Loading alternative title

SİYASƏT

  • alternative title

    İlham Əliyev və Mehriban Əliyeva Bakıda tibb müəssisəsinin açılışında - YENİLƏNİB + FOTO

    Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva martın 28-də Bakıda “Yeni klinika” tibb müəssisəsinin açılışında iştirak ediblər. AZƏRTAC xəbər verir ki, Tibbi Ərazi Bölmələrini İdarəetmə Birliyinin - TƏBİB-in İdarə Heyətinin sədri Ramin Bayramlı dövlətimizin başçısına burada yaradılan şərait barədə məlumat verib. Bildirilib ki, müvəqqəti olaraq sabahdan etibarən bu müəssisədə koronavirusa yoluxan və ağır simptomları olan xəstələr müalicə alacaqlar. Tibb ocağı 575 çarpayılıqdır. Xəstəxanada 1500-dən artıq həkim və tibbi heyət çalışacaq. “Yeni klinika” tibb müəssisəsində yaradılan şəraitlə tanışlıqdan sonra dövlətimizin başçısı xəstəxananın kollektivi ilə görüşüb. Prezident İlham Əliyev bu gün ölkəmizin ən böyük tibb ocaqlarından birinin fəaliyyətə başladığını qeyd edib, onun müasir avadanlıqla təchiz olunduğunu bildirib. Azərbaycanda koronavirusun yayılmasının qarşısının alınması sahəsində görülən işlərdən danışan dövlətimizin başçısı vurğulayıb ki, bu tibb müəssisəsinin istifadəyə verilməsi pandemiyaya qarşı mübarizədə əlavə imkanlar yaradacaq. “Yeni klinika” tibb müəssisəsinin direktoru Pərviz Abbasov və həkim Nəzrin Mustafayeva dövlətimizin başçısına yaradılan şəraitə görə minnətdarlıqlarını bildiriblər. Qeyd edək ki, Prezident İlham Əliyevin rəhbərliyi ilə son illərdə ölkədə həyata keçirilən dövlət siyasətində səhiyyə sisteminin təkmilləşdirilməsi, bu sahənin müasirləşdirilməsi və inkişafı, onun maddi-texniki bazasının möhkəmləndirilməsi mühüm yerlərdən birini tutur. “Yeni klinika” tibb müəssisəsinin yaradılması və burada ən müasir tibbi avadanlığın quraşdırılması bunu bir daha təsdiq edir.

    Ətraflı   16:05     28-Mar-2020     1228
  • alternative title

    İlham Əliyev və Mehriban Əliyeva Bakıda tibb müəssisəsinin açılışında - FOTO

    Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva martın 28-də Bakıda “Yeni klinika” tibb müəssisəsinin açılışında iştirak ediblər. Bununla bağlı AZƏRTAC məlumat yayıb.

    Ətraflı   16:00     28-Mar-2020     1166
  • alternative title

    Deputatların heç birində koronavirus aşkarlanmadı – RƏSMİ

    Milli Məclisin deputatlarının koronavirus təhlükəsi ilə əlaqədar keçdikləri həkim müayinələrinin nəticələri açıqlanıb. Bu barədə Azərbaycan parlamentinin mətbuat katibi Akif Təvəkküloğlu məlumat verib. O bildirib ki, deputatların analizlərinin cavablarının hamısı neqativ çıxıb, yəni onların heç birində koronavirus aşkarlanmayıb. Qeyd edək ki, martın 30-da Milli Məclisin iclası keçiriləcək. Parlament sədri Sahibə Qafarovanın göstərişi ilə deputatlar iclas zalında bir-birindən iki metr aralıda oturacaqlar.

    Ətraflı   12:01     28-Mar-2020     1342
  • alternative title

    Prezident Adil Qəribovu təltif etdi - SƏRƏNCAM

    Prezident İlham Əliyev Adil Qəribovun təltif edilməsi haqqında sərəncam imzalayıb. Bununla bağlı AZƏRTAC məlumat yayıb. O, Azərbaycanda elmin inkişafında xidmətlərinə görə “Şöhrət” ordeni ilə təltif edilib.

    Ətraflı   18:17     27-Mar-2020     1493
  • alternative title

    İlham Əliyev Rauf Babayevin vəfatı ilə bağlı nekroloq imzaladı

    Prezident İlham Əliyev Xalq artisti Rauf Babayevin vəfatı ilə bağlı nekroloq imzalayıb. Nekroloqun mətnini AZƏRTAC dərc edib. “Azərbaycanın mədəni ictimaiyyətinə ağır itki üz vermişdir. Azərbaycan musiqi sənətinin tanınmış nümayəndəsi, “Qaya” Dövlət Ansamblının bədii rəhbəri, Azərbaycan Respublikası Prezidentinin fərdi təqaüdçüsü, xalq artisti Rauf Yusuf oğlu Babayev 2020-ci il martın 27-də ömrünün 83-cü ilində vəfat etmişdir. Rauf Babayev 1937-ci il dekabr ayının 30-da Qərbi Azərbaycanda anadan olmuşdur. Bakı şəhərində orta məktəbi bitirdikdən sonra o, 1953–1957-ci illərdə Asəf Zeynallı adına Musiqi Məktəbində oxumuş, 1957–1962-ci illərdə Üzeyir Hacıbəyli adına Azərbaycan Dövlət Konservatoriyasının zərb alətləri sinfində ali musiqi təhsili almışdır. 1957-ci ildən Azərbaycan Dövlət Rus Dram Teatrında musiqiçi kimi əmək fəaliyyətinə başlayan Rauf Babayev 1960–1962-ci illərdə Azərbaycan Dövlət Estrada-Simfonik Orkestrində solist-vokalçı, 1962–1964-cü illərdə Azərbaycan Dövlət Filarmoniyasının, 1965-ci ildə isə Dağıstan Dövlət Filarmoniyasının solisti kimi çalışmışdır. O, 1965-ci ildən yaradıcılıq taleyini “Qaya” estrada ansamblı ilə bağlamış, 1968-ci ilədək Azərbaycan Dövlət Filarmoniyasının “Qaya” estrada ansamblının vokalçısı, 1968–1972-ci illərdə Azərbaycan Radio və Televiziya Komitəsində “Qaya” kvartetinin, 1972–1987-ci illərdə “Qaya” dövlət ansamblının, 1987–2001-ci illərdə isə Bakı Şəhər Mədəniyyət İdarəsi nəzdində “Qaya” dövlət estrada-simfonik orkestrinin solist-vokalçısı olmuş, 2001-ci ildən “Qaya” dövlət orkestrinin, 2003-cü ildən “Qaya” dövlət ansamblının “Bəri bax” vokal qrupunun direktoru və bədii rəhbəri, 2007-ci ildən isə Azərbaycan Respublikası Mədəniyyət Nazirliyinin Dövlət “Qaya” Ansamblının bədii rəhbəri işləmişdir. Rauf Babayev ötən əsrin 60–80-ci illərində Azərbaycan estradasının ən məşhur qruplarından hesab olunan “Qaya” vokal-instrumental ansamblının yaradıcılarındandır. Sənətkar bir sıra caz festivallarında müvəffəqiyyətlə çıxış etmiş, beynəlxalq estrada və caz musiqisi müsabiqələrinin laureatı adını qazanmışdır. Respublikamızın hüdudlarından uzaqlarda çoxsaylı qastrol səfərləri zamanı böyük səhnələrdəki çıxışları ilə o, ölkəmizin müasir musiqi mədəniyyətini uğurla təmsil etmişdir. “Qaya” ansamblının fəaliyyətinin 2001-ci ildən etibarən başlanan yeni mərhələsi Rauf Babayevin adı ilə bağlıdır. Sənətkarın bədii rəhbəri olduğu musiqi kollektivi öz ənənələrinə sadiq qalaraq, repertuarında geniş yer verdiyi Azərbaycan və xarici ölkə bəstəkarlarının əsərlərinin, həmçinin xalq mahnılarının estrada və caz üslubunda parlaq təqdimatı ilə dinləyicilərin xüsusi rəğbətini qazanmışdır. Rauf Babayev 1995-ci ildən Leopold və Mstislav Rostropoviçlər adına musiqi məktəbində pedaqoji fəaliyyətlə məşğul olmuş, vokal sinfində istedadlı ifaçılar nəslinin yetişdirilməsi üçün bilik və bacarığını əsirgəməyərək gənc musiqiçi kadrların formalaşdırılması işinə töhfələr vermişdir. O, “Qaya” kvartetinin dəst-xəttini davam etdirən “Bəri bax” vokal qrupunun yaradıcısı və bədii rəhbəri idi. Azərbaycanın musiqi mədəniyyəti xəzinəsinin zənginləşdirilməsində Rauf Babayevin xidmətləri layiqincə qiymətləndirilmişdir. O, 1978-ci ildə respublikanın Əməkdar Artisti, 2006-cı ildə Xalq Artisti fəxri adlarına layiq görülmüş, 2017-ci ildə isə müstəqil Azərbaycan Respublikasının ali dövlət mükafatlarından olan “Şöhrət” ordeni ilə təltif edilmişdir. Tanınmış müğənni, mahir pedaqoq və səmimi insan Rauf Yusuf oğlu Babayevin xatirəsi onu tanıyanların qəlbində həmişə yaşayacaqdır. Allah rəhmət eləsin! İlham Əliyev Mehriban Əliyeva Əli Əsədov Sahibə Qafarova Samir Nuriyev Eldar Əzizov Əbülfəs Qarayev Fərəh Əliyeva Fərhad Bədəlbəyli Siyavuş Kərimi Firəngiz Əlizadə Faiq Sücəddinov Cavan Zeynallı Yalçın Rzazadə Salman Qəmbərov”.

    Ətraflı   17:45     27-Mar-2020     1498
  • alternative title

    Azərbaycanda bu məhsullar ƏDV-dən azad edildi - FƏRMAN

    Baxillər, steril və qeyri-steril əlcəklər, tibbi (cərrahiyyə əməliyyatı və ya prosedur üçün) maskalar və respiratorların idxalı əlavə dəyər vergisindən (ƏDV) azad edilib. AZƏRTAC xəbər verir ki, Prezident İlham Əliyev “Azərbaycan Respublikası Prezidentinin 2017-ci il 2 noyabr tarixli 1654 nömrəli fərmanı ilə təsdiq edilmiş “İdxalı əlavə dəyər vergisindən azad edilən xammal və materialların siyahısı”nda dəyişiklik edilməsi haqqında” fərman imzalayıb. Fərmana əsasən, “İdxalı əlavə dəyər vergisindən azad edilən xammal və materialların siyahısı”na əlavələr edilib. Belə ki, baxillər, steril və qeyri-steril əlcəklər, tibbi (cərrahiyyə əməliyyatı və ya prosedur üçün) maskalar və respiratorların idxalı əlavə dəyər vergisindən azad olunub. Fərman cari il iyunun 1-dək qüvvədədir.

    Ətraflı   17:34     27-Mar-2020     1936
  • alternative title

    Spikerin təşəbbüsü: Deputatlar iclasda bir-birindən iki metr aralı oturacaq

    Milli Məclisin 30 martda keçiriləcək növbəti plenar iclası zamanı deputatların zalda lazımi məsafəyə riayət etməklə bir-birindən ən azı iki metr aralıda əyləşməsi məsələsi öz həllini tapıb. Bu barədə Milli Məclisin mətbuat xidmətindən məlumat verilib. Məsələ Milli Məclis sədri Sahibə Qafarovanın təşəbbüsü ilə gerçəkləşib. Bununla yanaşı, Milli Məclis deputatlarının, Aparat və İşlər İdarəsinin məsul əməkdaşlarının müvafiq qaydada koronavirus ilə bağlı tibbi yoxlamadan keçirilməsi təmin edilib. Parlamentin avtomobil vasitələrinin mütəmadi dezinfeksiyası da təşkil olunub.

    Ətraflı   14:24     27-Mar-2020     1785
  • alternative title

    Elmar Məmmədyarov: “Onsuz da bura gələndə karantinə alınacaqlar, elə orada qalsınlar”

    “Koronavirus pandemiyası ilə bağlı xaricdə olan Azərbaycan vətəndaşları ilə daimi əlaqə saxlayırıq”. QALANEWS-un məlumatına görə, bunu Xarici İşlər naziri Elmar Məmmədyarov Nazirlər Kabineti yanında operativ qərargahın ötən gün keçirilən iclasında bildirib. E.Məmmədyarov deyib ki, Xarici İşlər Nazirliyi (XİN) tərəfindən Azərbaycanın xarici ölkələrdəki bütün səfirliklərinə və diplomatik nümayəndəliklərinə xüsusi tapşırıqlar verilib. “Bildirilib ki, hamı ilə bir-bir danışsınlar, nə qədər imkan varsa, insanlar evlərində qalsınlar. Çünki onlar virusun daşıyıcısı ola bilərlər. Nə qədər imkan varsa, yaşadıqları yerlərdə qalsınlar. Onsuz da bura gələndə karantinə alınacaqlar, elə orada qalsınlar”, - deyə nazir qeyd edib. Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev isə bildirib ki, son günlər 400 nəfərə yaxın Azərbaycan vətəndaşı ölkəyə gətirilib: “Yaxın günlərdə müəyyən olunmuş qrafiklərlə bu qədər vətəndaşın da ölkəmizə gətirilməsi üzrə işlər aparılır”.

    Ətraflı   12:07     27-Mar-2020     1562
  • alternative title

    Ermənistan silahlı qüvvələrinin bölmələri atəşkəs rejimini pozmaqda davam edir

    Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 23 dəfə pozub. Müdafiə Nazirliyinin mətbuat xidmətindən bildiriblər ki, Ermənistanın Noyemberyan rayonu ərazisindəki adsız yüksəkliklərdə yerləşən mövqelərdən Qazax rayonunun Quşçu Ayrım kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub. Tərtər rayonunun işğal altında olan Göyarx, Ağdam rayonunun Yusifcanlı, Mərzili, Füzuli rayonunun Aşağı Veysəlli, Qorqan kəndləri yaxınlığında, həmçinin Goranboy, Tərtər və Füzuli rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

    Ətraflı   15:29     26-Mar-2020     363
  • alternative title

    Yaşı 65-i keçən deputatlar parlamentin iclasına qatılacaq? - RƏSMİ

    “Milli Məclisin yaşı 65-dən yuxarı olan deputatlarından xahiş olunacaq ki, onlar Nazirlər Kabineti yanında operativ qərargahın elan etdiyi xüsusi karantin rejiminə riayət etsinlər”. Bu barədə Milli Məclisin mətbuat katibi Akif Təvəkküloğlu yaşı 65-i keçən deputatların parlamentin iclasına qatılıb-qatılmayacağı barədə sualı cavablandırarkən deyib. Qeyd edək ki, martın 30-da Milli Məclisin iclası keçiriləcək. Parlamentin 27 deputatının yaşı 65-dən yuxarıdır. Martın 23-də Nazirlər Kabinetində Baş nazir Əli Əsədovun sədrliyi ilə iclas keçirilib. İclasda ölkədə koronavirus infeksiyası (COVID-19) ilə bağlı vəziyyət müzakirə olunub. İnfeksiyanın yayılmasının qarşısının alınması məqsədilə xüsusi rejim tətbiq edilməsi haqqında qərar qəbul edilib. Qərarda bildirilir ki, 65 yaşdan yuxarı insanlara evdən çıxmaq qadağan edilsin. Bu kateqoriyadan olan tənha yaşayan şəxslərə qanunvericiliyə əsasən, sosial xidmətlərin göstərilməsi təmin ediləcək.

    Ətraflı   14:13     26-Mar-2020     1752
  • alternative title

    Deputatlar bu tarixdə parlamentin iclasına toplanacaq

    Milli Məclisin növbəti plenar iclasının vaxtı açıqlanıb. Bu barədə parlamentin mətbuat katibi Akif Təvəkküloğlu məlumat verib. O bildirib ki, Milli Məclisin iclası martın 30-da keçiriləcək.

    Ətraflı   11:46     26-Mar-2020     859
  • alternative title

    Azərbaycan bir ildə ATƏT-ə nə qədər pul ayırıb?

    Azərbaycanın 2019-cu ildə ATƏT-in büdcəsinə köçürdüyü məbləğin miqdarı açıqlanıb. Bu barədə ATƏT-in illik hesabatında bildirilib. Belə ki, Azərbaycan beynəlxalq təşkilatın vahid büdcəsinə 45 min 276 avro ödəyib. Büdcədənkənar könüllü dəstək üçün isə Azərbaycan ATƏT-ə 50 min avro məbləğində vəsait ayırıb.

    Ətraflı   11:42     26-Mar-2020     1147
  • alternative title

    Ermənilərin dostları Mübariz Mənsimovun aktiv müdafiəsinə başlayıb

    Özünü ermənilərin “düşməni” elan edən “Palmali Holding”in prezidenti Mübariz Mənsimovun həbsindən sonra ermənilərin və ya ermənipərəstlərin ona dəstəyi artmaqdadır. Bu spekulyasiya lideri illərdir ki, sosial şəbəkələrdə və mediada özü barədə bir imic formalaşdırmağa çalışırdı. İnsanlara ən çox inandırmaq istədiyi isə erməniləri “görən gözünün olmaması” ilə bağlı görüntü idi. Hətta bu təbliğatları bəzən o qədər məcradan çıxırdı ki, onun danışdıqlarına qulaq asan insan qarşısındakının gerçək “Azərbaycan Rembo”su olduğunu düşünərdi. Biz şişirdilmiş yalanlara maraqla qulaq asan insanlarıq. Bir az aldanmağa meyilli olanlar buna inanırlar. Amma az-çox təcrübəli və informasiyalı insanlar heç əvvəldən də Mübarizin goplarına inanmırdılar. Vaxtilə Eldar Mahmudovdan ilham alan, sonradan ilham mənbəyini müxalifət liderlərinə dəyişən Mənsimov “erməni düşməni” obrazını yaratmaq üçün var-dövlətinin bir hissəsini mediaya səpələmişdi. Amma həbsindən sonra ilk olaraq gün işığına çıxan onun bu manipulyasiyası oldu. “Palmali” şefinin şişirdilmiş nüfuzunun yerlə bir olmasına birinci addım onun müdafiəsinə qalxan qondarma “Talış-Muğan Respublikası”nın lideri Əlikram Hümbətovun bəyanatı oldu. O Əlikram ki separatçı əməllərinə görə üzün müddət həbs olunmuş, sonra prezident tərəfindən azad edilmiş, Azərbaycan vətəndaşlığına son verilmiş və ölkədən qovulmuşdu. Və bu Əlikram Hümbətov son bir neçə ildir ki, ermənilərin ən qatı müdafiəçisidir. İstədiyi vaxt Yerevana səfər edir, orada ona ən yüksək səviyyədə diqqət və hörmət göstərilir. Əlikram isə Yerevanda oturub Azərbaycan əleyhinə heç erməninin də ağlına gəlməyən ittihamlar səsləndirir. Qeyd etdiyimiz bütün bu “keyfiyyətlərə” malik olan Hümbətov M.Mənsimovun həbsinə ilk etiraz edən, onun müdafiəsinə qalxan şəxs olmaqla, bu saxta “erməni düşmənçiliyi”nin ilk pərdəsini qaldırmış oldu. Bitdimi? Qətiyyən. Daha bir tanınmış şəxs, ermənilərin bir nömrəli müdafiəçilərindən biri də Mübariz üçün mübarizəyə başlayıb. Bu, jurnalist Amberin Zamandır. O, “Al-Monitor”da “Azərbaycanlı milyarderin həbsinin arxasında nə dayanır?” adlı bir yazı paylaşıb. Yazıdan bəzi qeydlər təqdim edəcəyik və əslində, bu müdafiə yazısında nə yazıldığından daha maraqlı olan məqam onun kim tərəfindən qələmə alınmasıdır. Amberin Zaman məqaləsində M.Mənsimov barədə ətraflı informasiya verir və təqdim etdiklərinin, demək olar ki, böyük əksəriyyəti dedi-qodulara və sosial şəbəkələrdə yayılan məlumatlara əsaslanıb. Məsələn, hələ indiyə kimi ağlı başında olan heç kim M.Mənsimovun onun hakimiyyətə “bac-xərac” vermədiyi üçün həbs olunması versiyasını səsləndirməyib. Amma jurnalist xanım hesab edir ki, iş adamlarına FETÖ ittihamı ilə cinayət işi açmaq hakimiyyətin külli miqdarda pul əldə etmək yollarından biridir. Bu məqalə ilə bağlı uzun-uzadı danışmağa ehtiyac yoxdur. Sadəcə, bir məqamı demək lazımdır ki, yazının əvvəlindən sonuna kimi oxuduqda hətta onu müdafiə edən yazıda belə Mənsimovun nə qədər sürüşkən mövqeli şəxs olduğu təəssüratı yaranır. Bəs Amberin Zaman kimdir? Məncə, onun haqqında danışmağa dəyər. Milliyyətini belə müəyyənləşdirmək çətin olan bir jurnalistdir. O, ata tərəfdən İran əsilli olan bir banqladeşli, ana tərəfindən isə gürcü, tatar və yörükdür. Nyu-Yorkda anadan olub. Vaxtilə “Washington Post” və “The Daily Telegraph” qəzetlərinin Türkiyə müxbiri olub. 2007-ci ildən “Taraf” qəzetində, 2010-cu ildə “Habertürk”də köşə yazarı kimi çalışıb. 2016-cı ildə Türkiyə Prezidenti Rəcəb Tayyib Ərdoğanın ABŞ səfəri zamanı böyük qalmaqal yaratmışdı. O zaman Ərdoğan bu qadın barədə demişdi: “Orada da gazeteci kılıklı bir militan çıkmış. Edepsiz bir kadın. “Müslüman ülkede bunu beklemek zor değil mi?” diyor. Haddini bil, haddini. Haddini bil! Eline vermişler bir kalem, gazete köşesinde yazıyorsun. Haddini bil, edepsiz kadın”. Amberin Zaman uzun müddət Ermənistanın paytaxtı Yerevanda da yaşayıb. Elə həmin vaxtdan da ermənilərin aktiv təbliğatçısına çevrilən bu jurnalist 2017-ci ildə “zirvəni fəth etdi” və ABŞ-da qoyulan qondarma “erməni soyqırımı” abidəsini ziyarət edərək, türklərin qəzəbinə səbəb oldu. Həmçinin, ermənilərin “100 saniyə” layihəsinə qatılan jurnalist bu barədə bəzi təqdimatlar da həyata keçirdi. Amberin Zaman təkcə ermənipərəst deyil, həm də terror təşkilatı olan PKK-nın sözçüsü kimi tanınır. Türkiyə əleyhinə olan bütün layihələrdə önəmli rolları ifa edən jurnalist PKK-nın ən qaynar qərargahlarından reportajlar hazırlayıb. Və təbii ki, bu reportajlar birmənalı olaraq terrorçuların təbliğatına hesablanmışdı. İndi görək, bu xanım müxbirin “Vikipediya” səhifəsində nə yazılır: “Amberin Zaman, “Al-Monitor”un xüsusi müxbiri. Türkiyəli jurnalist. Türkiyədə jurnalist kimi fəaliyyətə başlayan Zaman dünyanın müxtəlif qəzetlərində yazılarla çıxış edib. Onun yazıları Türkiyədəki azlıqların hüquqları ilə əlaqədardır. ... O, Türkiyə-Ermənistan münasibətlərinin normallaşmasının tərəfdarıdır və mütəmadi olaraq öz köşələrində erməni soyqırımını müzakirə edir. 2014-cü ildə Hrant Dink Vəqfinin erməni-türk barışığına həsr olunmuş konfransında iştirak edib. “Erməni soyqırımı”nı həqiqət kimi tanıyan Zaman Türkiyə hökumətinin ermənilərlə əlaqəli tarixi ilə barışmalı olduğunu düşünür”. O, Türkiyə hökumətinin 24 aprel 2014-cü ildə ermənilərə başsağlığı məktubuna belə reaksiya vermişdi: “Türkiyənin “erməni soyqırımı”nı tanıyacağına, üzr istəyəcəyinə və qurbanlarına lazımi kompensasiya verəcəyinə inanan bir vətəndaş olaraq, bu gözləntilər baş verməsə də, dövlətin erməni qurbanlarına ilk yazılı məktubunu təqdir edirəm”. Bu yazıda Amberin Zamanın erməniləri təbliğ edib, türkləri aşağılayan xeyli sayda sitatlar da təqdim edə bilərdik. Onun bir türk düşməni olduğunu oxucuların diqqətinə çatdırmaq yazının əsas qayəsi deyil. Yuxarıda qeyd etdiyimiz kimi, Əlikramdan sonra beynəlxalq səviyyədə tanınan və ermənilərin əsas müdafiəçisi olan daha bir şəxsin Mübariz Mənsimova “sevgisidir”. Təəssüf ki, hələ də sosial şəbəkələrdə bir sıra analiz qabiliyyəti aşağı olan soydaşlarımız bu “pul ovçusu”na səmimi olaraq inanır. İnanmaq bir yana qalsın, Mənsimovun mənfi cəhətlərini səsləndirənlər barədə ən ağır söyüşlər yazılır. Dilə gətirilən faktlara məntiqli arqumentlə cavab verə bilməyən “tərbiyəsizlər ordusu” üçün heç bir mənəvi meyarı olmadığı göz önündədir. Buna inanmayanlar sadəcə sosial şəbəkəni izləsinlər. “Mübariz sevənlər”in bu qədər söyüşə və təhqirə meyilli olması, bütün sərhədləri aşan ifadələrlə bağlı Azərbaycanın hüquq-mühafizə orqanlarının da lazımi addımları atması qaçılmaz hala gəlib. Qanunvericilikdə sosial şəbəkələrdə təhqir və söyüşlərin məsuliyyət yaratdığını unudan bu idarəolunan qrupun qanun qarşısında cavab verməsi ehtiyacı yaranıb. Dairəni gördünüzmü? Mənsimovu müdafiə edənlər kimlərdir? Türk xalqına daim düşmən mövqe sərgiləyənlər, ermənilərin aktiv tərəfdarları və yalnız söyüş söyməyi bacaran bir qrup. Bu, bizim gördüklərimizdir. Türkiyə prokurorluğunun apardığı araşdırmalar nəticəsində ortaya hansı həqiqətlər çıxacaq, bunu da yaxın zamanda görəcəyik.

    Ətraflı   14:42     25-Mar-2020     1826
  • alternative title

    İlham Əliyev koronavirus xəstələrinə çağırış etdi

    “Azərbaycan həkimlərinə bir daha minnətdarlığımı bildirmək istəyirəm. Onlar, doğrudan da, böyük qəhrəmanlıq göstərirlər, öz həyatlarını, sağlamlıqlarını risk altına atırlar, ancaq öz vəzifə borcunu şərəflə yerinə yetirirlər”. Bunu Prezident İlham Əliyev Mənzil İnşaatı Dövlət Agentliyinin ikinci layihəsi olan Hövsan yaşayış kompleksinin açılışında AzTV-yə müsahibə verərkən deyib. Ölkə başçısı koronavirusla mübarizədə Azərbaycanın bütün vətəndaşlarını həkimlərə dəstək olmağa çağırıb. Prezident Azərbaycanda koronavirusa yoluxmuş insanlara da çağırış edib. “O cümlədən, bu xəstəliyə yoluxmuş insanlara da, - biz, əlbəttə, başa düşürük ki, onların həm fiziki, həm də psixoloji vəziyyəti bu xəstəliyin təsiri altındadır, - müraciət edərək, həkimlərə qarşı diqqətli olmalarını tövsiyə edərdim”, - deyə Prezident əlavə edib.

    Ətraflı   16:35     24-Mar-2020     2171
  • alternative title

    Ölkəmizdə aparılan siyasət hər bir Azərbaycan vətəndaşının firavan həyatının təmin olunmasına yönəlib

    Azərbaycan dünyada sosialyönümlü siyasət həyata keçirən ölkələrdən biri kimi tanınır. Təbii ki, ölkəmizin uğurlu inkişaf göstəricilərindən ən əhəmiyyətlisi əhalinin sosial rifah halının yüksəldilməsi istiqamətində sistemli və ardıcıl surətdə həyata keçirilən tədbirlərdir. Azərbaycan hökuməti əhalinin sosial problemlərini daim diqqət mərkəzində saxlayır. Dövlətin vətəndaşlarının həyati əhəmiyyətli tələbatlarının ödənilməsinə göstərdiyi qayğı isə özünü bilavasitə sosial təminat sistemində büruzə verir. Başqa sözlə, Azərbaycanda uğurla gerçəkləşdirilən sosial təminat tədbirləri insanların yaşayışının yaxşılaşdırılmasına xidmət edir. Bu da təsadüfi deyil ki, sosialyönümlülük Azərbaycanın milli iqtisadi inkişaf modelini səciyyələndirən başlıca xüsusiyyətlərdən sayılır. Bu sözləri AZƏRTAC-a açıqlamasında Milli Məclisin deputatı Ceyhun Məmmədov söyləyib. Deputatın sözlərinə görə, ölkəmizin iqtisadi imkanları artdıqca sosial müdafiəyə ehtiyacı olan insanlara daha çox diqqət göstərilir. Prezident İlham Əliyev hər bir azərbaycanlının normal yaşayışı üçün sosial xidmətlərin səviyyəsinin yüksəldilməsini, zəruri infrastruktur layihələrinin reallaşdırılmasını dövlətin başlıca vəzifəsi sayır. Dövlətimizin başçısının apardığı siyasət hər bir Azərbaycan vətəndaşının firavan həyatının təmin olunmasına yönəlib. Son illər sosial sahədə mühüm işlərin görüldüyünü və ilin əvvəlindən üç böyük xəstəxana binasının istifadəyə verildiyini diqqətə çatdıran Ceyhun Məmmədov deyib: “Bir çox yeni təhsil və səhiyyə müəssisələri inşa olunub, təmir və bərpa işləri həyata keçirilıb. Dövlətimizin apardığı siyasət və güclü iqtisadiyyatımız onu deməyə əsas verir ki, dünya bazarlarında neftin qiymətinin kəskin aşağı düşməsinə baxmayaraq, Azərbaycanda bütün sosial öhdəliklərin təmin olunması və sosial infrastruktur layihələrin tam icrası üçün möhkəm baza vardır. Bunu dövlətimizin başçısı dəfələrlə öz çıxışlarında qeyd edib və bildirib ki, narahatçılığa heç bir əsas yoxdur”. 2020-ci ildə sosial sahədə mühüm layihələrin həyata keçiriləcəyini diqqətə çatdıran deputat qeyd edib ki, Azərbaycan Prezidenti həssas təbəqədən olan vətəndaşlara diqqət və qayğısını əsirgəmir. Məcburi köçkünlərin yaşayış şəraitinin yaxşılaşdırılması üçün bir neçə qəsəbə salınıb və bu iş bu il də davam etdiriləcək. 2020-ci ildə mcburi köçkünlər üçün daha 7 min mənzil tikilib istifadəyə veriləcək. Ölkəmizdə uğurla keçirilən parlament seçkilərindən də danışan deputat bildirib ki, Milli Məclisə seçkilər ölkəmizdə aparılan siyasətin xalq tərəfindən yüksək qiymətləndirildiyini bir daha göstərdi. İlin əvvəlindən ölkəmizdə proseslər müsbət istiqamətdə gedir, Azərbaycanda sabitlik, təhlükəsizlik təmin edilir. Seçkilərdə fəallığın yüksək olması, şəffaflığın təmin edilməsi ölkəmizin demokratik inkişaf yolu ilə irəlilədiyini deməyə əsas verir. “Parlament seçkilərində xalqın iradəsi öz əksini tapdı və Azərbaycan cəmiyyəti bu seçkilərin nəticələrindən məmnun qaldı. Seçkilərdə 1300-dən çox namizədin iştirakı onun azad və demokratik mühitdə keçdiyini göstərir. Seçkilərdən sonra parlamentin tərkibi yenidən formalaşdı və ilk dəfə olaraq Milli Məclisin rəhbərliyində müxalifət nümayəndələri də yer aldılar. Bu, Azərbaycanda demokratikləşmə sahəsində atılan növbəti uğurlu addımdır. Parlament seçkilərində müxalifət partiyalarının sərbəst iştirakı bu fikri bir daha təsdiq edir”, – deyə C.Məmmədov vurğulayıb. Deputat dünyamızı təşvişə salan koronavirus (COVİD-19) təhlükəsindən də danışıb. Bildirib ki, xəstəlik dövründə Azərbaycan dövlətinin atdığı addımlar və həyata keçirdiyi tədbirlər xalqımızın sağlamlığının, təhlükəsizliyinin və rifahının hər şeydən üstün olduğunu bir daha göstərdi. O, Azərbaycan Prezidentinin hər zaman olduğu kimi, bu çətin məqamda da xalqımızın yanında olduğunu diqqətə çatdırıb. Prezidentin nümunəvi addım ataraq bir illik əməkhaqqı məbləğini Koronavirusla Mübarizəyə Dəstək Fonduna ianə etdiyini vurğulayan deputat dövlətin başçısının bütün taleyüklü məsələlərə olduğu kimi, bu məsələyə də həssaslıqla yanaşdığını, virusla mübarizədə bütün məsələləri diqqətdə saxladığını göstərdiyi bir daha qeyd edib. Virusun ölkəmizdə yayılmasının qarşısının alınması məqsədilə atılan addımların davam etdirildiyini vurğulayan deputat deyib ki, Prezident İlham Əliyevin rəhbərliyi ilə Azərbaycanın iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər həyata keçirilir. Deputat əminliklə bildirib ki, Azərbaycanın bu bəladan daha az zərərlə çıxa bilməsi üçün dövlətimiz bütün imkanlardan istifadə edəcək. “İnanırıq ki, dövlətimizin yardımı və dəstəyi ilə xalqımız bu sınaqdan da üzüağ çıxacaq. Hər birimiz soyuqqanlı olmalı, hadisələrə təmkinlə yanaşmalı, əsassız məlumatlar yaymamalı, ictimai mənafeyi şəxsi mənafedən üstün tutmalıyıq”, – deyə Ceyhun Məmmədov bildirib.

    Ətraflı   15:39     24-Mar-2020     1258
  • alternative title

    İsveçrə parlamentində Azərbaycanla dostluq qrupu formalaşıb

    2019-cu ilin sonunda keçirilən parlament seçkilərindən sonra yenidən formalaşan İsveçrə parlamentində Azərbaycan ilə dostluq qrupu yenidən qurulub. AZƏRTAC xəbər verir ki, Azərbaycanın bu ölkədəki səfirliyi dostluq qrupunun təşkili prosesini yaxından izləyib. Bu kontekstdə səfir Xanım İbrahimova İsveçrə parlamentinin hər iki palatasının üzvləri qarşısında təqdimatla çıxış edib və çoxsaylı ikitərəfli görüşlər keçirib. Keçirilən təqdimat zamanı səfir X.İbrahimova isveçrəli senator və deputatlara Azərbaycan-İsveçrə əlaqələri barədə ətraflı məlumat verib, iki ölkə arasında mütəmadi xarakter almış yüksək səviyyəli siyasi dialoqun mövcudluğunu, bu dialoqun ölkələrimiz arasında iqtisadi, humanitar və digər sahələrdə də əməkdaşlıq üçün münbit zəmin yaratdığını bildirib. Səfir dövlətlərarası münasibətlər sistemində parlamentlərin rolunu yüksək qiymətləndirərək parlament nümayəndə heyətlərinin qarşılıqlı səfərlərini, mötəbər beynəlxalq qurumlar çərçivəsində əməkdaşlığın vacibliyini qeyd edib. X.İbrahimova parlamentlər səviyyəsində əlaqələrin dərinləşməsinin digər sahələrə də öz müsbət təsirini göstərəcəyini isveçrəli parlamentarilərin diqqətinə çatdırıb. Bundan əlavə, səfir X.İbrahimova Ermənistan-Azərbaycan Dağlıq Qarabağ münaqişəsi ilə bağlı isveçrəli parlamentarilərə ətraflı məlumat verib və İsveçrənin Azərbaycanın ərazi bütövlüyünü dəstəkləməsinə, problemin beynəlxalq hüquq normaları çərçivəsində ədalətli həlli üçün tutduğu mövqeyə görə minnətdarlığını ifadə edib. Sonra səfir X.İbrahimova ölkəmizin iqtisadi potensialı ilə bağlı danışaraq Azərbaycanı regionun ən güclü iqtisadiyyata malik ölkəsi kimi səciyyələndirib, ölkələrimiz arasında iqtisadi əlaqələrin daha inkişaf etdirilməsi üçün mövcud potensialdan səmərəli istifadə edilməsinin zəruriliyini bildirib və bu xüsusda hər iki ölkənin parlamentləri arasında məqsədəmüvafiq işlər aparılmasının əhəmiyyətinə toxunub. Keçirilən təqdimat və çoxsaylı görüşlərin nəticəsi olaraq, İsveçrə parlamentinin Aşağı Palatasının (Konqres) üzvləri İv Nidegger və Andri Silberşmidt, habelə İsveçrə Senatının üzvü, İsveçrənin ən böyük partiyası olan Xalq Partiyasının vitse-prezidenti Marko Kieza İsveçrə-Azərbaycan parlamentlərarası dostluq qrupunun üzvləri olmağa razılıq veriblər. O da qeyd edilməlidir ki, İ.Nideqer İsveçrədə məşhur hüquqşünasdır və Avropa İnsan Hüquqları Məhkəməsində böyük nüfuza malikdir. Vurğulamaq lazımdır ki, İsveçrə parlamentində Azərbaycan ilə dostluq qrupu azsaylı dostluq qruplarından biridir. Məlumat üçün qeyd edək ki, İsveçrə-Azərbaycan parlamentlərarası dostluq qrupunun sədri İsveçrə parlamentinin Aşağı Palatası Milli Şuranın üzvü, habelə Montrö şəhərinin meri Loran Verlidir.

    Ətraflı   14:15     24-Mar-2020     1451
  • alternative title

    Azərbaycanın diplomatik nümayəndəlikləri koronavirusun geniş yayıldığı ölkələrdə də fəaliyyətlərini davam etdirirlər

    Koronavirusun geniş yayıldığı ölkələrin hər birində Azərbaycan Respublikasının diplomatik nümayəndəliklərinin rəhbərləri, səfirlər, baş konsullar, səfirliklərin və baş konsulluqların işçiləri və onların ailə üzvləri fəaliyyətlərini davam etdirirlər. bu sözləri Nazirlər Kabineti yanında Operativ Qərargahın mətbuat konfransında Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev söyləyib. “Bildiyimiz kimi, koronavirus Çində başladı. Çin Xalq Respublikasında Azərbaycan Respublikasının səfirliyi bu günə qədər də tam tərkibdə fəaliyyət göstərir. Ölkə başçısının tapşırığına əsasən diplomatik nümayəndəliklərimiz Cənubi Koreyada, İranda, İtaliyada və virusun genişmiqyaslı yayıldığı digər ölkələrdə qalmalı, fəaliyyətlərini davam etdirməli, bütün zəruri hallarda Azərbaycan vətəndaşlarına xidmət və kömək göstərməlidirlər. Hazırda Xarici İşlər Nazirliyində operativ qərargah fəaliyyət göstərir. Xarici ölkələrdə olan və Azərbaycana qayıtmaq istəyən vətəndaşların müraciətləri səfirliklər vasitəsilə XİN tərəfindən toplanılır və müvafiq məlumat bazasında yığılır. Bundan sonra Prezident Administrasiyasına, Nazirlər Kabineti yanında Operativ Qərargaha bu barədə məlumat verilir. Ölkələr üzrə rəqəmlər fərqlidir. Bəzi vətəndaşlar səfirliklərdə konsulluq qeydiyyatında olmayıblar. Onların yenidən konsulluq qeydiyyatına alınması prosesi aparılır. Azyaşlı uşaqlarla olan qadınlar, ailələr, xəstələr, tibbi yardıma ehtiyacı olan və digər bu kateqoriyadan olan insanlar var ki, ilk növbədə, onlar prioritetləşdirilib. Hazırda rəqəmlərin toplanması və ölkələr üzrə prioritetləşdirilməsi davam edir. Həmçinin potensial uçuş icazələri üçün nəzərdə tutula biləcək və həmin ölkələr tərəfindən irəli sürülə bilinəcək tələblər də nəzərə alınaraq məsələ konkret qrafikə salınır", - deyə H.Hacıyev qeyd edib. Prezidentin köməkçisi Nazirlər Kabineti yanında Operativ Qərargahın ölkədə xüsusi karantin rejiminin tətbiq olunması haqqında qərarındakı müddəalardan birinin vətəndaşların təxliyəsi mövzusuna həsr olunduğunu diqqətə çatdırıb.

    Ətraflı   14:13     24-Mar-2020     1513
  • alternative title

    Müdafiə Nazirliyi: Düşmənin təxribat cəhdinin qarşısı alınıb

    Ermənistan silahlı qüvvələrinin bölmələri cəbhə xəttinin Goranboy istiqamətində atəşkəs rejimini kobud surətdə pozmaqla təxribat törətməyə cəhd göstərib. Müdafiə Nazirliyinin mətbuat xidmətindən bildiriblər ki, bölmələrimizin sayıqlığı nəticəsində düşmənin bir hərbi qulluqçusu məhv edilib. Bir sutkaya yaxındır ki, düşmən hərbçisinin cəsədi qoşunların səngərləri arasındakı ərazidə qalır. Hazırda bu istiqamətdə atışma davam edir, vəziyyət bölmələrimizin nəzarəti altındadır. Müdafiə Nazirliyi bildirir ki, cəbhə xəttində vəziyyətin gərginləşdirilməsinə görə bütün məsuliyyət Ermənistan tərəfinin üzərinə düşür.

    Ətraflı   14:11     24-Mar-2020     1433
  • alternative title

    Milli Məclisdə internet üzərindən informasiya mübadiləsi qrupları yaradılıb

    Ölkəmizdə koronavirus (COVID-19) infeksiyasının yayılmasına qarşı görülən sistemli tədbirlər nəzərə alınmaqla, Azərbaycan Respublikası Milli Məclisinin inzibati binalarında insanlar arasında birbaşa təması məhdudlaşdırmaq, idarəetməni mobil və internet rabitəsi vasitəsi ilə həyata keçirmək məqsədi ilə Milli Məclis Sədrinin 2020-ci il 18 mart tarixli Sərəncamına uyğun olaraq, 2020-ci il martın 23-də Milli Məclisin rəhbərliyi ilə komitə və komissiyaların rəhbərləri arasında, Milli Məclisin rəhbərliyi ilə parlamentdə təmsil olunan siyasi partiyaların liderləri arasında, habelə Milli Məclisin rəhbərliyi ilə parlament Aparatının və İşlər İdarəsinin məsul vəzifəli şəxsləri arasında internet üzərindən 3 informasiya mübadiləsi qrupu yaradılıb. Bu barədə parlamentin mətbuat xidmətindən məlumat verilib.

    Ətraflı   14:10     24-Mar-2020     1449
  • alternative title

    Leyla Abdullayeva: Azərbaycan dövləti vətəndaşlarının təhlükəsizliyinin təmin olunması üçün bütün imkanlarını səfərbər edib

    Bu gün dünyamız yeni növ koronovirus təhlükəsinin yayılması ilə üz-üzədir. Bütün dünya dövlətləri, o cümlədən Azərbaycan hökuməti tərəfindən ən təsirli ciddi və təxirəsalınmaz tədbirlər həyata keçirilir və bu proses bir başa Azərbaycan Prezidenti İlham Əliyevin nəzarəti altındadır. AZƏRTAC xəbər verir ki, bu fikirləri jurnalistlərə açıqlamasında Xarici İşlər Nazirliyinin mətbuat xidməti idarəsinin rəisi Leyla Abdullayeva bildirib. O qeyd edib ki, pandemiyanın geniş yayıldığı, Azərbaycanın qonşu ölkələrlə sərhədlərinin bağlandığı və hava reyslərinin dayandırıldığı bir vaxtda dövlətimiz xaricdə olan vətəndaşlarımızn təxliyəsini həyata keçirib, on minədək vətəndaşımız ölkəyə geri qaytarılıb. XİN rəsmisi əlavə edib ki, Azərbaycana geri dönən vətəndaşlarımız dövlət hesabına 15-20 gün karantin müddəti keçirlər. Onun sözlərinə görə, bu gün Azərbaycan dövləti vətəndaşlarının təhlükəsizliyinin təmin olunması üçün bütün imkanlarını səfərbər edib. “Biz vətəndaş olaraq üzərimizə düşən məsuliyyəti dərk etməliyik, dövlətimizi dəstəkləməliyik. Vətəndaşlarımıza müraciət edərək bildiririk ki, həmvətənlərimiz olduqları ölkənin karantin qaydalarına əməl etsinlər. Mümkün qədər xarici və geri dönüş səfərlərini məhdudlaşdırsınlar. Bu, həmin vətəndaşların və cəmiyyətimizin təhlükəsizliyinin qorunmasına xidmət edəcək”, - deyə L.Abdullayeva vurğulayıb. O bildirib ki, XİN-nin və xarici ölkələrdəki diplomatik nümayəndəliklərimizin “qaynar xətt”ləri 24 saat fəaliyyət göstərir. Vətəndaşlarımız istənilən “qaynar xətt” vasitəsi ilə əlaqə saxlaya bilərlər. Qeyd edək ki, XİN-in 596 94 49 nömrəli “qaynar xətt”i 24 saat fəaliyyət göstərir. Saat 09:00-dan saat 21:00-dək Xarici İşlər Nazirliyinin struktur bölmələrinin əməkdaşları bu qərargahda növbəli şəkildə gələn zəngləri cavablandırırlar. Saat 21:00-dan səhər saat 09:00-dək isə bu xətlər mobil nömrələrə keçirilir. Əməkdaşlar evdən sualları cavablandırırlar. Eyni zamanda, paralel olaraq Xarici İşlər Nazirliyinin elektron poçt ünvanı da fəaliyyət göstərir.

    Ətraflı   14:08     24-Mar-2020     1368

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 18:36     28-Mar-2020     1286
  • alternative title 17:43     28-Mar-2020     2129
  • alternative title 17:34     28-Mar-2020     1869
  • alternative title 17:20     28-Mar-2020     1610
  • alternative title 17:14     28-Mar-2020     1227
image title here

Some title