un məlumatına görə, bu gün ölkə təmsilçilərindən 4-ü yoxlama matçında qüvvəsini sınayacaq. Son ölkə çemnpionu "Qarabağ" qonşu ölkədəki ilk görüşündə Rumıniya təmsilçisi “Akademika Klinçeni” ilə üz-üzə gələcək. Görüş Bakı vaxtı ilə saat 18:00-da başlayacaq. İlk oyunda Macarıstan MTK-sına 3 cavabsız qolla uduzan "Qəbələ" Rusiyanın "Çayka" komandası ilə qarşılaşacaq. Qarşılaşma Bakı vaxtı ilə saat 19-da start götürəcək. Macarıstanın digər kollektivi "Kaposvar"a məğlub olan (3:4) "Sumqayıt" isə Rumıniya "Politexnika"sı ilə üz-üzə gələcək. Oyunun Bakı vaxtı ilə saat 17:00-da başlaması nəzərdə tutulub. Nəhayət Qazaxıstan təmsilçisi "Jetisu"ya minimal hesabla uduzan (0:1) "Səbail" Ukrayna "Olimpik"i ilə münasibətlərə aydınlıq gətirəcək. Bu matç isə saat 18:00-da başlayacaq.

    Ətraflı   11:00     18-Jan-2020     959
  • alternative title

    "Neftçi"nin sabiq futbolçusu Yunanıstan klubuna keçib

    "Neftçi" klubunun sabiq futbolçusu Mateo Mujekin yeni komandası bəlli olub. QALANEWS-un məlumatına görə, 25 yaşlı xorvatiyalı müdafiəçi Yunanıstanın "AE Larissa" klubuna keçib. Xorvatiyalı oyunçu ilə 2.5 illik müqavilə imzalanıb. Qeyd edək ki, Mateo Mujek 2017-ci ilin yayında "Neftçi" ilə 2 illik müqavilə imzalayıb. Lakin paytaxt təmsilçisi 2018-ci ilin fevralında müdafiəçi ilə sözləşməni qarşılıqlı razılaşma əsasında ləğv edib.

    Ətraflı   10:34     18-Jan-2020     1106
  • alternative title

    "Raykard çalışdığım ən yaxşı məşqçidir" - Ronaldinyo

    Braziliyalı əfsanəvi futbolçu Ronaldinyo bir yerdə çalışdığı məşqçilər barəsində danışıb. QALANEWS.COM xəbər verir ki, əfsanəvi oyunçu hollandiyalı mütəxəssis Frenk Raykardı hamıdan üsütn tutub. "Raykard əla məşqçi və çox sakit insan idi. Hər şeyi bilirdi. Bizim üçün hər şeyi asanlaşdırırdı. O, mənə meydanda azadlıq verirdi. Ona görə də oyunda istədiyim hər şeyi edə bilirdim. Raykard mənim çalışdığım ən yaxşı məşqçidir". Qeyd edək ki, 2003-2008-ci illərdə "Barselona"nı çalışdırıb.

    Ətraflı   18:15     17-Jan-2020     1126
  • alternative title

    Ronaldo ağır xəstəliyə tutulub

    "Yuventus"un futbolçusu Kriştianu Ronaldu komandanın son məşqində iştirak etməyib. QALANEWS-a xəbər verir ki, buna portuqaliyalı hücumçunun xəstələnməsi səbəb olub Sinusit (burnunun selikli qişasının bir və ya bir neçə əlavə boşluqlarının iltihabı) xəstəliyinə tutulan 35 yaşlı futbolçunun İtaliya A Seriyasının 20-ci turunda "Parma"ya qarşı keçiriləcək görüşdə oynayıb-oynamayacağı da məlum deyil. Qeyd edək ki, Ronaldu daha öncə eyni səbəbdən "Udineze" ilə kubok matçında da komandasına kömək edə bilməyib.

    Ətraflı   17:59     17-Jan-2020     1184
  • alternative title

    Məşhur azərbaycanlı idman xadimi Ağsaqqallar Şurasının sədri seçildi

    Bu gün Yasamal rayon Ağsaqqallar Şurasının növbəti konfransı keçirildi. Konfransda rayonun rəsmiləri, Azərbaycan Ağsaqqallar Şurasının rəsmiləri, Yasamal rayonunun seçilən ağsaqqalları, millət vəkilləri, jurnalistlər və qonaqlar iştirak edib. Rayon İcra hakimiyyəti və ağsaqqallarının, idarə heyətinin qərarı və razılığı ilə dəyərli ağsaqqalımız, ömrünü şərəflə dövlətçiliyə xidmətə həsr etmiş, idman xadimi, ictimai fəal, Yasamal əhalisinin və dağlıların ağsaqqalı, ziyalısı və böyük nəslin başçısı Cavanşir Qurbanov Yasamal rayon Ağsaqqallar Şurasının sədri seçildi.

    Ətraflı   17:52     17-Jan-2020     1416
  • alternative title

    Ən güclülər müəyyənləşir - VİDEO

    Cüdoçular fərdi və komanda yarişinda mübarizə aparirlar Fövqəladə Hallar Nazirliyinin idman kompleksində yeniyetmə cüdoçular arasında Azərbaycan birinciliyi keçirilir. 2003-2005-ci il təvəllüdlü idmançıların mübarizə apardığı yarışda 74 klubun 592 təmsilçisi qüvvəsini sınayır. Onlardan 505-i oğlanlar, 87-i isə qızlar arasında ən güclünü müəyyənləşdirir. Ölkə birinciliyi ilk dəfə fərdi və komanda şəklində təşkil olunur. Nəticələrə gəlincə. Samir Əliquliyev, Əlihümbət Qafarov, Vüqar Talıbov, İslam Rəhimov, Vüsal Qələndərzadə, Hüseyn Dadaşov, Əli Hacıyev, Nahid İsmayılov və Məhəmməd Məmmədzadə oğlanların fərdi yarışında baş mükafata sahib çıxıb. Könül Əliyeva, Pərvanə Abdullayeva, Xumar Qasımzadə, Səbinə Qədirova, Emilya Mirzəyeva, Nigar Şahməmmədova, Fidan Əlizadə və Nərmin Əmirli qızlar arasında ölkə birincisi olub. Bu gün cüdoçular komanda yarışında qalibləri müəyyənləşdirirlər.

    Ətraflı   16:41     17-Jan-2020     841
  • alternative title

    "Barselona"nın baş məşqçisi Vidalın komandadan ayrılmasını istəməyib

    İspaniyanın "Barselona" klubunun yeni baş məşqçisi Kike Setyen komandanın futbolçusu Arturo Vidalın gələcək taleyinə aydınlıq gətirib. QALANEWS.COM-un "Mundo Deportivo"ya istinadən verdiyi məlumata görə, 61 yaşlı mütəxəssis çilili yarımmüdafiəçini komandada saxlamaq qərarı verib. O, 32 yaşlı futbolçunun digər klublara mümkün transferini əngəlləyib. Bu isə o deməkdir ki, Vidal ən azı mövsümün sonuna qədər "Barselona"da qalacaq. Qeyd edək ki, Çili millisinin üzvü 2018-ci ildə Almaniyanın "Bavariya" klubundan "Barselona"ya transfer olunub.

    Ətraflı   16:37     17-Jan-2020     1453
  • alternative title

    Yeniyetmə cüdoçuların respublika birinciliyi başa çatıb

    Hövsanda yerləşən Fövqəladə Hallar Nazirliyinin İdman Kompleksində yeniyetmə cüdoçular arasında Azərbaycan birinciliyinin komanda yarışları keçirilib. QALANEWS -un məlumatına görə, "Neftçi İK" və "Kanokan TT" komandaları bütün rəqiblərinə qalib gələrək finala çıxıblar. Gərgin və maraqlı idman mübarizəsi şəraitində keçən görüşü 4:3 hesabı ilə qalib başa vuran "Neftçi İdman Klubu"nun cüdoçuları Azərbaycan çempionu adına layiq görülüblər. "Kanokan TT" gümüş, "Aura İK" və "UGİM-13" komandaları bürünc medala sahib olublar. Qalib və mükafatçılara diplom, medal və kuboklar təqdim olunub. Xatırladaq ki, Azərbaycan Cüdo Federasiyası, Gənclər və İdman Nazirliyinin birgə təşkilatçılığı ilə keçirilən ölkə birinciliyinin komanda yarışlarında 9 klub, fərdi yarışlarda isə 74 klubdan 592 cüdoçu (505 oğlan, 87 qız) iştirak edib.

    Ətraflı   16:28     17-Jan-2020     1277
  • alternative title

    UEFA 2018-ci ilin maliyyə hesabatını açıqlayıb

    Azərbaycan premyer liqasında çıxış edən klubların 2018-ci il üzrə orta gəlirləri 3,4 milyon avro təşkil edib. Azərbaycan çempionatı bu göstəriciyə görə Avropada 28-cidir. Bu barədə UEFA-nın lisenziyalı klublar haqqında müqayisəli hesabatında bildirilib. İlk üçlükdə isə 272 milyon avro orta gəlirlə İngiltərə Premyer Liqası, 175,3 milyon avro ilə Almaniya Bundesliqası və 157,3 milyon avro ilə İspaniya La Liqası qərarlaşıb. Borclara gəlincə Azərbaycanın yüksək liqada çıxış edən 8 klubunun ümumi borcu 20 milyon avrodur. Avropada 19-cu olan bu göstəriciyə əsasən hər klubumuzun orta hesabla 2,5 milyon avro borcu var. İngiltərə Premyer Liqasında elita klublarının orta borcu 2 milyard 474 milyon, İtaliya A Seriyasında 1 milyard 808 milyon, Türkiyə Super Liqasında isə 983 milyon avro təşkil edir.

    Ətraflı   16:11     17-Jan-2020     1120
  • alternative title

    Rivaldo: "Barselona" Valverdeyə hörmətsizlik etdi"

    “Barselona”nın sabiq hücumçusu Rivaldo Kataloniya klubunu Ernesto Valverdeyə hörmətsizlik etməkdə günahlandırıb. Braziliyalı futbolçu mətbuata açıqlamasında bunları söyləyib: “Barselona” baş məşqçi dəyişikliyini düzgün şəkildə həyata keçirmədi. Onlar belə addım atmaqla Ernesto Valverdeyə qarşı hörmətsizlik etdilər. Sənin baş məşqçin varsa, başqası ilə danışıqlar aparmağın düzgün deyil. Əlbəttə, futbol həm də biznesdən ibarətdir. Amma “Barselona” kimi klubun belə vəziyyətlərdən qaçması üçün həmişə ehtiyat variantı olmalıdır”.

    Ətraflı   16:00     17-Jan-2020     941
  • alternative title

    XXXII Ümumdünya Yay Universiadasının büdcəsi bəlli olub

    2023-cü ildə Yekaterinburq şəhərində keçiriləcək XXXII Ümumdünya Yay Universiadasının büdcəsi bəlli olub. QALANEWS xəbər verir ki, bu barədə Sverdlovsk vilayətinin qubernatoru Yevgeni Kuyvaşev məlumat verib. O, universiadanın ümumi maliyyəsinin 83 milyard rubl olacağını bildirib. Qeyd edək ki, XXXI Ümumdünya Yay Universiadası 2021-ci ildə Çinin Çendu şəhərində olacaq. Azərbaycan idmançıları 2019-cu ildə İtaliyanın Neapol şəhərindəki XXX Ümumdünya Yay Universiadasını isə 7 medalla 18-ci pillədə başa vurublar.

    Ətraflı   14:21     17-Jan-2020     908
  • alternative title

    İker Kasilyas prezidentliyə namizəd olacaq

    "Portu"nun qapıçısı İker Kasilyas İspaniya Futbol Federasiyasının prezidenti olmaq niyyətindədir. QALANEWS saytının "Marca" nəşrinə istinadən məlumatına görə, "Real"ın əfsanəvi qolkiperi bununla bağlı hazırlıqlara başlayıb. Səhhətindəki problem səbəbindən uzun müddətdir yaşıl meydanlardan uzaq düşən İspaniya millisinin sabiq üzvü tezliklə karyerasını bitirmək və növbəti seçkilərdə federasiya prezidentliyinə namizədliyini irəli sürmək fikrindədir. Hətta azarkeşlərlə aparılan sorğuda respondentlərin 96%-i Kasilyasın uğurlu prezident olacağına inandığını vurğulayıb. "Real"ın yetirməsi olan İker Kasilyas 2015-ci ildən "Portu"nun formasını geyinir.

    Ətraflı   12:59     17-Jan-2020     907
  • alternative title

    “Mançester Yunayted” “Sporting”lə Fernandeşin transfer məbləğilə bağlı razılığa gələ bilmir

    İngiltərənin “Mançester Yunayted” klubu Portuqaliyanın “Sportinq” klubunun yarımmüdafiəçisi Brunu Fernandeşin alınması ilə bağlı danışıqları davam etdirir. QALANEWS.COM xarici mətbuata istinadən xəbər verir ki, tərəflər transferin məbləği barədə hələ də razılığa gələ bilməyiblər. Portuqaliya klubu 25 yaşlı futbolçunun satışından 80 milyon avro əldə etmək istəyir. “Qırmızı şeytanlar” isə futbolçunun transferinə 60 milyon təklif edib. Bu mövsüm Bruno keçirdiyi 25 matçda 15 qol vurub və 13 məhsuldar ötürmə edib.

    Ətraflı   10:49     17-Jan-2020     765
  • alternative title

    Yeniyetmə cüdoçular arasında Azərbaycan birinciliyində fərdi yarışlar başa çatıb

    Hövsanda yerləşən Fövqalədə Hallar Nazirliyinin İdman Kompleksində yeniyetmə cüdoçular arasında keçirilən Azərbaycan birinciliyində fərdi yarışlar başa çatıb. QALANEWS-un məlumatına görə, yarışın üçüncü günündə altı çəki dərəcəsində qaliblər bəlli olub. Əli Hacıyev (55 kq), Nihad İsmayılov (73 kq), Məhəmməd Məhəmmədzadə (90+ kq), Nigar Şahməmmədova (44 kq), Fidan Əlizadə (57 kq), Nərmin Əmirli (70 + kq) bütün rəqiblərinə qalib gələrək Azərbaycan çempionu adına layiq görülüblər. Qalib və mükafatçılara diplom, medal və pul mükafatları təqdim olunub. Azərbaycan Cüdo Federasiyası, Gənclər və İdman Nazirliyinin birgə təşkilatçılığı ilə keçirilən yarışa yanvarın 17-də komanda yarışları ilə yekun vurulacaq. Qeyd edək ki, ölkə birinciliyində 74 klubdan 592 cüdoçu (505 oğlan, 87 qız) mübarizə aparır.

    Ətraflı   10:34     17-Jan-2020     887
  • alternative title

    Rüfət Dadaşovun ABŞ klubu ilə müqaviləsinin müddəti bəlli olub

    ABŞ təmsilçisi "Feniks Rizinq"ə keçən Azərbaycan millisinin futbolçusu Rüfət Dadaşovun klubla müqaviləsinin müddəti bəlli olub. QALANEWS.COM xəbər verir ki, 29 yaşlı hücumçunun Arizona təmsilçisi ilə sözləşməsi ilin sonuna kimi nəzərdə tutulub. Qeyd edək ki, Rüfət Dadaşov "Feniks Rizinq"ə Almaniyanın "Pröyssen Munster" klubundan keçib. Klublar transfer şərtlərini açıqlamamağa dair razılığa gəliblər. 29 yaşlı forvard 2013-cü ildən Azərbaycan yığmasının şərəfini qoruyur.

    Ətraflı   10:22     17-Jan-2020     1140
  • alternative title

    Özildən "Fənərbaxça" açıqlaması

    Premyer Liqa klubu "Arsenal"da forma geyinən Məsut Özil "Fənərbaxça"ya keçəcəyi ilə bağlı yayılan xəbərlərə münasibət bildirib. QALANEWS.COM xəbər verir ki, "beinsports"a açıqlama verən türk əsilli alman futbolçu gələcək durumu barədə indidən danışmaq istəmədiyini bildirib: "Arsenal"da davam edən müqaviləmdən məmnunam. Gələcək barədə bir söz demək istəmirəm. İndi Türkiyədə oynayıb-oynamayacağımı heç kim deyə bilməz. Gələcək mövzusunda mən də həyəcanlıyam, ancaq nələr olacağını bilmirəm".

    Ətraflı   17:55     16-Jan-2020     511
  • alternative title

    Poçettino işləmək istədiyi 2 ölkəni açıqladı

    "Tottenhem”in sabiq baş məşqçisi Mourisio Poçettino gələcək planları ilə bağlı danışıb. Poçettino karyerasını İngiltərə və İspaniyada davam etdirmək niyyətinin olduğunu bildirib: "Növbəti iş yerimi hansı ölkədə görürəm? İngiltərə və İspaniyada. Bəxtim gətirmişdi ki, karyeramı İspaniyada – "Espanyol”da başlamışdım. Sonra isə İngiltərəyə gəldim, burda ingilis dilini və fərqli mədəniyyəti öyrəndim. Futbol burda – İngiltərədə doğulub. Amma La Liqada heyrətamiz futbol və heyrətamiz məşqçilər var. Bu gün La Liqa futbolçu və məşqçilərin etalonu hesab olunur. Bunu, son 20 ildə dünyada oynanılan futbol da sübut edir”. Mourisio2014-cü ildən çalışdırdığı "Tottenhem”dən ötən ilin noyabrında istefaya göndərilib.

    Ətraflı   17:55     16-Jan-2020     561

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 00:35     19-Jan-2020     2211
  • alternative title 00:26     19-Jan-2020     1307
  • alternative title 00:09     19-Jan-2020     1047
  • alternative title 00:04     19-Jan-2020     4452
  • alternative title 22:41     18-Jan-2020     1785

Sosİal

image title here

Some title