Loading alternative title

ÖLKƏ

  • alternative title

    Bazar ertəsi üçün nəzərdə tutulan DƏRS CƏDVƏLİ açıqlandı

    Təhsil Nazirliyinin dəstəyi ilə “Mədəniyyət” kanalında yayımlanan “Dərs vaxtı” proqramının 30 mart üçün nəzərdə tutulan dərs cədvəli açıqlanıb. Nazirlikdən verilən məlumata görə, 30 martda Azərbaycan bölməsi üçün saat 10:00-da Fiziki tərbiyə; 10:10-da VI sinif - Azərbaycan dili, Riyaziyyat, Fizika, Tarix; 10:55-də V sinif - Azərbaycan dili, Riyaziyyat, Tarix; 11:25-də Məktəbəhazırlıq; 11:35-də IV sinif - Azərbaycan dili, Riyaziyyat, İngilis dili; 12:00-da III sinif - Azərbaycan dili, Riyaziyyat, İngilis dili; 12:30-da II sinif - Azərbaycan dili, Riyaziyyat, İngilis dili ; 13:00-da I siniflər üçün Azərbaycan dili, Riyaziyyat, İngilis dili dərsləri olacaq. Rus bölməsi üçün 14:00-da - Məktəbə hazırlıq; 14:10-da V sinif - Rus dili, Riyaziyyat; 14:30-da VI sinif - Rus dili, Riyaziyyat, Fizika; 15:05-də XI siniflər üçün - Rus dili, Riyaziyyat və Fizika dərsləri olacaq.

    Ətraflı   18:50     28-Mar-2020     421
  • alternative title

    Avtobusların kart sisteminə keçirilməsi sürətləndiriləcək? - AÇIQLAMA

    Ölkə üzrə koronavirus təhlükəsi ilə mübarizə çərçivəsində bir sıra tədbirlər görülür. İnsanların bir-biri ilə təması, ünsiyyəti minimuma endirilir. Xüsusilə 65 yaşdan yuxarı şəxslərin isə evdən çıxması qadağan edilib. Lakin maraqlı məqamlardan biri bəzi sərnişindaşıma avtobuslarında hələ də ödənişin nəğd qaydada aparılmasıdır. Ölkə üzrə bütün sərnişindaşıma avtobuslarının kart sisteminə keçirilməsi istiqamətində tədbirlər davam etdirilirdi. Bəs görəsən mövcud vəziyyətlə əlaqədar olaraq, bu prosesin bir qədər sürətləndirilməsi gözlənilirmi? Məsələ ilə bağlı Bakı Nəqliyyat Agentliyinin (BNA) mətbuat xidmətinin rəhbəri Mais Ağayev bildirib ki, avtobus xətlərinin “BakıKart”a inteqrasiyası ilə bağlı işlər plana uyğun şəkildə davam etdirilir: “Hazırda əsas diqqət əksepidemik tədbirlərə yönəldilməsinə baxmayaraq, bu istiqamətdə də tədbirlər görülür. Nəzərinizə çatdırım ki, bütün həyat əhəmiyyətli qurumlarda olduğu kimi bizdə də işlər xüsusi karantin rejiminin şərtləri nəzərə alınmaqla davam etdirilir. Eyni zamanda bu cür epidemik vəziyyət özü də bir daha sübut edir ki, nağdsız ödəniş sistemlərinin tətbiqi zəruridir”.

    Ətraflı   18:47     28-Mar-2020     274
  • alternative title

    Polis postlarından bu şəxslər keçə bilər: Qayda təsdiqləndi - SİYAHI

    Xüsusi karantin rejimi dövründə polis postlarından fiziki şəxslərin və nəqliyyat vasitələrinin buraxılışı qaydası təsdiqlənib. Bununla bağlı Daxili İşlər Nazirliyinin Mətbuat Xidmətindən məlumat verilib. Qaydaya əsasən, polis postlarından aşağıdakı şəxslər və onların nəqliyyat vasitələri buraxılır: - operativ nəqliyyat vasitələri, o cümlədən yanğından mühafizə, polis, təcili tibbi yardım, qəza-xilasetmə bölmələrinin, hərbi avtomobil müfəttişliyinin, feldyeger rabitəsi orqanının, pul mədaxilinin inkassasiyası üçün nəzərdə tutulan, “Azərpoçt” MMC-yə məxsus olan avtomobillərin sürücüləri və aidiyyəti sərnişinləri; - yük daşıyan avtomobillərin sürücüləri və aidiyyəti sərnişinləri; - təcili tibbi zərurətlə əlaqədar səfər edən şəxslər və onlar ilə gedən ailə üzvləri (iki nəfərdən çox olmamaqla) yaxud qanuni nümayəndələri - təcili müalicə olunma zərurətini təsdiq edən səhiyyə orqanının məktubunu (arayışını) təqdim etməklə; - respublikanın tibb müəssisələrində qeydiyyatda olan və mütəmadi müalicə almaq üçün müvafiq tibb müəssisələrinə gedən şəxslər - polis postlarında olan müvafiq adlı siyahılar üzrə yoxlanıldıqdan sonra; - yaxın qohumu ölmüş şəxslər (valideyni, əri (arvadı), övladı, qardaşı, bacısı, babası, nənəsi, nəvəsi, qaynatası, qaynanası) – ölüm faktını təsdiq edən tibb müəssisəsinin arayışını təqdim etməklə; - xüsusi karantin rejimi elan olunmazdan qabaq respublikanın digər şəhər və rayonlarına getmiş Bakı, Sumqayıt şəhərlərində və Abşeron rayonunda yaşayış yeri üzrə qeydiyyatda olan evlərinə qayıdan şəxslər; - xüsusi karantin rejimi elan olunmazdan qabaq Bakı, Sumqayıt şəhərlərinə və Abşeron rayonuna gəlmiş digər şəhər və rayonlarda yaşayış yeri üzrə qeydiyyatda olan evlərinə qayıdan şəxslər; - öz ölkələrinə qayıdan xarici dövlətlərin vətəndaşları. Dövlət əhəmiyyətli və həyat təminatlı müəssisə və təşkilatların rəhbərləri işçilərinin polis postlarından buraxılması üçün Azərbaycan Respublikasının Daxili İşlər Nazirliyinə əsaslandırılmış rəsmi müraciət ünvanlayırlar (info@mia.gov.az). Müraciətdə polis postlarından buraxılmalı olan işçilərin adlı siyahısı, onların şəxsiyyətini təsdiq edən sənədin (xidməti vəsiqənin) seriyası və nömrəsi, polis postlarından buraxılmalı olan nəqliyyat vasitələrinin markası və nömrəsi göstərilir. Müraciətlərə 24 saat müddətində baxılaraq qərar qəbul olunur və bu barədə təşəbbüskar rəsmi məlumatlandırılır. Eyni vaxtda polis postundan beşdən artıq işçisi keçən müəssisə və təşkilat onların daşınması üçün üzərində loqosu olan sərnişindaşıma nəqliyyat vasitəsi (avtobus, mikroavtobus və s.) ayırmalıdır. Polis postundan keçən bütün şəxslər şəxsiyyəti təsdiq edən sənədləri təqdim etməlidirlər.

    Ətraflı   18:44     28-Mar-2020     2546
  • alternative title

    Paytaxtda soyğunçuluq edən dəstə üzvləri tutulublar

    Yasamal Rayon Polis İdarəsinin 26-cı polis bölməsinə müraciət edən Bakı şəhər sakini N.Nəcəfzadə martın 27-də saat 2 radələrində işlədiyi köşkə gəlmiş şəxslərin ona zor tətbiq edib tütün məmulatı aldığını bildirib. Daxili İşlər Nazirliyinin mətbuat xidmətindən bildiriblər ki, soyğunçuluğu törətməkdə şübhəli bilinənlər - Bakı şəhər sakinləri B.Nağızadə, C.Rəhimli, E.Qəhrəmanlı və M.Əliyev keçirilmiş əməliyyat-axtarış tədbirləri nəticəsində müəyyən edilərək polis əməkdaşları tərəfindən saxlanılıblar. Onların həmin gün eyni saatda daha bir köşkdən tütün məmulatı oğurlamaları da müəyyən edilib. Faktla bağlı araşdırma aparılır.

    Ətraflı   18:40     28-Mar-2020     1620
  • alternative title

    Türkiyədə təhsilini davam etdirən tələbələrimiz ziyarət olunublar

    Koronavirus səbəbindən Azərbaycan ilə Türkiyə arasında hava və quru nəqliyyatı hərəkətinin müvəqqəti dayandırılması qərarından sonra bu ölkədə təhsil alan tələbələrimizin mütləq əksəriyyəti məlum infeksiya riski ilə bağlı özünütəcrid şəraitində yaşayır və distant dərslərlə təhsillərini davam etdirirlər. AZƏRTAC xəbər verir ki, bu tələbələrə ölkəmizin Türkiyədəki diplomatik nümayəndəlikləri ilə yanaşı, burada fəaliyyət göstərən dərnəklər tərəfindən də maddi və mənəvi dəstək göstərilir. Belə təşkilatlardan biri, Kocaeli Derince Azərbaycan Evi Dərnəyinin rəhbəri Volkan Aydemir və dərnəyin nümayəndələri Kocaeli şəhərində təhsil alan 195 tələbəmizi ziyarət ediblər. V.Aydemir tələbələrlə söhbət edib, dərnək olaraq bu çətin günlərdə onların yanında olduqlarını bildirib. O, hazırda Türkiyədə şəhərlərarası səyahət qadağasının tətbiqi səbəbindən digər şəhərlərdə olan tələbələrimizə valiliklərin köməyi ilə dəstək oluduqlarını ifadə edib. Qeyd edək ki, Türkiyədə 20 mindən çox azərbaycanlı tələbə təhsil alır.

    Ətraflı   18:38     28-Mar-2020     208
  • alternative title

    Qobustan qəsəbəsində qətl törədən keçmiş məhkum tutulub

    Qaradağ rayonunun Qobustan qəsəbəsində yaşayan Laləzər Kərimlinin martın 26-da evində qətlə yetirilməsi barədə rayon polis idarəsinin 11-ci polis bölməsinə məlumat daxil olub. Daxili İşlər Nazirliyinin mətbuat xidmətindən bildiriblər ki, rayonun polis və prokurorluq orqanlarının əməkdaşları tərəfindən dərhal müvafiq tədbirlər həyata keçirilib. L.Kərimlinin öz qaynı, əvvəllər məhkum olunmuş S.Kərimov tərəfindən münaqişə zəminində bıçaqla qətlə yetirilməsi müəyyən edilib. Qəsdən adam öldürməkdə şübhəli bilinən S.Kərimov təxirəsalınmaz əməliyyat-axtarış tədbirləri ilə saxlanılıb. Faktla bağlı araşdırma aparılır.

    Ətraflı   18:37     28-Mar-2020     1959
  • alternative title

    “Azəriqaz”: Koronavirusa birlikdə qalib gələk

    Prezident İlham Əliyevin Fərmanı ilə yaradılan Koronavirusla Mübarizəyə Dəstək Fonduna ayrı-ayrı dövlət qurumları, özəl şirkətlər və vətəndaşlar tərəfindən vəsaitlərin köçürülməsi davam edir. Bu məqsədlə Azəriqaz Layihə İnşaat QSC və Təmiz Qaz QSC ölkəmizdə koronavirusla (COVID-19) mübarizə çərçivəsində Prezident İlham Əliyevin çağırışına dəstək olaraq, Koronavirusla Mübarizəyə Dəstək Fonduna hər biri 10 min (cəmi 20 min) manat vəsait köçürüb. “Azəriqaz” İstehsalat Birliyindən bildiriblər ki, hər iki qurum ölkəmizdə koronavirusla mübarizə üzrə təşəbbüsün başladılmasını alqışlayır, bu xəstəliyə qalib gələcəyimizə əminliyini bəyan edirlər.

    Ətraflı   18:34     28-Mar-2020     1967
  • alternative title

    “Huawei Azerbaijan” koronavirusla mübarizədə Heydər Əliyev Fonduna dəstək göstərib - FOTO

    “Huawei Azerbaijan” koronavirusla (COVID-19) mübarizədə Heydər Əliyev Fonduna dəstək göstərib. Xüsusi karantin rejimi ilə bağlı tədbirlərin dəstəklənməsi məqsədilə həyata keçirilən layihə çərçivəsində COVID-19 virusuna qarşı qoruyucu və profilaktik vasitələr Azərbaycana gətirilib. Bu vasitələr sırasında tibbi maskalar, steril əlcəklər, gözün selikli qişasını qorumaq üçün hava keçirməyən və tərləməyən eynəklər, həmçinin birdəfəlik tibbi qoruyucu kostyumlar var. Qeyd olunan xüsusi qoruyucu vasitələrin Heydər Əliyev Fondu tərəfindən “Tibbi Ərazi Bölmələrini İdarəetmə Birliyi”nə (TƏBİB), Pensiya yaşına çatmış şəxslər üçün sosial xidmət Müəssisəsinə, uşaq evləri və internat məktəblərinə təqdim olunub. Çinin “Huawei” şirkəti Azərbaycanda 17 ildən artıqdır ki, fəaliyyət göstərir. “Huawei Tech. Azerbaijan” MMC-nin baş icraçı direktoru Lu Canlin qeyd edib ki, “Huawei” ötən müddət ərzində həm tərəfdaşları, həm də Azərbaycan xalqı ilə dost münasibətləri qura bilib. Dostluq və tərəfdaşlıq çətin zamanlarda daha vacibdir, çünki əsl dost belə vacib günlərdə tanınar. Məhz buna görə “Huawei” şirkəti COVID-19 pandemiyasına qarşı Azərbaycan hökuməti və xalqı ilə səylərini birləşdirir.

    Ətraflı   17:22     28-Mar-2020     1476
  • alternative title

    Bakıda qumrular kütləvi şəkildə ölür: Virus, yoxsa zəhərlənmə? - FOTO

    Bu gün paytaxtın bir sıra ərazilərində qumruların kütləvi ölümü müşahidə edilib. Quşların hansı səbəbdən öldüyü məlum deyil. Məsələ ilə bağlı danışan Kənd Təsərrüfatı Nazirliyi yanında Dövlət Baytarlıq Nəzarəti Xidmətinin sektor müdiri Ramiz Salmanovun sözlərinə görə, quşların qida zəhərlənməsindən ölmə ehtimalı var: “Bütün hallarda məsələ araşdırılmalıdır. Düşünmürəm ki, bu quş qripi və ya hər hansı virusla bağlı olsun. Elə olan halda regionlardan da müraciətlər daxil olardı. Nəzərə alsaq ki, qumrular tək-tək deyil, ərazilərdə toplu halda müşahidə edilirlər. İlkin ehtimal kimi bunu hər hansı köhnə qidadan, yemlərdən zəhərlənmə kimi qiymətləndirmək olar. Yaxşı olardı ki, o quşlar yaxınlıqdakı zibil qutularına atılsın və ya yandırılsın. Hər hansı virus ehtimalı varsa belə, yayılmasının qarşısı alınsın”.

    Ətraflı   17:19     28-Mar-2020     2023
  • alternative title

    Xaçmaz polisindən karantin rejiminə əməl etməyənlərə xəbərdarlıq - FOTO

    Ölkə ərazisində koronavirus infeksiyasına qarşı preventiv mübarizə tədbirlərinin gücləndirilməsi məqsədilə 65 yaşdan yuxarı insanlarla profikatiki söhbətlər aparılır. Bu barədə DİN Mətbuat Xidmətinin Quba regional qrupundan məlumat verilib. Məlumata görə, Nazirlər Kabineti yanında operativ qərargahın tələb və tövsiyələrinə uyğun genişmiqyaslı tədbirlərin həyata keçirilməsi və elan edilən xüsusi karantin rejim qaydalarının təmin olunması istiqamətində Xaçmaz Rayon Polis Şöbəsinin əməkdaşları gücləndirilmiş iş rejimində çalışırlar. RPŞ-nin əməkdaşları tərəfindən rayon ərazisində koronavirus infeksiyasına qarşı preventiv mübarizə tədbirlərinin gücləndirilməsi məqsədilə 65 yaşdan yuxarı insanlarla profilaktiki söhbətlər aparılır, onların çölə çıxmamaları barədə tövsiyələr verilərək, yaşadıqları ünvanlara qaytarılması təmin olunur. Həmçinin, polis əməkdaşları tərəfindən xidməti avtomobillərdə olan səsgücləndiricilər vasitəsilə koronavirus infeksiyasının yayılmasının qarşısının alınması istiqamətində görülən tədbirlər və tətbiq olunan qaydalar barədə əhaliyə məlumat verilir.

    Ətraflı   16:02     28-Mar-2020     1492
  • alternative title

    Azərbaycanlıların məskunlaşdığı qaçqın düşərgəsi karantinə alındı

    Almaniyanın Saksoniya-Anhalt əyalətinin Halberstadt şəhərində sığınacaq almaq üçün ölkəyə gəlmiş 850 nəfərin qaldığı düşərgə karantinə alınıb. Bu haqda Halberstadt Polis Təşkilatından məlumat verilib. 27 yaşlı şəxs düşərgədən Halle şəhərindəki yataqxanaya köçürülən zaman koronavirus testi verib və nəticəsi pozitiv çıxıb. Bundan sonra Halberstadt bələdiyyəsi və şəhər səhiyyə təşkilatı üç binadan ibarət olan və 850 nəfərin qaldığı düşərgəni karantin altına alıb. “Səhər polis əməkdaşları bütün giriş-çıxışları bağladılar. Daha sonra düşərgə işçilərinə xüsusi geyimlər paylanıldı. Az sonra məlum oldu ki, transfer edilən bir nəfərdə koronavirus tapılıb. Bu səbəbdən qaldığımız düşərgə karantin altına alınıb”, - deyə düşərgədə qalan azərbaycanlılardan biri bildirib. Onun sözlərinə görə, qaçqın düşərgəsində ondan başqa daha 18 azərbaycanlı var: “Onlardan altısı Azərbaycana deportasiya ediləcəkdi. Koronavirusa görə Almaniya bütün deportasiyaları təxirə saldı”. Halberstadt Şəhər Səhiyyə İdarəsi isə düşərgə işçilərinin də koronavirusa yoluxa biləcəyini düşünür. Bu səbəbdən işçilər hissə-hissə virus testi üçün şəhər xəstəxanasına aparılacaqlar.

    Ətraflı   15:50     28-Mar-2020     1726
  • alternative title

    Xırdalan sakini: “Avtobuslarda sərnişin sıxlığı ilə virusun yayılmasının qarşısını almaq çətindir” - FOTO

    Xırdalan sakini avtobuslarda sərnişin sıxlığından narazıdır. Bu barədə Xırdalan sakinindən gələn şikayətdə qeyd olunub. Vətəndaş iddia edir ki, paytaxtdan Xırdalan istiqamətində fəaliyyət göstərən 119 nömrəli müntəzəm marşrut xətti üzrə hərəkət edən avtobuslarda vəziyyət acınacaqlıdır: “Ölkədə koronavirusla mübarizə çərçivəsində müvafiq qərarlar qəbul edilir. Təyin olunan qaydalara riayət olunması üçün aidiyyəti orqanlar tərəfindən tədbirlər görülür. Buna baxmayaraq, Bakı-Xırdalan istiqaməti üzrə fəaliyyət göstərən sərnişin avtobuslarında isə qaydalara əməl olunmur. Hər gün işdən evə bu vəziyyətdə gəlirik. 119 nömrəli müntəzəm marşrut xətti üzrə hərəkət edən avtobuslarda hər səhər və axşam saat 17:00 - 18:00 arası vəziyyət acınacaqlıdır. İnsanlar öskürür, asqırır, ancaq yenə də maskalardan istifadə etmirlər. Avtobus sürücüləri sərnişin yerlərinin sayından çox adam daşımağa meyillidir. Bu qədər sərnişin sıxlığı ilə xəstəliyin sürətlə yayılmasının qarşısını almaq çətindir. Xahiş edirik, məsələni ictimailəşdirəsiniz”.

    Ətraflı   15:47     28-Mar-2020     1465
  • alternative title

    Həmvətənlərimizi Polşadan Azərbaycana gətirən təyyarədə nasazlıq yarandı - RƏSMİ

    Heydər Əliyev Beynəlxalq Aeroportu 27 mart tarixində Polşanın LOT aviaşirkəti tərəfindən Azərbaycana yerinə yetirilən çarter reysi ilə əlaqədar bir sıra məlumatlara aydınlıq gətirib. AZAL-dan verilən məlumatda bildirilir ki, 90 sərnişinlə (hamısı Azərbaycan vətəndaşıdır) Varşava-Lənkəran marşrutu üzrə hərəkət edən LOT aviaşirkətinə məxsus hava gəmisinin kapitanı texniki səbəblərdən çıxış hava limanına qayıtmaq barədə qərar qəbul edib. LOT aviaşirkətinin hava gəmisi əvəz edildikdən sonra Varşavadan yola düşüb və yerli vaxtla saat 22:25-də Lənkəran hava limanına enib. Hava gəmisi ilə gətirilən bütün Azərbaycan vətəndaşları karantinə yerləşdirilib. Sərnişinlər Lənkəranda düşürüldükdən sonra təyyarə Bakıya uçuş yerinə yetirib və 28 mart tarixində Bakı vaxtı ilə saat 02:20-də 19 sərnişinlə (hamısı Polşa vətəndaşıdır) Varşavaya yola düşüb. “Azərbaycan Hava Yolları” QSC kütləvi informasiya vasitələrini və ölkə vətəndaşlarını yalnız rəsmi mənbələrdən daxil olan yoxlanılmış məlumatlara etibar etməyi tövsiyə edir.

    Ətraflı   15:45     28-Mar-2020     1514
  • alternative title

    Xüsusi karantin rejimi qərarından sonra Bakıda parkların ətrafı hasarlanır, skamyalar götürülür

    Bakı ərazisində yerləşən parklara insanların girişi artıq məhdudlaşdırılır. QALANEWS-un məlumatına görə, buna səbəb Nazirlər Kabineti yanında operativ qərargahın koronavirusla bağlı əlavə tədbirlər haqqında məlumat yaymasıdır. Belə ki, virusun yayılmasının qarşısını almaq üçün bir sıra addımlar atılır. Bu məqsədlə bulvar, park və istirahət məkanlarına insanların sıxlığını tənzimləmək məqsədilə giriş məhdudlaşdırılır, oradakı skamyalar götürülür. Qeyd edək ki, 29 mart, saat 00:00-dan etibarən Azərbaycan ərazisində xüsusi karantin rejimi gücləndirilir.

    Ətraflı   15:43     28-Mar-2020     1626
  • alternative title

    Sabahın havası: Paytaxtda duman, çiskin olacaq, dağlıq ərazilərdə qar yağacaq

    Martın 29-na gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, sabah Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman, axşam çiskin olacağı ehtimalı var. Şimal küləyi gündüz cənub küləyi ilə əvəz olunacaq. Havanın temperaturu Abşeron yarımadasında gecə 5-9, gündüz 13-17, Bakıda gecə 6-8, gündüz 15-17 dərəcə isti olacaq. Atmosfer təzyiqi 762 mm civə sütunundan 755 mm civə sütununa enəcək. Nisbi rütubət 70-80 faiz olacaq. Martın 29-da Azərbaycanın rayonlarında arabir yağış, dağlıq ərazilərdə qar yağacağı gözlənilir. Gecə və səhər duman olacaq, şərq küləyi əsəcək. Havanın temperaturu gecə 4-9, gündüz 13-18 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 3-7 dərəcə isti olacaq.

    Ətraflı   14:28     28-Mar-2020     1284
  • alternative title

    Ölkədə olma müddəti bitənlər cərimələnməyəcək - AÇIQLAMA

    16 mart-30 aprel tarixlərində Azərbaycan ərazisində olma müddəti bitən, lakin gec müraciət edən şəxslər barədə inzibati məsuliyyət tədbirləri tətbiq edilmir. Onların qəbul şöbələrinə gəlmələri tələb olunmur. Bu barədə Dövlət Miqrasiya Xidmətinin rəisi Vüsal Hüseynov bildirib. O deyib ki, ölkədə olma müddətinin uzadılması üçün müraciət edən şəxslər və ümumi olaraq bu dövrdə müddəti bitən şəxslər Miqrasiya Xidmətinin internet səhifəsində dövlət rüsumunun ödənişini həyata keçirə bilər. Vüsal Hüseynov deyib ki, bununla da, müraciət etmədikləri təqdirdə belə olma müddəti uzadılmış hesab ediləcək. “İnternet səhifəsində iki məlumatı - pasport nömrəsi və doğum tarixi daxil edilməklə bank kartı vasitəsilə və ya ödəniş kodu götürülərək, “Exspress pay” terminalları vasitəsilə rüsum ödənilə bilər. Ödəniş nömrələri hazırda 16-31 mart tarixlərində müddəti bitən şəxslər üçündür. Azərbaycanda olma müddəti aprel ayında bitən şəxslər üçün məlumat gələn həftə yerləşdiriləcək. İcazə qərarlarının götürülməsi üçün hazırda qəbul şöbələrinə yaxınlaşma zərurəti yoxdur və bunu tövsiyə etmirik”, - deyə o əlavə edib.

    Ətraflı   14:15     28-Mar-2020     1273
  • alternative title

    Bakıda pnevmoniyadan ölən altı yaşlı uşaqla bağlı RƏSMİ AÇIQLAMA

    “Tibbi Ərazi Bölmələrinin İdarəetmə Birliyi” martın 26-da, saat 12:30-da Bakının Yasamal rayonunda, K.Fərəcova adına Elmi-Tədqiqat Pediatriya İnstitutunda 2014-cü il təvəllüdlü Fərhad Əliyevin vəfat etməsi məsələsinə münasibət bildirib. TƏBİB-in Mətbuat Katibi Rəvanə Əliyeva bildirib ki, ölüm səbəbinin tam dəqiqləşdirilməsi üçün Məhkəmə-Tibbi Ekspertiza və Pataloji Anatomiya Birliyinin rəyini gözləmək lazımdır: “Uşaq xəstəxanaya çatdırılan zaman vəfat edib. Kəskin qarın simptomu diaqnozu ilə xəstəxanaya daxil olub”.

    Ətraflı   14:13     28-Mar-2020     1157
  • alternative title

    Xüsusi karantin rejim qaydalarına əməl etməyənlər inzibati məsuliyyətə cəlb olunur

    Bakı şəhər Baş Polis İdarəsi şəhər sakinlərini xüsusi karantin rejim qaydalarına əməl etməyə çağırıb. İdarədən bildirilib ki, qaydalara əməl etməyən şəxslər inzibati məsuliyyətə cəlb olunur.

    Ətraflı   12:56     28-Mar-2020     1490
  • alternative title

    Giriş-çıxış rejimini pozan 10 nəfər məsuliyyətə cəlb edildi

    Ölkə ərazisində tətbiq edilmiş karantin rejimi ilə əlaqədar Baki, Sumqayıt şəhərləri və Abşeron rayonunun inzibati ərazilərindəki nəzarət keçid postlarından yüzlərlə avtomobil geri qaytarılıb. Bu barədə DİN Baş DYP İdarəsindən məlumat verilib. Bildirilib ki, dünən saat 08:00-dan bu gün saat 08:00-dək olan müddət ərzində polis əməkdaşları tərəfindən Bakı-Quba yolunun 45-ci kilometrində yerləşən keçid postundan 70-i rayon, 374-ü şəhər istiqamətinə olmaqla, 444 nəqliyyat vasitəsinin geri qaytarılması təmin edilib. Bakı-Şamaxı-Yevlax yolunun 31-ci kilometrində yerləşən keçid postundan 27-si rayon, 151-i şəhər istiqamətinə olmaqla, 178 nəqliyyat vasitəsinin geri qaytarılması təmin olunub. Bakı-Qazax-Gürcüstan yolunun 65-ci kilometrində yerləşən keçid postundan 200-ü rayon, 178-i şəhər istiqamətinə olmaqla, 378 nəqliyyat vasitəsinin geri qaytarılması təmin edilib. Qeyd edək ki, 19 mart 2020-ci il saat 08:00-dan 28 mart 2020-ci il saat 08:00-dək 7 842 nəqliyyat vasitəsinin rayon, 25 mart 2020-ci il tarixdən 28 mart 2020-ci il saat 08:00-dək isə 4 359 nəqliyyat vasitəsinin paytaxt istiqamətinə geri qaytarılması təmin edilib. Gün ərzində postların yerləşdiyi ərazidə karantin rejiminin pozulmasına görə, 10 nəfər məsuliyyətə cəlb edilib. Ümumilikdə, bu günədək 12 201 nəqliyyat vasitəsi ilə postlardan keçmək cəhdinin qarşısı alınıb.

    Ətraflı   12:54     28-Mar-2020     2092
  • alternative title

    Vilayət Eyvazovdan yeni TƏYİNAT

    Daxili İşlər orqanlarında növbəti təyinat olub. Bu barədə nazir, general-polkovnik Vilayət Eyvazov əmr imzalayıb. Əmrə əsasən, Urman Ağayev Zərdab Rayon Polis Şöbəsinin xidmət üzrə rəis müavini təyin edilib. O, bundan əvvəl Mingəçevir Şəhər Polis Şöbəsinin ictimai təhlükəsizlik bölməsinin rəisi vəzifəsində çalışıb. Zərdab RPŞ-nin keçmiş xidmət rəisi, polkovnik-leytenant Bilal Nuriyev isə şöbə rəisinin şəxsi heyətlə iş üzrə köməkçisi vəzifəsinə gətirilib.

    Ətraflı   12:49     28-Mar-2020     1669

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 18:36     28-Mar-2020     1286
  • alternative title 17:43     28-Mar-2020     2129
  • alternative title 17:34     28-Mar-2020     1869
  • alternative title 17:20     28-Mar-2020     1610
  • alternative title 17:14     28-Mar-2020     1227
image title here

Some title