Loading alternative title

HƏRBİ

  • alternative title

    Ermənilərin intensiv atəşə tutduğu Tərtərdə son vəziyyət - VİDEO

    Ermənistan silahlı qüvvələri cəbhədə təxribatlarını davam etdirir. Baku TV-nin cəbhə bölgəsindəki müxbirinin verdiyi məlumata görə, ötən gecə də düşmən cəbhənin müxtəlif istiqamətlərində Azərbaycan ordusunun üzbəüz mövqelərini və Tərtərin yaşayış məntəqələrini artilleriya atəşinə tutub. Nəticədə, rayona xeyli ziyan dəyib.

    Ətraflı   11:55     28-Oct-2020     359
  • alternative title

    Baş Prokurorluq erməni təxribatlarının vurduğu zərərləri açıqladı - FOTO

    Erməni təxribatı nəticəsində Azərbaycanda ölən və yaralanan mülki vətəndaşların sayı açıqlanıb. Bu barədə Baş Prokurorluğun mətbuat xidmətinin məlumatında qeyd olunub. Bildirilib ki, sentyabrın 27-dən hazırkı vaxtadək ermənilərin yaşayış məntəqələrini atəşə tutması nəticəsində 69 mülki şəxs həlak olub, 322 nəfər yaralanıb. Eyni zamanda, 415 mülki obyekt, 92 yararsız vəziyyətə düşmüş çoxmənzilli yaşayış binası və 2338 yaşayış evi yarasız vəziyyətə düşüb.

    Ətraflı   11:46     28-Oct-2020     1477
  • alternative title

    Bərdədə həlak olan yeddi yaşlı Aysu dəfn olunur - FOTO

    Ermənistan silahlı qüvvələri tərəfindən Bərdə rayonu ərazisinə raket atılması nəticəsində həlak olan yeddi yaşlı Aysu İsgəndərova dəfn edilir. Bu barədə Report məlumat yayıb. Dəfn mərasimində onun yaxınları, rayon ictimaiyyətinin nümayəndələri və kənd sakinləri iştirak edib. A.İsgəndərova yaşadığı Qarayusifli kənd qəbiristanlığında torpağa tapşırılacaq. Qeyd edək ki, oktyabrın 27-də saat 16:40 radələrində Ermənistan silahlı qüvvələri tərəfindən Bərdə rayonu “Smerç” raketlərindən istifadə olunaraq atəşə tutulub. Nəticədə, rayonun Qarayusifli kəndində dörd mülki şəxs həyatını itirib, 14 nəfər ağır şəkildə yaralanıb.

    Ətraflı   11:42     28-Oct-2020     1442
  • alternative title

    İşğalçılar Tərtəri “Smerç”dən atəşə tutdu - RƏSMİ

    Humanitar atəşkəs rejimini pozan Ermənistan silahlı qüvvələri dinc sakinlərimizi raket atəşinə tutmaqda davam edir. Bu barədə Azərbaycanın Müdafiə Nazirliyi məlumat yayıb. Bildirilib ki, oktyabrın 28-da saat 10:15-də düşmən “Smerç” yaylım atəşli reaktiv sistemindən Tərtər şəhərini və rayonunun ərazisini atəşə tutub. Xəsarət alanlar yoxdur.

    Ətraflı   11:38     28-Oct-2020     412
  • alternative title

    Düşmənin atıb qaçdığı hərbi texnika və silah-sursatların yeni görüntüləri yayıldı - VİDEO

    Azərbaycanın Müdafiə Nazirliyi Qubadlı istiqamətində gedən döyüşlər zamanı düşmənin atıb qaçdığı hərbi texnika və silah-sursatların videogörüntüsünü yayıb. Həmin görüntüləri təqdim edirik:

    Ətraflı   11:33     28-Oct-2020     330
  • alternative title

    Sidney və Brizben şəhərlərində Gəncə terroruna etiraz - FOTO

    Avstraliyada yaşayan Azərbaycan diasporunun nümayəndələri erməni təxribatına və işğalçı Ermənistan ordusunun Azərbaycanın dinc əhalisinin sıx məskunlaşdığı, cəbhə bölgəsindən uzaqda yerləşən yaşayış məntəqələrini ağır artilleriya atəşinə tutmasına etiraz olaraq aksiyalar keçiriblər. Bununla bağlı Diasporla İş üzrə Dövlət Komitəsi məlumat yayıb. Həmvətənlərimiz Gəncə şəhərinin dəfələrlə raket atəşinə tutulması nəticəsində mülki vətəndaşların, xüsusilə azyaşlı uşaqların həlak olmasından dərin təəssüf hissi keçirdiklərini bildiriblər. İşğalçı Ermənistan ordusunun dinc əhalini hədəfə alması nəticəsində həlak olmuş körpələrin, dağıdılmış yaşayış məntəqələrinin görüntüsünü əks etdirən foto və videoçarxlardan ibarət xüsusi elektron slaydların yerləşdirildiyi yük maşınları Sidney və Brizben şəhərlərində dövrə vuraraq, şəhər sakinlərinin diqqətini erməni vandalizminə cəlb etməyə çalışıb. “Erməni işğalına son!”, “Azərbaycan ədalət tələb edir!”, “Biz terrora yox deyirik!”, “Qarabağ Azərbaycandır!”, “İşğalçı dövlətə dəstəyi dayandırın!” və başqa şüarlarla yanaşı, Ermənistan tərəfindən işğal edilmiş Azərbaycan torpaqlarının dərhal və qeyd-şərtsiz azad edilməsi ilə bağlı BMT Təhlükəsizlik Şurasının qəbul etdiyi qətnamələrin hələ də yerinə yetirilmədiyi şəhər sakinlərinin diqqətinə çatdırılıb. Qeyd edək ki, yük maşınları Sidneydə yaşayan ermənilərin etiraz aksiyası keçirdiyi gündə də şəhərin mərkəzi küçələrində dolaşıb, Ermənistan dövlətinin cinayətkar əməllərini yerli sakinlərin diqqətinə çatdırıb. Erməni icmasının nümayəndələri yük maşınlarının qarşısını kəsərək, mane olmağa çalışsalar da, soydaşlarımız soyuqqanlı davranıb və heç bir insident qeydə alınmayıb.

    Ətraflı   11:31     28-Oct-2020     343
  • alternative title

    Ceyhun Bayramov və Çavuşoğlu Qarabağdakı son vəziyyəti müzakirə etdi

    Türkiyənin Xarici İşlər naziri Mövlud Çavuşoğlu ilə Azərbaycanın Xarici İşlər naziri Ceyhun Bayramov arasında telefon danışığı baş tutub. Bu barədə Türkiyə mətbuatı məlumat yayıb. Hər iki ölkənin XİN başçılarının Qarabağ münaqişəsi ilə bağlı son vəziyyəti müzakirə etdiyi bildirilir.

    Ətraflı   11:22     28-Oct-2020     1307
  • alternative title

    Ordumuza məxsus PUA vurulmayıb - RƏSMİ

    “Azərbaycan Ordusuna məxsus PUA-nın cəbhə xəttində guya vurulması barədə Ermənistanın yaydığı məlumat yalandır”. Bu barədə Azərbaycan Müdafiə Nazirliyi məlumat yayıb.

    Ətraflı   11:11     28-Oct-2020     261
  • alternative title

    Qarabağdakı quldur rejimin başçısından köməkçisinə ön cəbhədə “vacib” vəzifə: Kartof soyur - FOTO

    Azərbaycanın işğal edilmiş Dağlıq Qarabağ bölgəsindəki separatçıların başçısının köməkçisi Rudik Usnunts sosial şəbəkədə paylaşdığı foto ilə gülüş hədəfinə çevrilib. Görüntülərdə R.Usnuntsun hərbi formada kartof soyması əks olunub. Sosial şəbəkə istifadəçiləri ona bu “vacib” vəzifənin şəxsən quldur rejimin başçısı tərəfindən həvalə olunduğunu qeyd ediblər. Həmin fotonu təqdim edirik:

    Ətraflı   11:05     28-Oct-2020     302
  • alternative title

    Kolumbiya qəzetləri Ermənistanın ölkəmizə qarşı terror siyasəti barədə yazdı - FOTO

    Kolumbiyanın aparıcı KİV-lərindən “Extra Bogota” və “HSB Noticias” qəzetlərində səfir Məmməd Talıbovun Dağlıq-Qarabağ münaqişəsi və Ermənistanın terror siyasəti haqda müsahibəsi dərc olunub. Azərbaycanın Meksikadakı Səfirliyindən verilən məlumata görə, müsahibədə səfir Ermənistanın Azərbaycana qarşı 30 ilə yaxındır davam edən hərbi təcavüzü, Dağlıq Qarabağ münaqişəsinin tarixi, BMT Təhlükəsizlik Şurası və digər beynəlxalq təşkilatların münaqişə ilə bağlı qəbul etdiyi qətnamələr, ATƏT-in Minsk qrupu çərçivəsində aparılmış danışıqlar və Ermənistanın destruktiv yanaşması nəticəsində bu prosesin pozulması, işğalçı dövlətin hərbi-siyasi rəhbərliyinin son iki il ərzindəki təxribat xarakterli bəyanat və addımları, bu xüsusda N.Paşinyanın danışıqları formatından və Azərbaycanın işğal edilmiş ərazilərinin qaytarılmasından imtina edilməsinə yönəlik açıqlamaları, son aylarda bu ərazilərdə aparılan qeyri-qanuni məskunlaşdırma siyasəti, Ermənistan silahlı qüvvələrinin Tovuz rayonu ərazisində törətdiyi hərbi təxribat və 27 sentybar tarixindən etibarən ölkəmizə qarşı növbəti təcavüz cəhdi barədə məlumat verib. Son bir ay ərzində Tərtər, Mingəçevir, Gəncə, Bərdə və digər şəhərlərimizə artilleriya və ballistik raket zərbələri endirilməsi nəticəsində çoxlu sayda mülki vətəndaşımızın həlak olması və yaralanması və hərbi əməliyyatların gedişində Ermənistan tərəfinin törətdiyi digər müharibə cinayətlərindən danışan diplomat, qeyd olunanların Ermənistanın Azərbaycana qarşı dövlət səviyyəsində terror siyasəti yürütdüyünün sübutu olduğunu vurğulayıb. Bildirib ki, regionda davamlı sülh və təhlükəsizliyin təmin edilməsinin formulu Ermənistan silahlı qüvvələrinin işğal olunmuş ərazilərimzidən çıxarılmasıdır və beynəlxalq ictimaiyyətin bütün üzvləri təcavüzkar dövlətdən öz işğalçı siyasətindən əl çəkməsini, BMT TŞ-nin qətnamələri və beynəlxalq hüquqdan irəli gələn öhdəliklərinə əməl edərək işğal etdiyi Azərbaycan ərazilərini azad etməsini tələb etməlidir. Daha sonra ünvanlanan suallara cavab olaraq, səfir Azərbaycanın əlverişli coğrafi mövqeyi, Avropa və Şərq sivilizasiyalarının kəsişməsində yerləşməsi və hər iki bölgənin dəyərlərini özündə birşlədirməsi, mədəni müxtəlifliklə zəngin və fərqli etiqadlardan olan insanların sülh şəraitində birgə yaşadığı yer olması haqda məlumat verib. Azərbaycanın tarixdə müsəlman Şərqində ilk demokrtatik respublikanın əsasını qoymaqla tarixdə iz buraxdığını qeyd edən səfir, Azərbaycan Xalq Cümhuriyyətinin yaradılması, 23 aylıq fəaliyyəti dövründə dövlət quruculuğu sahəsində əldə etdiyi uğurlar, milli, dini və irqi bərabərlik, söz və toplaşmaq azadlığı, qadınlara seçki hüququnun verilməsi kimi mütərəqqi normaları qəbul etməsi haqda danışıb. Müstəqillik ideyasının AXC-nin süqutundan sonra da Azərbaycan xalqının yaddaşından silinmədiyini, bu sayədə 1991-ci ildə Azərbaycanın öz dövlət müstəqilliyini bərpa etməyə nail olduğunu qeyd edib. Müstəqilliyin ilk illərində Azərbaycanın ölkədaxili siyasi gərginlik, dərin iqtisadi böhran və Ermənistanın hərbi təcüvüzü kimi problemlərlə qarşılaşdığını deyən diplomat, ulu öndər Heydər Əliyev tərəfindən əsası qoyulan və Prezident İlham Əliyev tərəfindən uğurla davam etdirilən inkişaf strategiyası sayəsində ölkəmizin sürətli sosial-iqtisadi yüksəliş yaşadığını bildirib, bu xüsusda 2000-ci ildən etibarən ölkə iqtisadiyyatında 4 dəfəyə qədər artım qeydə alındığı, strateji valyuta ehtiyatlarının ÜDM-nin 90%-i keçdiyini, işsizlik və yoxsulluğun 5%-ə qədər endiyini və ölkəyə 200 milyard dollara qədər birbaşa xarici sərmayə yatırıldığını qeyd edib. Bununla yanaşı, Azərbaycanın təşəbbüsü və iştirakı ilə həyata keçirilən Baku-Tbilisi-Ceyhan, Cənub Qaz Dəhlizi - TAP, TANAP, Bakı-Tbilisi-Qars kimi qlobal əhəmiyyətli enerji və infrastruktur layihələri, habelə ölkə iqtisadiyyatının şəxələndirilməsi və qeyri-neft sektorunun inkişafı haqda məlumat verib. Sonda Kolumbiya ilə ikitərəfli əlaqələrin inkişafına toxunan təmsilçimiz, xüsusilə ilə qarşılıqlı olaraq diplomatik nümayəndəliklərin təsis edilməsindən sonra ikitərəfli və çoxtərəfli siyasi, parlamentlərarası, təhsil, mədəniyyət sahələrində faydalı əməkdaşlıq həyata keçirildiyini, habelə kənd təsərrüfatı, energetika, turizm və sərmayə yatırımı sahələrində də əlaqələrin inkişafı üçün ciddi potensial olduğunu bildirib. https://bogota.extra.com.co/noticias/nacional/azerbaiyan-se-convirtio-en-una-isla-de-estabilidad-desarroll-639108 https://hsbnoticias.com/noticias/nacional/azerbaiyan-se-convirtio-en-una-isla-de-estabilidad-desarroll-639112

    Ətraflı   10:57     28-Oct-2020     967
  • alternative title

    Düşmənin yaşayış məntəqələrimizə atdığı top mərmiləri və raket aşkarlandı - FOTO

    Oktyabrın 27-də Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Bərdə, Cəbrayıl, Füzuli, Goranboy, Tərtər rayonları ərazisinə mərmilərin düşməsi barədə Daxili İşlər Nazirliyinin “102” Xidməti-Zəng mərkəzi sistemindən 20 və Fövqəladə Hallar Nazirliyinin Böhran Vəziyyətlərində İdarəetmə Mərkəzindən iki müraciət daxil olub. Bununla bağlı ANAMA məlumat yayıb. Bildirilib ki, daxil olmuş 22 çağırış əsasında Agentliyin xüsusi mobil çevik əməliyyat qrupları tərəfindən Ağcabədi rayonunun Ağgöl kəndi, Taxtakörpü adlanan ərazisi və Hindarx qəsəbəsi, Ağdam rayonunun Ayaq Qərvənd və Əfətli kəndləri, Bərdə rayonunun Alpout, Qarayusifli, Böyük Göyüşlü kəndləri, Cəbrayıl rayonunun Soltanlı kəndi, Füzuli rayonunun 3-cü Zobcuq qəsəbəsi, Goranboy rayonunun Tapqaraqoyunlu kəndi, Tərtər rayonunun Buruc, Düyərli, Ələsgərli, Qazyan kəndləri, Narlıq qəsəbəsi və E.Səfərov küçəsi ərazisinə Daxili İşlər Nazirliyinin əməkdaşları ilə birlikdə 19 operativ və təxirəsalınmaz əməliyyat çıxışı həyata keçirilib. Aparılmış əməliyyat-axtarış tədbirləri zamanı 1 ədəd 100 mm-lik top mərmisi (OF-412), 1 ədəd 300 mm-lik raket (9M528), 1 ədəd 57 mm-lik top mərmisi (BM-8), 1 560 ədəd piyada əleyhinə PMN minası, 67 ədəd piyada əleyhinə OZM-72 minası, 33 ədəd tank əleyhinə TM-62M minası, 18 ədəd tank əleyhinə TM-62P2 minası, 34 ədəd MVP partladıcısı, 202 ədəd MVÇ partladıcısı, 76 ədəd detonator və 20 ədəd partlamış mərmi qalıqları aşkar olunub. Agentliyin Mina Təhlükəsinə dair Maarifləndirmə üzrə mütəxəsisslər tərəfindən 29 066 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.

    Ətraflı   10:45     28-Oct-2020     1307
  • alternative title

    Bərdənin raket atəşinə tutulması nəticəsində yaralananlardan dördü azyaşlıdır - FOTO

    Ermənistan silahlı qüvvələri tərəfindən Bərdə rayonunun kasetli raketlərlə atəşə tutulması nəticəsində Qarayusifli kəndinin sakinlərindən biri azyaşlı olmaqla 4 nəfər həlak olub, 12 nəfər yaralanıb. Bərdə Rayon Mərkəzi Xəstəxanasının həkimi Zaur Əliyev AZƏRTAC-a bildirib ki, xəstəxanaya gətirilən 12 yaralıdan dördü də azyaşlıdır: “Yaralılardan biri kəllə-beyin travması ilə neyrocərrahiyə şöbəsinə göndərilib. Digər xəstələr əməliyyat edilib. Hazırda vəziyyətləri orta ağırdır”. Raketin partlaması nəticəsində qəlpə yarası alan Zərqələm Alıyeva deyib: “Həyətdə idik. Qəfildən partlayış səsi eşitdik. Sanki hər tərəf partlayırdı. Yerə uzandıq. Qalxanda gördüm sol budumdan yaralanmışam Xəstəxanaya gətirdilər. Əməliyyat olqəlpəni çıxardılar”. Qarayusifli kəndinə raket atılması nəticəsində həlak olan 7 yaşlı Aysu İsgəndərovanın 3 yaşlı bacısı Tahirə İsgəndərova da yaralanıb. Balaca Tahirə əməliyyat olunub, baldırındakı qəlpə çıxarılıb.

    Ətraflı   10:43     28-Oct-2020     274
  • alternative title

    Şəhid polkovnik Şükür Həmidovun atası: “Dəfələrlə bildiriblər ki, heç kimin yerini deməyin”

    Şəhid polkovnik, Azərbaycanın Milli Qəhrəmanı Şükür Həmidovun atası Nəriman Həmidov “Xəzər TV”də yayımlanan “Vaxt Gəldi!” verilişinin qonağı olub. O, şəhid polkovniklə son telefon danışığından söz açıb: “Ayın 21-də telefonda video gördük. Videoda deyirdilər ki, Şükür, bura Balasoltanlıdır. Dəfələrlə bildiriblər ki, heç kimin yerini deməyin. Oğluma dedim ki, təcili Şükürə zəng elə. Növbəti gün televizorda xəbərləri gözləyirdik. Xəbərlərə bir neçə dəqiqə qalmış oğlum ağlaya-ağlaya içəri girdi. Ondan sonra xəbərlərə baxmadıq. Bu, müharibədir, itkilər də olacaq. Belə olmasa, düşmənin murdar ayağını torpaqlarımızdan təmizləyə bilmərik”. N.Həmidov Prezident İlham Əliyevin ona zəng etməsindən də danışıb: “Şəhidlər Xiyabanında dəfn zamanı da adam əlindən yer yox idi. Cənab Prezidentin hər dəqiqəsi qızıldı. Amma mənə zəng etdi, başsağlığı verdi, kədərləndiyini bildirdi. Arzum odur ki, torpaqlarımız tamamilə işğaldan azad edilsin”.

    Ətraflı   10:42     28-Oct-2020     254
  • alternative title

    Ermənistan ərazisindən Azərbaycanın dörd rayonu atəşə tutulub - RƏSMİ

    Ermənistan silahlı qüvvələrinin bölmələri oktyabrın 28-də gecə və səhər müxtəlif vaxtlarda Ermənistan-Azərbaycan dövlət sərhədində yerləşən yaşayış məntəqələrimizi və bölmələrimizin mövqelərini atıcı silahlardan atəşə tutub. Bu barədə Azərbaycanın Müdafiə Nazirliyi məlumat yayıb. Bildirilib ki, Ermənistanın Berd, Çəmbərək, Vardenis və Gorus rayonları ərazisindən Azərbaycanın Tovuz, Gədəbəy, Daşkəsən və Qubadlı rayonlarının əraziləri düşmən tərəfindən atəşə tutulub. Səhər saat 07.35-dən 09.00-dək isə Ağcabədi rayonu ərazisi düşmən tərəfindən atəşə məruz qalıb.

    Ətraflı   10:38     28-Oct-2020     316
  • alternative title

    İşğalçı Ermənistan ordusundakı acınacaqlı vəziyyətə görə parlament fövqəladə qanunlar qəbul etdi

    Ermənistan parlamenti “Müdafiə haqqında” qanuna dəyişikliklər edilməsi haqqında qanun layihəsini ilk oxunuşda qəbul edib. Bu barədə Aysor.am məlumat yayıb. Qanun layihəsinə əsasən qeyri-nizami silahlı dəstələr - Ermənistanın hərbi hücum, bununla bağlı birbaşa təhdid və ya döyüş əməliyyatları zamanı vətəndaşların iştirakı ilə könüllülük prinsipi əsasında formalaşmış silahlı müdafiə sistemidir. “Könüllü dəstələr Ermənistan sərhədində təhlükə altında olan məntəqələr və ya düşmənlə təmas xəttinin silahlı müdafiəsində, düşmənin xüsusi əməliyyatları zamanı diversiya, terrorçu, kəşfiyyat qüvvələrinə qarşı mübarizədə, xüsusi və vacib əhəmiyyətli obyektlərin silahlı müdafiəsində iştirak edə bilər. Könüllü dəstələr sistemi ərazi prinsipi üzrə fəaliyyət göstərir”, - məlumatda deyilir. Düşmən ölkə parlamentinin digər bir qərarı ilə hərbi vəziyyət dövründə hüquqi və fiziki şəxslərin şəxsi əmlaklarının müsadirəsi haqqında qanun layihəsi qəbul edilib. Burada fiziki və hüquqi şəxslərin şəxsi mülkiyyətindən istifadə etmək lazım olduqda yaranan münasibətlərin tənzimlənməsi nəzərdə tutulur. Qeyd olunur ki, hərbi vəziyyət hüquqi rejimi zamanı hərbi vəziyyətlə əlaqədar problemlərin həlli üçün dövlətin sərəncamındakı mülkiyyət kifayət etmədiyi halda həmçinin fiziki və hüquqi şəxslərin də mülkiyyətindən istifadə oluna bilər. Ermənistan parlamentinin bir digər qərarına əsasən isə Ermənistan Cinayət Məcəlləsində bir sıra fəaliyyətlərə görə cəza nəzərdə tutan bəzi maddələrin işlənib-hazırlanmasına yönələn dəyişikliklər edilib. “Hərbi vəziyyət, müharibə və ya döyüş əməliyyatları zamanı müəyyən fəaliyyətlər üçün daha sərt cəzalar nəzərdə tutulur”. Qeyd edək ki, bütün bu qərarlar işğalçı orduda tüğyan edən acınacaqlı vəziyyətin sübutudur.

    Ətraflı   10:37     28-Oct-2020     353
  • alternative title

    Ermənilərin Bərdəni atəşə tutması nəticəsində həlak olan Aysunun atası: “Getdim ki, uşaq yoxdur” - VİDEO

    Bu gün Ermənistan silahlı bölmələrinin növbəti dəfə dinc sakinləri dəfə alıb Bərdəni atəşə tutması zamanı həlak olan 8 yaşlı Aysunun atası danışıb. Türkiyənin “Haber Global” telekanalının Bərdədə olan müxbiri Aysunun evində olub. Aysu İngəndərovanın atası Rövşən baş verənləri göz yaşları ilə anlatmağa çalışıb: “Nə deyəcəyimiyi bilmirəm. İşdə idim. Traktor sürürdüm. Səs eşitdim. Duman bizim evimiz tərəfdən qalxdı. Getdim ki, uşaq yoxdur. İkinci sinfə gedirdi. Uşağı görəndə qarın nahiyəsindən daxili orqanları çölə dağılmışdı”.

    Ətraflı   10:35     28-Oct-2020     331
  • alternative title

    Məşhur “yutuber” Gəncədə “savaşın gerçək üzü”nü ortaya çıxardı - VİDEO

    Məşhur türkiyəli “yutuber” Ruhi Çenet Azərbaycanla Ermənistan arasındakı münaqişəyə həsr olunmuş video hazırlayıb. Beş milyona yaxın izləyici olan “YouTube” hesabında paylaşılan videonu çəkmək üçün Ruhi Çenet ölkəmizə səfər edib. “Azərbaycan-Ermənistan savaşının gerçək üzü” başlıqlı videoda ermənilərin Azərbaycanın dinc əhalisinə qarşı hücumları, xüsusən Gəncəyə endirilmiş raket zərbələrinə münasibət bildirilib. Ruhi Çenet həmçinin Gəncə şəhərində raket hücumu zamanı yaxınlarını itirmiş şəhər sakinləri ilə də görüşüb, videoda onların fikirlərinə geniş yer verilib.

    Ətraflı   10:30     28-Oct-2020     311
  • alternative title

    Hadrutda qalmış erməni qadın: “Məni zirzəmidə qazsız, susuz, çörəksiz qoydular”

    “Mən, Babayan Jenya Pavlovna 21 mart 1935-ci ildə anadan olmuşam. Biz həmişə azərbaycanlılarla birgə yaşamışıq. Mehriban, sülh şəraitində onlarla xəstəxanada birgə işləmişəm. Məni çox yaxşı qəbul edirdilər”. Bu sözləri Hadrutun erməni işğalından azad olunması zamanı ermənilərin qoyub qaçdıqları iki nəfər yaşlı şəxsdən biri olan Yevgeniya Babayan deyib. O qeyd edib ki, birlikdə yaşayış zamanı azərbaycanlılarla bir-birilərini qarşılıqlı olaraq evə dəvət ediblər və yaxşı yaşayıblar: “Gəldim Hadruta, bir xeyli vaxt keçdi. Bu müharibə başladı. Ermənilər məni evin zirzəmisində qoyub qaçdılar. Dedilər ki, səni aparacağıq, aparmadılar. Məni zirzəmidə qazsız, susuz, çörəksiz qoydular. Azərbaycanlı gəldi, mənə kömək etdi, dedi ki qorxma-qorxma bacı, avtomobillə Bakıya gətirdi. İndi Bakıda xəstəxanadayam. Məni yaxşı yedizdirirlər, yaxşı baxırlar. Çox minnətdaram. Ona görə ki, bizim ermənilər məni qoruya bilmədilər. Bizim ermənilər məni qoyub qaçdılar. Atalar, analar, çətin şey deyil sülh yaratmaq, kömək edin ki, azərbaycanlılarla birgə yaşayaq. Bu həyat deyil, bu yaşayış deyil”.

    Ətraflı   10:27     28-Oct-2020     240
  • alternative title

    Qondarma rejimin “müdafiə naziri”nin məhv edildiyi avtomobil - FOTO

    Ordumuz tərəfindən məhv edilən qondarma “Dağlıq Qarabağ Respublikasının” “müdafiə naziri” Cəlal Arutunyanın vurulduğu avtomobilin görüntüləri yayılıb. Bununla bağlı foto sosial şəbəkələrdə paylaşılıb. Qeyd edək ki, Ermənistan silahlı qüvvələri ilə bərabər humanitar atəşkənin pozulmasında fəal iştirak etmiş C.Arutyunyan Azərbaycan Silahlı Qüvvələrinin uğurlu əks-hücum əməliyyatı nəticəsində fiziki olaraq məhv edilib.

    Ətraflı   10:19     28-Oct-2020     494
  • alternative title

    ANAMA: Bərdə qadağan olunmuş kaset sursatla atəşə məruz qalıb - FOTO

    Erməniatanın hərbi qüvvələri mülki əhalinin sıx yaşadığı Bərdə rayonunun Alpout, Qarayusifli və Göyüşlü kəndlərini hədəfə aldı. Bu barədə ANAMA “Twitter” hesabında operativ məlumat paylaşıb. Məlumatda qeyd edilir ki, ANAMA-nın xüsusi çevik qrupları əraziyə baxış zamanı 1 ədəd 300 mm 9M525 tipli raketin və tərkibində 72 ədəd 9N235 bombaçığın qalıqları aşkar edib: “Bu bombaçıqların partlaması nəticəsində 1 nəfər azyaşlı olmaqla ümumilikdə 4 nəfər həlak olub, 13 nəfər yaralanıb, 4 ev yararsız hala düşüb. Bu fakt Ermənistan hərbi qruplarının mülki şəxslərə qarşı qadağan olunmuş kaset sursatlardan istifadə etdiyini təsdiq edir”.

    Ətraflı   10:17     28-Oct-2020     333

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 10:51     29-Oct-2020     534
  • alternative title 10:47     29-Oct-2020     1390
  • alternative title 11:16     28-Oct-2020     1726
  • alternative title 10:56     28-Oct-2020     526
  • alternative title 12:40     27-Oct-2020     1611
image title here

Some title