Loading alternative title

SİYASƏT

  • alternative title

    Azərbaycanın dini icmaları dünya ictimaiyyətinə müraciət etdi: “Xocalı cinayətini soyqırımı kimi tanıyın”

    Azərbaycanda fəaliyyət göstərən dini icmaların rəhbərləri Xocalı faciəsinin 28-ci ildönümü ilə əlaqədar bəyanat yayıblar. QALANEWS xəbər verir ki, bəyanatda deyilir: “Biz milyonlarla azərbaycanlının iradəsini ifadə edərək, Azərbaycanın Qarabağ bölgəsində yerləşən Xocalıda törədilmiş soyqırımının 28-ci ildönümü ərəfəsində dinindən, dilindən və milli mənsubiyyətindən asılı olmayaraq, bütün dünya ictimaiyyətinə bir daha müraciət edirik. Azərbaycan xalqının qan yaddaşında həkk olunmuş tarixi fakt ondan ibarətdir ki, 1992-ci il fevralın 25-dən 26-na keçən gecə erməni işğalçıları öz havadarlarının köməyi ilə Xocalı şəhərinə qəfil silahlı basqın edib və oranın dinc, silahsız əhalisinə qarşı amansız kütləvi qırğın törədiblər. Azərbaycanın Xocalı şəhərində həmin gecə erməni silahlı quldurları tərəfindən qocalar, uşaqlar, hamilə qadınlar da daxil olmaqla 613 mülki şəxs xüsusi qəddarlıqla qətlə yetirilib. Xocalı şəhəri yerlə yeksan edilib, 150 nəfər itkin düşüb, 1275 nəfər əsir götürülərək ağır işgəncələrə məruz qalıb, vəhşicəsinə qətlə yetirilən dinc sakinlərin meyitlərinin üzərində ağlasığmaz təhqiramiz hərəkətlər edilib. Beynəlxalq hüquqa görə, genosid sülh və bəşəriyyət əleyhinə yönələn ən ağır cinayətlərdəndir. Mahiyyəti etibarilə Xocalı faciəsi Holokost, Hernika, Xatın soyqırımları kimi insanlığa qarşı törədilən cinayətlərlə eyni qəbildəndir. Ermənistanın ölkəmizə təcavüzü nəticəsində Azərbaycan xalqı öz doğma torpaqlarında etnik təmizləməyə, fiziki və mənəvi terrora məruz qalıb, erməni ekstremistləri ərazilərmizin 20 faizini işğal edib, bir milyondan artıq azərbaycanlını doğma yurdlarından didərgin salıb, zəbt etdikləri Qarabağ torpaqlarında vandalizm aktları həyata keçirərək tarixi, dini və mədəniyyət abidələrimizi məhv ediblər. Xocalıda məqsədyönlü soyqırımı aktı isə erməni vəhşiliklərinin kulminasiya nöqtəsidir. İyirmi səkkiz il keçməsinə baxmayaraq, erməni terrorçuları törətdikləri cinayətlərə görə hələ də cəza almayıb, Birləşmiş Millətlər Təşkilatının Təhlükəsizlik Şurasının 4 məlum qətnaməsinin tələbləri bu günədək yerinə yetirilməyib. Azərbaycanın beynəlxalq ictimaiyyətə mütəmadi müraciətlərinə obyektiv yanaşan dünyanın bir sıra dövlətləri və beynəlxalq təşkilatlar Xocalı soyqırımını tanısa da, təəssüf ki, bu dəhşətli cinayətə etinasız yanaşanlar da var. Bu gün dünyada baş verən zorakılıq halları, terrorizm və ekstremizm kimi cinayətlərin təməlində bəzi dövlətlərin, təşkilatların və dini liderlərin problemlərə münasibətindəki ikili standartlar, irqçilik, antisemitizm, ksenofobiya, islamofobiya kimi təhlükəli meyllər dayanır. Bu yanaşma səbəbindən törədilən qətliamlar, o cümlədən Xocalı faciəsi layiqli qiymətini almadıqca, yeni-yeni bəşəri cinayətlərə yol açılır, dünyanın müxtəlif bölgələrində soyqırımıların təkrarlanmasına, terror, ekstremizm, separatçılıq üçün zəmin yaranır. Çox böyük təəssüf doğuran məqamdır ki, bəzi dövlətlər real tarixi soyqırımıların deyil, saxta soyqırımı iddialarının tanınması yönündə səylərini əsirgəmirlər. Beynəlxalq müstəvidə tarixi faktlara əsaslanmayan hadisələrin qərəzli şəkildə siyasiləşdirilərək haqsız iddialara yol açması istiqamətində meyillər bizi narahat edir. Belə təəssübkeşlik heç bir vəchlə qəbul oluna bilməz! Azərbaycanın üzləşdiyi bu təcavüz və torpaqlarımızın işğal olunması nəticəsində bir milyonluq qaçqın və məcburi köçkün probleminə biganə münasibət bəslənməsinin, soydaşlarımızın erməni ekstremistləri tərəfindən öz doğma yurd-yuvalarından didərgin salınmasının cavabının verilməməsi nəticəsində erməni tərəfi təxribatlarından nəinki əl çəkmir, öz dədə-baba yurdlarında uyuyan qohumlarının qəbrini ziyarət edən vətəndaşlarımızı əsir, girov götürərək onlara qarşı işgəncələr tətbiq edir, meyitlərin qaytarılması məsələsində belə beynəlxalq konvensiyalara əməl etməkdən boyun qaçırır. Xocalı qətliamında əli olanların tarixin mühakiməsindən boyun qaçıra bilməyəcəkləri məlumdur. Xocalı canilərinin soyqırımı cinayətinə görə, beynəlxalq tribunala çıxarılacağı gün uzaqda deyil, İnşallah! Biz - Azərbaycanda yaşayan müxtəlif konfessiyalardan olan din xadimləri Azərbaycanın dövlət rəhbərinin ölkəmizin ərazi bütövlüyünün bərpası yönündə səylərinin uğurla nəticələnəcəyinə inanır, bunun üçün dualar edirik. Biz Vətənimizin ayrılmaz hissəsi olan Qarabağda torpaqlarımızın azadlığı uğrunda həlak olmuş bütün şəhidlərin, o cümlədən Xocalı şəhidlərinin əziz xatirəsini daim uca tutur, onların ruhlarına Allahdan rəhmət diləyirik. Biz din xadimləri bütün dünya xalqlarına sülh, səadət, əmin-amanlıq və rifah diləyir, Dağlıq Qarabağda beynəlxalq hüquq çərçivəsində sülh yolu ilə ədalətin bərqərar edilməsi, qaçqın və məcburi köçkün soydaşlarımızın öz doğma torpaqlarına qayıtması üçün dualar edir, səylərimizi əsirgəmirik. Bu məramla dünyanın dini liderlərinə, parlamentlərə, beynəlxalq təşkilatlara və İnsan Hüquqları üzrə Avropa Məhkəməsinə bir daha müraciət edərək, onları Azərbaycan xalqına qarşı erməni ekstremistlərinin təcavüzünə və vəhşiliklərinə prinsipial siyasi, hüquqi qiymət verməyə, Xocalıda törədilən cinayəti soyqırımı aktı kimi tanımağa çağırırıq. Qoy, Uca Yaradan hamımıza savab əməllərdə və ədalətli olmaqda yardımçı olsun! Amin!”

    Ətraflı   12:31     24-Feb-2020     83
  • alternative title

    Seçki nəticələrinə “nöqtə” qoyub, “sözü” Konstitusiya Məhkəməsinə verənlər - ADLAR

    Mərkəzi Seçki Komissiyası (MSK) fevralın 29-dək Milli Məclisə seçkilərin nəticələrinin yoxlanılmasına yekun vuracaq. QALANEWS xəbərinə görə, MSK-nın iclaslarında namizədlərin şikayətləri ilə bağlı qərarları 17 nəfər verir. Onlar namizədlərin şikayətlərini yoxlayır və məsələni səsverməyə çıxararaq qərar qəbul edirlər. MSK-nın sədri Məzahir Pənahovdur. Rövzət Qasımov onun müavinidir. MSK-nın iki katibi var – Arifə Muxtarova və Mikayıl Rəhimov. İclasda qərar layihələrinə səs verənlərin yerdə qalanları isə MSK üzvləridir. Fuad Cavadov, Şaitdin Əliyev, Ramiz İbrahimov, Validə Kazımova, Hüseyn Paşayev, İlham Məmmədov, Nizami Nadirxanlı, Qabil Orucov, Baxşeyiş Əsgərov, Tofiq Həsənov, Almas Qəhrəmanlı, Etibar Quliyev və İlkin Şahbazov MSK üzvləridir. Bildirək ki, MSK seçkilərin ümumi yekunları haqqında protokol tərtib edildikdən sonra müvafiq sənədləri 24 saat müddətində Konstitusiya Məhkəməsinə təqdim edir. Konstitusiya Məhkəməsi isə 10 gün müddətində sənədlərin Seçki Məcəlləsinə uyğunluğunu yoxlayır. Yoxlama vaxt tələb etsə, Konstitusiya Məhkəməsi öz qərarı ilə müvafiq sənədlərə baxılma müddətini artıra bilər.

    Ətraflı   11:36     24-Feb-2020     1207
  • alternative title

    Bu həftə MSK seçkilərlə bağlı “son sözünü” deyəcək

    Bu həftə Mərkəzi Seçki Komissiyası (MSK) Milli Məclisə seçkilərin yoxlanılması prosesini başa çatdıracaq. Prosedur Seçki Məcəlləsinin tələblərinə əsasən həyata keçirilir. Məcəllənin 171.2-ci maddəsinə əsasən, MSK seçki günündən sonra ən geci 20 gün müddətində dairə seçki komissiyalarının protokollarını yoxlamalıdır. MSK fevralın 29-dək prosesi yekunlaşdıracaq. MSK bundan sonra həmin sənədləri 24 saat müddətində Konstitusiya Məhkəməsinə təqdim edir. Konstitusiya Məhkəməsi göstərilən sənədləri aldıqdan sonra 10 gün müddətində müvafiq mütəxəssisləri cəlb etməklə həmin sənədlərin Seçki Məcəlləsinə uyğunluğunu yoxlayır. Qanunvericiliyə görə, yoxlama prosesi vaxt tələb etsə, Konstitusiya Məhkəməsi öz qərarı ilə müvafiq sənədlərə baxılma müddətini artıra bilər.

    Ətraflı   11:15     24-Feb-2020     1066
  • alternative title

    XİN-dən koronavirusla bağlı İrana səfər edən vətəndaşlara XƏBƏRDARLIQ

    Azərbaycan Respublikasının Xarici İşlər Nazirliyi son zamanlar yeni növ təhlükəli virusun (coronavirus 2019-nCoV) yaxın bölgəmizdə yayılması təhlükəsini nəzərə alaraq və İran İslam Respublikasının rəsmi qurumlarının bu xüsusda yaydığı xəbərdarlığa istinad edərək, Azərbaycan Respublikasının vətəndaşlarını İran İslam Respublikasına səyahət edərkən, xüsusilə də ziyarət səfərləri zamanı son dərəcə ehtiyatlı olmalarını, Ümumdünya Səhiyyə Təşkilatının tövsiyələrinə əməl etmələrini tövsiyə edir. Xarici İşlər Nazirliyinin mətbuat xidmətindən verilən məlumata görə, hər hansı problemlə üzləşdikləri zaman Azərbaycan vətəndaşlarından Azərbaycanın Tehran şəhərindəki səfirliyinə və ya Təbriz şəhərindəki Baş Konsulluğuna müraciət etmələri tövsiyə olunur. Azərbaycan Respublikasının xarici ölkələrdəki bütün səfirlik və konsulluqlarının ünvanları Xarici İşlər Nazirliyinin internet səhifəsində (www.mfa.gov.az) yerləşdirilib. Xarici ölkələrdə daimi, müvəqqəti yaşayan və olan Azərbaycan Respublikasının vətəndaşlarına fövqəladə hallar və digər təhlükələr zamanı lazımi kömək göstərilməsi üçün səfirlik və konsulluqlarla əlaqə saxlamaları, konsulluq qeydiyyatına durmaları tövsiyə olunur. Azərbaycan Respublikasının İran İslam Respublikasındakı Səfirliyi ÜNVAN: Tehran şəhəri, Neyistan 3, Rastovan küçəsi 16 Telefon: (+9821) 22 55 82 99 (+9821) 22 55 42 55 Fax: (+9821) 22 55 81 83 Azərbaycan Respublikasının Təbrizdəki Baş Konsulluğu ÜNVAN: Təbriz səhəri, Vəliəsr, Arif küçəsi 9 Telefon: (+98413) 333 48 02/04 Fax: (+98413) 331 53 80

    Ətraflı   10:19     24-Feb-2020     933
  • alternative title

    Naxçıvan Ali Məclisinə seçilən deputatların adları açıqlandı - RƏSMİ

    Naxçıvan Muxtar Respublikası Mərkəzi Seçki Komissiyası muxtar respublikada Ali Məclisə seçkilər üzrə yaradılmış 45 seçki dairəsi üzrə 9 fevral 2020-ci il tarixdə keçirilmiş seçkilərin nəticələrinə dair həmin dairə seçki komissiyalarından daxil olmuş protokolları, onlara əlavə edilmiş sənədlərlə birlikdə yoxlayıb Naxçıvan Muxtar Respublikası Konstitusiyasının 16-cı və “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikasının Qanununun 93.2-ci maddələrinə uyğun olaraq Ali Məclisə seçkilərin ümumi yekunları haqqında Naxçıvan Muxtar Respublikası Mərkəzi Seçki Komissiyasının protokolunu və müvafiq Qərarını tərtib edərək 17 fevral 2020-ci il tarixdə, dairə və məntəqə seçki komissiyalarının protokolları ilə birlikdə seçkilərin yekunlarının yoxlanılıb təsdiq edilməsi üçün Naxçıvan Muxtar Respublikasının Ali Məhkəməsinə təqdim ­edib. Naxçıvan Muxtar Respublikası Mərkəzi Seçki Komissiyasının məlumatına görə, Naxçıvan Muxtar Respublikası Ali Məhkəməsi Rəyasət Heyətinin 2020-ci il 22 fevral tarixli Qərarına əsasən seçkilərin yekunları, bütövlükdə, təsdiq edildiyindən adları aşağıda qeyd olunan deputatlığa namizədlər Naxçıvan Muxtar Respublikası Ali Məclisinin deputatı seçilmiş hesab olunublar: 1 saylı Sədərək seçki dairəsi üzrə seçicilərin 2664-nün və ya 72,8 faiz səsini toplamış Qasımov Arif Mikayıl oğlu 2 saylı Heydərabad seçki dairəsi üzrə seçicilərin 3143-nün və ya 72,5 faiz səsini toplamış Əliyeva Vüsalə Abazər qızı 3 saylı Maxta seçki dairəsi üzrə seçicilərin 3862-nin və ya 76,3 faiz səsini toplamış Həsənov Nüsrət Firudin oğlu 4 saylı Yengicə seçki dairəsi üzrə seçicilərin 3274-nün və ya 67,2 faiz səsini toplamış Qəribli İsmayıl Cavanşir oğlu 5 saylı Alışar seçki dairəsi üzrə seçicilərin 3039-nun və ya 67,7 faiz səsini toplamış Babayev Əmir Baxşəli oğlu 6 saylı Çərçiboğan seçki dairəsi üzrə seçicilərin 2522-nin və ya 58,7 faiz səsini toplamış İsayev İsa Bünyad oğlu 7 saylı Yuxarı Aralıq seçki dairəsi üzrə seçicilərin 4678-nin və ya 94,6 faiz səsini toplamış Talıbov Vasif Yusif oğlu 8 saylı Düdəngə seçki dairəsi üzrə seçicilərin 3631-nin və ya 76,2 faiz səsini toplamış Vəliyev Musa Məmməd oğlu 9 saylı Mahmudkənd seçki dairəsi üzrə seçicilərin 2938-nin və ya 67,5 faiz səsini toplamış Möhbəliyev Telman Əli oğlu 10 saylı Şərur seçki dairəsi üzrə seçicilərin 3160-nın və ya 91,4 faiz səsini toplamış Zeynalov Azər Yadulla oğlu 11 saylı Həmzəli seçki dairəsi üzrə seçicilərin 3546-nın və ya 85,7 faiz səsini toplamış Məmmədova Yeganə Qurban qızı 12 saylı Yuxarı Daşarx seçki dairəsi üzrə seçicilərin 2425-nin və ya 66,6 faiz səsini toplamış Vəliyeva Günel Fəxrəddin qızı 13 saylı İbadulla seçki dairəsi üzrə seçicilərin 2590-nın və ya 68,5 faiz səsini toplamış Həsənova Turan Vaqif qızı 14 saylı Danyeri seçki dairəsi üzrə seçicilərin 3132-nin və ya 71,9 faiz səsini toplamış Əliyev Asim Yediyar oğlu 15 saylı Qarabağlar seçki dairəsi üzrə seçicilərin 1616-nın və ya 41,6 faiz səsini toplamış Quluyeva Sevda Rüstəm qızı 16 saylı Qıvraq seçki dairəsi üzrə seçicilərin 3497-nin və ya 75,9 faiz səsini toplamış İbrahimov Anar Adil oğlu 17 saylı Çalxanqala seçki dairəsi üzrə seçicilərin 2675-nin və ya 62 faiz səsini toplamış Məmmədov Ehtimad Cəfər oğlu 18 saylı Nehrəm seçki dairəsi üzrə seçicilərin 3615-nin və ya 81,2 faiz səsini toplamış Niftəliyev Hüseyn Əsrafil oğlu 19 saylı Babək qəsəbə seçki dairəsi üzrə seçicilərin 3750-nin və ya 80,4 faiz səsini toplamış Məmmədov İsa Mustafa oğlu 20 saylı Yarımca seçki dairəsi üzrə seçicilərin 3733-nün və ya 74,8 faiz səsini toplamış Allahverdiyeva Həbibə Rəşad qızı 21 saylı Məzrə seçki dairəsi üzrə seçicilərin 3075-nin və ya 61,8 faiz səsini toplamış Həsənova Esmira Həsən qızı 22 saylı Şıxmahmud seçki dairəsi üzrə seçicilərin 3892-nin və ya 74,1 faiz səsini toplamış Məmmədli Turan Bəyməmməd qızı 23 saylı Cəhri seçki dairəsi üzrə seçicilərin 3225-nin və ya 67,8 faiz səsini toplamış Səfərli Hacıfəxrəddin Yəhya oğlu 24 saylı Naxçıvan şəhər seçki dairəsi üzrə seçicilərin 3681-nin və ya 80,8 faiz səsini toplamış Abbasov Vüqar Zakir oğlu 25 saylı Naxçıvan şəhər seçki dairəsi üzrə seçicilərin 3942-nin və ya 91,1 faiz səsini toplamış Talıbov Seymur Vasif oğlu 26 saylı Naxçıvan şəhər seçki dairəsi üzrə seçicilərin 2829-nun və ya 76,3 faiz səsini toplamış Cəfərli Elman Yusif oğlu 27 saylı Naxçıvan şəhər seçki dairəsi üzrə seçicilərin 2265-nin və ya 63,8 faiz səsini toplamış Rzayeva Yazgül Həsənəli qızı 28 saylı Naxçıvan şəhər seçki dairəsi üzrə seçicilərin 2482-nin və ya 67,8 faiz səsini toplamış Cəlilzadə Aidə Məhəmməd qızı 29 saylı Naxçıvan şəhər seçki dairəsi üzrə seçicilərin 2834-nün və ya 71,7 faiz səsini toplamış Allahverdiyeva Aidə Məhərrəm qızı 30 saylı Naxçıvan şəhər seçki dairəsi üzrə seçicilərin 2586-nın və ya 64,2 faiz səsini toplamış Hacıyev Emin Davud oğlu 31 saylı Naxçıvan şəhər seçki dairəsi üzrə seçicilərin 3378-nin və ya 81,2 faiz səsini toplamış Məmmədov Nazim Məmməd oğlu 32 saylı Naxçıvan şəhər seçki dairəsi üzrə seçicilərin 2373-nün və ya 71,5 faiz səsini toplamış Bababəyli Nazim Səfərəli oğlu 33 saylı Naxçıvan şəhər seçki dairəsi üzrə seçicilərin 3348-nin və ya 81,7 faiz səsini toplamış Əzimov Behruz Nurəddin oğlu 34 saylı Şahbuz şəhər seçki dairəsi üzrə seçicilərin 2373-nün və ya 74,3 faiz səsini toplamış Məmmədov Rizvan Təmo oğlu 35 saylı Kolanı seçki dairəsi üzrə seçicilərin 2947-nin və ya 75,2 faiz səsini toplamış İsmayılov Cəbi Əziz oğlu 36 saylı Şahbuzkənd seçki dairəsi üzrə seçicilərin 2263-nün və ya 63,1 faiz səsini toplamış Bağırsoylu Hüseyn Qədirulla oğlu 37 saylı Culfa şəhər seçki dairəsi üzrə seçicilərin 3105-nin və ya 72,2 faiz səsini toplamış İbrahimov Qadir Abbas oğlu 38 saylı Yaycı seçki dairəsi üzrə seçicilərin 3102-nin və ya 73,8 faiz səsini toplamış Fərəcov Fərəc Rza oğlu 39 saylı Ərəzin seçki dairəsi üzrə seçicilərin 3296-nın və ya 75,8 faiz səsini toplamış Bağırov Zəbur David oğlu 40 saylı Saltaq seçki dairəsi üzrə seçicilərin 3251-nin və ya 82,3 faiz səsini toplamış Həşimli Hüseyn Məmməd oğlu 41 saylı Ordubad şəhər seçki dairəsi üzrə seçicilərin 2866-nın və ya 83,2 faiz səsini toplamış İsmayılov Ehtibar Şəhrud oğlu 42 saylı Ordubad şəhər seçki dairəsi üzrə seçicilərin 2463-nün və ya 67,4 faiz səsini toplamış Zeynalov Eldar Əhməd oğlu 43 saylı Yuxarı Əylis seçki dairəsi üzrə seçicilərin 2295-nin və ya 65,8 faiz səsini toplamış Cəfərli Əhəd Məmməd oğlu 44 saylı Vənənd seçki dairəsi üzrə seçicilərin 2644-nün və ya 68,3 faiz səsini toplamış Babayev Tofiq Süleyman oğlu 45 saylı Aza seçki dairəsi üzrə seçicilərin 2805-nin və ya 64,9 faiz səsini toplamış İbadov Telman Əsəd oğlu. Naxçıvan Muxtar Respublikası Mərkəzi Seçki Komissiyasının Qərarıında bildirilir ki, Naxçıvan Muxtar Respublikası Ali Məclisi Sədrinin 2019-cu il 9 dekabr tarixli Sərəncamı ilə Naxçıvan Muxtar Respublikasının Ali Məclisinə seçkilər təyin edilib. Seçkilər təyin edildikdən sonra Naxçıvan Muxtar Respublikası Mərkəzi Seçki Komissiyası tərəfindən “Naxçıvan Muxtar Respublikasının Ali Məclisinə seçkilərin hazırlanıb keçirilməsi üzrə əsas hərəkət və tədbirlərin Təqvim Planı” hazırlanıb təsdiq olunub. Seçki komissiyalarının bütün fəaliyyəti “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikasının Qanununa və təsdiq olunmuş Təqvim Planına uyğun təşkil olunub. “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikasının Qanununun 27.1-ci, 32-ci və 33-cü maddələrinə uyğun olaraq muxtar respublikanın ərazisində seçicilərin orta təmsilçilik norması nəzərə alınmaqla dairə və məntəqə seçki komissiyaları təşkil edilmiş və tərkibi müxtəlif siyasi partiyaların və ictimai təşkilatların irəli sürdükləri bitərəf namizədlər ­sırasından formalaşdırılıb. Seçki komissiyaları müvafiq bina, rabitə vasitələri, texniki avadanlıqlar və lazımi inventarlarla təmin olunaraq, onlara tələb olunan bütün sənədlər, dəftərxana ləvazimatları, əşyalar, təlimat, izah, qaydalar və digər metodiki vasitələr verilib. Mərkəzi Seçki Komissiyası tərəfindən dairə və məntəqə seçki komissiyaları üzvlərinin maarifləndirilməsi məqsədilə seminar-müşavirələr keçirilmiş, hüquqi, metodiki, texniki­-təşkilatı köməklik göstərilmiş, seçici siyahıları, seçki bülletenləri və digər lazım olan sənədlər vaxtında hazırlanıb çatdırılıb. Ali Məclisə seçkilər üzrə deputatlığa namizədlərin irəli sürülməsi qanuna uyğun keçirilmiş, Mərkəzi Seçki Komissiyasına bununla bağlı heç bir şikayət daxil olmayıb. Naxçıvan Muxtar Respublikası Ali Məclisinə seçkilər üzrə namizədliyini irəli sürmək istəyən 140 nəfər müvafiq seçki komissiyalarına tələb olunan sənədləri təqdim edərək imza vərəqələri götürüb, onlardan hamısı qanunla müəyyən olunmuş müddətdə imza vərəqələrini və onlara əlavə olunan digər sənədləri dairə seçki komissiyalarına təqdim edərək namizədlikləri qeydə alınıb. Seçki günü səsvermənin gedişi zamanı seçicilərin rahat səs vermələri təmin olunmuş, vətəndaşların seçki hüquqlarının pozulması ilə bağlı nə namizədlər, nə seçkiləri müşahidə edən şəxslər, nə də seçicilər tərəfindən Mərkəzi Seçki Komissiyasına heç bir şikayət daxil ­olmayıb. ATƏT-in İnsan Hüquqları və Demokratik Təsisatlar bürosunun uzunmüddətli müşahidəçiləri seçkilərə start veriləndən Naxçıvan Muxtar Respublikasına gəlmiş, burada olduqları müddətdə muxtar respublikanın bütün ərazisində fəaliyyət göstərən açıq və qapalı məntəqələr, o cümlədən ucqar bölgədə yerləşən seçki məntəqələri ilə tanış olmuş, seçki günü müşahidə aparıblar. Seçki başa çatdıqdan sonra isə əlavə olaraq bir həftə də Naxçıvanda qalaraq, əhalinin yeni seçilmiş namizədə olan münasibətini və dairə seçki komissiyalarına şikayətlərin daxil olub-olmamasını öyrəniblər. Seçkilərə üç gün qalmış isə ATƏT-in və MDB Parlament Assambleyasının qısa müddətli müşahidəçiləri, həmçinin siyasi partiyaların Azərbaycan Respublikası Mərkəzi Seçki Komissiyasında qeydiyyata alınaraq Naxçıvan Muxtar Respublikasının bütün ərazisində müşahidə aparmaq statusu olan müşahidəçiləri demək olar ki, muxtar respublikanın bütün ərazisində səsvermə prosesini izləyiblər. Qeyd olunan şəxslər Azərbaycan Respublikası Milli Məclisinə seçkilərin gedişini müşahidə etsələr də, həm Milli Məclisə, həm də Ali Məclisə seçkilər üzrə səsvermə eyni yerdə olduğu üçün onlar Ali Məclisə seçkiləri də müşahidə etmiş və heç bir nöqsan və ya seçki pozuntusu qeydə almayıblar. başa çatdıqdan sonra Mərkəzi Seçki Komissiyasında dairə seçki komissiyaları tərəfindən təqdim olunan protokolların və digər seçki sənədlərinin qəbul olunması seçki qanunvericiliyinə uyğun olaraq fasiləsiz həyata keçirilib. Naxçıvan Muxtar Respublikası Mərkəzi Seçki Komissiyası 45 seçki dairəsinin dairə seçki komissiyaları və onların tərkibində təşkil edilmiş 316 seçki məntəqəsinin məntəqə seçki komissiyaları tərəfindən “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikasının Qanununun 89-cu və 90-cı maddələrinə uyğun olaraq tərtib edilmiş səsvermənin nəticələrinin müəyyən edilməsi haqqında protokolları yoxlayıb. Tərtib olunmuş protokollar seçki komissiyaları üzvlərinin hamısı tərəfindən heç bir xüsusi rəy qeyd olunmadan imzalanıb. Protokolların tam seçki qanunvericiliyinə uyğun tərtib olunması qənaətinə gəlinib. Naxçıvan Muxtar Respublikasının ərazisində fəaliyyət göstərən 316 seçki məntəqəsindən səsvermənin nəticələri etibarsız hesab edilmiş və ya səsvermənin baş tutmadığı seçki məntəqələri olmayıb. Dairə və məntəqə seçki komissiyalarından Mərkəzi Seçki Komissiyasına daxil olmuş protokollara əsasən seçici siyahılarında qeydə alınmış 271771 (iki yüz yetmiş bir min yeddi yüz yetmiş bir) seçicidən 190669 (yüz doxsan min altı yüz altmış doqquz) nəfəri, yəni 70,16 faizi seçkilərdə iştirak edib, seçki qutularında olan seçki bülletenlərinin 187807 (yüz səksən yeddi min səkkiz yüz yeddi) ədədi, yəni 98,5 faizi etibarlı sayılıb, 2862 (iki min səkkiz yüz altmış iki) ədəd və ya 1,5 faiz bülleten etibarsız sayılıb, 81102 (səksən bir min yüz iki) bülleten isə istifadə edilmədiyi üçün ləğv edilib.

    Ətraflı   18:51     22-Feb-2020     2311
  • alternative title

    Mərakeş qəzetində “Azərbaycan ... günəşin batmadığı ölkə” başlıqlı məqalə dərc edilib

    Mərakeşin “Əl-İslah və ət-Tənmiyə” qəzetində Azərbaycanda keçirilən Milli Məclisə seçkilərlə bağlı bu nəşrin baş redaktoru Əhməd Mutçunun müəllifi olduğu “Azərbaycan ... günəşin batmadığı ölkə” başlıqlı məqalə dərc edilib. AZƏRTAC xəbər verir ki, məqalədə Əhməd Mutçu gündən-günə dəyişən, inkişaf edən Azərbaycandan yazmağın bir qədər çətin olduğunu bildirərək qeyd edir: “Hər dəfə bu ölkəni ziyarət edəndə təkçə yeni memarlıq nümunələri və infrastruktur layihələri deyil, eyni zamanda, adət-ənənəni qorunmaqla siyasi, iqtisadi, mədəni və ictimai sahələrdə tətbiq olunan innovasiyalarla, yeniliklərlə üzləşirəm”. Müəllif Azərbaycanda parlament seçkilərinə hazırlıq işlərinin şahidi olduğunu diqqətə çatdırır. Bildirir ki, xalqının, Vətəninin və dövlətinin maraqlarına xidmət edən Prezident İlham Əliyevin rəhbərliyi ilə ölkədə bərqərar olmuş əmin-amanlıq və sabitlik naminə hökumətin atdığı addımlarda parlament mühüm rol oynayır. Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevin keçirdiyi mətbuat konfransında iştirak edən Əhməd Mutçu yazır ki, mətbuat konfransında beynəlxalq əlaqələrin inkişafı ilə yanaşı, qəddar ermənilərin Azərbaycana hərbi təcavüzünə, Dağlıq Qarabağ məsələsinə də xüsusi diqqət ayrıldı. Qeyd olundu ki, Ermənistan ilə Azərbaycan arasında hələ də davam edən münaqişə həm regional, həm də qlobal müstəvidə sülh və əmin-amanlığa ciddi təhlükə törədir, Cənubi Qafqaz regionunun inkişafına əsas maneədir. Mətbuat konfransında səslənən fikirlərə geniş yer ayıran müəllif məqaləsində vurğulayır ki, Azərbaycan münaqişənin sülh yolu ilə həllinin tərəfdarıdır, bu nizamlanmanın Ermənistanın qeyri-qanuni işğalına son qoyacağına, ölkənin suverenliyinin və ərazi bütövlüyünün bərpa olunacağına, qaçqın və məcburi köçkünlərin doğma yurda qayıtmasını təmin edəcəyinə inanır. İstinad olunan sənədlərə, aydın və inandırıcı bəyanatlara əsasən, konfrans iştirakçılarının qənaətinə görə, Azərbaycan xalqı vətənpərvər, özünə inanan, tolerant xalqdır. Əhməd Mutçu məqalədə Azərbaycan Dövlət İnformasiya Agentliyi - AZƏRTAC-ın İdarə Heyətinin sədri Aslan Aslanovla görüşü barədə təəssüratlarına da xüsusi yer ayırır. Müəllif onun sözlərinə istinadla yazır ki, Azərbaycan bütün ərəb və müsəlman ölkələri ilə tarixi əlaqələrə malikdir. Bu, xəbərlər agentlikləri arasında əməkdaşlığın genişləndirilməsini də zəruri edir. Aslan Aslanov 1994-cü ilin dekabrında Mərakeşin Kasablanka şəhərində keçirilmiş İKT dövlət və hökumət başçılarının VII Zirvə konfransı zamanı ümummilli lider Heydər Əliyevin Kral II Həsən ilə görüşünü xatırladaraq, ikitərəfli əlaqələrin təməlinin məhz həmin vaxt qoyulduğunu, Azərbaycanın Mərakeş Krallığı ilə münasibətlərindən məmnunluğunu vurğulayıb. Mərakeş qəzetinin baş redaktoru fevralın 9-da - parlament seçkiləri günü səsvermənin gedişini işıqlandıran xarici KİV nümayəndələri ilə bərabər seçki məntəqələrində olduğunu, seçici fəallığı müşahidə etdiyini bildirir. “Seçicilərin fəallığı Bakı şəhəri ilə yanaşı, Şamaxı, Qəbələ, Quba və olduğumuz digər bölgələrdə də hiss olunurdu. Yol boyu seçki məntəqələrinə üz tutan çoxsaylı vətəndaşları gördük. Sorğu-sual etdiyimiz həmin insanlar məntəqələrə ruh yüksəkliyi ilə üz tutduqlarını deyirdilər. Səsvermə prosesini izlədiyimiz ayrı-ayrı seçki məntəqələrində - istər şəhərlərdə, istərsə də kəndlərdə iştirak səviyyəsi biri-birinə yaxın idi. Bu, şübhəsiz ki, əla göstəricidir”, - redaktor yazır.

    Ətraflı   18:34     22-Feb-2020     1965
  • alternative title

    Daha bir məntəqənin nəticələri ləğv edildi

    Mərkəzi Seçki Komissiyasının (MSK) iclasında 82 saylı Ağcabədi Seçki Dairəsi üzrə daxil olan müraciət müzakirəyə çıxarılıb. Iclasda həmin dairənin 3 saylı seçki məntəqəsində qanun pozuntularının olduğu bildirilib. MSK qərara alıb ki, 82 saylı Ağcabədi Seçki Dairəsinin 3 saylı seçki məntəqəsinin nəticələri etibarsız sayılsın. Qeyd edək ki, həmin dairənin lider namizədi Tahir Rzayevdir.

    Ətraflı   18:26     22-Feb-2020     1474
  • alternative title

    Elman Nəsirovun lider namizəd olması müzakirələrə yol açdı - RƏSMİ

    Mərkəzi Seçki Komissiyasının (MSK) iclasında Milli Məclisə seçkilərlə əlaqədar 68 saylı Cəlilabad Kənd Seçki Dairəsi üzrə namizəd Sakit Mirişovun müraciəti müzakirəyə çıxarılıb. MSK katibi Mikayıl Rəhimov bildirib ki, həmin dairə üzrə Elman Nəsirovun lider namizəd olması ilə bağlı xeyli müzakirələr açılıb. M.Rəhimovun sözlərinə görə, hətta respublika ziyalılarından biri ona bununla bağlı zəng edib.

    Ətraflı   18:09     22-Feb-2020     1642
  • alternative title

    MSK-nın iclasında 48 saylı Yevlax seçki dairəsi ilə bağlı şikayətə baxılıb

    Fevralın 22-də Mərkəzi Seçki Komissiyasının (MSK) iclasında Milli Məclisə seçkilərlə əlaqədar 48 saylı Yevlax seçki dairəsi ilə bağlı qeydiyyata alınmış namizəd Rüfət Hacıbəylinin şikayətinə baxılıb. AZƏRTAC xəbər verir ki, məsələ barədə MSK katibi Arifə Muxtarova məlumat verib. A.Muxtarova bildirib ki, R.Hacıbəyli seçki günü bu seçki dairəsi üzrə 3 və 13 saylı seçki məntəqələrində qanun pozuntularının olduğunu iddia edib və həmin məntəqələrdə seçkinin nəticələrinin ləğv olunmasını xahiş edib. MSK sosial şəbəkələrdə bu məntəqələrlə, həmçinin 6 saylı məntəqə ilə bağlı yayılmış görüntüləri və protokolları da araşdırıb. MSK-nın araşdırması zamanı yalnız 6 saylı seçki məntəqəsində seçkinin nəticələrinin seçicilərin iradəsini əks etdirmədiyi üzə çıxıb. 3 və 13 saylı seçki məntəqələrində isə pozuntular aşkarlanmayıb.

    Ətraflı   17:00     22-Feb-2020     1272
  • alternative title

    Əkbər Gəncə: Ermənistan Qarabağdan çəkilməyənə qədər mübarizəmizi davam etdirəcəyik

    Ermənistan Qarabağdan çəkilməyənə qədər mübarizəmizi davam etdirəcəyik. AZƏRTAC-ın xüsusi müxbiri Berlinin Brandenburq qapıları qarşısındakı Paris meydanından xəbər verir ki, bu sözləri agentliyə müsahibəsində İsveçrədən olan həmyerlimiz Əkbər Gəncə söyləyib. O deyib: “Biz Xocalı soyqırımından keçən 28 il ərzində hər il olduğu kimi, bu il də bir yerə toplamışıq ki, 1992-ci ildə erməni cinayətkarlarının Azərbaycanın Xocalı şəhərinin sakinlərinə qarşı törətdiyi amansız vəhşiliyi pisləyək. İndi burada Xocalı soyqırımının ildönümünə həsr olunmuş möhtəşəm mitinq başlayacaq. Qoy bütün həmvətənlərimiz səsimizə səs versin”.

    Ətraflı   16:57     22-Feb-2020     1829
  • alternative title

    Romada Azərbaycan Mədəniyyət Mərkəzi üçün nəzərdə tutulan bina ilə tanışlıq

    Azərbaycan Respublikasının Prezidenti İlham Əliyev və birinci xanım Mehriban Əliyeva fevralın 21-də Romada Azərbaycan Mədəniyyət Mərkəzi üçün nəzərdə tutulan bina ilə tanış olublar. AZƏRTAC-ın xüsusi müxbiri xəbər verir ki, bina ilə tanışlıq zamanı dövlətimizin başçısına və birinci xanıma məlumat verildi ki, burada Azərbaycan Mədəniyyət Mərkəzinin, həmçinin səfirliyimizin fəaliyyəti üçün hərtərəfli şəraitin yaradılması nəzərdə tutulur. Binada yüksək səviyyədə təmir-bərpa işlərinin aparılması planlaşdırılır. Prezident İlham Əliyev binanın əsaslı təmir layihəsi və görüləcək işlərlə bağlı tapşırıq və tövsiyələrini verdi.

    Ətraflı   16:23     22-Feb-2020     695
  • alternative title

    İlham Əliyev Vatikanda Papa Fransisk ilə görüşdü

    Fevralın 22-də Azərbaycan Respublikasının Prezidenti İlham Əliyev və birinci xanım Mehriban Əliyeva Vatikanda Katolik Kilsəsinin rəhbəri Papa Fransisk ilə görüşüblər. Bununla bağlı AZƏRTAC məlumat yayıb.

    Ətraflı   16:21     22-Feb-2020     1375
  • alternative title

    Naxçıvanda Ali Məclisin sessiyası çağırıldı

    Naxçıvanda Ali Məclisin sessiyası çağırılıb. QALANEWS-un məlumatına görə, bu barədə Ali Məclisin sədri Vasif Talıbov qərar imzalayıb. Qərarda bildirilir ki, altıncı çağırış Naxçıvan Muxtar Respublikası Ali Məclisinin birinci sessiyası 2020-ci il fevral ayının 24-də saat 11:00-da Naxçıvan şəhərində çağırılsın. Sessiyanın gündəliyinə aşağıdakı məsələlər daxil edilib: Naxçıvan Muxtar Respublikası Ali Məclisi sədrinin seçilməsi, Naxçıvan Muxtar Respublikası Ali Məclisi sədrinin müavinlərinin seçilməsi, Naxçıvan Muxtar Respublikası Ali Məclisinin komitə sədrlərinin, sədr müavinlərinin və üzvlərinin seçilməsi. İclasda Naxçıvan Muxtar Respublikasının 2019-cu il dövlət büdcəsinin icrasının təsdiq edilməsi müzakirəyə çıxarılacaq.

    Ətraflı   12:53     22-Feb-2020     1441
  • alternative title

    Azərbaycan Küveytin Qarabağla bağlı mövqeyini yüksək qiymətləndirir - RƏSMİ

    Küveytin Azərbaycandakı səfirliyi ölkənin milli bayramı – Dövlət müstəqilliyinin 59-cu ildönümü münasibətilə rəsmi qəbul təşkil edib. ‌ Küveyt səfiri Səud Əbdüləziz Məhəmməd əl-Şəmlan əl-Rumi ölkəsi ilə Azərbaycan arasında gündən-günə genişlənən əlaqələrdən məmnunluğunu bildirib. ‌O qeyd edib ki, qarşılıqlı səfərlər, yüksəksəviyyəli görüşlər ikitərəfli münasibətlərin daha sürətlə inkişafına əlverişli zəmin yaradır. ‌ “İki ölkə arasında imzalanmış sazişlər ticarət, investisiya, turizm və mədəniyyət sahələrində səmərəli əməkdaşlığın genişlənməsinə töhfə verir”, - deyə səfir bildirib. Azərbaycanın Xarici İşlər nazirinin müavini Ramiz Həsənov isə qeyd edib ki, son zamanlar Azərbaycan ilə Küveyt arasında müxtəlif sahələri əhatə edən əlaqələr uğurla inkişaf edir. R.Həsənov Azərbaycan ilə Küveytin beynəlxalq təşkilatlarda da uğurla əməkdaşlıq etdiklərini söyləyib. Ramiz Həsənov deyib ki, Küveytin Azərbaycan-Ermənistan Dağlıq Qarabağ münaqişəsi ilə bağlı ölkəmizin mövqeyini daim dəstəkləməsi rəsmi Bakı tərəfindən yüksək qiymətləndirilir.

    Ətraflı   11:11     22-Feb-2020     1346
  • alternative title

    Ermənistan tərəfində aydın siyasi iradənin olmaması danışıqlar prosesinin irəliləməsinə mane olur

    Fevralın 21-də Vyanada ATƏT Parlament Assambleyasının (ATƏT PA) qış sessiyasında “Uzadılmış münaqişələrin həll edilməsində ATƏT-in alət və mexanizmləri” mövzusunda xüsusi debat keçirilib. AZƏRTAC xəbər verir ki, debatda ATƏT-in Münaqişələrin qarşısının alınması Mərkəzinin direktoru Tuula Yuryelya hesabatla çıxış edib, ATƏT məkanında həllini gözləyən münaqişələrdən bəhs edib. Ermənistan-Azərbaycan Dağlıq Qarabağ münaqişəsinə toxunan fin diplomat qeyd edib ki, ATƏT-in Minsk qrupu bu münaqişənin nizamlanması istiqamətində fəaliyyət göstərir və onlar hadisələrin inkişafını yaxından izləyirlər. O qeyd edib ki, yanvarın sonunda Azərbaycan və Ermənistan Xarici İşlər nazirlərinin görüşü danışıqlar masası üzərində bir sıra məsələlərin olduğunu nümayiş etdirir. Milli Məclisin ATƏT PA-dakı nümayəndə heyətinin rəhbərinin müavini Tahir Mirkişili çıxışında münaqişələrin həllinin ATƏT PA-nın fokusunda dayanmasını alqışlayıb. O qeyd edib ki, ATƏT məkanındakı bütün münaqişələr istisnasız olaraq Helsinki Yekun Aktının müddəalarına uyğun şəkildə, yəni iştirakçı dövlətlərin suverenliyi, ərazi bütövlüyü və beynəlxalq aləmdə tanınan sərhədləri daxilində həll edilməlidir. Lakin çox zaman Ermənistan münaqişənin həlli məsələsində beynəlxalq norma və prinsiplər barədə öz baxışlarını beynəlxalq ictimaiyyətin və vasitəçilərin yanaşması kimi təqdim etməyə çalışır. Azərbaycan nümayəndəsi qeyd edib ki, ATƏT məkanında bütün münaqişələr müstəsna olaraq suverenliyə, ərazi bütövlüyünə və beynəlxalq səviyyədə tanınan sərhədlərin toxunulmazlığına tam hörmət əsasında həll edilməlidir. Azərbaycan öz işğal olunmuş əraziləri ilə bağlı qəbuledilməz və dayanıqsız status-kvonu dəyişmək üçün Minsk qrupu formatında əsaslı danışıqlarda ciddi nəticələrin əldə olunmasının tərəfdarıdır. Xüsusilə qeyd edilib ki, münaqişənin həlli üçün görüşlərin müəyyən dərəcədə intensivləşməsinə baxmayaraq, Ermənistan tərəfində aydın siyasi iradənin olmaması prosesin irəliləməsinə mane olmaqda davam edir. Ermənistanın danışıqların formatını dəyişdirməyə və Azərbaycanın işğal olunmuş ərazilərində qurulan qanunsuz rejimi danışıqların tərəfi kimi tanıtdırmaq cəhdləri sülh prosesinə açıq maneçilik törədir. Bildirilib ki, hər şeydən əvvəl Ermənistanın işğalının nəticələri aradan qaldırılmalı və bununla da bu ölkənin silahlı qüvvələrinin dərhal, qeyd-şərtsiz və tamamilə Azərbaycan ərazilərindən çıxarılmasını təmin edilməlidir, yalnız bundan sonra sülhə, təhlükəsizliyə və sabitliyə nail olmaq mümkün olacaqdır. Çıxışın yekununda qeyd edilib ki, Azərbaycanın suverenliyi və ərazi bütövlüyü bərpa olunmalı, məcburi köçkünlərin öz evlərinə və mülklərinə qayıtmaq hüququ təmin olunmulı və həyata keçirilməlidir.

    Ətraflı   18:31     21-Feb-2020     1202
  • alternative title

    “Ən yaxşı hərbi aşpaz” adı uğrunda yarış keçirilib

    Müdafiə Nazirliyinin Maddi-Texniki Təminat Baş İdarəsinin 2020-ci il üçün hazırlıq planına əsasən Azərbaycan Ordusunun birlik, birləşmə, hərbi hissə və xüsusi təyinatlı hərbi-təhsil müəssisələrində çalışan hərbi aşpazların nəzəri bilik və praktiki bacarıq səviyyələrini yoxlamaq üçün “Ən yaxşı hərbi aşpaz” adı uğrunda yarış keçirilib. Nazirliyin mətbuat xidmətindən bildiriblər ki, yarış bölmələrdə xidmət edən aşpazların praktiki təcrübələrinin təkmilləşdirilməsi, yeməkxanaların nümunəvi vəziyyətdə saxlanılması, xörəklərin keyfiyyətinin daha da yaxşılaşdırılması məqsədilə təşkil olunub. Üç mərhələdə keçirilən yarış vaxtı qidanın düzgün hazırlanmasına, ərzaq məhsullarının emalı zamanı tullantıların normalarına, texnoloji avadanlıqdan düzgün istifadəyə, xüsusi geyimin təmizliyinə, sanitariya-gigiyena tələblərinə ciddi riayət edilməsinə və digər amillərə diqqət yetirilib. Yarışın yekununda qaliblər mükafatlandırılıb.

    Ətraflı   18:26     21-Feb-2020     399
  • alternative title

    Bu dairə üzrə seçki nəticələrinin ləğvini tələb edən namizədin müraciəti barədə qərar verildi

    Mərkəzi Seçki Komissiyasının (MSK) iclasında Milli Məclisə seçkilərlə əlaqədar 32 saylı Suraxanı Üçüncü Seçki Dairəsi üzrə namizəd Elçin Baxışovun müraciəti müzakirəyə çıxarılıb. MSK üzvü İlham Məmmədov bildirib ki, namizəd şikayətində həmin seçki dairəsinin nəticələrinin ləğvini tələb edib. MSK üzvü bildirib ki, iddiada qeyd olunanlar öz təsdiqini tapmayıb. MSK qərara alıb ki, namizədin şikayəti təmin edilməsin. Qeyd edək ki, adıçəkilən dairənin lider namizədi Afət Həsənovadır.

    Ətraflı   17:32     21-Feb-2020     272
  • alternative title

    Romada Azərbaycan-İtaliya biznes forumu keçirilib

    Fevralın 21-də Romada Azərbaycan-İtaliya biznes forumu keçirilib. AZƏRTAC xəbər verir ki, Azərbaycan Respublikasının Prezidenti İlham Əliyev və İtaliya Respublikasının Xarici İşlər və Beynəlxalq Əməkdaşlıq naziri Luici Di Mayo biznes forumda iştirak ediblər. Dövlətimizin başçısı İlham Əliyev və nazir Luici Di Mayo biznes forumda çıxış ediblər.

    Ətraflı   17:25     21-Feb-2020     1305
  • alternative title

    Ukrayna Ali Radası qondarma “erməni soyqırımı”na dair qanun layihəsinin müzakirəsindən imtina edib

    Ukrayna Ali Radası qondarma “erməni soyqırımı”na dair qanun layihəsinin müzakirəsindən imtina edib. Səfirlikdən verilən məlumata görə, Ali Radanın hakim “Xalqın xidmətçisi”nin deputatı Darya Volodinanın təqdim etdiyi “erməni soyqırımı qurbanlarının anılması” ilə bağlı qanun layihəsi müzakirə edilmədən geri qaytarılıb. Məlumata görə, fevralın 14-də qeydə alınan qanun layihəsinin Azərbaycan və Türkiyənin Ukraynadakı səfirliklərinin birgə səyləri nəticəsində Ali Radanın komitə iclasında belə müzakirə olunması təxirə salınıb. Xatırladaq ki, 2013-cü, 2015-ci və 2019-cu illərdə də Ali Radada qondarma “erməni soyqırımı” haqqında qanun layihəsinin müzakirəsinə cəhd edilib.

    Ətraflı   15:49     21-Feb-2020     1299
  • alternative title

    İtaliyada Azərbaycan Mədəniyyət İlinin açılışı münasibətilə konsert proqramı təqdim olunub - FOTO

    Fevralın 20-də Romadakı Kuirinale Sarayında “2020-ci il - İtaliyada Azərbaycan Mədəniyyət İli”nin açılışı münasibətilə konsert proqramı təqdim olunub. AZƏRTAC xəbər verir ki, Azərbaycan Respublikasının Prezidenti İlham Əliyev, Birinci vitse-prezident Mehriban Əliyeva, İtaliya Respublikasının Prezidenti Sercio Mattarella və qızı Laura Mattarella konserti izləyiblər Konsertdə Azərbaycan Dövlət Kamera Orkestri görkəmli Azərbaycan və İtaliya bəstəkarlarının əsərlərini ifa edib.

    Ətraflı   14:29     21-Feb-2020     1119

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 11:59     24-Feb-2020     1033
  • alternative title 11:54     24-Feb-2020     1121
  • alternative title 11:37     24-Feb-2020     324
  • alternative title 17:38     22-Feb-2020     1724
  • alternative title 17:13     22-Feb-2020     1564
image title here

Some title