Loading alternative title

SOSİAL

  • alternative title

    Şəkər xəstələri bayramda necə qidalanmalıdır?

    Bayramda yeyilən şərbətli şirniyyatlar, şəkər və şokoladlar qanda şəkərin nizamsızlığının ən əsas səbəbidir. QALANEWS Türkiyə mətbuatına istinadən xəbər verir ki, İstanbul Universitetinin Cərrahpaşa Tibb Fakültəsinin dekanı, Endokrinologiya və metabolizm xəstəlikləri uzmanı, professor Mustafa Sait Gönen şəkərli diabet xəstələri üçün bayram günlərində qidalanma tövsiyələri verib. Professor bildirib ki, şəkərli diabet xəstələrinin şəkəri çox yüksək və ya çox aşağı ola bilər. Belə hallarda koma vəziyyəti də daxil olmaqla çox ciddi fəsadların yaranması mümkündür. Mütəxəssis deyib ki, bu səbəbdən şərbətlə hazırlanan şirniyyatlar birmənalı qəbul olunmamalıdır. Həkimin sözlərinə görə, koronavirus pandemiyası dövründə şəkər xəstələri həm də uzun müddət karantin rejimində hərəkətsiz qalmaları səbəbindən qaydalara uyğun qidalanmalı, şəkəri normada saxlamalıdırlar. Qanda şəkərin qalxıb, enməsinin qarşısını almaq üçün vaxtında qidalanmaq, çox qida qəbul etməmək, 3 əsas və 3 ara yeməyinin olmasının vacibliyini vurğulayıb. O, bol su içməyi, lifli qidalara üstünlük verməyi, duz istifadəsini azaltmağı, şəkərli, unlu qidalar və içkilərdən, xəmirli şirniyyatlardan birmənalı olaraq imtina etməyi, fiziki aktiv olmağı, idman hərəkətləri etməyi tövsiyə edib. Professor bildirib ki, əgər şirniyayt yemək istəyi yaranarsa, bu zaman çox yüngül, südlü və meyvəli şirniyyatlar yemək olar.

    Ətraflı   12:58     25-May-2020     234
  • alternative title

    Pandemiya dövründə azadlığa buraxılan məhkumların SAYI

    Pandemiya dövründə azadlığa buraxılan məhkumların SAYI Azərbaycanda pandemiya dövründə 624 məhkum azadlığa buraxılıb. Ədliyyə Nazirliyinin Mətbuat xidmətindən APA -ya verilən məlumata görə, məhkumları vaxtından əvvəl şərti azadetmə institutu pandemiya dövründə geniş tətbiq olunaraq 624 məhkumun azadlığa buraxıldığı, 310 həbs edilmiş şəxsin isə ev dustaqlığı və digər alternativ qətimkan tədbirlərinin tətbiqi nəticəsində həbsdən azad edilib.

    Ətraflı   18:50     23-May-2020     365
  • alternative title

    “Azəriqaz”ın rəhbəri onlayn vətəndaş qəbulu keçirdi

    “Azəriqaz” İstehsalat Birliyinin baş direktoru Ruslan Əliyev Şəmkir Regional Qaz İstismar İdarəsinin xidmət göstərdiyi rayonlardan olan sakinlərlə birbaşa videobağlantı yaratmaqla onlayn vətəndaş qəbulu keçirib. “Azəriqaz” İstehsalat Birliyinin İctimaiyyətlə Əlaqələr Şöbəsindən “Report”a verilən məlumata görə, Şəmkir Regional Qaz İstismar İdarəsinə gələn vətəndaşların qəbulda iştirakı üçün karantin rejiminin tələbləri gözlənilməklə şərait yaradılıb. Belə ki, onlar idarəyə daxil olmazdan öncə dezinfeksiyaedici məhlullarla əllərini təmizləyib və qoruyucu tibbi maskalarla təmin ediliblər. Qəbula gələn vətəndaşlar növbəli şəkildə fikirlərini səsləndiriblər. Birliyin baş direktoru ilə söhbətləri zamanı onların əksəriyyəti əsasən yaşayış məntəqələrinin qazlaşdırılması ilə bağlı fikir mübadiləsi aparıblar. Hər bir vətəndaşın müraciəti diqqətlə dinlənilib. Qəbulun gedişatında ən çox diqqət çəkən məqam Şəmkir rayonunda fəaliyyət göstərən istixana sahibləri ilə olub. Baş direktor video bağlantıda istixana sahibləri ilə söhbətində bunları qeyd edib: “Mövsüm başlayarkən borcların gözlənilməsi və s. məsələlərdə güzəştlərin tətbiqi üçün biz nə lazımdırsa, edə bildik. Yəni özümüzü riskə atmış olsaq belə, sizə söz verdik ki, sahibkarlara dəstək olaq və sözümüzün üstündə də durduq. Öz gücümüzə, humanistlik prinsiplərinə söykənərək sizə köməklik etmişik. Bilməlisiniz ki, biz qazı aldığımız təşkilata həmin qazın dəyərini aldığımız anda da ödəyirik. Yəni bu təşkilat bizi gözləyə bilməz ki, siz sahibkara güzəşt etmisiniz və bu məbləği almısınız, yoxsa yox. Bu, onlar üçün maraqlı olmayan tərəflərdir. Düzdür, Şəmkir zonasında istixana fəaliyyəti ilə çoxdan məşğul olunmasına baxmayaraq, bu gün Salyan zonasında sizin bölgədən də çox istixana var, lakin problemləri sizdəki kimi deyil. Onlar mövsüm boyu borclarının verilməsi ilə bağlı sıxıntı yaşamadılar. İndi yeni mövsüm başlayanda bizim üçün də sizə qazı vermək çətin olacaq. Yəni yenə güzəşt olunması, mövcud borcun üstünə borcun gəlməsi daha çox bizi riskə ata bilər. Belə bir addımı atmaq üçün çətin ki, imkanımız olsun. Siz borcu verməsəniz, işçilərin əmək haqlarını ödəyə bilmirik. Payız-qış mövsümünə hazırlıqla bağlı tədbirlər planı var ki, onu icra etməkdə problemlərlə qarşılaşa bilərik. Ona görə də hazırda istixanalarla bağlı çətin bir məqam yaranıb”.

    Ətraflı   18:34     23-May-2020     423
  • alternative title

    Qəbələdə aztəminatlı ailələrə bayram sovqatı çatdırılıb

    Qəbələdə aztəminatlı ailələrə bayram sovqatı çatdırılıb Ramazan bayramı münasibətilə Qəbələ Rayon İcra Hakimiyyəti tərəfindən aztəminatlı ailələrə bayram sovqatı çatdırılıb. AZƏRTAC-ın bölgə müxbiri xəbər verir ki, Aksiya çərçivəsində, eyni zamanda, sakinlərlə maarifləndirici söhbətlər də aparılıb, onlara xüsusi karantin rejiminin qaydalarına riayət etmələri tövsiyə olunub. Yardım alan vətəndaşlar ölkəmizdə koronavirus (COVID-19) pandemiyasına qarşı həyata keçirilən tədbirlərə və onlara göstərilən diqqət və qayğıya görə dövlətimizin başçısına minnətdarlıqlarını bildiriblər. Həmçinin koronavirus infeksiyasının yayılmasının qarşısının alınması məqsədilə rayonda tibbi-profilaktik və sanitar-dezinfeksiya işləri də davam etdirilir. Mayın 23-də Qəbələ şəhərində növbəti dezinfeksiyaedici tədbirlər həyata keçirilib. Yaşayış məhəllələrinin əraziləri, çoxmənzilli binaların giriş blokları və pilləkənlər suya xüsusi dezinfeksiyaedici maddə qatılmaqla yuyulub, park və meydanlarda, satış mərkəzlərində, iaşə obyektlərində təmizlik və dezinfeksiya işləri aparılıb.

    Ətraflı   17:57     23-May-2020     336
  • alternative title

    ATMU-da növbəti virtual konfrans beynəlxalq iqtisadi münasibətlərin prioritetinə həsr olunub

    ATMU-da növbəti virtual konfrans beynəlxalq iqtisadi münasibətlərin prioritetinə həsr olunub Azərbaycan Turizm və Menecment Universitetində (ATMU) “XXI əsrdə beynəlxalq iqtisadi münasibətlərin prioritet istiqamətləri” adlı beynəlxalq virtual elmi-praktik konfrans keçirilib. Universitetinin mətbuat xidmətindən AZƏRTAC-a bildirilib ki, konfransda Almaniya, Bolqarıstan, Moldova, Türkiyə, Gürcüstan, Ukrayna, Estoniya, Rusiya, Rumıniya, Portuqaliya və Azərbaycandan olan nümayəndələr iştirak ediblər. Konfransı açan Azərbaycan Turizm və Menecment Universitetinin rektoru İlham Mədətov məruzəsində beynəlxalq elmi-praktik konfransın bu forumda toplanan universitetlərin və tədqiqat mərkəzlərinin qlobal iqtisadiyyatın inkişafındakı müasir tendensiyaları araşdırmaqda maraqlı olanlarının gələcək əməkdaşlığa xidmət edəcəyinə ümidvar olduğunu bildirib. O, son vaxtlar qlobal iqtisadiyyatda baş verən hadisələrin turizm sahəsinə ən çox təsir edən sosial-iqtisadi xarakterli bəzi dəyərlərə yenidən baxılmasının zəruriliyini göstərib. Tədbir xaricdən konfransa virtual qoşulan qonaqların çıxışları ilə davam etdirilib. Bölmələrin paralel işi geniş müzakirə və müxtəlif ölkələrin spikerləri arasında intensiv təcrübə mübadiləsini təmin edib. Plenar iclas və 3 bölmədən ibarət konfransda ümumilikdə 70-ə yaxın məruzə dinlənilib. Tədbiri yekunlaşdıran ATMU-nun elm və innovasiya üzrə prorektoru, professor İrana Əliyeva çıxışında təhsil və elm mühitində təcrübə mübadiləsi şəraitində bu kimi tədbirlərin əhəmiyyətini vurğulayıb. O, təhsilin beynəlmiləlləşdirilməsinin və bu istiqamətdə əlaqələrin genişləndirilməsinin vacibliyini vurğulayıb.

    Ətraflı   17:55     23-May-2020     347
  • alternative title

    Mayın 25-nə olan "Dərs vaxtı"nın CƏDVƏLİ

    Mayın 25-nə olan "Dərs vaxtı"nın CƏDVƏLİ "Mədəniyyət" və "ARB Günəş" kanallarında yayımlanan "Dərs vaxtı"nın mayın 25-nə olan cədvəli açıqlanıb. Təhsil Nazirliyindən Lent.az -a verilən məlumata görə, Azərbaycan bölməsi üçün sabah saat 10:00-da - Fiziki tərbiyə; 10:10-da VI sinif - Azərbaycan dili, Riyaziyyat, Fizika, Tarix; 10:50-də V sinif - Riyaziyyat, Tarix, Informatika-Rəqəmsal bacarıqlar; 11:30-da - Məktəbəhazırlıq; 11:40-da IV sinif - Azərbaycan dili, Riyaziyyat, İngilis dili; 12:10-da III sinif - Azərbaycan dili, İngilis dili; 12:40-da II sinif - Azərbaycan dili, Riyaziyyat, İngilis dili; 13:10-da I sinif şagirdlərinə Azərbaycan dili, Riyaziyyat, İngilis dili dərsləri olacaq. Rus dili bölməsi üçün saat 13:50-də - Məktəbəhazırlıq; 14:00-da V sinif - Rus dili, Riyaziyyat, İnformatika-Rəqəmsal bacarıqlar; 14:35-də VI sinif - Rus dili, Riyaziyyat, Fizika; 15:20-də XI sinif şagirdlərinə Rus dili, Riyaziyyat, Fizika dərsləri olacaq.

    Ətraflı   15:43     23-May-2020     402
  • alternative title

    Bu axşam Fitr bayramıdır, zəkat necə çıxarılmalıdır?

    İslam dinində müqəddəs günlərdən, bayramlardan biri də Fitr bayramıdır. Fitr bayramı mübarək Ramazan ayının bitməsini bildirən bayramdır. İlahiyyatçı Hacı Fəxri Sadıqov “Report”a açıqlamasında bildirib ki, Fitrə zəkatı Ramazan bayramının axşamı günəşin batdığı vaxt ailə başçısının öhdəsində olanların adından çıxardığı bir zəkatdır: “Fitr sözünün ərəb dilində mənası “Yaradılış” yəni Yaradılışa qayıdış anlamına gəlir. Çünki Mübarək Ramazan ayı boyunca oruclu müsəlman yemir, içmir və hökmlərə riayət etməklə sanki mələk timsalına bənzəyir. Bayramın bitməsi ilə yenidən insan fitrətinin bioloji qanunları olan gündəlik normal qidalanma halına qayıdır. Bu bayramın axşamı və günü bir neçə göstərişlər vardır ki, onları qeyd etməyi özümüzə borc bilirik. Hər bir müsəlmanın, istər ibadət əhli olsun, istərsə də ibadət əhli olmasın, fitrə zəkatını verməsi vacibdir”. F.Sadiqov vurğulayıb ki, Fitrə zəkatını imkansız və ailəsinin dolanışğını çətin əldə edən şəxsə vermək lazımdır: “Bu şəriət göstərişi insanın il boyu istifadə etdiyi arpa, buğda, xurma, kişmiş, düyü və qarğıdalı məhsulunun hər adam başına 3 kq ölçüsü ilə çıxarılır. Fitrə zəkatını müsəlmanın növbəti Ramazana kimi canının təminatı kimi də başa düşmək olar. Qeyd olunan vaxtda onun evinə gələn qonağın da fitrə zəkatını verməsi ev sahibinin öhdəsində olur. Aşkarda günah edən şəxsə (şərab içən, qumar və bu kimi haram yollara aludə olanlara) fitrə vermək olmaz. Əgər belə bir şəxsə fitrə verilsə, o fitrəni yenidən çıxardıb əsl sahibinə (fəqirə) vermək lazımdır”. İlahiyyatçının sözlərinə görə, illik xərclərə sahib olmayan və ailəsinin xərclərini təmin edəcək qazancı olmayan bir şəxs fəqirdir və həmin şəxsin fitrə zəkatını verməsi vacib deyil: “Fitr bayramı günündə bayram namazı qılınır. Fitr bayramının namazı camaatla məsciddə qılmaq bəyənilmiş hesab edilir. Bayram namazının vaxtı da gün çıxandan günortaya kimidir. Bayram günü müsəlman ətirlənib təzə paltarını geyib uca Allahı həmd-səna edə-edə bayram namazına getməsi bəyənilmiş hesab edilir. Mübarək Ramazan bayramı günündə valideynləri, kimsəsizləri axtarmaq, dünyasını dəyişənləri və şəhidləri yad etmək də savab əməllərdən hesab edilir. Qısası, o günü Allahın buyurduğu hər hansı gözəl əməlləri icra etmək insana savab gətirər. İnşallah Mübarək Ramazan Bayramı Qafqaz Müsəlmanları İdarəsinin (QMİ) verdiyi fətvayə əsasən, mayın 24-də qeyd ediləcək”. Qeyd edək ki, Azərbaycan məscidlərində koronavirus pandemiyası səbəbindən bayram namazı qılınmayacaq.

    Ətraflı   15:21     23-May-2020     289
  • alternative title

    Leyla Əliyevanın təşəbbüsü ilə yardım aksiyası keçirilib

    Leyla Əliyevanın təşəbbüsü ilə yardım aksiyası keçirilib Heydər Əliyev Fondunun vitse-prezidenti Leyla Əliyevanın təşəbbüsü ilə müqəddəs Ramazan ayında Bakıda və Moskvada ehtiyacı olan insanlara yardım aksiyası keçirilib. "Report" AZƏRTAC-a istinadən xəbər verir ki, on ildən artıq müddətdə hər il Moskvadakı Poklonnaya qorada “Ramazan çadırı” adlı mədəni-xeyriyyə layihəsi həyata keçirilir. Müqəddəs Ramazan ayında bütün arzu edənlər iftar vaxtı bu çadıra şam yeməyinə və peşəkar milli kollektivlərin çıxışlarını dinləməyə gəlirlər. Heydər Əliyev Fondunun Rusiya Federasiyasındakı nümayəndəliyi hər il bu layihədə fəal iştirak edir, dindarlar üçün iftar süfrəsi təşkil edir. Bu il koronavirus epidemiyasına görə “Ramazan çadırları” ləğv edilib, amma könüllülər ehtiyacı olan insanlara ərzaq məhsulları və hazır yeməklər aparırlar. Rusiya Müftilər Şurasının bu xeyriyyə proqramında Azərbaycan da iştirak edib. Bununla əlaqədar, “Şatyor-TV”nin növbəti buraxılışı Azərbaycan mədəniyyətinə həsr edilib. Buraxılışda qeyd edilib ki, Heydər Əliyev Fondunun Rusiyadakı nümayəndəliyi “Zəkat” Fondu ilə birlikdə ehtiyacı olan insanlara ərzaq dəstləri çatdırılmasında iştirak ediblər. Buraxılışın aparıcısı əvvəlki illərdə keçirilən Azərbaycan axşamlarını xatırlayaraq, belə aksiyaların əhəmiyyətini qeyd edib, müqəddəs Ramazan ayında Bakıda və Moskvada ehtiyacı olan insanlara göstərilən dəstəyə görə Heydər Əliyev Fonduna təşəkkürünü bildirib. O deyib: “Qoy Ulu Tanrı sizin xeyirxah əməllərinizə bərəkət versin!”.

    Ətraflı   14:43     23-May-2020     223
  • alternative title

    “Dəyişən dünyada peşə etikasının yeni prinsipləri” adlı vebinar təşkil olunub

    “Dəyişən dünyada peşə etikasının yeni prinsipləri” adlı vebinar təşkil olunub Mədəniyyət üzrə Elmi-Metodiki və İxtisasartırma Mərkəzi (MEMİM) və Mədəniyyət İşçilərinin Respublika Həmkarlar İttifaqı Komitəsi (MİRHİK) birlikdə “Dəyişən dünyada peşə etikasının yeni prinsipləri” adlı vebinar təşkil ediblər. AZƏRTAC xəbər verir ki, COVID-19 infeksiyasının yayılması səbəbindən dünya ölkələrinin sosial təcrid rejiminə keçməsi bütün sahələrdə olduğu kimi, mədəniyyət sahəsində də çalışan əməkdaşların yeni fəaliyyət formasına keçidini qaçılmaz edib. MİRHİK-si Sədri Cəmilə Səttarova tədbir iştirakçılarını salamlayaraq, mədəniyyət işçilərinin sosial təcrid dövründəki fasiləsiz fəaliyyətini təmin etdikləri üçün onlara öz təşəkkürünü bildirib. C.Səttarova dünyada 40 mindən çox peşənin olduğunu və dövr dəyişdikcə bu peşələrin xarakterini təşkil edən bacarıqların da dəyişdiyini vurğulayıb. Dəyişən dünyada mədəniyyət sahəsində çalışan əməkdaşlardan yeni peşə səriştələrinin tələb olunduğunu qeyd edən Mərkəzin direktoru Asif Usubəliyev çağdaş dünyamızda hər bir əməkdaşdan yüksək fərdi məsuliyyət, texnoloji hazırlıq və kreativ yanaşma tələb edildiyini bildirib. Mərkəzin elmi katibi, MİRHİK-ın Mərkəz üzrə sədri Cavid Əliyev xüsusi karantin rejimində yumşalma və fəaliyyət sahələrinin tam açılmasının, postpandemiya dövründə də klassik iş prinsiplərindən fərqli olaraq yeni yanaşmaların tətbiq olunmasının qaçılmazlığını vurğulayıb. Qeyd edib ki, bütün bunlar dəyişən dünyada peşə etikasının yeni prinsiplərinin formalaşmasına gətirib çıxaracaq. Vebinarda regionlarda çalışan MİRHİK-nin Metodiki mərkəzlərinin rəhbərləri, habelə Mərkəzin MİRHİK-nin üzvləri və regionlarda çalışan gənc mədəniyyət işçiləri iştirak ediblər. Tədbirdə mədəniyyət sahəsində çalışanların müasir peşə etikası adlı təlimati xarakterli vəsaitin hazırlanmasına, həmkarlar fəaliyyətinə həsr olunmuş xüsusi təlimlərin yerlərdə keçirilməsinə və əməkdaşlarda müasir səriştələrin formalaşmasına xidmət edən birgə mühazirələrin reallaşmasına dair razılıq əldə olunub. Sonda tədbir iştirakçılarının sualları cavablandırılıb.

    Ətraflı   12:53     23-May-2020     209
  • alternative title

    Anası zorakılıq qurbanı olan uşağı sığınacağa qəbul etmişik - AÇIQLAMA

    Anası zorakılıq qurbanı olan uşağı sığınacağa qəbul etmişik - AÇIQLAMA “Sığınacağa yeni uşaq qəbul etmişik. Anası zorakılıq qurbanıdır”. Bunu Oxu.Az-a açıqlamasında Azərbaycan Uşaqlar Birliyinin sədri Kəmalə Ağazadə deyib. O bildirib ki, bir neçə gün öncə sığınacağa yeni müraciət daxil olub: “Müraciət ərazi üzrə İcra Hakimiyyəti tərəfindən edilib. Zorakılıq qurbanı olan daha bir ana övladının küçədə qalmaması üçün onun sığınacağa yerləşdirilməsini istəyib. Hazırda uşaq sığınacaqdadır. Qızın doqquz yaşı var. Ağıllı, bacarıqlı uşaqdır. Biz uşağa gün ərzində nəzarət edəcəyik. Onun dərslərinə davam etməsi, qidalanması və digər məsələləri həll etməyə çalışırıq. Anası yeni işə düzəlib. Uşağa baxacaq heç kim olmadığı üçün onu sığınacağa qəbul etmişik”.

    Ətraflı   12:43     23-May-2020     232
  • alternative title

    İctimai işlərə cəlb olunan şəxslərin əməkhaqqı kartları ilə bağlı yoxlamalar başladı

    İctimai işlərə cəlb olunan şəxslərin əməkhaqqı kartları ilə bağlı yoxlamalar başladı Prezident İlham Əliyevin təşəbbüsü və tapşırığı ilə icra olunan ödənişli ictimai işlər proqramı sosial müdafiəyə ehtiyacı olan və işə düzəlməkdə çətinlik çəkən şəxslərin məşğulluğuna dəstək verilməsində mühüm rola malikdir. Proqramın icrasında şəffaflığın və güclü nəzarətin təmin olunması barədə dövlət başçısının göstərişinə uyğun olaraq, Əmək və Əhalinin Sosial Müdafiəsi Nazirliyi tərəfindən müvafiq tədbirlər görülür. Bu barədə "Report"a nazirlikdən məlumat verilib. Nazirliyin tabeliyindəki “DOST İş Mərkəzi” işsiz və işaxtaran şəxslərin ictimai işlərə qəbulu, əmək haqlarının ödənişi, yerlərdə ictimai işlərin təşkili ilə bağlı vəziyyətin qiymətləndirilməsi məqsədilə monitorinqləri davam etdirir. Rayon (şəhər) icra hakimiyyətləri tərəfindən təqdim edilmiş işsiz şəxslərin siyahıları əsasında həmin şəxslər ictimai işlərə (abadlaşdırma, yaşıllaşdırma, təmizlik, ictimai yerlərə qulluq, hazırkı dövrdə dezinfeksiya və s.) cəlb olunur, onlarla “DOST İş Mərkəzi” arasında əmək müqaviləsi bağlanır. Hər bir işçi üçün əməkhaqqı kartı sifariş olunur və kartı yalnız şəxs şəxsiyyət vəsiqəsini təqdim etməklə bankdan götürür. İcra hakimiyyətləri, onların tabeliyindəki icraçı qurumlarla (kommunal təsərrüfat idarə və birlikləri) “DOST İş Mərkəzi” arasında bağlanmış Sazişə əsasən, işçilərin nizam-intizamına və gündəlik fəaliyyətinə icraçı qurumlar birbaşa cavabdehlik daşıyır. Hər ayın sonu onların təqdim etdiyi davamiyyət cədvəllərinə əsasən ictimai işçilərin əməkhaqqları onların kartlarına köçürülür. Ötən il “DOST İş Mərkəzi” tərəfindən 25 faizi Bakıda, qalanları bölgələrdə olmaqla 38 min haqqı ödənilən ictimai iş yeri yaradılıb. Həyata keçirilmiş monitorinq, nəzarət və digər tədbirlər nəticəsində 38 min ictimai iş yerindən əlavə 9 min şəxsin də məşğulluğu təmin olunub, bununla yanaşı 25,7 mln. manat büdcə vəsaitinə qənaət edilib. 2020-ci ildə isə pandemiya ilə əlaqədar məşğulluğa dəstək məqsədilə Prezident İlham Əliyevin tapşırığına əsasən, bu iş yerlərinin sayının 90 minə çatdırılması işləri aparılır. Artıq 61 mindən çox belə iş yeri yaradılıb. “DOST İş Mərkəzi” tərəfindən ictimai iş yerlərində keçirilən monitorinqlər zamanı ötən il 5 mindən çox, bu il isə 1100-dən çox ictimai işçinin iş yerində olmadığı aşkar edilib. Onların ümumiyyətlə işə cıxmadıqları barədə şübhələr yarandığı üçün müəyyən olunan faktlar rəsmiləşdirilərək aidiyyəti üzrə təqdim edilib. Nazirliyin digər fəaliyyət sahələri üzrə olduğu kimi, ödənişli ictimai işlərin təşkili ilə bağlı da ictimai aşkarlığın və bu sahədə ictimai nəzarətin təmin olunması üçün ictimai işçilərin şəhər və rayonlar üzrə adlı siyahıları qurumun rəsmi internet səhifəsində açıqlanıb və mütəmadi yenilənir.

    Ətraflı   11:56     23-May-2020     217
  • alternative title

    "İctimai nəqliyyatda koronavirus infeksiyasının profilaktikasına dair metodiki göstərişlər"lə bağlı videoçarx hazırlanıb

    "İctimai nəqliyyatda koronavirus infeksiyasının profilaktikasına dair metodiki göstərişlər"lə bağlı videoçarx hazırlanıb Ölkəmizdə koronavirus (COVID-19) pandemiyasının yayılmasına qarşı görülən maarifləndirmə tədbirləri çərçivəsində ictimaiyyətin ayrı-ayrı sahələr üzrə hazırlanan "Metodiki göstərişlər”lə bağlı daha yaxından tanış olması üçün TƏBİB və Baku Media Center animasiya şəklində videoçarxlar hazırlayıb. TƏBİB-dən APA-ya verilən məlumata görə, bu videoçarxlardan biri də "İctimai nəqliyyatda koronavirus infeksiyasının profilaktikasına dair metodiki göstərişlər" əsasında hazırlanmış videoçarxdır. Videoçarxda bildirilir ki, çox sadə gigiyenik qaydalara riayət etməklə, özümüzü və sevdiklərimizin sağlamlığını qoruya bilərik.

    Ətraflı   11:49     23-May-2020     453
  • alternative title

    Bakıda avtomobil aşdı, 20 yaşlı sərnişin öldü

    Bakıda avtomobil aşdı, 20 yaşlı sərnişin öldü Bakıda ölümlə nəticələnən yol-nəqliyyat hadisəsi baş verib. Qalanews.com xəbər verir ki, hadisə Xəzər rayonunun Türkan qəsəbəsində qeydə alınıb. Bakı şəhər sakini, 2000-ci il təvəllüdlü Samir Əliyev sükanı arxasında olduğu “Nissan” markalı avtomobilin idarəetməsini itirərək, nəqliyyat vasitəsini aşırıb. Nəticədə, S.Əliyev bədən xəsarətləri ilə xəstəxanaya yerləşdirilib, sərnişini, 20 yaşlı Azər Bədirli isə hadisə yerində ölüb. Faktla bağlı cinayət işinə başlanılıb.

    Ətraflı   11:08     23-May-2020     367
  • alternative title

    Sumqayıtda tullantıların içindən qumbara və mərmilər tapılıb - FOTO

    Sumqayıtda tullantıların içindən qumbara və mərmilər tapılıb - FOTO May 22-də Daxili İşlər Nazirliyinin ″102″ Xidməti-Zəng mərkəzi sistemindən Ərazilərinin Minalardan Təmizlənməsi üzrə Milli Agentliyə (ANAMA) Sumqayıt şəhəri, Sarıqaya bağlar sahəsi, Çinarlı küçəsində məişət tullantıları ərazisində dörd ədəd əl qumbarasının tapılması barədə məlumat daxil olub. ANAMA-dan verilən məlumata əsasən, Agentliyin xüsusi mobil çevik əməliyyat və partladıcı axtaran xüsusi təlim keçmiş itlərdən ibarət kinoloji qrupları, Daxili İşlər Nazirliyinin Sumqayıt şəhər Polis İdarəsinin 1-ci Polis Bölməsinin və Sumqayıt Təcili Tibbi Yardım Stansiyasının (STTYS) əməkdaşları dərhal həmin əraziyə göndərilib. Agentliyin mütəxəssisləri və Sumqayıt şəhər Polis İdarəsinin 1-ci Polis Bölməsinin əməkdaşları tərəfindən həmin əraziyə baxış keçirilib. Təhlükəsizliyi təmin etmək məqsədilə ərazi polislər tərəfindən mühasirəyə alınıb. Agentliyin mütəxəssisləri tərəfindən aparılan əməliyyat-axtarış tədbirləri nəticəsində iki ədəd F-1 əl qumbarası, iki ədəd UZRQM partladıcısı və 37 ədəd 5.45 mm-lik patronlar aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb. Hərbi təyinatlı əşyaların ətrafında 300 kv.m əraziyə yerüstü, 50 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

    Ətraflı   10:50     23-May-2020     261
  • alternative title

    Azərbaycan İlahiyyat İnstitutuna qəbul olunmaq istəyən abituriyentlərin nəzərinə!

    Azərbaycan İlahiyyat İnstitutuna qəbul olunmaq istəyən abituriyentlərin nəzərinə! Azərbaycan İlahiyyat İnstitutuna (Aİİ) tələbə qəbulu III ixtisas qrupu üzrə Dövlət İmtahan Mərkəzi (DİM) tərəfindən həyata keçirilir. Qəbul planı üzrə İslamşünaslıq ixtisasına 36, Dinşünaslıq ixtisasına 36 yer ayrılıb. Tələb olunan qəbul balı minimum 150 baldır. İnstitutdan XeberOxu.Az-a veriən məlumata görə, Aİİ-də təhsil tam ödənişsizdir və dövlət sifarişi əsasında aparılır. Eyni zamanda, İnstitutda təhsilalanlar pulsuz dərslik və geyimlə təmin edilirlər. Yüksək nəticə göstərən tələbələrə müxtəlif təqaüd proqramları ilə dəstək verilir. Məlumat üçün bildirək ki, Aİİ Azərbaycan xalqının tarixi ənənələrinə söykənən və dövlət siyasətinin məntiqi nəticəsi olan yüksək dini-mənəvi mühitin qorunub saxlanılması və inkişafı, dini fəaliyyət sahəsində yüksək ixtisaslı kadrların hazırlanmasının təmini məqsədilə müasir təhsil standartları və müvafiq sahədə dünya təcrübəsi əsasında təşkil olunub. Aİİ-də tədris prosesi xaricdə təhsil almış yüksək ixtisaslı kadrlar tərəfindən həyata keçirilir. Ali təhsil müəssisəsində müasir sosial elmlərin metodları əsasında İslamla yanaşı, Xristianlıq, Yəhudilik, Hinduizm, Buddizm və digər dünya dinlərinin inanc, ibadət, əxlaq sistemi, eləcə də ictimai strukturları tədris olunur. Ali tədris müəssisəsində, həmçinin dini elmlərlə yanaşı, fəlsəfə, sosiologiya, psixologiya, multikulturalizmə giriş, sosial və humanitar elmlər də keçilir.

    Ətraflı   11:29     15-May-2020     1196
  • alternative title

    Bakı sakinlərinə bu tarixdə küçəyə çıxmamaqla bağlı XƏBƏRDARLIQ

    Bakı sakinlərinə bu tarixdə küçəyə çıxmamaqla bağlı XƏBƏRDARLIQ May ayının 16-da, səhər saatlarından etibarən şəhər mərkəzi və qəsəbələrdəki 300-ə yaxın əsas küçə, prospekt və yollarda xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaq. "Qalanews" xəbər verir ki, bu barədə paytaxtın kommunal strukturlarından məlumat verilib. Bildirilib ki, bununla əlaqədar maddələrin qəbul olunmuş müəyyən toksikliyini nəzərə alaraq, sakinlərdən ciddi zərurət yaranmadığı təqdirdə qeyd olunan tarixdə küçəyə çıxmamaq xahiş olunur.

    Ətraflı   10:26     15-May-2020     1246
  • alternative title

    Tutulan generala bu maddələrlə cinayət işi açıldı

    Tutulan generala bu maddələrlə cinayət işi açıldı Dövlət Təhlükəsizliyi Xidmətinin keçirdiyi əməliyyat zamanı saxlanılan Dövlət Sərhəd Xidmətinin yüksək vəzifəli şəxsləri ilə bağlı cinayət işinə başlanılıb. "Qalanews"-un məlumatına görə, saxlanılan şəxslərlə bağlı istintaq Baş prokuror yanında Korrupsiyaya qarşı Mübarizə Baş İdarəsində aparılır. Faktla bağlı Cinayət Məcəlləsinin 308-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi açılıb. DSX rəisi Elçin Quliyevin müavini, general Əfqan Nağıyev şübhəli şəxs qismində cinayət məsuliyyətinə cəlb edilib. Onunla birlikdə daha üç vəzifəli şəxsin saxlanıldığı bildirilir. İlkin məlumata görə, general və əməkdaşları balıqçıların gəmi ilə qanunsuz ov etməsinə şərait yaratmaq şübhəsi ilə tutulublar. Rəsmi açıqlamada qeyd olunan mülki şəxslərin də balıqçı olduqları bildirilir. Hazırda DTX və Baş Prokurorluq tərəfindən birgə istintaq hərəkətləri davam etdirilir.

    Ətraflı   10:21     15-May-2020     1435
  • alternative title

    Sabahın DƏRS CƏDVƏLİ

    Təhsil Nazirliyinin təşkilatçılığı ilə "Mədəniyyət" və "ARB Günəş" kanallarında yayımlanan "Dərs vaxtı" proqramının 12 may tarixinə olan cədvəli açıqlanıb. Nazirlikdən verilən məlumata görə, Azərbaycan bölməsi üçün sabah saat 10:00-da - Fiziki tərbiyə; 10:15-də VIII sinif - Biologiya, Kimya, İngilis dili, Coğrafiya; 10:50-də VII sinif - Biologiya, Kimya, İngilis dili, Coğrafiya, İnformatika-Rəqəmsal bacarıqlar; 11:30-da IV sinif - Azərbaycan dili, Riyaziyyat, Təsviri incəsənət; 12:00-da III sinif - Azərbaycan dili, Riyaziyyat, Təsviri incəsənət; 12:45-də II sinif - Riyaziyyat, Təsviri incəsənət; 13:10-da I sinif şagirdlərinə Azərbaycan dili, Təsviri incəsənət; 13:40-da Məktəbdənkənar fəaliyyət olacaq. Rus bölməsi üçün 14:00-da - Rus dili, Riyaziyyat, Həyat bilgisi; 14:30-da VIII sinif - Rus dili, Riyaziyyat, Fizika; 15:10-da IX sinif - Rus dili, Riyaziyyat, Fizika; 15:45-də X sinif şagirdlərinə Kimya, Riyaziyyat, Coğrafiya dərsləri olacaq.

    Ətraflı   18:42     11-May-2020     2243
  • alternative title

    Bu tarixdən növbəti 190 manatlıq yardım ödəniləcək

    Sabahdan 190 manatlıq birdəfəlik ödəmənin ikinci ay üçün ödənişlərinin verilməsinə başlanılacaq. Bunu Əmək və Əhalinin Sosial Müdafiəsi Nazirliyinin İctimaiyyətlə Əlaqələr və Kommunikasiya Şöbəsinin müdiri Fazil Talıbov bildirib. Onun sözlərinə görə, artıq birdəfəlik ödəmə alan şəxslərə bank kartlarının verilməsinə başlanılıb: “Bu prosesə bütün banklar səfərbər olunub. Kartların təqdim edilməsi prosesi davam edir. Mayın 12-dən başlayaraq, aprel ayının 9, 10, 11 və 12-si 190 manatlıq birədəfəlik ödəniş alan şəxslərə bu ayın ödənişi kartlara ödəniləcək. İstirahət günlərinə düşdüyü üçün sabah həm 9, həm 10, həm 11, həm də ayın 12-si üçün birdəfəlik ödəmə veriləcək. May ayının sonuna qədər ödənişlər bütün kartlara ödənəcək”. Karantin müddətinin uzadılacağı təqdirdə birdəfəlik ödəmənin yenidən verilib-verilməyəcəyinə məsələsinə gəldikdə isə F.Talıbov qeyd edib ki, Tədbirlər Planında Əmək və Əhalinin Sosial Müdafiəsi Nazirliyinə 2 ay ərzində 190 manatlıq birədəfəlik ödəmə tapşırığı verilib. Ona görə də ödəmə 2 ay üçün nəzərdə tutulub.

    Ətraflı   15:08     11-May-2020     2067
  • alternative title

    Sabah ilk Qədr gecəsidir

    Sabah Azərbaycanda Ramazan ayının ilk Qədr (Əhya) gecəsi olacaq. Bunu Qafqaz Müsəlmanları İdarəsinin sədr müavini Fuad Nurullayev bildirib. Onun sözlərinə görə, bu il ilk Qədr gecəsi mayın 12-dən 13-nə keçən gecəyə təsadüf edir: "Bu ilin Qədr gecələri mayın 12-i (Ramazanın 18-ci günü), 14-ü (Ramazanın 20-ci günü) və 16-sı (Ramazanın 22-ci günü) olacaq. Bir də məxsusi bir Qədr gecəsi var ki, bu da Ramazanın 26-cı gününün axşamı olur. Quranda “Qədr” surəsinin 26 kəliməsi var. Ona görə də deyirlər, ola bilsin ki, həmin gecə də Qədr gecəsi olsun. Bu il həmin Qədr gecəsi mayın 20-dən 21-nə keçən gecəyə təsadüf edir”. Qeyd edək ki, bu il Azərbaycanda Ramazan ayı aprelin 25-də başlayıb. Mayın 24-ü Ramazan (Fitr) bayramıdır.

    Ətraflı   14:39     11-May-2020     1807

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 15:55     25-May-2020     1384
  • alternative title 12:59     25-May-2020     1143
  • alternative title 12:54     25-May-2020     349
  • alternative title 12:19     25-May-2020     1013
  • alternative title 12:02     25-May-2020     1129
image title here

Some title