Loading alternative title

HADİSƏ

  • alternative title

    Xızıda həmyerlisinə atəş açan şəxs bıçaqlandı - YENİLƏNİB

    Sentyabrın 19-da Xızı rayonu, Altıağac qəsəbəsi ərazisində qəsəbə sakini Rauf Fərzəliyevə bıçaqla xəsarət yetirilməsi barədə rayon prokurorluğuna məlumat daxil olub. Bununla bağlı Xızı Rayon Prokurorluğu məlumat yayıb. Bildirilib ki, prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib. Aparılmış araşdırmalarla Rauf Fərzəliyevin şəxsi münasibətlər zəminində aralarında yaranmış mübahisə zamanı ov tüfəngi ilə dayısı Vahid Əhmədovu qəsdən öldürmək məqsədilə atəş açmasına baxmayaraq, güllənin ona dəyməyərək yan keçməsinə, daha sonra isə Vahid Əhmədovun bıçaqla Rauf Fərzəliyevə qəsdən sağlamlığa az ağır zərər vuran bədən xəsarəti yetirməsinə əsaslı şübhələr müəyyən edilib. ​Faktla bağlı Xızı Rayon Prokurorluğunda Cinayət Məcəlləsinin 29, 120.1 (qəsdən adam öldürməyə cəhd) və 127.1-ci (qəsdən sağlamlığa az ağır zərər vurma) maddələri ilə cinayət işi başlanıb. Rauf Fərzəliyev Cinayət Məcəlləsinin 29, 120.1, Vahid Əhmədov isə 127.1-ci maddəsi ilə şübhəli şəxs qismində tutularaq istintaqa cəlb olunublar. Hazırda cinayət işi üzrə zəruri istintaq tədbirləri davam etdirilir. 13:39 Xızı rayonunda silahlı münaqişə baş verib. Daxili İşlər Nazirliyinin mətbuat xidmətindən verilən məlumata görə, sentyabrın 19-da Altıağac qəsəbə sakini Rauf Fərzəliyevə bıçaqla xəsarət yetirilib. Bildirilib ki, polis əməkdaşları dərhal hadisənin baş verdiyi əraziyə yollanıblar. Həyata keçirilən araşdırmalar nəticəsində məlum olub ki, qəsəbə sakini Rauf Fərzəliyev şəxsi münasibətlər zəminində “BORAWING” markalı silahla bir dəfə Vahid Əhmədova atəş açıb. Atəş zamanı xəsarət alan olmayıb. Daha sonra isə V.Əhmədov əlində olan bıçaqla R.Fərzəliyevə xəsarət yetirib. Faktla bağlı cinayət işi açılıb, araşdırmalar aparılır.

    Ətraflı   17:14     21-Sep-2020     217
  • alternative title

    Daşla Bakı sakininin başına vurub pulunu aldılar

    Bakının Binəqədi rayonunda dünən 52 yaşlı kişi quldurluğun qurbanı olub. Bu barədə hüquq-mühafizə orqanlarından məlumat verilib. İlkin məlumatlara görə, Rəsulzadə kəndində iki naməlum şəxs 1968-ci il təvəllüdlü Etibar Ramazanova hücum edərək, daşla başına vurublar, nəticədə kişi huşunu itirib. Cinayətkarlar onun mobil telefonunu və 75 manatını aparıblar. Hücum edən şəxslərin kimliyi hələ müəyyən edilməyib. Binəqədi RPİ-nin 4-cü Polis Bölməsinin əməkdaşları bu istiqamətdə işləyirlər. Qeyd edək ki, sentyabr ayının əvvəlindən bəri paytaxtda hələ üstü açılmayan iki quldurluq hadisəsi törədilib.

    Ətraflı   15:08     21-Sep-2020     370
  • alternative title

    Xızıda həmyerlisinə atəş açan şəxs bıçaqlandı - FOTO

    Xızı rayonunda silahlı münaqişə baş verib. Daxili İşlər Nazirliyinin mətbuat xidmətindən verilən məlumata görə, sentyabrın 19-da Altıağac qəsəbə sakini Rauf Fərzəliyevə bıçaqla xəsarət yetirilib. Bildirilib ki, polis əməkdaşları dərhal hadisənin baş verdiyi əraziyə yollanıblar. Həyata keçirilən araşdırmalar nəticəsində məlum olub ki, qəsəbə sakini Rauf Fərzəliyev şəxsi münasibətlər zəminində “BORAWING” markalı silahla bir dəfə Vahid Əhmədova atəş açıb. Atəş zamanı xəsarət alan olmayıb. Daha sonra isə V.Əhmədov əlində olan bıçaqla R.Fərzəliyevə xəsarət yetirib. Faktla bağlı cinayət işi açılıb, araşdırmalar aparılır.

    Ətraflı   15:06     21-Sep-2020     1334
  • alternative title

    Yardımlı sakini narkotik və tapança ilə tutuldu

    Baş Narkotiklərlə Mübarizə İdarəsi əməkdaşlarının daxil olmuş məlumat əsasında Yardımlı rayonu ərazisində keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən rayon sakini, əvvəllər məhkum olunmuş S.İbayev saxlanılıb. Bununla bağlı Daxili İşlər Nazirliyinin mətbuat xidməti məlumat yayıb. Bildirilib ki, şəxsi axtarış zamanı ondan 51 qramdan artıq metamfetamin götürülüb. Ətrafında aparılan tədbirlərlə onun Aruz kəndi ərazisində gizlətdiyi “Ekol ES 66” markalı qaz tapançası və 139 ədəd patron da aşkar edilərək götürülüb.

    Ətraflı   14:53     21-Sep-2020     1301
  • alternative title

    Qaxda iki ton narkotik vasitə məhv edilib

    Qax rayonunun Fıstıqlı kəndində yabanı halda bitən narkotik tərkibli çətənə bitkiləri aşkar edilib. Daxili İşlər Nazirliyinin mətbuat xidmətinin Şəki regional qrupundan verilən məlumata görə, ümumi çəkisi 2 ton olan 9090 ədəd çətənə kolu polis əməkdaşları tərəfindən kökündən çıxarılıb və yandırılaraq məhv edilib. Faktla bağlı Qax Rayon Polis Şöbəsində araşdırma aparılır.

    Ətraflı   14:51     21-Sep-2020     1390
  • alternative title

    Bakıda narkotik vasitələrin satışı ilə məşğul olan şəxs ələ keçdi - FOTO

    Binəqədi Rayon Polis İdarəsinin 7-ci Polis Bölməsinin əməkdaşları tərəfindən narkotik vasitələrin satışı və qanunsuz dövriyyəsi ilə məşğul olan şəxsə qarşı əməliyyat tədbiri həyata keçirilib. Bununla bağlı Daxili İşlər Nazirliyi məlumat yayıb. Bölmə əməkdaşlarının daxil olmuş əməliyyat məlumatı əsasında Binəqədi rayonu 6-cı mikrorayon ərazisində keçirdikləri tədbir zamanı narkotiklərin qanunsuz dövriyyəsində şübhəli bilinən Astara rayon sakini Fərqan Əlili saxlanılıb. Şəxsi axtarış zamanı onun əl çantasından ümumi çəkisi 1 kiloqram olan heroin aşkar edilərək götürülüb. Araşdırma zamanı müəyyən olunub ki, saxlanılan şəxs hələlik adı istintaqa məlum olmayan xarici ölkələrdən birinin vətəndaşının tapşırığı ilə qanunsuz yollarla Azərbaycan ərazisinə keçirilən külli miqdarda heroini qəbul edib və satışını təşkil etmək istəyib. Fərqan Əlili barəsində 7-ci Polis Bölməsində toplanan materiallar Binəqədi RPİ-nin İstintaq Şöbəsinə göndərilib. Cinayət işi üzrə zəruri istintaq və əməliyyat-axtarış tədbirləri davam etdirilir.

    Ətraflı   14:47     21-Sep-2020     1167
  • alternative title

    Paytaxtda avtomobilin vurduğu piyada öldü

    Bakıda piyadanın ölümü ilə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən verilən məlumata görə, sentyabrın 20-də saat 4 radələrində Nizami rayonunun H.Əliyev prospektində Kürdəmir rayon sakini N.Bağırov idarə etdiyi “Daewoo” markalı avtomobillə yolu keçən Bakı şəhər sakini Elvin Rəfixanovu vurub. Nəticədə piyada aldığı xəsarətlərdən hadisə yerində ölüb. Nizami Rayon Polis İdarəsi tərəfindən araşdırma aparılır.

    Ətraflı   14:43     21-Sep-2020     916
  • alternative title

    Bakıda bağban faciəli şəkildə öldü

    Sentyabrın 20-də saat 06 radələrində Yasamal rayonu ərazisində Rahman Əslanovun elektrik cərəyanı vurması nəticəsində ölməsi ilə bağlı rayon prokurorluğuna məlumat daxil olub. Bununla bağı Yasamal rayon prokurorluğu məlumat yayıb. Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, digər zəruri prosessual hərəkətlər yerinə yetirilib. Aparılmış araşdırmalarla Yasamal rayonunda yerləşən mebel salonunda bağban işləyən Rahman Əslanovun həmin mebel salonunun elektrik otağında elektrik cərəyanın təsirinə məruz qalaraq ölməsi müəyyən edilib. Hazırda fakt üzrə Yasamal Rayon Prokurorluğunda araşdırma davam etdirilir.

    Ətraflı   14:26     21-Sep-2020     1243
  • alternative title

    Sabirabadda kişi yeznəsini ov tüfəngi ilə güllələyib öldürdü - RƏSMİ

    Sentyabrın 20-də saat 6 radələrində Sabirabad rayonu ərazisində 1986-cı il təvəllüdlü Aqil Nəsirovun odlu silahdan açılan atəş nəticəsində aldığı xəsarətdən ölməsi barədə rayon prokurorluğuna məlumat daxil olub. Bu barədə Sabirabad rayon prokurorluğundan məlumat verilib. Bildirilib ki, daxil olan məlumat əsasında, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib. Aparılmış araşdırmalarla zərərçəkmişin qayını Zəka Nəsirovun qeyd edilən tarixdə ovda olarkən ov tüfəngi ilə ehtiyatsız davranması nəticəsində açılan atəşdən Aqil Nəsirovun xəsarət almasına və aldığı xəsarətdən ölməsinə əsaslı şübhələr yaranıb. Faktla bağlı Sabirabad rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb. Zəka Nəsirov Cinayət Məcəlləsinin qeyd edilən maddəsi ilə təqsirləndilirən şəxs qismində cəlb edilərək barəsində başqa yerə getməmək haqqında iltizam qətimkan tədbiri seçilib. Hazırda iş üzrə zəruri istintaq tədbirləri davam etdirilir.

    Ətraflı   14:09     21-Sep-2020     1255
  • alternative title

    Salyanda avtomobilin vurduğu şəxs ölüb

    Salyanda avtomobil qəzasında xəsarət alan rayon sakini xəstəxanada dünyasını dəyişib. Qəza nəticəsində Salyan Mərkəzi Rayon Xəstəxanasına çatdırılan 1990-cı il təvəllüdlü Əliyev Bayram Əliyar oğlunun həyatını xilas etmək mümkün olmayıb. Xatırladaq ki, hadisə ötən gün günorta saatlarında Ələt-Astara magistral yolunda, şəhər ərazisindəki yanacaqdoldurma məntəqəsinin yaxınlığında qeydə alınıb. Salyan şəhər sakini, 1992-ci il təvəllüdlü Rüstəmov Ümid Rafət oğlu idarə etdiyi BMW markalı avtomobillə hərəkətdə olarkən anidən idarəetməni itirib. Nəticədə BMW yolun kənarında dayanmış avtomobili yuyan B.Əliyevi vurub. Müxtəlif dərəcəli xəsarətlər alan piyada, habelə qəzaya uğramış avtomobilin sürücüsü Salyan Mərkəzi Rayon Xəstəxanasına yerləşdirilib. Faktla bağlı araşdırma aparılır.

    Ətraflı   12:37     21-Sep-2020     1090
  • alternative title

    Siyəzəndə iki avtomobil toqquşdu: Yaralı Bakıya göndərildi

    Siyəzən rayonunda xəsarətlə nəticələnən yol-nəqliyyat hadisəsi baş verib. Hadisə rayon ərazisində qeydə alınıb. İki avtomobilin toqquşması nəticəsində 1994-cü il təvəllüdlü Hüseynov Fariz Ağamusa oğlu müxtəlif dərəcəli bədən xəsarətləri alıb. Yaralı əvvəlcə rayon xəstəxanasına, sonra Bakıda yerləşən xəstəxanaların birinə göndərilib. Faktla bağlı araşdırma aparılır.

    Ətraflı   12:29     21-Sep-2020     1089
  • alternative title

    Abşeronda gənc özünü bıçaqladı

    Abşeron rayonunda gənc intihara cəhd edib. Hadisə Mehdiabad qəsəbəsində baş verib. Belə ki, 1992-ci il təvəllüdlü Mustafayev Namiq Nadir oğlu bıçaqla özünə xəsarətlər yetirib. Yaralı xəstəxanaya çatdırılıb, müayinə zamanı onda sol saidin çoxsaylı kəsilmiş yaraları aşkarlanıb. Faktla bağlı araşdırma aparılır.

    Ətraflı   12:26     21-Sep-2020     1297
  • alternative title

    Xətai rayonunda iki nəfəri vuran avtomobil sürücüsü hadisə yerindən qaçdı

    Bakıda iki nəfərin xəsarət alması ilə nəticələnən yol-nəqliyyat hadisəsi baş verib. Hadisə Xətai rayonunda qeydə alınıb. Minik avtomobili motosikletlə hərəkətdə olan 1998-ci il təvəllüdlü Həsənov Əhməd Sadiq oğlu və 1992-ci il təvəllüdlü Salmanov Zahir Qadir oğlunu vurub. Nəticədə hər iki gənc müxtəlif bədən xəsarətləri alıb. Yaralılar təcili yardımın köməyi ilə xəstəxanaya çatdırılıblar. Z.Salmanovun sözlərinə görə, onları vuran sürücü hadisə yerindən qaçıb. Faktla bağlı araşdırma aparılır.

    Ətraflı   11:48     21-Sep-2020     959
  • alternative title

    Xırdalanda 30 yaşlı qadın özünü beşinci mərtəbədən atıb öldürdü

    Abşeron rayonunda intihar hadisəsi baş verib. Hadisə Xırdalan şəhərində qeydə alınıb. “AAAF Park” yaşayış komleksində yaşayan 1990-cı il təvəllüdlü Fətullayeva Azadə İbadət qızı özünu yaşadığı binanın 5-ci mərtəbəsindən atıb. Nəticədə A.Fətullayeva hadisə yerində ağır bədən xəsarətləri alıb. Yaralı xəstəxanaya aparılarkən yolda dünyasını dəyişib. Faktla bağlı Abşeron Rayon Prokurorluğunda araşdırma aparılır.

    Ətraflı   11:47     21-Sep-2020     1057
  • alternative title

    Sumqayıt sakini tanımadığı şəxs tərəfindən bıçaqlanıb

    Sumqayıtda bıçaqlanma hadisəsi baş verib. QALANEWS-un məlumatına görə, şəhər ərazisində baş verən hadisə zamanı 1990-cı il təvəllüdlü Nurullayev Samir Fətulla oğlu tanımadığı şəxs tərəfindən bıçaqlanıb. Yaralı xəstəxanaya yerləşdirilərək cərrahi əməliyyat olunub. Faktla bağlı araşdırma aparılır.

    Ətraflı   11:45     21-Sep-2020     524
  • alternative title

    Bakıda ağır qəza: Motosikletçini vurub yaraladı, qaçmaq istəsə də, polis tərəfindən yaxalandı

    Bakıda xəsarətlə nəticələnən yol qəzası baş verib. Hadisə Xəzər rayonunda qeydə alınıb. Binə qəsəbəsində avtomobillə 1999-cu il təvəllüdlü Məsimov Musa Heydər oğlunun idarə etdiyi motosiklet toqquşub. Hadisə zamanı M.Məsimov xəsarət alıb. Yaralı təcili tibbi yardım briqadasının köməkliyi ilə xəstəxanaya çatdırılıb. Ona kəllə-beyin travması diaqnozu qoyulub. Şahidlərin sözlərinə görə, minik avtomobilinin sürücüsü hadisə yerindən qaçıb. Lakin o, sonradan saxlanılıb. Faktla bağlı araşdırma aparılır.

    Ətraflı   11:41     21-Sep-2020     1123
  • alternative title

    Şirvanda sərxoş kişini avtombil vurub öldürdü

    Şirvanda avtomobil piyadanı vuraraq öldürüb. Hadisə Gülbala Şıxbala oğlu küçəsində baş verib. Belə ki, “Chevrolet” markalı avtomobil sərxoş vəziyyətdə qəfil yola çıxan Şirvan sakini, 1958-ci il təvəllüdlü İbrahimov İlham Həmid oğlunu vurub. İ.İbrahimov xəstəxanaya çatdırılsa da, onun həyatını xilas etmək mümkün olmayıb. Faktla bağlı araşdırma aparılır.

    Ətraflı   11:39     21-Sep-2020     802
  • alternative title

    Sumqayıtda dayı bacısı oğlunu bıçaqlayıb

    Sumqayıtda dayı bacısı oğlunu bıçaqlayıb. Hadisə şəhərin 41-ci məhəlləsində baş verib. 29 yaşlı İsmayıl Həsənovla dayısı 60 yaşlı Xəqani Məmmədov arasında mübahisə düşüb. Tərəflər arasında düşən münaqişə zamanı X.Məmmədov bacısı oğlunu bıçaqlayıb. Bıçaqlanan şəxs xəstəxananın reanimasiya şöbəsinə yerləşdirilib və cərrahi əməliyyat olunub. Hadisəni törədən X.Məmmədov saxlanılıb. İlkin ehtimala görə, hadisə pul üstündə olub. Faktla bağlı araşdırma aparılır.

    Ətraflı   11:28     21-Sep-2020     1035
  • alternative title

    Salyanda yol qəzası nəticəsində xəsarət alanlar var

    Salyanda xəsarətlə nəticələnən yol qəzası baş verib. Hadisə Salyan şəhərindəki yanacaqdoldurma məntəqəsinin yaxınlığında qeydə alınıb. Yüksək sürətlə hərəkətdə olan BMW markalı avtomobil yolun kənarında dayanan piyadanı vuraraq xəsarət yetirib. Avtomobil bundan sonra yolun kənarındakı dəmir dirəyə çırpılıb. Hadisə zamanı BMW-nin sürücüsü də xəsarət alıb. Yaralılar Salyan Rayon Mərkəzi Xəstəxanasına çatdırılıblar.

    Ətraflı   11:20     21-Sep-2020     436
  • alternative title

    Biləsuvarda ağır yol qəzası olub, ölənlər var

    Biləsuvar rayonunda iki nəfərin ölümü ilə nəticələnən yol qəzası baş verib. Hadisə ötən gün axşam saatlarında yeni çəkilmiş Biləsuvar-Bəhrəmtəpə avtomobil yolunun Səmədabad kəndindən keçən hissəsində qeydə alınıb. Belə ki, Biləsuvar şəhər sakini, Ağayev Kamal Mehdi oğlunun idarə etdiyi “Niva” markalı minik avtomobilinin aşması nəticəsində özü və qadın sərnişini hadisə yerində ölüblər. Qadın sərnişinin şəxsiyyəti dəqiqləşdirilir. Faktla bağlı araşdırma aparılır. Qeyd edək ki, bu yol təmir edilib istifadəyə verildikdən sonra ölümlə nəticələnən ikinci yol qəzasıdır.

    Ətraflı   11:06     21-Sep-2020     1341

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 17:14     21-Sep-2020     217
  • alternative title 15:08     21-Sep-2020     370
  • alternative title 15:06     21-Sep-2020     1334
  • alternative title 14:53     21-Sep-2020     1301
  • alternative title 14:51     21-Sep-2020     1390
image title here

Some title