Loading alternative title

ÖLKƏ

  • alternative title

    İrandan “Sədərək” Ticarət Mərkəzinə mal gətirilməsi dayandırıldı

    İran İslam Respublikasından Azərbaycanda fəaliyyət göstərən “Sədərək” Ticarət Mərkəzinə satış üçün malların gətirilməsi dayandırılıb. Bu barədə açıqlamasında mərkəzin mətbuat xidmətini rəhbəri Mikayıl Qədimov deyib. Onun sözlərinə görə, İrandan “Sədərək” Ticarət Mərkəzinə, əsasən, xalça və digər toxuculuq məhsulları gətirilir: “Həmin mallar isə artıq gətirilmir. Həm indiki vaxtda bazarda İran malları işləmir. Xalça biznesi ilə məşğul olan şəxslərin əvvəlki aylardan gətirdiyi mallar hələ satılmayıb. Ona görə də İrandan “Sədərək” Ticarət Mərkəzinə malların gətirilməsi dayandırılıb. Bazara, əsasən, Türkiyə və Çindən mallar gətirilirdi ki, koronavirusla bağlı Çindən də malların gətirilməsi dayandırılıb. İndi bazara ancaq Türkiyədən mallar gətirilir”.

    Ətraflı   12:24     24-Feb-2020     762
  • alternative title

    Erməni təxribatı ilə şəhid olan əsgərimizin FOTOSU

    Xəbər verdiyimiz kimi, Ermənistan silahlı qüvvələrinin bölmələri Azərbaycan-Ermənistan dövlət sərhədindəki təmas xəttində növbəti dəfə atəşkəs rejimini kobud şəkildə pozmaqla təxribat törədiblər. Düşmənin diversiya qrupunun qumbaraatan və digər iriçaplı silahların tətbiqi ilə baş verən təxribatının qarşısı alınarkən sərhədçi əsgər Vəliyev İbrahim Ələmşah oğlu qəhrəmancasına şəhid olub. Şəhidin fotosunu təqdim edirik:

    Ətraflı   12:22     24-Feb-2020     937
  • alternative title

    Baş Epidemioloq vətəndaşlara səsləndi: “Əhalinin sıx olduğu yerlərə getməyin”

    “Azərbaycanın İranla sərhədi bağlaması insanları təlaşlandırmasın. Bu sadəcə, təhlükəsizlik məqsədi ilə atılan addımdır. Çünki iki ölkə arasında gediş-gəliş kifayət qədər çox olurdu. Yaxşı olar ki, insanlar sağlamlıqlarını qorumaq üçün nəinki İrana, ümumiyyətlə ölkə daxilində də əhalinin sıx olduğu yerlərə getməsinlər”. Bunu Səhiyyə Nazirliyinin baş epidemioloqu İbadulla Ağayev deyib. O bildirib ki, virusdan qorunmaq üçün mütləq şəkildə maskalardan istifadə etsinlər: “Koronavirusu bu qədər böyütmək olmaz. Virus xəstəliklər insanlar yaranandan mövcud olub və olacaq. Koronavirus da onlardan biridir. Düzgün və sağlam qidalanmaqla, maskalardan istifadə etməklə və insanlarla ünsiyyəti maksimum dərəcədə azaltmaqla hava yolu ilə keçən bütün xəstəliklərdən qorunmaq olar. Adi respirator infeksiyaları belə insanlar arasında sürətlə yayıla bilir. Buna səbəb isə insanların qorunmamasıdır. Xəstə şəxslərdən kənar durmaq, qoruyucu maskalardan istifadə etmək vacibdir. Bu gün Səhiyyə Nazirliyi, eləcə də digər qurumlar təhlükəsizlik məqsədi ilə kifayət qədər ciddi addımlar atıblar. İnsanlar özlərini qorumasa, fərd olaraq onları bir-bir qorumaq mümkün deyil. Vacib olmadığı təqdirdə nə İrana, nə də bu virusun yayıldığı digər ölkələrə getmək, həmin ölkələrdən gələn şəxslərlə təmasda olmaq məsləhət görülmür. Hətta deyərdim ki, ehtiyac yoxdursa, evdən bayıra çıxmamaq daha yaxşı olardı”. İ.Ağayev sonra qeyd edib ki, insanların öpüşüb-görüşməsi bütün hallarda yanlışdır: “Hər zaman demişəm ki, havada müxtəlif virus infeksiyaları var. İnsanlar bir-biri ilə öpüşüb-görüşməməlidir. Buna nə ehtiyac var? Bununla onlar hava yolu ilə yoluxan müxtəlif xəstəliklərə tutula bilərlər. Bu birbaşa xəstəliyin orqanizmə düşməsi üçün şəriat yaradan amildir. Azərbaycanda bu günədək koronavirus şübhəsi ilə bağlı heç bir fakt qeydə alınmayıb. Rəsmi olaraq Səhiyyə Nazirliyinin açıqladığı informasiyaya inanmaq lazımdır. Təxribat xarakterli yayılan, rəsmi olmayan heç bir məlumata inanmayın. Azərbaycanda müxtəlif qurumlar önləyici profilaktik tədbirlər həyata keçirir. Sərhəd ölkə olduğu üçün bir qədər daha ehtiyatlı olmaqda fayda var. Amma bu o demək deyil ki, İranda bu virusa yoluxan şəxslər aşkar edilibsə, Azərbaycanda da mütləq olacaq”. Nazirliyin baş epidemioloqu Azərbaycan vətəndaşlarına müraciət edib. O qeyd edib ki, adi respirator infeksiyalarına yoluxan şəxslərin məktəbə və ya işə getməsi doğru deyil: “Hər zaman demişəm ki, hava yolu ilə yoluxa biləcək xəstəliklərə (respirator infeksiyalar) yoluxan insanlar sağalana qədər ev şəraitində olmalıdırlar. İşə götürən şəxslər digər əməkdaşlarının sağlamlığını qorumaq məqsədi ilə həmin işçilərə icazə verməlidirlər. Əks təqdirdə ən yüngül infeksion xəstəliklər belə qısa zamanda yayıla bilir. “Respirator sindromu olanlar mütləq maska taxmalıdırlar. Yaxşı olar ki, xəstə insanlar ya ev, ya da ağır olacağı təqdirdə xəstəxana şəraitində müalicə alsınlar. Hər respirator virus infeksiyası əlaməti olan şəxslərə koronavirusa yoluxub demək olmaz. Respirator xəstəliklər mövsümi xarakter daşıyır”.

    Ətraflı   12:17     24-Feb-2020     184
  • alternative title

    Azərbaycanda “cinçıxarma” belə görüntüləndi - VİDEO

    Azərbaycanda növbəti “cinçıxarma”nın görüntüləri yayılıb. Oxu.Az xəbər verir ki, video sosial şəbəkədə paylaşılıb. Görüntülərin Gədəbəydə çəkildiyi bildirilib. Videoda özünü din xadimi kimi təqdim edən şəxsin qadının əllərini tutaraq, onu sorğu-sual etməsi görünür. Həmin görüntüləri təqdim edirik:

    Ətraflı   12:13     24-Feb-2020     1158
  • alternative title

    Azərbaycan-Ermənistan sərhədində təxribat: Şəhidimiz var

    Ermənistan silahlı qüvvələrinin bölmələri Azərbaycan-Ermənistan dövlət sərhədindəki təmas xəttində növbəti dəfə atəşkəs rejimini kobud şəkildə pozmaqla təxribat törədib. Bu barədə Dövlət Sərhəd Xidmətinin Mətbuat Mərkəzi məlumat yayıb. Bu gün saat 07:00 radələrində Ermənistan silahlı qüvvələrinin Noyemberyan rayonunun Koti kəndi yaxınlığında yerləşən bölmələrindən Qazax rayo­nunun Quşçu Ayrım kəndi istiqa­mətin­dəki sərhəd döyüş məntə­qəsinə diversiya cəhdinin qarşısı alınıb, ciddi itkilər verməyə məcbur olmuş düşmənin bir zabiti ağır yaralanıb, digər hərbi qulluqçusu öldürülüb. Düşmənin diversiya qrupunun qumbaraatan və digər iriçaplı silahların tətbiqi ilə baş verən təxribatının qarşısı alınarkən sərhədçi əsgər Vəliyev İbrahim Ələmşah oğlu qəhrəmancasına şəhid olub.

    Ətraflı   12:10     24-Feb-2020     1211
  • alternative title

    Səfir Türkiyə-Azərbaycan sərhədinin bağlanmasından danışdı

    Türkiyənin Azərbaycandakı səfiri Erkan Özoral İranda koronavirus təhlükəsi ilə bağlı Türkiyənin Naxçıvan Muxtar Respublikası ilə sərhəddə yerləşən Dilucu sərhəd-keçid məntəqəsində də hərəkəti məhdudlaşdırmasına münasibət bildirib. E.Özoral APA-ya açıqlamasında bildirib ki, məhdudiyyətlər fevralın 23-də axşam saat 17:00 radələrində qüvvəyə minib. E.Özoral qeyd edib ki, İranda koronavirus təhlükəsi ilə əlaqədar Dilucu sərhəd-keçid məntəqəsində də bəzi tədbirlər görülüb: “Bu tədbirlərlə bağlı Azərbaycanın rəsmi dairələrinə lazımi məlumatlar verəcəyik. Türkiyə rəsmiləri Azərbaycan rəsmiləri ilə əlaqə saxlayır, müzakirə aparırlar. Naxçıvanın çətin duruma düşməməsi üçün əlimizdən gələn səyləri göstərəcəyik”. Səfir Dilucu sərhəd-keçid məntəqəsində məhdudiyyətlərlə bağlı tədbirlərin yeni tətbiq olunmağa başlandığını söyləyib: “Bu gün həmin tədbirlərin konkret nələrdən ibarət olacağı dəqiqləşəcək”.

    Ətraflı   12:08     24-Feb-2020     1233
  • alternative title

    Azərbaycan Prezidentinin köməkçisi koronavirusla bağlı vəziyyəti şərh edib

    “Koronavirus bu gün dünyada ən çox müzakirə olunan mövzudur. Azərbaycan Ümumdünya Səhiyyə Təşkilatının (ÜST) tövsiyələrini diqqətlə təhlil edir, müvafiq tədbirlər həyata keçirir”. QALANEWS xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib. O xatırladıb ki, Azərbaycan Nazirlər Kabineti bu məsələ ilə bağlı artıq bir sıra iclaslar keçirib, tədbirlər planı tərtib olunub. “Dövlət bu istiqamətdə artıq müvafiq addımlar atır. Azərbaycan Xarici İşlər Nazirliyi ÜST-nin tövsiyələri çərçivəsində artıq koronavirusun yayıldığı ölkələrə səfərlər mövzusunda vətəndaşlara müraciət edib”, - o söyləyib.

    Ətraflı   12:01     24-Feb-2020     1117
  • alternative title

    Bu rayonda qaz olmayacaq

    Bakının Nizami rayonu ərazisində təbii qazın verilişi dayandırılıb. Sakinlər axşam saatlarından təbii qazın verilişində fasilə yarandığını bildiriblər. Məsələ ilə bağlı “Azəriqaz” İB-nin mətbuat xidmətinin rəhbəri Ceyhun Səfər açıqlamasında faktı təsdiqləyib. Onun sözlərinə görə, paytaxtın Nizami rayonu ərazisində qəza baş verib: “Nizami rayonu, Naxçıvanski 31 ünvanında diametri 79 mm olan qaz kəməri avtomobillə vurularaq dirəklərdən salınıb. Qaz sızmasının qarşısının alınması məqsədilə fevralın 24-ü tarixində saat 00:10-dan etibarən qaz təchizatı müvəqqəti olaraq dayandırılıb. Problem təqribən 500 abonenti əhatə edir. Bu gün səhər saatlarında başlanılan bərpa işləri gün ərzində tamamlanacaq”.

    Ətraflı   11:29     24-Feb-2020     1004
  • alternative title

    Bakı-Sumqayıt yolunda böyük tıxac yaranıb - FOTO

    Bakı-Sumqayıt yolunda paytaxt istiqamətində tıxac yaranıb. Yolun Abşeron rayonu Masazır dairəsindən keçən hissəsindən başlayan sıxlıq 20 Yanvar dairəsinə qədər davam edir. Sıxlıq səbəbindən yolda nəqliyyat vasitələrinin hərəkəti iflic olub. Yaranan tıxac yolun genişləndirilməsi işləri ilə əlaqədardır.

    Ətraflı   11:11     24-Feb-2020     220
  • alternative title

    Gözəllik ondur, doqquzu Çindən gəlib: Kosmetika bazarında qiymətlər bahalaşdı

    Dünyanın probleminə çevrilmiş koronavirus hər sahədə olduğu kimi kosmetoloji sahəyə də öz zərərini verib. Çünki kosmetika bazarının 70 faizini məhz Çin məhsulları tuturdu. Hazırda isə Çindən məhsul gəlmədiyindən bu sahədə də ciddi problemlər ortaya çıxıb. Belə ki, kosmetoloji prosedurlar və alınacaq məhsulların qiyməti artıb. Koronavirus təhlükəsi kosmetoloji bazarı da alt-üst edib. İstər kosmetik məhsullar, istərsə də kosmetoloji prosedurların qiymətləri 50 faizdən çox artıb. Kosmetoloqların sözlərinə görə, əvvəllər adi bir prosedur üçün 50-100 manat tələb olunurdusa, artıq bu, iki dəfədən çox bahalaşıb. Bununla yanaşı, müştərilərin seçim imkanı da azalıb. Artıq insanlar Avropadan gələn bahalı məhsullara müraciət etməli olurlar ki, bu da bəzilərinin büdcəsinə uyğun olmur. Kosmetik məhsullar bazarında da artım var. Mağazalar Çindən məhsul gəlməməsinin bazara ciddi təsir etdiyini bildirirlər. Satıcıların sözlərinə görə, artıq ucuz məhsul olmadığından alıcılar daha çox nisbətən bahalı məhsullara müraciət etməli olurlar. Qeyd edək ki, kosmetika bazarının 70 faizini məhz Çin məhsulları tuturdu.

    Ətraflı   10:36     24-Feb-2020     1086
  • alternative title

    Azərbaycanda koronavirus yayılması iddialarına RƏSMİ MÜNASİBƏT

    Azərbaycan Respublikası Səhiyyə Nazirliyi və İcbari Tibbi Sığorta üzrə Dövlət Agentliyinin mətbuat xidmətləri birgə məlumat yayıblar. Məlumatda sosial şəbəkələrdə koronovirsa yoluxmuş şəxslərin Mərkəzi Klinik Xəstəxanaya yerləşdirilməsi barədə yayılan səs yazısının həqiqəti əks etdirmədiyi bildirilir. Məlumatın həqiqətə uyğun olmamasını Mərkəzi Klinik Xəstəxananın rəhbərliyi də təsdiqləyib. Qeyd edək ki, ölkəyə daxil olan şəxslərdə virus təhlükəsi olduqda onlar xüsusi ayırılmış dövlət tibb müəssisələrinə yerləşdirilir. Hazırda koronavirus şübhəsi ilə xəstəxanaya yerləşdirilən yoxdur. Azərbaycan Respublikası Səhiyyə Nazirliyi və İcbari Tibbi Sığorta üzrə Dövlət Agentliyi vətəndaşları yalnız rəsmi məlumatlara inanmağa çağırır.

    Ətraflı   10:27     24-Feb-2020     1458
  • alternative title

    Ermənistan koronavirusa görə İranla sərhədini bağlayıb

    Ermənistan koronavirusun ölkədə yayılmasının qarşısını almaq məqsədilə İranla sərhədi iki həftəlik bağlayıb. Bu barədə Ermənistanın Baş naziri Nikol Paşinyan öz “Facebook” səhifəsində yazıb. O qeyd edib ki, İranda koronavirusa yoluxma və ölüm hadisəsindən sonra iki ölkə arasında təyyarə reysləri də müvəqqəti dayandırılıb. Xatırladaq ki, İranda koronavirusa 43 nəfər yoluxub, səkkiz nəfər isə bu virusdan ölüb.

    Ətraflı   10:24     24-Feb-2020     1036
  • alternative title

    Məhkəmə DTX əməliyyatı ilə tutulan icra başçısı və digər yüksək vəzifəlilərlə bağlı qərar verdi

    Bu gün Səbail rayon Məhkəməsində Neftçalanın sabiq icra başçısı İsmayıl Vəliyev və onunla birgə saxlanılan digər şəxslərin barəsində həbs-qətimkan tədbirinin seçilməsi ilə bağlı istintaq orqanı tərəfindən verilən vəsatətə baxılıb. QALANEWS xəbər verir ki, məhkəmə verilən vəsatəti təmin edib və təqsirləndirilən şəxslərin hər biri barəsində dörd ay müddətinə həbs-qətimkan tədbiri seçilib. Qeyd edək ki, Dövlət Təhlükəsizliyi Xidmətinin (DTX) əməkdaşları fevralın 20-də Neftçala Rayon İcra Hakimiyyətinin inzibati binasında xüsusi əməliyyat keçirib. Əməliyyat nəticəsində Neftçala Rayon İcra Hakimiyyətinin başçısı İsmayıl Vəliyev, icra hakimiyyəti başçısının birinci müavinləri Vurğun Əkbərov, Gültəkin Sadıqova, Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərov, Memarlıq və tikinti şöbəsinin müdiri Vüqar Nağıyev, rayon Mərkəzi Xəstəxanasının baş həkimi Telman Zahidov, rayon Təhsil şöbəsinin müdiri Əjdər Kərimovr rüşvət alma və rüşvət vermə əməllərini törətməkdə şübhəli bilinərək saxlanılıblar. Xatırladaq ki, Prezident İlham Əliyevin sərəncamı ilə İsmayıl Məhərrəm oğlu Vəliyev Neftçala Rayon İcra Hakimiyyətinin başçısı vəzifəsindən azad edilib.

    Ətraflı   18:12     22-Feb-2020     5433
  • alternative title

    Futbol üzrə Azərbaycan çempionatı: “Neftçi” klubu səfərdə “Qəbələ”ni məğlub edib

    Fevralın 22-də futbol üzrə Azərbaycan çempionatının 18-ci turuna “Neftçi” - “Qəbələ” oyunu ilə start verilib. AZƏRTAC xəbər verir ki, Qəbələ şəhər stadionunda baş tutan görüş “Neftçi” klubunun 2:0 hesablı qələbəsi ilə başa çatıb. Oyunda hesabı 8-ci dəqiqədə Anton Krivotsyuk açıb. Qoldan altı dəqiqə sonra flaqman ikinci dəfə fərqlənib. Baqali Dabo adını tabloya yazdırıb – 2:0. Qalan dəqiqələrdə hər iki komandaların cəhdlərinə baxmayaraq, hesab dəyişməyib. Bu oyundan sonra xal ehtiyatını 33-ə çatdıran “Neftçi” lider “Qarabağ”dan 5 xal geri qalır. “Qəbələ” isə 13 xalla səkkizinci yerdə qərarlaşıb. Paytaxt təmsilçisi ilk iki dövrədə keçirilmiş oyunların hər birində rəqibinə böyük hesabla qalib gəlib. Qəbələdəki matçda 3:0 hesablı qələbə qazanan “Neftçi” Bakıda oynanılan sonuncu qarşılaşmada rəqibini məğlub edib – 4:1. Bu komandalar indiyədək çempionatda 46 dəfə üz-üzə gəliblər. Həmin görüşlərin 16-da “Qəbələ”, 21-də “Neftçi” üstün olub. Doqquz oyun isə heç-heçə yekunlaşıb. Top fərqi də “Neftçi”nin xeyirinədir - 65:58. Paytaxt təmsilçisi son 11 oyunda meydanı qolsuz tərk etməyib. Premyer Liqanın 18-ci turunun birinci oyun günündə digər görüşdə “Keşlə” və “Zirə” klubları qarşılaşırlar.

    Ətraflı   18:07     22-Feb-2020     1722
  • alternative title

    Beynəlxalq qrossmeyster Rauf Məmmədovun anasına da “YOX” deyildi

    Mərkəzi Seçki Komissiyasının (MSK) iclasında parlament seçkiləri ilə əlaqədar 66 saylı Biləsuvar Seçki Dairəsindən daxil olan müraciətə baxılıb. Iclasda MSK üzvü Tofiq Həsənov bildirib ki, müraciəti namizəd Lətifə Əliyeva ünvanlayıb. Müraciətdə həmin dairədə seçkilərin saxtalaşdırılması iddia olunub. T.Həsənov qeyd edib ki, araşdırma nəticəsində şikayətdə göstərilənlər öz təsdiqini tapmayıb. MSK qərara alıb ki, namizədin müraciəti təmin edilməsin. Xatırladaq ki, L.Əliyeva beynəlxalq qrossmeyster Rauf Məmmədovun anasıdır. Qeyd edək ki, həmin dairənin lider namizədi Bəhruz Məhərrəmovdur.

    Ətraflı   18:02     22-Feb-2020     451
  • alternative title

    Pakistandan Azərbaycanla bağlı daha bir qətnamə

    Bu il fevralın 21-də Pakistanın Xeybər Puxtunxva əyalətinin Assambleyası tərəfindən Azərbaycan Respublikasının ərazi bütövlüyünə hörməti təsdiq edən qətnamə qəbul edilib. Azərbaycan Respublikasının Xarici İşlər Nazirliyinin Mətbuat xidməti idarəsindən məlumata görə, qətnamədə Xeybər Puxtunxva əyalətinin Assambleyası Pakistan və Azərəbycan arasındakı qarşılıqlı hörmət, etimad və anlaşma prinsiplərinə əsaslanan strateji tərəfdaşlıq münasibətlərinə yüksək dəyər verərək, iki ölkə arasında bölüşülən mədəni dəyərlər, regional və qlobal məsələlərə ortaq yanaşma və beynəlxalq müstəvidə yaxın əməkdaşlığın mövcud olduğunu vurğulayır. Pakistanın Cəmmu və Kəşmir məsələsinin beynəlxalq hüququn norma və prinsipləri əsasında həllinə dair prinsipial mövqeyinin Azərbaycan tərəfindən birmənalı dəstəkləndiyi və Azərbaycanın İslam Əməkdaşlıq Təşkilatının (İƏT) Cəmmu və Kəşmir Kontakt Qrupunda fəal iştirakı qətnamədə məmnuniyyətlə qeyd olunur. Assambleya Azərbaycanın beynəlxalq tanınmış sərhədləri çərçivəsində suverenliyi və ərazi bütövlüyünü bir daha təsdiq edərək, Azərbaycanın ərazilərinin Ermənistan tərəfindən işğal olunmasını və 1992-ci ilin 26 fevral tarixində Azərbaycanın Xocalı şəhərində Ermənistan silahlı qüvvələri tərəfindən mülki əhaliyə qarşı törədilən soyqırımı və İƏT və BMT qətnamələrinə əhəmiyyət verilməməsini pisləyir və Ermənistan-Azərbaycan Dağlıq Qarabağ münaqişəsinin sülh yolu ilə həlli üzrə Azərbaycan Respublikasının səylərini dəstəkləyir. Assambleya bəyan edir ki, Ermənistan Azərbaycanın ərazilərini işğaldan azad etməyənədək və beləliklə də bu iki ölkə arasında sülh əldə olunmayanadək Ermənistanla diplomatik münasibətlər qurulmayacaq. Məlumat üçün bildirmək istərdik ki, Xeybər Puxtunxva əyaləti Pakistanın dörd inzibati əyalətindən biri olub, ölkənin şimali-qərb bölgəsində yerləşir və əhalisinin sayına, həm də iqtisadiyyatına görə üçüncü böyük əyalət hesab olunur. Əyalətin Assambleyası təkpalatalı qanunverici qurum olmaqla 5 il müddətinə seçilən 145 üzvdən ibarətdir. Pakistan Senatının Xarici Əlaqələr Komitəsi 2012-ci ildə, Pakistan Milli Assambleyasının Xarici İşlər üzrə Daimi Komitəsi tərəfindən 2017-ci ildə Xocalı soyqırımını tanıyan, həmçinin Azərbaycanın ərazi bütövlüyünü dəstəkləyərək, Ermənistanın işğal olunmuş Azərbaycan torpaqlarından dərhal çıxarılmasını tələb edən qətnamələr qəbul edilib.

    Ətraflı   17:48     22-Feb-2020     304
  • alternative title

    Hərbçimizin ölümündən əvvəl çəkilən son görüntüsü - FOTO

    Xəbər verdiyimiz kimi, yanvarın 16-da Tovuz rayonunun Ağdam kəndi istiqamətində itkin düşən hərbçimiz Abbasov Akif Elşən oğlu bu gün torpağa tapşırılıb. Akif Abbasovun ölümündən bir neçə gün əvvəl çəkilən son fotosunu əldə edib. Fotoda onun anası da yer alıb. Xatırladaq ki, hərbçimiz Akif Elşən oğlu Abbasov yanvar ayında itkin düşmüşdü. Onun meyiti bir neçə gün əvvəl sərhədin neytral ərazisində tapılıb. O, bu gün doğulduğu Ağcabədi rayonundakı Şəhidlər xiyabanında dəfn edilib.

    Ətraflı   17:36     22-Feb-2020     1060
  • alternative title

    Türkiyədə keçirilən sorğuda Azərbaycan lider oldu - FOTO

    “Andy-Ar” araşdırmalar şirkəti Türkiyədə “Hansı ölkə dost, hansı ölkə düşməndir?” sorğusunu keçirib. “Haber Global” xəbər verir ki, araşdırmaların nəticəsi “Türkün türkdən başqa dostu yoxdur” ifadəsini xatırladıb. Sorğunun nəticələrinə əsasən, respondentlərin 86 faizi Azərbaycanı Türkiyəyə dost ölkə kimi görür. Bu siyahıda ikinci yeri Pakistan tutur. Düşmən ölkələrə gəlincə, sorğuda iştirak edənlərin ABŞ-ı (86 faiz), İngiltərənin (71 faiz), Fransanı (71 faiz), Almaniyanı (68 faiz) və Rusiyanı (46) göstəriblər.

    Ətraflı   17:30     22-Feb-2020     1505
  • alternative title

    Almaniyada Ümumavropa Qarabağ Mitinqi başladı

    Almaniyada Ümumavropa Qarabağ Mitinqi başlayıb. Berlində keçirilən mitinq Almaniya Azərbaycanlıları Alyansı tərəfindən təşkil edilib. Aksiyaya Avropanın bütün ölkələrində yaşayan soydaşlarımız da qatılıblar. Mitinqin keçirilməsində əsas məqsəd “Xocalıya ədalət” haqq səsinə qoşulmaq və dəstək nümayiş etdirməkdir.

    Ətraflı   16:17     22-Feb-2020     502
  • alternative title

    Tutulan sabiq icra başçısının eşşək ferması üzə çıxdı - FOTO

    Xəbər verildiyi kimi ötən gün Dövlət Təhlükəsizliyi Xidməti (DTX) Neftçala rayonunun icra hakimiyyətinin başçısı İsmayıl Vəliyevin və onun müavinlərinin, rayon təhsil şöbəsi müdirinin və yerli xəstəxananın baş həkiminin həbsinə dair əməliyyat görüntülərini yayıb. Məlum olub ki, icra başçısı büdcə vəsaitlərini talamaq, rüşvət almaq və sosial iş yerləri layihəsinə cəlb edilən vətəndaşların kartlarını cibinə doldurmaq kimi əməllərə yanaşı rayonu da özünün feodal mülkünə çevirib. İsmayıl Vəliyevin Neftçalanın Qoltuq qəsəbəsindəki heyvandarlıq təsərrüfatı (orada həm də cins keçilər saxlanılır), Neftçala şəhərindəki böyük bazarı, beton zavodu barədə də əməliyyat çəkilişində bəhs edilir. Lakin İsmayıl Vəliyevin korrupsiya və talançılıq yolu ilə topladığı sərvət təkcə bunlarla yekunlaşmır. Yerli KİV-lər yazır ki, onun rayon mərkəzində “Yurdum” adlı restoranı və oteli də fəaliyyət göstərir. Habelə İsmayıl Vəliyevin aktivlərinə Neftçalada özəl uşaq bağçası, böyük əraziyə malik olan tədarük məntəqəsi, keçmiş yol idarəsinin hektarlarla ərazisi (özəlləşdirilib), min hektarlarla münbit əkin sahələri, “Xol yolu” deyilən ərazidə eşşək ferması da daxildir. Həmin fermada 200-dən çox cins eşşək saxlanılır, onların südü dərman vasitəsi kimi satılır. Habelə İsmayıl Vəliyev rayonun Qaramanlı kəndində sovet dövründən qalan avtomobil zavodunun ərazisini də özəlləşdirib, rayonda qanunsuz balıq ovu biznesi də onun nəzarətində olub. İcra başçısı balıq ovlamaq üçün çoxsaylı motorlu qayıqlar və digər avadanıqlar saxlayıb, o cümlədən Vəliyevin çoxsaylı ağır texnikası, yük maşınları, traktorları da olub. 2011-ci ildən rayona rəhbərlik edən İ.Vəliyevin biznesi təkcə Neftçala ilə yekunlaşmayıb. Onun Dubayda müasir kərpic zavodu açdığı, habelə Türkiyədə tikinti biznesinin olduğu da deyilir. Bu biznesi Vəliyevin böyük oğlu idarə edir. Ümumiyyətlə, İ.Vəliyevin ölkə xaricində çoxsaylı aktivlərinin olduğu da bildirilir.

    Ətraflı   16:16     22-Feb-2020     1361

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 11:59     24-Feb-2020     956
  • alternative title 11:54     24-Feb-2020     1121
  • alternative title 11:37     24-Feb-2020     324
  • alternative title 17:38     22-Feb-2020     1724
  • alternative title 17:13     22-Feb-2020     1564
image title here

Some title