Loading alternative title

SİYASƏT

  • alternative title

    Qarabağ probleminin nizamlanmasında nəzərəçarpacaq dəyişiklik yoxdur - Lavrov

    2019-cu ildə Dağlıq Qarabağ probleminin nizamlanmasında nəzərəçarpacaq dəyişiklər baş verməyib. Rusiya Xarici İşlər naziri vəzifələrini icra edən Sergey Lavrovun 2019-cu ildə Rusiya diplomatiyasının fəaliyyətinin yekunlarına dair mətbuat konfransına KİV-lər tərəfindən təqdim edilmiş suallara Rusiya XİN-in cavabında belə deyilir. Dağlıq Qarabağ münaqişəsinin nizamlanmasında Rusiyanın səyləri haqqında suala cavab RF XİN-in saytında yerləşdirilib. Rusiya xarici siyasət idarəsinin cavabında deyilir ki, 2019-cu ilin martında Vyanada Azərbaycan Prezidenti ilə Ermənistanın Baş Naziri arasında əldə edilmiş razılaşmaları inkişaf etdirmək üçün 2019-cu ilin aprelində Moskvada keçirilən görüşdə xarici işlər nazirlərinin şərtləşdikləri "kiçik addımlar”ın reallaşmasında irəliləyiş var. Sərhəddə və təmas xəttində vəziyyət nisbətən sakit olaraq qalır. Yerevanla Bakı arasında "qaynar xətt” əlaqəsi fəaliyyət göstərir. Jurnalistlərin mübadiləsi həyata keçirilib, əsirlikdə olan Zaven Karapetyan və Elvin İbrahimov geri qaytarılıb. Digər məhbuslar barəsində iş davam edir, Qırmızı Xaç Komitəsi bu işə qoşulub. RF XİN-in cavabında daha sonra deyilir: "Hesab edirik ki, bütün bunlar tərəflərin əhalini sülhə hazırlamaq istiqamətində konkret addımlar atmaq niyyətlərini təsdiq edir. Lakin nizamlanmanın mahiyyəti məsələlərinə dair hələlik irəli getmək mümkün olmayıb. Bu mövzu Sergey Lavrovun yaxın günlərdə Yerevana və Bakıya səfərləri zamanı müzakirə edilib. Ümid edirik ki, yaxın vaxtlarda tərəflər arasında mövzu ətrafında danışıqlar bərpa olunacaq. Öz tərəmizdən Minsk qrupunun fransalı və amerikalı həmsədrləri ilə birlikdə gərəkli dəstək göstərəcəyik”.

    Ətraflı   16:49     17-Jan-2020     1348
  • alternative title

    MSK bir sıra namizədlərin müraciətinə baxıb

    Mərkəzi Seçki Komissiyası (MSK) bu gün keçirilən iclasında bir sıra namizədlərin müraciətinə baxıb. QALANEWS xəbər verir ki, iclasda namizədlərin əmlakları barədə düzgün məlumat göstərmədiklərinə görə qeydə alınmadıqları bildirilib. Həmin müraciətlər MSK-nın iclasında müzakirə edilərək namizədlərin qeydə alınmaması ilə bağlı dairə seçki komissiyalarının qərarı qüvvədə saxlanılıb. MSK sədri Məzahir Pənahov bildirib ki, əmlakı barədə düzgün məlumat göstərmyən namizədə kömək etmək mümkün deyil: “Əmlakla bağlı məsələ haqqında namizəd özü məlumat verməlidir. Biz istəsək də, əmlakla bağlı məsələni nəzərə ala bilmirik”. M.Pənahov deyib ki, bütün namizədlər əmlak və gəlirlərini açıqlamalıdır: "Bu, Seçki Məcəlləsinin tələbidir. MSK digər düzəlməsi mümkün olan məsələlərlə bağlı çalışır ki, onları namizədin xeyrinə həll etsin. Biz açıq qanun pozuntusu istisna olmaq şərtilə namizədin xeyrinə qərar qəbul eməyə çalışırıq”.

    Ətraflı   16:34     17-Jan-2020     1152
  • alternative title

    AŞPA-nın müşahidə missiyasının Azərbaycana səfərinin vaxtı açıqlanıb

    Avropa Şurası Parlament Assambleyasının (AŞPA) nümayəndə heyəti Milli Məclisə seçkilərlə əlaqədar Azərbaycana səfərə gələcək. Bunu QALANEWS-a açıqlamasında Azərbaycanın AŞPA-dakı nümayəndə heyətinin rəhbəri Səməd Seyidov deyib. O bildirib ki, AŞPA-nın seçkiqabağı müşahidə missiyası yanvarın 21-də Azərbaycana gələcək və səfər yanvarın 24-dək davam edəcək: “Səfər çərçivəsində AŞPA nümayəndələri MSK, parlament rəhbərliyi, Milli Məclisdə təmsil olunan müxalifət və iqtidar partiyalarının nümayəndələr, müxtəlif dövlət qurumları, Azərbaycanın AŞPA-dakı nümayəndə heyətinin üzvləri ilə bir sıra görüşlər keçirəcək. Səfərin əsas məqsədi seçkiqabağı ölkədə mühitin öyrənilməsi və gedən proseslərə AŞPA tərəfindən qiymət verilməsidir”.

    Ətraflı   16:00     17-Jan-2020     762
  • alternative title

    Davos Forumuna hazırlıq - VİDEO

    H.Hacıyev:"Azərbaycan Davos İqtisadi Forumunda çox fəal iştirak edir" Azərbaycan Davos İqtisadi Forumunda çox fəal iştirak edir. Bu Forumda ölkəmiz mütəmadi əsasda dövlət başçısı səviyyəsində təmsil olunaraq o çərçivədə müxtəlif seminar, müzakirə və konfranslarda iştirak edir. Bunu jurnalistlərə açıqlamasında Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

    Ətraflı   15:55     17-Jan-2020     956
  • alternative title

    Prezidentin köməkçisi: "Avropa İttifaqında Azərbaycanın ərazi bütövlüyünə münasibətdə qətiyyətli və birmənalı dəstək var"

    "Avropa İttifaqında Azərbaycanın ərazi bütövlüyü, sərhədlərinin toxunulmazlığı, suverenliyi ilə əlaqədar ardıcıl bir mövqe olduğunu tədqir edirik". QALANEWS xəbər verir ki, bunu Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev jurnalistlərə açıqlamasında deyib. H.Hacıyev bildirib ki, Avropa İttifaqı Azərbaycanın ərazi bütövlüyünü daim dəstəkləyib: "Biz bundan əvvəl Şərq Tərəfdaşlığı ilə əlaqədar Brüssel sammitinin yekun sənədlərinə, həmçinin Avropa İttifaqı ilə Azərbaycan arasında hazırlanmış Tərəfdaşlıq prioritetləri sənədinə baxsaq, görərik ki, Azərbaycanın ərazi bütövlüyünə münasibətdə qətiyyətli və birmənalı dəstək var. Ona görə də bu xəttin davamı olaraq Avropa Parlamenti tərəfindən Avropa İttifaqının xarici və müdafiə siyasətinin həyata keçirilməsinə dair olan sənəddə Şərq Tərəfdaşlığı ölkələrinin, o cümlədən də Azərbaycan Respublikasının ərazi bütövlüyünə münasibətdə ifadə olunan bu mövqeni yüksək qiymətləndirirk və təqdir edirik. Bunu da xüsusi vurğulamaq istərdik ki, Avropa İttifaqı və digər beynəlxalq təsisatlar tərəfindən də mövcud olan münaqişələrə münasibətdə Helsinki Yekun Aktının prinsipləri birmənalı əsasda və qəti surətdə ifadə olunmalıdır".

    Ətraflı   14:12     17-Jan-2020     1304
  • alternative title

    Prezidentdən nazirə taksilərlə bağlı tapşırıq

    Yanvarın 15-də Prezident İlham Əliyev Nəqliyyat, Rabitə və Yüksək Texnologiyalar naziri Ramin Quluzadəni qəbul edib. QALANEWS.COM xəbər verir ki, qəbulda dövlət başçısı nazirdən Azərbaycanın digər şəhərlərində taksi xidmətinin hansı səviyyədə olduğunu soruşub. Nazir isə cavab olaraq qeyd edib ki, regionlarda standartlara tam cavab verməyən nəqliyyat vasitələri var və bu istiqamətdə də işlər aparılır. Dövlət başçısı Ramin Quluzadəyə bu işlərin ciddi təhlil edilməsini tapşırıb: "Mən sizə tapşırıq verirəm ki, bu işləri ciddi təhlil edin. Hər bir şəhərdə nə qədər taksi fəaliyyət göstərir? Taksi avtomaşınlarının keyfiyyəti nə səviyyədədir? Təhlükəsizlik necə təmin edilir, hesablaşma necə aparılır? Biz elə etməliyik ki, bütün şəhərlərimizdə, ilk növbədə, böyük şəhərlərimizdə müasir taksi xidmətləri olsun. Müasir taksi dayanacaqları, sürücülərin hazırlanması, onların tibbi müayinədən keçməsi təşkil olunmalıdır. Hər bir sahədə olduğu kimi, bu sahədə də biz nağd hesablaşmadan kartla hesablaşmaya keçməliyik, taksometrlər quraşdırılmalıdır. Yəni, təkcə Bakıda yox, ilk növbədə, bütün böyük şəhərlərdə və ondan sonrakı mərhələdə digər şəhərlərdə".

    Ətraflı   11:18     17-Jan-2020     1491
  • alternative title

    Metyu Brayza: Parlament seçkilərindən sonra Azərbaycan daha da güclənəcək

    Əminəm ki, parlament seçkilərindən sonra Azərbaycan daha da güclənəcək. QALANEWS-un məlumatına görə, bu sözləri secki-2020.az saytına Atlantik Şuranın siyasi şərhçisi, ABŞ-ın Azərbaycandakı keçmiş səfiri Metyu Brayza deyib. O bildirib ki, islahatlar prosesinə töhfə vermək, yeni ideyalar gətirmək məqsədilə parlamentin buraxılmasına dair qəbul edilən qərar təqdirə layiqdir: “Bu, çox stimulverici prosesdir və nümunəvi məqamdır. Beynəlxalq ictimaiyyətin də diqqəti Azərbaycandakı seçkilərə yönələcək. Düşünürəm ki, Azərbaycanda aparılan islahatlar ölkənin hərtərəfli inkişafına yeni təkan verəcək”.

    Ətraflı   18:09     16-Jan-2020     1880
  • alternative title

    Samir Nuriyevə daha bir vəzifə verildi

    Prezident İlham Əliyev “Azərbaycan Respublikasının Prezidenti yanında Vətəndaşlıq Məsələləri Komissiyasının yaradılması haqqında” sərəncamında dəyişiklik edilməsi barədə sərəncam imzalayıb. QALANEWS-un xəbərinə görə, sərəncamda aşağıdakı dəyişikliklər edilib 1. 1-ci hissə ilə yaradılmış Komissiyanın tərkibi aşağıdakı redaksiyada verilsin: “Komissiyanın sədri Azərbaycan Respublikası Prezidentinin Administrasiyasının rəhbəri Komissiyanın üzvləri Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin müdiri Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Azərbaycan Respublikası Prezidentinin Administrasiyasının Qanunvericilik və hüquq siyasəti şöbəsinin müdiri Azərbaycan Respublikası Prezidentinin Administrasiyasının Hüquq ekspertizası şöbəsinin müdiri Azərbaycan Respublikası Prezidentinin Administrasiyasının Vətəndaşların müraciətləri ilə iş şöbəsinin müdiri Azərbaycan Respublikasının Daxili İşlər naziri Azərbaycan Respublikasının Xarici İşlər naziri Azərbaycan Respublikası Dövlət Miqrasiya Xidmətinin rəisi Azərbaycan Respublikası Dövlət Təhlükəsizliyi Xidmətinin rəisi Azərbaycan Respublikası Xarici Kəşfiyyat Xidmətinin rəisi Komissiyanın katibi Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin Miqrasiya və vətəndaşlıq məsələləri sektorunun müdiri.”. 2. 2-ci hissədən “və hərbi məsələlər” sözləri çıxarılsın. Sərəncam imzalandığı gündən qüvvəyə minir.

    Ətraflı   17:16     16-Jan-2020     1278
  • alternative title

    Prezident Əli Nağıyevə YENİ VƏZİFƏ VERDİ

    Prezident İlham Əliyev "Əsir və itkin düşmüş, girov götürülmüş vətəndaşlarla əlaqədar Dövlət Komissiyasının yeni tərkibinin təsdiq edilməsi barədə" Azərbaycan Respublikası Prezidentinin 2004-cü il 15 noyabr tarixli 519 nömrəli Sərəncamında dəyişiklik edilməsi haqqında Sərəncam imzalayıb. Sərəncama əsasən, Dövlət Komissiyasının tərkibi aşağıdakı redaksiyada verilir: "Komissiyanın sədri Azərbaycan Respublikası Dövlət Təhlükəsizliyi Xidmətinin rəisi Komissiyanın üzvləri: Azərbaycan Respublikası Müdafiə nazirinin müavini Azərbaycan Respublikası Daxili İşlər nazirinin müavini Azərbaycan Respublikası Xarici İşlər nazirinin müavini Azərbaycan Respublikası Ədliyyə nazirinin müavini Azərbaycan Respublikası Səhiyyə nazirinin müavini Azərbaycan Respublikası Əmək və Əhalinin Sosial Müdafiəsi nazirinin müavini Azərbaycan Respublikası Baş prokurorunun müavini ─ Azərbaycan Respublikasının Hərbi prokuroru Azərbaycan Respublikası Xarici Kəşfiyyat Xidməti rəisinin müavini Azərbaycan Respublikası Dövlət Sərhəd Xidməti rəisinin müavini Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti rəisinin müavini Azərbaycan Respublikası Dövlət Miqrasiya Xidməti rəisinin müavini Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi sədrinin müavini Azərbaycan Respublikası Ailə, Qadın və Uşaq Problemləri üzrə Dövlət Komitəsi sədrinin müavini Azərbaycan Milli Elmlər Akademiyasının vitse-prezidenti Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri Azərbaycan Qızıl Aypara Cəmiyyətinin prezidenti "Azərbaycan Respublikası Dağlıq Qarabağ Bölgəsinin Azərbaycanlı İcması" İctimai Birliyinin İdarə Heyətinin sədri Komissiyanın katibi Əsir və itkin düşmüş, girov götürülmüş vətəndaşlarla əlaqədar Dövlət Komissiyasının işçi qrupunun rəhbəri". Bu Sərəncam imzalandığı gündən qüvvəyə minir.

    Ətraflı   17:16     16-Jan-2020     589
  • alternative title

    Azərbaycanda neçə tələbə deputat olmaq istəyir?

    Milli Məclisə seçkilərdə deputatlığa namizədliyini irəli sürənlər arasında tələbə kontingenti də var. QALANEWS-un məlumatına görə, ümumilikdə 14 tələbə namizədliyini irəli sürüb. Namizədliyini irəli sürən 14 tələbədən altısının deputatlığa namizədliyi qeydə alınıb. Qeydə alınanlardan ikisi isə sonradan deputatlığa namizədlikdən imtina edib. Digərlərinin isə namizədliyi hələlik qeydə alınmayıb. Xatırladaq ki, Milli Məclisə seçkilərlə əlaqədar 1534 deputatlığa namizəd qeydə alınıb. Bu barədə Avropa Şurasının Mərkəzi Seçki Komissiyası (MSK) ilə birlikdə jurnalistlər üçün “Seçkinin mediada işıqlandırılması” mövzusunda informasiya sessiyasında MSK sədri Məzahir Pənahov deyib. Qeyd edək ki, 2020-ci ilin fevralın 9-da növbədənkənar parlament seçkiləri keçiriləcək

    Ətraflı   16:18     16-Jan-2020     487
  • alternative title

    "Xəftərin arxasında bəzi Qərb dövlətləri durur"-Siyasi ŞƏRH

    Yaxın və Orta Şərqdə Türkiyə Rusiya əməkdaşlığı bu coğrafiyada sülh və təhlükəsizliyin təmin olunması istiqamətində müəyyən irəliləyişə gətirə biləcək bir proses ola bilər. Bu sözləri QALANEWS-a açıqlamasında politoloq Məhəmməd Əsədullazadə deyib. O, bildirib ki, hər iki ölkə bir-birlərinə güzəştə gedir və kompromis variantlar üzərində dayanırlar. Burada Putin və Ərdoğanın şəxsi münasibətləri, hər iki ölkənin regionda maraqlarına təhdid olan Qərbin siyasətinə qarşı birgə fəaliyyətləri əsas faktorlardandır. Suriya böhranında hər iki tərəfin əməkdaşlığı son aylarda Liviyada yaşanan vətəndaş müharibəsində tərəflərin nə qədər uzlaşacaqları sual olaraq qalırdı. Rusiya SSRI-nin varisi olaraq Liviyada öz geosiyasi maraqlarını təmin etmək üçün üsyançı Feldmarşal Xəlifə Xəftərə qeyri-rəsmi "Vaqner" özəl hərbi təşkilat vasitəsilə loqistik dəstək verir. Qəddafidən sonra yenidən burada möhkəmlənməyi qarşısına məqsəd qoyub. Türkiyə də Aralıq dənizində öz geosiyasi maraqlarını qorumaq və tarixi missiya olaraq Liviyaya yenidən qayıdaraq haqlı olaraq öz pioritetlərini müdafiə edir. Qeyd edim ki, Ankara BMT tərəfindən tanınan Sərrac hakmiyyətinin yanındadır. Liviya böhranında əsas meydanda Türkiyə və Rusiya görünür və tərəflərin ortaq məxrəcə gəlməsi, Putinin bu ayın 8-də Türkiyə səfərində razılığın əldə olunması ilə nətəcələndi. Bu danışıqların nəticəsi olaraq Moskvada Sərrac hökuməti ilə üsyançı general Xəftər arasında atəşkəs müqaviləsi bağlanması istiqamətində danışıqlar aparıldı. Qeyd edim ki, ABŞ və Avropa ölkələrinin bəziləri pərdəarxası general Xəftərə dəstək verir və onu Rusiyadan uzaqlaşdırmaq üçün danışıqlar aparırlar. Məhz Qərb Liviyada Türkiyə və Rusiyanın birgə fəaliyyətindən narahat olaraq tərəflərin Moskvada atəşkəs razılaşmasını Xəftər vasitəsilə pozmuş oldu. Qərbin birbaşa Xəftərlə danışıqları nəticəsində general atəşkəsə imza atmayaraq Moskvanı tərk etdi. Ərdoğanın öz hərbi kontingentini Liviyaya göndərib Xəftərə qarşı əməliyyata başlaması mümkündür. Rusiya da Xəftərdən əl çəkmək istəmir. Liviyada ciddi mürəkkəb vəziyyət yaşanır. Moskva ya Türkiyəni, ya da Xəftəri seçməlidir. Xəftəri seçərsə, Türkiyə əleyhinə hərbi fəaliyyətinə dəstək verərsə Rusiya Türkiyə əlaqələri pozulmuş olacaq. Bu da Qərbin planıdır. Artıq Ərdoğan Xəftəri Putinin öhdəsinə buraxdı. Göründüyü kimi Liviyada suların durulması hələki gözlənilmir.

    Ətraflı   15:11     16-Jan-2020     544
  • alternative title

    "Xəftərin arxasında bəzi Qərb dövlətləri durur"-Siyasi ŞƏRH

    Yaxın və Orta Şərqdə Türkiyə Rusiya əməkdaşlığı bu coğrafiyada sülh və təhlükəsizliyin təmin olunması istiqamətində müəyyən irəliləyişə gətirə biləcək bir proses ola bilər. Bu sözləri QALANEWS-a açıqlamasında politoloq Məhəmməd Əsədullazadə deyib. O, bildirib ki, hər iki ölkə bir-birlərinə güzəştə gedir və kompromis variantlar üzərində dayanırlar. Burada Putin və Ərdoğanın şəxsi münasibətləri, hər iki ölkənin regionda maraqlarına təhdid olan Qərbin siyasətinə qarşı birgə fəaliyyətləri əsas faktorlardandır. Suriya böhranında hər iki tərəfin əməkdaşlığı son aylarda Liviyada yaşanan vətəndaş müharibəsində tərəflərin nə qədər uzlaşacaqları sual olaraq qalırdı. Rusiya SSRI-nin varisi olaraq Liviyada öz geosiyasi maraqlarını təmin etmək üçün üsyançı Feldmarşal Xəlifə Xəftərə qeyri-rəsmi "Vaqner" özəl hərbi təşkilat vasitəsilə loqistik dəstək verir. Qəddafidən sonra yenidən burada möhkəmlənməyi qarşısına məqsəd qoyub. Türkiyə də Aralıq dənizində öz geosiyasi maraqlarını qorumaq və tarixi missiya olaraq Liviyaya yenidən qayıdaraq haqlı olaraq öz pioritetlərini müdafiə edir. Qeyd edim ki, Ankara BMT tərəfindən tanınan Sərrac hakmiyyətinin yanındadır. Liviya böhranında əsas meydanda Türkiyə və Rusiya görünür və tərəflərin ortaq məxrəcə gəlməsi, Putinin bu ayın 8-də Türkiyə səfərində razılığın əldə olunması ilə nətəcələndi. Bu danışıqların nəticəsi olaraq Moskvada Sərrac hökuməti ilə üsyançı general Xəftər arasında atəşkəs müqaviləsi bağlanması istiqamətində danışıqlar aparıldı. Qeyd edim ki, ABŞ və Avropa ölkələrinin bəziləri pərdəarxası general Xəftərə dəstək verir və onu Rusiyadan uzaqlaşdırmaq üçün danışıqlar aparırlar. Məhz Qərb Liviyada Türkiyə və Rusiyanın birgə fəaliyyətindən narahat olaraq tərəflərin Moskvada atəşkəs razılaşmasını Xəftər vasitəsilə pozmuş oldu. Qərbin birbaşa Xəftərlə danışıqları nəticəsində general atəşkəsə imza atmayaraq Moskvanı tərk etdi. Ərdoğanın öz hərbi kontingentini Liviyaya göndərib Xəftərə qarşı əməliyyata başlaması mümkündür. Rusiya da Xəftərdən əl çəkmək istəmir. Liviyada ciddi mürəkkəb vəziyyət yaşanır. Moskva ya Türkiyəni, ya da Xəftəri seçməlidir. Xəftəri seçərsə, Türkiyə əleyhinə hərbi fəaliyyətinə dəstək verərsə Rusiya Türkiyə əlaqələri pozulmuş olacaq. Bu da Qərbin planıdır. Artıq Ərdoğan Xəftəri Putinin öhdəsinə buraxdı. Göründüyü kimi Liviyada suların durulması hələki gözlənilmir.

    Ətraflı   14:57     16-Jan-2020     1303
  • alternative title

    Donald Tramp Çinə getməyi planlaşdırır

    ABŞ Prezidenti Donald Tramp yaxın gələcəkdə Çinə səfər etməyi planlaşdırır. Donald Tramp bu barədə Ağ evdə Çinlə ticarət sazişinin birinci hissəsinin imzalanması mərasimində çıxışı zamanı məlumat verib. “Mən yaxın gələcəkdə Çinə gedəcəyəm”, - deyə ABŞ Prezidenti bildirib. Saziş haqqında danışan Donald Tramp onu tarixi sənəd adlandırıb. Əminliklə vurğulayıb ki, bu saziş keçmişin çatışmazlıqlarını aradan qaldıracaq, gələcəkdə iqtisadi ədaləti və amerikalı fəhlələr, fermerlər və ailələr üçün təhlükəsizliyi təmin edəcək. Sazişin detalları hələ də açıqlanmayıb. Ağ evin Milli iqtisadi şurasının rəhbəri Lourens Kudlou bir qədər əvvəl bildirmişdi ki, ABŞ Pekinin ticarət sazişinin birinci fazasında müəyyən olunmuş öhdəliklərə sadiq qaldığına əmin olmaq üçün Cinin bəzi mallarına rüsumları saxlayacaq. Həmçinin ABŞ-ın maliyyə naziri Stiven Mnuçin məlumat vermişdi ki, sazişin ikinci fazası imzalanana qədər Cin mallarına rüsumlar qüvvədə qalacaq.

    Ətraflı   00:22     16-Jan-2020     794
  • alternative title

    Avropa İttifaqı bir daha Azərbaycanın ərazi bütövlüyünü dəstəklədi - Qətnamə

    Avropa Parlamentində “Avropa İttifaqının xarici siyasət və təhlükəsizlik sahəsində ümumi siyasəti barədə” qətnamənin səsverməsi başa çatıb. QalaNews.com-un məlumatına görə, səsvermədə iştirak edən 704 deputatdan 454-ü qətnamənin lehinə səs verib. Qətnamə yeni redaksiyada qəbul edilib. Dekabr ayında sənədə tərəfdaş dövlətlərin ərazi bütövlüyünün dəstəklənməsi ilə bağlı maddə əlavə edilib: “Avropa İttifaqı bütün Şərq tərəfdaşlığı ölkələrinin beynəlxalq norma və prinsiplər əsasında beynəlxalq səviyyədə tanınan sərhədləri çərçivəsində suverenliyi, ərazi bütövlüyü və siyasi müstəqilliklərinin dəstəklənməsi üzrə öhdəliklərini təsdiq edir”. Həmin maddə həmçinin “münaqişədən ziyan çəkən ölkələrin vətəndaşlarına – qaçqın və məcburi köçkünlərə dəstəyin” gücləndirilməsi vurğulanır. Bu qətnamənin qəbul olunması Cənubi Qafqaz üçün onu ifadə edir ki, Ermənistan Qarabağın və Azərbaycanın digər ərazilərinin işğalçısı qismində anti-Azərbaycan və işğalyönümlü sənəd və müzakirələri təşviq edə bilməyəcək. Azərbaycan öz növbəsində, Avropa İttifaqı ilə əməkdaşlıq çərçivəsində Dağlıq Qarabağ münaqişəsindən zərər çəkmiş məcburi köçkünlərin problemlərinin həllində yeni mexanizm əldə edir.

    Ətraflı   22:51     15-Jan-2020     773
  • alternative title

    YAP üzvünün namizədliyi qeydə alınmayıb

    Yeni Azərbaycan Partiyasının (YAP) üzvünün namizədliyi qeydə alınmayıb. “QALANEWS” xəbər verir ki, 96 saylı Goranboy-Naftalan seçki dairəsindən namizədliyi qeydə alınmayan Topçuyev Azər Yusif oğlu MSK-ya müraciət edib. Onun müraciəti haqqında Mərkəzi Seçki Komissiyasının (MSK) bu gün keçirilən iclasında MSK üzvü Tofiq Həsənov məlumat verib. Onun sözlərinə görə, A.Topçuyev müraciətində qeyd edib ki, dairə seçki komissiyasına inanmır və ona görə də sənədlərini təqdim etməyib: “O bildirib ki, sənədlərini valideynlərinin iştirakı ilə DSK-ya təqdim etmək istəyir. Lakin valideynləri gəlsə də, yenə də sənədlərini təqdim etməyib. Belə olan halda isə onun namizədliyi qeydə alınmayıb. Amma o, sonradan MSK-ya namizədliyinin qeydə alınmaması barədə şikayət edib. MSK həmin şikayəti araşdırıb”. Məsələ MSK-nın iclasında müzakirə olunub və DSK-nın qərarı qüvvədə saxlanılıb. Beləliklə, namizədliyi öz təşəbbüsü ilə irəli sürülən YAP üzvü Topçuyev Azər Yusif oğlu 96 saylı Goranboy-Naftalan seçki dairəsindən Milli Məclisə seçkilərdə namizədliyi qeydə alınmayıb.

    Ətraflı   18:56     15-Jan-2020     393
  • alternative title

    Ərazi bütövlüyü və dövlət sərhədlərinin toxunulmazlığı “Şərq Tərəfdaşlığı”nın əsas elementi elan edilib

    Yanvarın 15-də Avropa Parlamentinin (AP) Strasburqda keçirilən plenar iclasında mütləq səs çoxluğu ilə “Avropa İttifaqının xarici siyasət və təhlükəsizlik sahəsindəki birgə siyasəti haqqında” qətnamə qəbul edilib. “QALANEWS” xəbər verir ki, sənədin 36-cı maddəsində Aİ-nin beynəlxalq hüquq normaları və prinsiplərinə uyğun olaraq, beynəlxalq səviyyədə tanınmış sərhədləri daxilində “Şərq Tərəfdaşlığı” ölkələrinin hamısının suverenliyini, ərazi bütövlüyünü və siyasi müstəqilliyini dəstəkləmək və bu ölkələrin münaqişədən əziyyət çəkən vətəndaşlarına – qaçqın və məcburi köçkünlərə dəstəyi gücləndirmək üzrə öhdəlikləri təsdiq edilir. Bir çox digər AP sənədlərindən fərqli olaraq, “Avropa İttifaqının xarici siyasət və təhlükəsizlik sahəsindəki birgə siyasəti haqqında” qətnamə deklarativ yox, doktrinal xarakter daşıyır, başqa sözlə, o, Aİ-nin icra strukturlarını Birliyin xarici siyasətinin hazırlanması və həyata keçirilməsində tənzimləyici müddəaları nəzərə almağı tələb edir. Qeyd edək ki, həmişə AP-nin Xarici İşlər Komitəsinin sədri tərəfindən hazırlanan qətnamə hər il qəbul edilir. Orada il ərzində görülən işlərin təhlili, eləcə də Aİ-nin gələn il üçün əsas prioritetləri və perspektivləri əksini tapır.

    Ətraflı   18:52     15-Jan-2020     443
  • alternative title

    XİN: Aİ Azərbaycanın ərazi bütövlüyünü dəstəklədiyini bir daha təsdiqləyib

    Azərbaycan Xarici İşlər Nazirliyi Avropa Parlamentinin qəbul etdiyi qətnamə ilə bağlı bəyanat yayıb. XİN-dən verilən məlumata görə, Avropa Parlamentinin yanvarın 15-də Strasburqda keçirilən plenar sessiyası zamanı “Birgə Xarici və Təhlükəsizlik Siyasətinin həyata keçirilməsi üzrə illik məruzə” (Annual report on the implementation of the Common Foreign and Security Policy) adlı qətnamə böyük səs çoxluğu ilə qəbul edilib. Sözügedən qətnamənin 36-cı bəndində Avropa İttifaqı "Şərq Tərəfdaşlığı"nın bütün üzv dövlətlərinin suverenliyi, ərazi bütövlüyü və siyasi müstəqilliyinə dəstəklə bağlı öz öhdəliyini növbəti dəfə təsdiqlədi. Xüsusilə vurğulanmalıdır ki, qətnamədə ərazi bütövlüyü məsələsi beynəlxalq səviyyədə tanınmış sərhədlər ifadəsi ilə birgə təqdim edilir. Sənəddə "Şərq Tərəfdaşlığı" ərazisindəki bütün münaqişələrlə bağlı vahid yanaşma nümayiş etdirilərək onların beynəlxalq hüququn norma və prinsiplərinə uyğun şəkildə həllinə, münaqişədən əziyyət çəkənlərə, o cümlədən qaçqın və məcburi köçkünlərə dəstəyin artırılmasına dair çağırış öz əksini tapıb. Qətnamədə Aİ-nin 2016-cı il tarixli Xarici və Təhlükəsizlik Siyasəti üzrə Qlobal Strategiya sənədinə və Şərq Tərəfdaşlıq ölkələrinin 2017-ci il Brüssel Zirvə Görüşünün yekun sənədinə istinad olunur. Xatırladırıq ki, Aİ-nin Qlobal Strategiya sənədində dövlətlərin suverenliyi, ərazi bütövlüyü və sərhədlərinin toxunulmazlığı Avropa təhlükəsizliyinin mühüm elementi kimi qiymətləndirilmişdir. 2017-ci il Brüssel Zirvə Görüşünün yekun sənədində də eynilə bütün Şərq Tərəfdaşlığı dövlətlərinin ərazi bütövlüyü, müstəqilliyi və suverenliyinə, birmənalı dəstək ifadə olunub. Qeyd etmək lazımdır ki, Avropa Parlamenti tərəfindən illik əsasda qəbul edilən bu qətnamə Avropa Parlamentinin il ərzində Avropa Komissiyasının fəaliyyətinə təsir edə biləcək məcburi xarakterli sənədlərindən biridir.

    Ətraflı   18:32     15-Jan-2020     721
  • alternative title

    Ruhani ABŞ və Avropanı müharibə ilə hədələdi - İRAN ÇALXALANIR

    "Bu gün ABŞ əsgərləri təhlükəzlikdə deyil. Sabah Avropa əsgərləri də təhlükəsizlikdə olmaya bilər”. Bu sözləri İran prezidenti Həsən Ruhani deyib. Prezidentin paytaxt Tehranda Nazirlər Kabineti toplantısındakı çıxışını İran Dövlət Televiziyası yayımlayıb. Ruhani çıxışında bu sözlərə yer verib: "Biz bölgədə təhlükəsizlik probleminin yaşanmasını istəmirik. Bu bölgədən savaşmadan, ağıllı şəkildə çıxın. Bu gün ABŞ əsgərləri təhlükəzlikdə deyil. Sabah Avropa əsgərləri də təhlükəsizlikdə olmaya bilər. Gəlin, nüvə razılaşmasına sadiq qalaq. ABŞ bu razılaşmadan geri çəkilməklə regional təhlükəsizliyi sual altında qoydu. Bölgədəki təhlükəsizlik problemi də ABŞ, Avropa və dünyanın təhlükəsizliyinə mənfi təsir göstərir”. Ruhani İranın hərbi rəsmilərini Ukrayna Hava Yollarına məxsus sərnişin təyyarəsinin raketlə vurulmasına dair reallıqları ictimaiyyətə açıqlamağa çağırıb. Xalq idarəçilərindən səmimi və sadiq davranış gözləyir. Mən baş qərargah və hərbi qüvvələrdən rica edirəm. Əvvəlindən axırına qədər hadisənin detallarını xalqa açıqlayın. Xalqdan üzr istəyək. Mən İran-İraq müharibəsində 7 il boyunca müdafiə sistemlərindən məsul şəxs idim. Nə müharibə, nə də İran tarixində belə hadisə görülmüşdü”. Qeyd edək ki, yanvarın 8-də Ukraynaya məxsus sərnişin təyyarəsinin raket zərbələri ilə vurulması İran xalqını ayağa qaldırıb.

    Ətraflı   15:55     15-Jan-2020     726
  • alternative title

    Haftar saziş imzalamadı, Lavrov isə “son deyil” deyir...

    Moskvada Liviya ilə bağlı aparılan danışıqlara heç vaxt yekun həll kimi baxılmayıb, amma onlar sülh prosesinin irəliləməsi üçün lazımdır. Bunu Rusiya XİN başçısı Sergey Lavrov deyib. Qeyd edək ki, 13 yanvarda Liviya Milli Razılıq Hökumətinin başçısı Fayez Sərrac və Liviya Milli Ordusunun rəhbəri Xəlifə Haftar Moskvaya səfər edərək, görüş keçirib. Rusiya və Türkiyənin vasitəçiliyi və iştirakı ilə baş tutan görüşün sonunda tərəflərə atəşkəs haqqında müqaviləni imzalamaq təklif edilsə də, Haftar bir gün vaxt istəyib. Amma gecə Haftar müqaviləni imzalamadan Moskvanı tərk edib.

    Ətraflı   15:51     15-Jan-2020     597
  • alternative title

    “47 vəzifəli şəxs məsuliyyətə cəlb olunub”

    Bu gün Baş Prokuror yanında Korrupsiyaya Qarşı Mübarizə Baş İdarəsində 2019-cu ilin yekunlarına dair mətbuat konfransı keçirilib. QALANEWS-un verdiyi xəbərə görə, İdarənin rəisi, Baş Prokurorun müavini Kamran Əliyev hesabatla çıxış edərək bildirib ki, ötən il Baş İdarə tərəfindən vətəndaşların 8447 müraciətinə baxılıb, həmçinin 317 cinayət xarakterli material araşdırılıb. Həmin materialların 231-i (72.90 %) üzrə cinayət işi başlanıb, 86 (27.10 %) material üzrə digər prokuror təsir aktları tətbiq edilib. “161-Qaynar xətt” əlaqə mərkəzinə yerli icra hakimiyyətləri, səhiyyə, sosial müdafiə, təhsil, bələdiyyə və digər sahələri əhatə edən 3849 müraciət üzrə əlaqəli dövlət qurumları ilə birgə görülmüş tədbirlər nəticəsində müraciətlərin müsbət həll olunması təmin edilməklə vətəndaşların pozulmuş hüquqları bərpa edilib, 19 halda müraciət üzrə Cinayət Məcəlləsinin müvafiq maddələri ilə cinayət işləri başlanıb, habelə aşkar edilmiş qanun pozuntularının aradan qaldırılması məqsədi ilə müvafiq təşkilatlara təqdimatlar göndərilib, görülmüş tədbirlər nəticəsində 47 vəzifəli şəxs intizam məsuliyyətinə cəlb edilib. 2019-cu il ərzində Baş İdarəyə Əmək və Əhalinin Sosial Müdafiəsi Nazirliyindən 32, Qida Təhlükəsizliyi Agentliyindən 25, İqtisadiyyat Nazirliyindən 21, Dövlət Gömrük Komitəsindən 7 material əsasında araşdırma aparılıb və bir sıra hallarda cinayət işləri başlanıb. Bu gün Baş Prokuror yanında Korrupsiyaya Qarşı Mübarizə Baş İdarəsində 2019-cu ilin yekunlarına dair mətbuat konfransı keçirilib. QALANEWS-un verdiyi xəbərə görə, İdarənin rəisi, Baş Prokurorun müavini Kamran Əliyev hesabatla çıxış edərək bildirib ki, ötən il Baş İdarə tərəfindən vətəndaşların 8447 müraciətinə baxılıb, həmçinin 317 cinayət xarakterli material araşdırılıb. Həmin materialların 231-i (72.90 %) üzrə cinayət işi başlanıb, 86 (27.10 %) material üzrə digər prokuror təsir aktları tətbiq edilib. “161-Qaynar xətt” əlaqə mərkəzinə yerli icra hakimiyyətləri, səhiyyə, sosial müdafiə, təhsil, bələdiyyə və digər sahələri əhatə edən 3849 müraciət üzrə əlaqəli dövlət qurumları ilə birgə görülmüş tədbirlər nəticəsində müraciətlərin müsbət həll olunması təmin edilməklə vətəndaşların pozulmuş hüquqları bərpa edilib, 19 halda müraciət üzrə Cinayət Məcəlləsinin müvafiq maddələri ilə cinayət işləri başlanıb, habelə aşkar edilmiş qanun pozuntularının aradan qaldırılması məqsədi ilə müvafiq təşkilatlara təqdimatlar göndərilib, görülmüş tədbirlər nəticəsində 47 vəzifəli şəxs intizam məsuliyyətinə cəlb edilib. 2019-cu il ərzində Baş İdarəyə Əmək və Əhalinin Sosial Müdafiəsi Nazirliyindən 32, Qida Təhlükəsizliyi Agentliyindən 25, İqtisadiyyat Nazirliyindən 21, Dövlət Gömrük Komitəsindən 7 material əsasında araşdırma aparılıb və bir sıra hallarda cinayət işləri başlanıb.

    Ətraflı   12:45     15-Jan-2020     789

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 00:35     19-Jan-2020     2211
  • alternative title 00:26     19-Jan-2020     1307
  • alternative title 00:09     19-Jan-2020     1047
  • alternative title 00:04     19-Jan-2020     4452
  • alternative title 22:41     18-Jan-2020     1785

Sosİal

image title here

Some title