Loading alternative title

İQTİSADİYYAT

  • alternative title

    Neftin qiyməti ucuzlaşır

    Dünya birjalarında neft qiymətləri ucuzlaşıb. AZƏRTAC xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,15 dollar geriləyərək 43 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,16 dollar ucuzlaşaraq 40,95 dollar olub.

    Ətraflı   17:48     21-Sep-2020     83
  • alternative title

    “Vitol Group”: İlin qalan hissəsində neft ehtiyatlarının azalacağı gözlənilir

    Qlobal neft ehtiyatları cari ilin qalan hissəsində azalmaqda davam edəcək. Bu barədə dünyanın ən böyük müstəqil neft istehsalçılarından biri olan “Vitol Group” məlumat yayıb. Lakin şirkətin rəqibi “Trafigura Group” isə bazarlarda yenidən neft bolluğu yaranacağını bildirib.

    Ətraflı   17:17     21-Sep-2020     228
  • alternative title

    Xarici müəssisələr əsas kapitala 3 milyard manatdan çox vəsait yönəldib

    Cari ilin yanvar-avqust aylarında xarici müәssisә vә tәşkilatlar tәrәfindәn әsas kapitala 3 milyard 326,4 milyon manat vәsait yönәldilib. Dövlət Statistika Komitəsindən verilən məlumata görə, xarici ölkәlәr vә beynәlxalq tәşkilatların vәsaitlәri hesabına әsas kapitala yönәldilmiş vәsaitin 2 milyard 903,2 milyon manatı (87,3 faizi) Birlәşmiş Krallıq, ABŞ, Türkiyә, Yaponiya, İsveçrә, Malayziya, Norveç, Rusiya vә İran sәrmayәdarlarına mәxsus olub.

    Ətraflı   17:17     21-Sep-2020     245
  • alternative title

    Səudiyyə şirkətləri 11 milyard dollarlıq neft-kimya şirkəti qurmaq üçün danışıqlar aparır

    “Saudi Industrial Investment Group” və “National Petrochemical Co.” Yaxın Şərqin enerji şirkətlərini daha aşağı neft qiyməti mühitində qiymətləndirərkən potensial olaraq 11 milyard dollar dəyərində yeni şirkət yaratmaq üçün danışıqlara başlayıb. QALANEWS xarici saytlara istinadla xəbər verir ki, danışıqların hələlik ilkin mərhələdə olduğu və hər hansı razılığın əldə edilmədiyi bildirilir. Tərəflərdən biri olan “Saudi Industrial Investment Group” və “National Petrochemical”ın səhmlərinin 50 faizinə sahibdir. Mümkün birləşmə Səudiyyə Ərəbistanı, Qətər və Birləşmiş Ərəb Əmirlikləri kimi ölkələrdə enerji şirkətlərinin azalan tələbat səbəbindən təzyiq altında olan bazarla rəqabət aparmaq üçün fəaliyyətlərini yenidən gözdən keçirmələrinin nəticəsidir. Xatırladaq ki, “Suudi National Petrochemical Co.” keçən il “Sahara Petrochemical Company”ni alıb. “Saudi Aramco” da təxminən 70 milyard dollarlıq razılaşma müqabilində SABIC şirkətinin əksəriyyət səhmlərini almışdı.

    Ətraflı   17:10     21-Sep-2020     867
  • alternative title

    Meyvə-tərəvəz idxalı artıb

    Bu ilin 8 ayında ölkəyə 215,4 min ton meyvə-tərəvəz idxal edilib. Dövlət Gömrük Komitəsinə (DGK) xəbər verir ki, idxal edilən meyvə-tərəvəzin dəyəri 131,4 milyon dollar təşkil edib. Xatırladaq ki, keçən ilin yanvar-avqust aylarında 119,6 milyon dollarlıq 198,5 min ton meyvə-tərəvəz idxal edilib.

    Ətraflı   17:00     21-Sep-2020     220
  • alternative title

    Əsas kapitala yönəldilmiş vәsaitin 74,7 faizi sәnaye və tikinti sahələrinə xərclənib

    Cari ilin yanvar-avqust aylarında әsas kapitala yönәldilmiş ümumi vәsaitin 53,3 faizi sәnaye, 21,4 faizi isə tikinti sahələrinə sərf edilib. Dövlət Statistika Komitəsindən bildirilib ki, bu dövrdə sözügedən vəsaitin 12,1 faizi nәqliyyat vә anbar tәsәrrüfatı, 3,5 faizi peşә, elmi vә texniki fәaliyyәt, 2,2 faizi dövlәt idarәetmәsi vә müdafiә, sosial tәminat, 1,9 faizi kәnd tәsәrrüfatı, meşә tәsәrrüfatı vә balıqçılıq, 1,4 faizi tәhsil, 1,3 faizi informasiya vә rabitә, 0,9 faizi ticarәt və nәqliyyat vasitәlәrinin tәmiri, 0,4 faizi turistlәrin yerlәşdirilmәsi vә ictimai iaşә, 0,5 faizi әhaliyә sәhiyyә vә sosial xidmәtlәrin göstәrilmәsi, hәr birindә 0,3 faiz olmaqla maliyyә vә sığorta fәaliyyәti, inzibati vә yardımçı xidmәtlәrin göstәrilmәsi, istirahәt, әylәncә vә incәsәnәt sahәsindә fәaliyyәt, 0,2 faizi isə digәr sahәlәrdә xidmәtlәrin göstәrilmәsinə ayrılıb.

    Ətraflı   16:59     21-Sep-2020     1082
  • alternative title

    Mərkəzi Bank depozit hərracının nəticələrini açıqlayıb

    Azərbaycan Mərkəzi Bankı (AMB) vəsaitlərin cəlb edilməsi üzrə depozit hərracının nəticələrini açıqlayıb. AMB-dən bildirilib ki, sentyabrın 21-də Mərkəzi Bank tərəfindən 14 gün müddətinə vəsaitlərin cəlb edilməsi üzrə keçirilmiş depozit hərracında tələb 795,1 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,01 faiz təşkil edib.

    Ətraflı   16:55     21-Sep-2020     1179
  • alternative title

    Azərbaycan regionları ilə Yaponiyanın Osaka prefekturası arasında əməkdaşlıq məsələləri müzakirə olunub

    Azərbaycanın Yaponiyadakı səfəri Gürsel İsmayılzadənin Osaka prefekturasına səfəri çərçivəsində ölkəmizin regionları ilə bu prefektura arasında əməkdaşlıq məsələləri müzakirə olunub. Osaka prefekturasının qubernatoru Hirofumi Yoşimuranın dəvəti ilə baş tutan səfər çərçivəsində qarşılıqlı maraq doğuran digər məsələlərə də toxunulub. Prefekturaya dəvətə görə minnətdarlığını bildirən G.İsmayılzadə Azərbaycanın apardığı uğurlu daxili və xarici siyasət, ölkəmizin iqtisadi vəziyyəti, həyata keçirilən geniş islahatlar, son illər Prezident İlham Əliyevin rəhbərliyi ilə qazanılmış nailiyyətlər barədə geniş məlumat verib. Azərbaycan-Yaponiya ikitərəfli münasibətlərindən bəhs edən səfir iki ölkənin regionları arasında da əməkdaşlığın qarşılıqlı münasibətlərin genişlənməsinə töhfələr verdiyini xüsusi vurğulayıb. H.Yoşimura Osaka prefekturasına səfərə və verilən məlumatlara görə minnətdarlığını bildirib. 2019-cu ildə Azərbaycana səfərini xatırladan qubernator həmin vaxt keçirdiyi görüşləri indi də məmnunluqla xatırladığını qeyd edib. UNESCO-nun Ümumdünya İrs Komitəsinin Bakıda keçirilən 43-cü sessiyasında iştirakını qeyd edən qubernator həmin tədbirdə ilk dəfə olaraq Osakada yerləşən qədim məzarların UNESCO-nun Qeyri-Maddi Mədəni İrs siyahısına daxil edildiyini vurğulayıb. Osaka şəhərinin 2025-ci ildə təşkil ediləcək “Dünya EXPO” sərgisinə ev sahibliyi edəcəyini bildirən H.Yoşimura həmin tədbiri keçirmək uğrunda Osaka və Bakı arasında gedən dostluq rəqabətini xatırladıb, Azərbaycanı sərgidə iştiraka dəvət edib. Həmçinin Azərbaycan nümayəndə heyətinin sərgidə iştirakı ilə bağlı hər cür dəstək verməyə hazır olduqlarını bildirib. G.İsmayılzadə 2025-ci ildə “Dünya EXPO” sərgisinin Osaka şəhərində keçirilməsi münasibətilə Yaponiya tərəfini bir daha təbrik edib və Azərbaycanın bu tədbirdə yüksək səviyyədə iştirak edəcəyinə ümidvar olduğunu bildirib. Söhbət zamanı H.Yoşimura 2017-ci ilin dekabrında Osaka şəhərində səfir G.İsmayılzadənin iqtisadi mövzuda seminar keçirdiyini xatırladıb. Bu cür seminarların ikitərəfli əməkdaşlığın inkişafı, Azərbaycan, xüsusən ölkəmizin iqtisadi potensialı haqqında məlumatların Yaponiya şirkətlərinə çatdırılması baxımından xüsusi əhəmiyyət kəsb etdiyini vurğulayıb. Yaxın gələcəkdə Osakada belə seminarın bir daha təşkil olunmasını xahiş edib. Azərbaycan ilə Yaponiya arasında enerji sahəsində faydalı əməkdaşlığın səviyyəsindən məmnunluğunu ifadə edən diplomat bununla yanaşı, qeyri-enerji sektorunda yüksək potensialın mövcudluğunu nəzərə alaraq kənd təsərrüfatı, turizm, sənaye, informasiya texnologiyaları, səhiyyə, təhsil, idman və əczaçılıq sahələrində əməkdaşlığın inkişafı ilə bağlı birgə səylərin fəallaşdırılmasının zəruriliyi vurğulayıb. Bildirib ki, yaxın vaxtlarda Osakada Azərbaycan iqtisadiyyatına dair daha bir seminarın keçirilməsi nəzərdə tutulur. Ölkəmizin qeyri-neft sektorunun inkişafında “Silk Way Group”un fəaliyyəti barədə məlumat verən G.İsmayılzadə “Silk Way West” aviaşirkətinin 2016-cı ilin yanvarından “Komatsu” və 2017-ci ilin dekabrından Osakanın “Kansai” beynəlxalq hava limanlarına həftədə iki dəfə birbaşa yükdaşıma uçuşları həyata keçirdiyini qeyd edib. “Silk Way West”in Yaponiyada nümayəndəlik açan ilk Azərbaycan şirkəti olduğunu da vurğulayıb. Azərbaycanda keçirilən mötəbər beynəlxalq tədbirlər, idman yarışları, o cümlədən Formula 1 üzrə Azərbaycan Qran-Prisi, I Avropa Oyunları, IV İslam Həmrəyliyi Oyunları və digər yarışların yüksək səviyyədə təşkil olunduğunu qeyd edən G.İsmayılzadə ölkəmizin Birinci vitse-prezidenti Mehriban Əliyevanın bu beynəlxalq tədbirlərin təşkilinə əhəmiyyətli töhfələr verdiyi xüsusi vurğulayıb. Görüşdə Azərbaycan Prezidenti İlham Əliyevin rəhbərliyi ilə ölkəmizdə koronavirus pandemiyasının yayılmasının uğurla qarşısının alınması, iqtisadi sabitliyi qorumaq üçün atılan vacib addımlar haqqında da məlumat verilib, dövlətimizin başçısının pandemiya dövründə, ilk növbədə, xalqın həyatı və sağlamlığını prioritet hesab etdiyini vurğulanıb. Sonda dünyada və regionda cərəyan edən hadisələrlə bağlı ətraflı fikir mübadiləsi aparılıb.

    Ətraflı   16:49     21-Sep-2020     255
  • alternative title

    Toxuculuq sənayesi 4,7 faiz artıb

    Cari ilin 8 ayında toxuculuq sənayesi, geyim, dəri və dəridən məmulatların, ayaqqabıların istehsalı sahələrində 314,6 milyon manat dəyərində məhsul istehsal olunub. Dövlət Statistika Komitəsindən bildirilib ki, əvvəlki ilin yanvar-avqust ayları ilə müqayisədə geyim istehsalında 32 faiz, toxuculuq sənayesində 4,7 faiz artım, dəri və dəridən məmulatlar, ayaqqabıların istehsalında isə 6,3 faiz azalma müşahidə edilib.

    Ətraflı   16:30     21-Sep-2020     1072
  • alternative title

    Səkkiz ayda satılmış mәhsulların vә göstәrilmiş xidmәtlәrin dәyәri azalıb

    Yanvar-avqust aylarında istehlakçıların tәlәbatlarının ödәnilmәsi mәqsәdilә satılmış mәhsulların vә göstәrilmiş xidmәtlәrin dәyәri 29,4 milyard manat olmaqla 2019-cu ilin eyni dövrünә nisbәtәn müqayisәli qiymәtlәrlә 7,5 faiz azalıb. Dövlət Statistika Komitəsindən bildirilib ki, qeyri-dövlәt sektorunun tәsәrrüfat subyektlәri tәrәfindәn satılmış mәhsulların vә göstәrilmiş xidmәtlәrin dәyәri keçən ilin yanvar-avqust ayları ilә müqayisәdә 7,1 faiz azalaraq 28,3 milyard manata bәrabәr olub. Onun 48,6 faizi fәrdi sahibkarların fәaliyyәti sayәsindә formalaşıb. Hesabat dövründә istehlak bazarında bir istehlakçı orta hesabla ayda 368,7 manat vә ya ötən ilin eyni dövrünün göstәricisindәn nominal ifadәdә 21,1 manat az vәsait xәrclәyib.

    Ətraflı   16:19     21-Sep-2020     600
  • alternative title

    Cari ildə Avstriya iqtisadiyyatında ixracın səviyyəsi 12 faiz azalacaq

    Avstriya İqtisadi Tədqiqatlar İnstitutu koronavirus pandemiyası ilə əlaqədar ölkə iqtisadiyyatında ixracın səviyyəsinin 12 faiz azalacağını proqnozlaşdırıb. AZƏRTAC xəbər verir ki, Avstriya şirkətlərinin dörddəüçü ixrac üzrə istehsal olunmuş məhsulların vaxtında çatdırılması və istehsal üçün tələb olunan xammal zəncirinin qırılmasından əziyyət çəkir. Rəyi soruşulan şirkətlərin üçdəbiri isə qlobal ticarətin zəifləməsinin onların satış bazarlarına da ağır təsir göstərdiyini qeyd edib. Bu ilin may ayında pandemiya ilə əlaqədar Avstriyanın ixracı 25,5 faiz aşağı düşsə də, sonrakı aylarda vəziyyətin sabitləşməsi mümkün oldu. Aylar üzrə gedişat ixracın illik səviyyəsinin təxminən 12 faiz az olacağını göstərir. İnsititutdan bildirilib ki, 2000-2008-ci illərdə sürətlə inkişaf edən ixrac sənayesi 2008-2009-cu illərdəki maliyyə böhranından sonra qlobal ticarətdə öz mövqeyini itirib və daha çox ixtisaslaşmış sahələr üzrə unikal məhsulların ixracına üstünlük verilib. Mütəxəssislər hesab edirlər ki, hazırkı vəziyyətin pandemiyadan sonrakı dövrə həssas yanaşmağı və yeni bazarlara çıxış əldə etməyi tələb edir. Ona görə də, ixrac sənayesində fəaliyyət göstərən müəssisələrin vəziyyətinin sabitləşməsi üçün dövlət tərəfindən genişmiqyaslı maliyyə və iqtisadi tədbirlər paketi həyata keçirilməlidir. Eyni zamanda, ixrac məhsullarının diversifikasiyası üçün strukturlu tədbirlərə ehtiyac var. Avstriya Sənayeçilər İttifaqı isə Avropa İttifaqının Merkosur dövlətləri ilə ticarət paktını bağlaması sayəsində sənaye üçün yeni canlanma gözləyir. Bu payız Avropa Komissiyası tərəfindən üzv dövlətlərə göndərilməli olan pakt sayəsində Cənubi Amerika ölkələrində yeni bazarlara çıxış əldə ediləcəyinə ümid bəslənilir.

    Ətraflı   16:18     21-Sep-2020     310
  • alternative title

    Emal sәnayesindә 8,1 milyard manatlıq mәhsul istehsal olunub

    Yanvar-avqust aylarında emal sәnayesindә 8 milyard 166,5 milyon manatlıq mәhsul istehsal edilib vә sәnaye xarakterli xidmәtlәr göstәrilib. Bu barədə Dövlət Statistika Komitəsi məlumat yayıb.

    Ətraflı   16:17     21-Sep-2020     1148
  • alternative title

    Cari ildə inşaat işlәrinin 84,6 faizini qeyri-dövlәt tikinti müәssisәlәri görüb

    Yanvar-avqust aylarında tikinti müәssisәlәri tәrәfindәn yerinә yetirilmiş inşaat işlәrinin 61,9 faizini tikinti, yenidәnqurma vә genişlәndirmә, 10 faizini әsaslı tәmir, 8,2 faizini cari tәmir, 19,9 faizini isә digər tikinti işlәri tәşkil edib. Dövlət Statistika Komitəsindən bildirilib ki, hesabat dövründə ümumi inşaat işlәrinin 84,6 faizini qeyri-dövlәt tikinti müәssisәlәri yerinә yetirib.

    Ətraflı   16:16     21-Sep-2020     233
  • alternative title

    Azərbaycan Gürcüstanın ən böyük ticarət tərəfdaşları sırasında dördüncüdür

    Cari ilin yanvar-avqust aylarında Gürcüstan ilə Azərbaycan arasında ticarət dövriyyəsinin dəyəri 594 milyon ABŞ dolları təşkil edib. Bu da 2019-cu ilin eyni dövrü ilə müqayisədə 13 faiz azdır. Bu barədə Gürcüstanın Milli Statistika İdarəsinin hesabatında deyilib. Bildirilir ki, Gürcüstanın ümumi ticarət dövriyyəsində Azərbaycanın payı 8,5 faiz olub. Bununla da Azərbaycan qonşu ölkənin ticarət tərəfdaşları arasında Türkiyə, Rusiya və Çindən sonra dördüncü yerdə qərarlaşıb. Hesabata görə, 8 ayda Gürcüstandan Azərbaycana 284,2 milyon dollar dəyərində məhsul ixrac olunub. Bu da illik müqayisədə 11,9 faiz azdır. Yanvar-avqust aylarında Gürcüstan Azərbaycandan 309,5 milyon dollarlıq məhsul idxal edib. Bu göstərici də illik müqayisədə 15,7 faiz azdır.

    Ətraflı   16:15     21-Sep-2020     234
  • alternative title

    Biznes assosiasiyalarının fəaliyyətinin gücləndirilməsinə dair müzakirələr aparılıb

    İqtisadiyyat nazirinin müavini Niyazi Səfərovun və Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayevin iştirakı ilə biznes assosiasiyalarının fəaliyyətinin səmərəliliyinin artırılması, koordinasiyanın gücləndirilməsi və qanunvericilik bazasının təkmilləşdirilməsinin müzakirəsinə həsr olunmuş onlayn görüş keçirilib. ASK-dan bildirilib ki, tədbirdə N.Səfərov biznes mühitinin davamlı olaraq yaxşılaşdırılması, bu sahədə qanunvericilik bazasının təkmilləşdirilməsi, müasir texnologiyalar tətbiq edilməklə yüksəkkeyfiyyətli, rəqabətqabiliyyətli məhsulların istehsalı sahəsində görülən işləri, sahibkarlığa sistemli dövlət dəstəyi tədbirlərini vurğulayıb. Nazir müavini dövlət-özəl sektor tərəfdaşlığının inkişafının, bu sahədə ASK ilə əməkdaşlığı genişləndirməyin əhəmiyyətini qeyd edib. Dövlətin biznesin inkişafı üçün yaratdığı imkanları diqqətə çatdıran ASK-ın prezidenti M.Musayev iqtisadi inkişafda sahibkarlığın rolunu qeyd edib, ölkə başçısının xaricdə yaşayan azərbaycanlı iş adamlarını respublikamıza sərmayə qoymağa dəvət etdiyini vurğulayaraq konfederasiyanın 18 ölkədə xarici nümayəndələrinin fəaliyyət göstərdiyini, həmin nümayəndələr vasitəsilə Azərbaycana investisiya qoyuluşunu stimullaşdırmaq məqsədilə tədbirlərin görüləcəyini bildirib. Tədbirdə çıxış edənlər sahəvi assosiasiyaların fəaliyyətinin gücləndirilməsi ilə bağlı təkliflərini səsləndirib, müzakirələr aparılıb.

    Ətraflı   16:02     21-Sep-2020     177
  • alternative title

    Sığortaçılar Assosiasiyası “Ekspert qrupu” yaradıb

    Azərbaycan Sığortaçılar Assosiasiyasının (ASA) təşəbbüsü ilə sığortaçılardan ibarət “Ekspert qrupu” yaradılıb. ASA-dan bildirilib ki, qrupa ölkədə fəaliyyət göstərən sığorta şirkətlərinin mütəxəssisləri daxildirlər. İlkin mərhələdə 30 nəfərdən ibarət “Ekspert qrupu” peşəkar sığortaçıların müxtəlif istiqamətlər üzrə bölgüsü əsasında formalaşdırılıb. Mərkəzləşmiş qrupun yaradılmasında başlıca məqsəd sığorta sistemi ilə bağlı doğru olmayan və ictimaiyyətdə çaşqınlıq yaradan məlumatların sayının minimuma endirilməsi, ölkədə sığorta ilə əlaqəli informasiya siyasətinin doğru təşkili, sığorta ilə bağlı bilgilərin peşəkar sığortaçılar tərəfindən təqdim olunmasıdır. Azərbaycan Sığortaçılar Assosiasiyası media qurumlarına müraciət edərək bildirir ki, sığorta ilə bağlı hər hansı bir mövzuda peşəkar mütəxəssis rəyi almaq üçün assosiasiyaya müraciət etməkləri kifayətdir. Nəticədə ASA “Ekspert qrupu”na üzv mütəxəssislərin media ilə koordinasiyasını təşkil edəcək.

    Ətraflı   15:58     21-Sep-2020     1085
  • alternative title

    “AzerGold”un istiqrazlarının yerləşdirilməsi üzrə hərrac keçiriləcək

    Sentyabrın 24-də Bakı Fond Birjasında (BFB) “AzerGold” QSC-nin istiqrazlarının yerləşdirilməsi üzrə hərrac təşkil olunacaq. BFB-dən bildirilib ki, “AzerGold”un istiqrazlarının birinci tranş üzrə 10 milyon dollar həcmində olan yerləşdirilməsi Bakı Fond Birjasında rəqabətli hərrac üsulu ilə həyata keçiriləcək. Faizli, təmin edilməmiş, sənədsiz, adlı istiqrazların sayı 100 min ədəd, nominal dəyəri 100 dollar, illik faiz dərəcəsi 4 faiz, tədavül müddəti 3 ildir. Yerləşdirmə üzrə anderrayter “Paşa Kapital İnvestisiya Şirkəti” QSC-dir. Hərracda iştirak etməkdə maraqlı şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” bölməsində yerləşdirilib.

    Ətraflı   15:57     21-Sep-2020     191
  • alternative title

    Şəxsi istifadə üçün ölkəyə mal gətirilməsi ilə bağlı yeni qərar bu həftə qüvvəyə minəcək

    “Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları”nda dəyişiklik edilməsi haqqında” Nazirlər Kabinetinin Qərarı dərc edildiyi gündən 30 (otuz) gün sonra, yəni bu il sentyabrın 24-dən qüvvəyə minəcək. Dövlət Gömrük Komitəsinin Mətbuat və İctimaiyyətlə Əlaqələr İdarəsindən bildirilib ki, qeyd olunan ay ərzində Qaydaların 2.1.4-cü yarımbəndinə əsasən, beynəlxalq poçt göndərişləri və ya daşıyıcı şirkət vasitəsilə eyni fiziki şəxsin adına ümumi gömrük dəyəri 1000 ABŞ dolları ekvivalenti məbləğindən artıq olmayan güzəştli qaydada (gömrük ödənişlərini ödəmədən) gömrük ərazisinə gətirilən mallar üçün nəzərdə tutulmuş güzəştli limit başa çatdığına görə yuxarıda qeyd edilən qərar qüvvəyə mindikdən sonra beynəlxalq poçt göndərişləri və ya daşıyıcı şirkət vasitəsilə eyni fiziki şəxsin adına həmin təqvim ayı ərzində gətirilən mallar ümumi gömrük dəyərindən asılı olmayaraq gömrük ödənişlərinə cəlb olunacaq.

    Ətraflı   15:54     21-Sep-2020     1347
  • alternative title

    “SOCAR Polymer”in direktoru dəyişib

    Azərbaycan Dövlət Neft Şirkətinin (SOCAR) törəmə müəssisəsi – “SOCAR Polymer” MMC-nin direktoru Fərid Cəfərov vəzifəsindən azad edilib. QALANEWS xəbər verir ki, şirkətə rəhbərlik onun müavini Fuad Əhmədova həvalə olunub. Qeyd edək ki, F.Cəfərov həm də SOCAR-ın Rusiyadakı nümayəndəliyinin rəhbəridir, şirkətin qonşu ölkədə həyata keçirdiyi layihələrin idarə edilməsi ilə məşğuldur. Onun iş həcminin çox olduğu nəzərə alınaraq və Rusiyadakı layihələrə daha çox vaxt ayırması məqsədi ilə Azərbaycandakı işindən azad edilməsinə qərar verilib. Xatırladaq ki, “SOCAR Polymer” ölkənin kimya sənayesinin inkişafının sürətləndirilməsi məqsədi ilə 2013-cü ildə yaradılıb. Onun nizamnamə kapitalı 101 milyon manatdır. Şirkətin istehsalat obyektləri polipropilen (PP) və yüksək sıxlıqlı polietilen (YSPE) istehsal edən iki zavoddan ibarətdir. Zavodlar İqtisadiyyat Nazirliyinə məxsus “Sumqayıt Kimya Sənaye Parkı” MMC-nin (SKSP) ərazisində yerləşir, müvafiq olaraq 2018-ci ilin iyul və 2019-cu ilin fevral aylarında istismara verilib.

    Ətraflı   15:49     21-Sep-2020     1186
  • alternative title

    Rauf Əliyev: “Əsrin müqaviləsi” Azərbaycan iqtisadiyyatının bütün sahələrində dönüş yaratdı”

    26 il bundan qabaq 1994-cü ilin sentyabr ayının 20-də Bakıda Azərbaycan və dünyanın səkkiz müxtəlif ölkəsini təmsil edən 13 məşhur neft şirkəti arasında “Xəzər dənizinin Azərbaycan sektorunda “Azəri”, “Çıraq” və Günəşli yataqlarının dərinliklərində yerləşən hissəsinin birgə işlənməsi və hasil olunan neftin pay şəkilində bölüşdürülməsi” haqqında saziş - tarixə “Əsrin müqaviləsi” adı ilə düşmüş sənəd imzalanıb. Müqavilənin bağlanmasında Azərbaycan xalqının ümummilli lideri Heydər Əliyev misilsiz rol oynayıb. Xalqın iradəsi, çağırışı və təkidi ilə 1993-cü ildə Heydər Əliyevin hakimiyyətə qayıdışı Azərbaycanın siyasi və iqtisadi həyatında taleyüklü dəyişikliklərin başlanğıcını qoydu. Azərbaycanı labüd fəlakətdən xilas edən dahi rəhbər Heydər Əliyev Azərbaycanı siyasi böhrandan çıxarmaqla yanaşı, iqtisadi böhrandan da çıxarmaq üçün öz ideyalarını həyata keçirməyə başladı. Bunu Milli Məclisin deputatı Rauf Əliyev deyib. Deputat bildirib ki, bu müqavilənin bağlanması ilə müstəqil dövlətimizin neft strategiyası və doktirinasının əsası qoyuldu: “Bu qlobal layihə Azərbaycanın suveren dövlət kimi öz təbii sərvətlərinə sahib çıxmaq, milli mənafeyini, iqtisadi və strateji maraqlarını müdafiə etmək əzmini bütün dünyaya nümayiş etdirdi, dövlət müstəqilliyimizin mühüm təminatına çevrildi. 20 sentyabr günü eyni zamanda ulu öndər Heydər Əliyevin Fərmanı ilə 2001-ci ildən Azərbaycanda Neftçilər günü kimi qeyd olunur. Müqavilənin hazırlanmasının ilk günlərindən o vaxtlar ARDNŞ-in birinci vitse-prezidenti, Milli Məclisin üzvü İlham Əliyev danışıqlar prosesinə cəlb olundu, yeni neft strategiyasının hazırlanmasının və uğurla həyata keçirilməsinin ən fəal iştirakçılarından oldu. Cənab İlham Əliyevin bütün fəaliyyətinin mərkəzində özünün yığcam şəkildə ifadə etdiyi belə bir möhkəm ideya durur - “Bizim məqsədimiz təkcə neft hasil etmək, bundan vəsait əldə etməkdən ibarət deyildir. Bizim məqsədimiz neftdən gələn bütün mənfəətin həm siyasi, həm iqtisadi, həm də başqa mənfəətləri Azərbaycan xalqının gələcək mənafeyinə, rifahına yönəltməkdən ibarətdir”. Onun sözlərinə görə, “Əsrin müqaviləsi” nin həyata keçirilməsinə başlanan vaxtdan Azərbaycan iqtisadiyyatının bütün sahələrində dönüş yarandı və nəhəng layihələrin həyata keçirilməsinə başlandı: “Birinci növbədə, 1995-ci ildə ilkin neft hasilatı çərçivəsində Çıraq-1 özülü dünya standartlarına uyğun olaraq bərpa edildi. 1997-ci ildə Çıraq yatağından neft hasilatına başlandı. 1997-ci ildə şimal istiqamətində Bakı-Novorossiysk neft kəməri bərpa və inşa edildi. 1999-cu ildə qərb istiqamətində Bakı-Supsa neft boru kəməri istifadəyə verildi. 2006-cı ilin iyulun 13-də Türkiyənin Ceyhan şəhərində XXI əsrin ən böyük enerji layihələrindən biri olan Heydər Əliyev adına Bakı-Tbilisi-Ceyhan əsas ixrac boru kəmərinin təntənəli açlış mərasimi keçirildi. Bu kəmərin texniki-iqtisadi əhəmiyyətindən başqa, onun siyasi rolu da böyükdür. Belə ki, bu neft kəməri dünya dövlətləri ilə Azərbaycanın yeni münasibətlərinin, dünya xalqları ilə Azərbaycan xalqının əlaqələrinin genişləndirilməsinə təkan verib, Azərbaycanın xarici siyasətinin güclənməsinə və inkişaf etməsinə şərait yaradıb. Daha sonra Bakı-Tbilisi-Ərzurum qaz kəməri istifadəyə verildi. Hazırda Avropada ən böyük infrastruktur layihələrindən biri olan Cənub Qaz Dəhlizinin tikintisi sürətlə gedir. Dörd layihədən ibarət olan bu meqalayihə artıq son mərhələdədir. Neft və qazdan əldə olunan gəlirlərin bir hissəsi nəqliyyat sektoruna yönəlib. Bu da Azərbaycanın bu bölgədə, Avrasiya məkanında çox strateji nəqliyyat mərkəzinə çevirilməsinə şərait yaratdı. Bakı-Tbilisi-Qars dəmir yolunun açılması, Ələt Beynəlxalq Dəniz Ticarət Limanının yaradılması əldə olunan uğurlardandır. “Əsrin müqaviləsi” Azərbaycana aşağıda göstərilənləri əldə etməyə imkan yaratdı: 1994-cü ildə bağlanmış müqavilə ölkədə sabitliyi təmin etdi, Azərbaycanın hərtərəfli və sürətlə inkişaf etməsi üçün zəmin yaratdı. Müqavilə uzunmüddətli yatırımlar tələb etdiyi üçün xarici şirkətlər və onların təmsil etdiyi dövlətlər stabil investisiya mühütinin qorunmasında maraqlı idilər. Bütün aparıcı beynəlxalq sərmayədarların layihələrə daxil edilməsi Azərbaycanın dünyanın böyük güclərinin geosiyasi maraqlarını balanslaşdıran xarici siyasət məqsədlərinə xidmət edirdi. Bu müqavilə yenidən Azərbaycanı dünyanın neft xəritəsinə yerləşdirdi. Müqavilə maliyyə baxımından da Azərbaycan üçün sərfəlidir. Müqavilə Azərbaycanın qlobal neft bazarına çıxmasına şərait yaratdı və dövlət büdcəsi üçün böyük həcmdə gəlir mənbəyi yaratdı. Müqavilənin şərtləri imkan verir ki, Azərbaycan bu layihədə iştirak edən xarici şirkətlərdən daha çox gəlir əldə etsin. Azərbaycanda fəaliyyət göstərən xarici şirkətlər yerli kadrlara neft mühəndisliyi sahəsində son dərəcə yeni, təkmil, qabaqcıl biliklər və təcrübə verdi. “Əsrin müqaviləsi” ilə müstəqilliyini bir daha sübut edən Azərbaycan öz sərvətlərinə tam sahib olduğunu bütün dünyaya nümayiş etdirdi. “Əsrin müqaviləsi”nin imzalanmasına həsr olunmuş təntənəli mərasimdə çıxış edərkən ulu öndər Heydər Əliyev demişdi: “Biz belə bir addım atmaqla Azərbaycanın dünya üçün, dünya iqtisadiyyatı üçün açıq ölkə olduğunu bütün dünyaya nümayiş etdirdik. Biz bu müqaviləni imzalamaqla Azərbaycan Respublikasının suveren hüquqlarının bərqərar olduğunu, Azərbaycanın tam müstəqil olduğunu, xalqımızın öz sərvətinə sahib olduğunu bütün dünyaya nümayiş etdirdik. Biz bu müqaviləni imzalamaqla Azərbaycan Respublikası ilə dünyanın inkişaf etmiş ölkələri, onların ən böyük şirkətləri arasında əlaqələr yaratdıq. Biz bu müqaviləni imzalamaqla xarici ölkələrin Azərbaycana investisiya qoyması üçün böyük yol açdıq”. R.Əliyev qeyd edib ki, bu müqavilə sonradan dünyanın 19 ölkəsinin 41 neft şirkəti ilə 30-dək saziş imzalanmasına yol açdı: “Əsrin müqaviləsi” həm karbohidrogen ehtiyatlarının miqdarına, həm də qoyulan sərmayələrin həcminə görə dünyada bağlanan ən iri sazişlər siyahısına daxildir. Azərbaycan Respublikasının Prezidenti cənab İlham Əliyev təməli ulu öndər Heydər Əliyev tərəfindən qoyulmuş nefr strategiyasını uğurla inkişaf etdirir. 2003-cü ildə Azərbaycan Respublikasının Prezidenti seçildikdən sonra cənab İlham Əliyev bu sahəyə xüsusi diqqət ayırıb və bu sahənin inkişafına dair müvafiq Fərman və Sərəncamlar imzalayıb. 2017-ci ilin sentyabr ayında Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsində birgə işlənməsi və neft hasilatının pay bölgüsü haqqında sazişə düzəliş edilib və yanidən tərtib olunmuş Sazişin imzalanma mərasimi keçirilib. “Əsrin müqaviləsi” nin müddəti 2050-ci ilə kimi uzadılıb. Bu, çox böyük əhəmiyyətə malik bir hadisədir. Azərbaycanın gələcək inkişafı üçün, maliyyə imkanlarının genişlənməsi nöqteyi-nəzərindən bu Sazişin çox böyük əhəmiyyəti vardır. Müqavilənin müddətinin uzadılması onu göstərir ki, xarici dövlətlər və şirkətlər Azərbaycanı ciddi və etibarlı tərəfdaş kimi qəbul edirlər. Bu bir daha sübut edir ki, Azərbaycanda ictimai-siyasi sabitlik hökm sürür. 29 may 2018-ci il tarixdə Azərbaycan Respublikasının Prezidenti cənab İlham Əliyevin iştirakı ilə daha bir mühüm layihənin - “Cənub Qaz Dəhlizi“nin açılış mərasimi keçirilib. Bu, ölkəmizin tarixində çox mühüm bir tarixi gündür. Bu vaxta kimi layihənin reallaşmasına 40 milyard dollardan artıq sərmayə qoyulub və qoyulacaq. “Əsrin müqaviləsi” Azərbaycanın XX əsrdə imzaladığı böyük bir müqavilədirsə, “Cənub Qaz Dəhlizi” XXI əsrin nəhəng razılaşmalarından biridir. Bu layihə yeni qaz mənbələrini təmin etməklə Avropanın enerji təhlükəsizliyini təmin edərək çoxşaxəli enerji marşrutları sisteminin yaradılmasına şərait yaradır. Azərbaycan Respublikasının Prezidenti İlham Əliyev cənabları tərəfindən həyata keçirilən bu siyasətin əsas uğuru Azərbaycanın da daxil olduğu Avropanın enerji təhlükəsizliyini təmin edəcək məkanın formalaşmasıdır. Azərbaycanın Avropanın enerji təhlükəsizliyində rolunun artması ölkəmizin beynəlxalq nüfuzunu artırır, ölkəmizə olan iqtisadi və siyasi marağı daha da gücləndirir. Bu layihələrin həyata keçirilməsi onu göstərir ki, Azərbaycan qarşısına qoyduğu bütün hədəflərə çatır və bu layihələrin reallaşması ölkəmizdə neft-qaz sənayesinin yeni inkişaf mərhələsinə qədəm qoyduğunu göstərir. “Əsrin müqaviləsi” nin 26 illiyi və 20 sentyabr Neftçilər Günü münasibəti ilə Azərbaycan neftçilərini təbrik edir, onlara çətin, eyni zamanda, çox şərəfli vəzifələrinin yerinə yetirilməsində yeni-yeni uğurlar arzu edirəm”.

    Ətraflı   11:18     21-Sep-2020     329

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 17:14     21-Sep-2020     217
  • alternative title 15:08     21-Sep-2020     370
  • alternative title 15:06     21-Sep-2020     1334
  • alternative title 14:53     21-Sep-2020     1301
  • alternative title 14:51     21-Sep-2020     1390
image title here

Some title