Loading alternative title

MARAQLI

  • alternative title

    Cavan qalmağın mexanizmi hazırlanıb

    Müxtəlif ölkələrdən olan alimlər qrupu orqanizmin hüceyrələrinə vaxtında yenilənməyə və yaşlanmaya qarşı mübarizə aparmağa imkan verən alqoritm tapıblar. Tədqiqatın nəticələri “FASEB Journal” jurnalında dərc olunub. Nəşrin məlumatına əsasən, insan bədəninin hüceyrələrinin yenilənməsi onların zədələnmiş mitoxondrilərdən təmizlənməsi nəticəsində baş verir. Yaşlı insanlarda mitoxondrilərin təzələnməsi ləng gedir ki, bu da əzələ kütləsinin itirilməsinə və artıq çəkinin yığılmasına səbəb olur. Ekspert qrupu hüceyrələrdə zədələnmiş mitoxondriləri xüsusi fluoressensiya markerləri vasitəsilə aşkar edən mexanizm hazırlayıb. Bu orqanoidləri tapdıqdan sonra isə yenilənmə proseslərini medikamentoz yolla başlamaq olar. Alimlər qeyd ediblər ki, farmakologiyada artıq çoxdandır ölü mitoxodriləri orqanizmdən çıxaran dərman üzərində iş aparılır. Belə bir preparat cavan qalmağı təmin edə bilər.

    Ətraflı   11:13     28-Mar-2020     1040
  • alternative title

    Karantində olan meksikalı bazarlıq etməyin maraqlı üsulunu tapıb - FOTO

    Meksika sakini ev karantini zamanı necə qida əldə etdiyindən danışdı. Bu barədə “Daily Mirror” yazır. Antonio Munyosun (Antonio Muñoz) sözlərinə əsasən, koronavirus infeksiyasının epidemiyası zamanı çihuahua cinsindən olan iti alış-veriş edir. O, təcrid olunduğunun üçüncü günü heyvanın xaltasına pul və satıcı üçün qeyd qoyaraq onu mağazaya göndərib. “Zəhmət olmasa, itimə bir az “Cheetos” çipsi satın. Narıncı rəngdə olanı verin. Qırmızılar çox acı olur. 20 dollar onun xaltasındadır. Diqqət: iti incitsəniz, dişləyə bilər”, - deyə Munyos yazıb. Onun sözlərinə əsasən, iti tapşırığın dalınca yollananda bir qədər həyəcanlı idi, lakin əbəs yerə qorxurmuş. Tezliklə çihuahua mağazadan dişlərində çips paketi ilə qayıdıb.

    Ətraflı   10:54     28-Mar-2020     460
  • alternative title

    Karantindən imtina edən ailəni yanğınsöndürənlər təxliyyə etdi

    Karantindən imtina edən ailəni yanğınsöndürənlər təxliyyə edib. “Sputnik”in məlumatına görə, hadisə Qazaxıstanda qeydə alınıb. Bildirilir ki, Şaxtinsk şəhərindən olan ailə bir müddət əvvəl Misirdən qayıdıb. Onlar testdən keçməkdən imtina edərək, nə tibb işçilərini, nə də polis əməkdaşlarını evə buraxmayıblar. Nəticədə, yanğından mühafizə xidmətinə məlumat verilib. Lakin yanğınsöndürən maşının pilləkəni ailənin yaşadığı mənzilin eyvanına söykəndikdən sonra ev sahibləri, nəhayət, qapını açıblar.

    Ətraflı   15:11     27-Mar-2020     1352
  • alternative title

    Ürək xəstəlikləri koronavirusdan ölüm riskini dörd dəfə artırır

    Tibb üzrə çinli mütəxəssislər araşdırmalar apararaq belə bir qənaətə gəliblər ki, ağır ürək-damar problemləri koronavirusdan ölmək riskini ciddi sürətdə yüksəldir. “AiF” xəbər verir ki, alimlər güman edir ki, virus birbaşa ürəyin əzələ hüceyrələrli ilə təmas edir. Məlumata əsasən, bu hüceyrələrdə koronavirus üçün "qapıları açan" ACE2 reseptorları mövcuddur. “Araşdırmalar onu göstərib ki, Uhanda hər beş xəstədən birində ürək və damar problemləri olub. Məhz buna görə orda yüksək ölüm səviyyəsi müşahidə edilib”, - deyə alimlər qeyd edir.

    Ətraflı   11:15     27-Mar-2020     1724
  • alternative title

    Meqan Markl radikal qərarı ilə bir daha təəccübləndirdi

    38 yaşlı Meqan Markl öz “üsyan”ının nəticəsi olaraq böyük dəyişikliklərə hazırlaşır. “Cosmopolitian”ın məlumatına görə, o, II Yelizavetanın və şahzadə Filipp nəslinin soyadını daşımağa hazırlaşır. Şahzadə Harrinin xanımı kral ailəsindən uzaqlaşsa da, oğlu ilə yaxın olmaq arzusundadır. Məsələ burasındadır ki, balaca Arçi kral sülaləsinə məxsus Maunbatten-Vindzor soyadını daşıyır. Bu soyadı kralimanın titula sahib olmayan birbaşa törəmələri daşıyır. Meqan Markl bu soyada rəsmi olaraq üzərindən kral ailəsinin üzvünün bütün səlahiyyətləri götürüldükdən sonra sahib olmağı planlaşdırır. Bunun martın 31-də baş verəcəyi gözlənilir. Şahzadə Harrinin xanımı öz titulunu saxlayaraq Maunbatten-Vindzor soyadını daşıyan ilk şəxs olacaq.

    Ətraflı   10:39     27-Mar-2020     1296
  • alternative title

    Avtomobilin yük yerində iki saatlıq kabus - FOTO

    Borc məsələsinə görə dalaşdığı iki nəfər tərəfindən döyülüb, sonra isə avtomobilinin baqajına qoyularaq qaçırılıb. “HaberGlobal”ın məlumatına görə, dəhşətli hadisə Türkiyənin Samsun şəhərində qeydə alınıb. Bildirilir ki, gecə saatlarında baş verən hadisə təsadüfən həmin ərazidən keçən başqa bir vətəndaş tərəfindən mobil telefonun kamerası vasitəsilə lentə alınıb. Sonra isə polis idarəsinə məlumat verilib. Videodan avtomobilin dövlət nömrə nişanını müəyyən edən polis əməkdaşları müşahidə kameraları vasitəsilə maşının hara getdiyini öyrənə bilib. İki saat axtarışdan sonra avtomobil küçələrin birində park halında tapılıb. Döyülərək qaçırılan Samet Meşe avtomobilin yük yerindən çıxarılıb və xəstəxanaya aparılıb. Son məlumatlara görə, şübhəlilərdən biri saxlanılıb, digərinin axtarışı davam etdirilir.

    Ətraflı   14:28     26-Mar-2020     1977
  • alternative title

    Alimlərdən şok açıqlama: “İnsan ölsə də, koronavirus meyitdə yaşayır”

    Tədqiqatçılar koronavirus səbəbindən ölən 29 yaşlı xəstənin ekspertizasını həyata keçirdikdən sonra gözləmədikləri nəticə ilə üzləşiblər. Belə ki, COVID-19-un insan öldükdən sonra belə onun ağciyərində yaşadığı məlum olub. Çinin rəsmi “Xinhua” xəbər agentliyi bunu Pekin Universitetinin Birinci Xəstəxanasında çalışan yoluxucu xəstəliklər üzrə mütəxəssislərə istinadla bildirib. Elm adamlarının sözlərinə görə, ekspertiza zamanı xəstənin immun sisteminə ciddi ziyan dəydiyi və bunun da ölümə gətirib çıxardığı bəlli olub. Alimlər, həmçinin, bu virusun xəstənin ürək, qaraciyər və böyrəklərinə də fərqli dərəcədə zərər verdiyini müəyyən edib.

    Ətraflı   12:28     26-Mar-2020     2983
  • alternative title

    Çində xortumlu donuz balası doğuldu

    Çinin Quycou əyalətində yerləşən fermalardan birində qeyri-adi fiziki qüsura sahib donuz balası doğulub. “Daily Mail” xəbər verir ki, heyvanın sifətində donuz burnu yerinə xortum olub. Qeyd etmək lazımdır ki, bundan əlavə donuzun dərisi hamar və tüksüz olub. Məlumata əsasən, donuz doğulandan bir neçə saat sonra ölüb.

    Ətraflı   11:34     26-Mar-2020     1145
  • alternative title

    İnfeksiya epidemiyaları zamanı xiyar yeməyin müsbət tərəfləri açıqlandı

    Əsasən yay aylarında qida rasionumuzun ayrılmaz hissəsi olan xiyar infeksiya epidemiyaları zamanı insan orqanizminə müsbət təsir göstərə bilər. “Food.news” xəbər verir ki, xiyarda olan güclü antioksidantlar bədəni immun sistemini zəiflədən təhlükəli azad radikallardan qorumağa kömək edir. Buna görə də, soyuqdəymə, qrip, koronaivrus kimi xəstəliklər zamanı xiyar yemək orqanizmin xəstəliklərə qarşı dayanıqlılığını artıra bilər. Bundan əlavə, xiyarın sidikqovma xüsusiyyətləri bədənin toksinlərdən azad edilməsinə də imkan yaradır. Xiyarda olan kukurbitasinlər bu tərəvəzə acı tam bəxş edir. Məhz bu birləşmələr metabolizmi və qanda şəkər səviyyəsini tənzimləyə bilir. Xiyarın digər komponenti olan sterollar isə orqanizmdə xolesterin səviyyəsini azaldır.

    Ətraflı   11:28     26-Mar-2020     1822
  • alternative title

    Koronavirus insan orqanizmində hansı fəsadlar törədə bilər?

    Çinli alimlər koronavirusa (COVID-19) yoluxan xəstələrin vəziyyəti barədə açıqlama veriblər. Bu barədə “Deutsche Welle” məlumat yayıb. Koronavirus aşağı tənəffüs yollarına təsir etdiyindən yoluxmuş insanların əksəriyyətində quru öskürək, nəfəs darlığı və ya sətəlcəm müşahidə edilir. Bu səbəbdən COVID-19-un əsas təsirlərindən biri ağciyər zədələnməsidir. Mütəxəssislərin sözlərinə görə, bəzi xəstələrdə sağaldıqdan sonra bu orqanın funksiyası 20-30 faiz zəifləyə bilər. Xəstəliyin təhlükəli nəticələri arasında ağciyər fibrozu da xüsusi vurğulanıb. Vaxt keçdikcə yara toxuması ağciyərlərin bir hissəsinin məhvinə səbəb olur və oksigenin qana daxil olmasını çətinləşdirir. Koronavirusdan sağalmış şəxs məşq zamanı nəfəs darlığı şəklində hipoksemiya (qanda oksigenin miqdarının azalması) əlamətləri ilə qarşılaşa bilər. Ancaq vaxtında tibbi müdaxilə edilərsə, ağciyər fibrozu gecikdirilə və hətta müalicə oluna bilər. Bununla belə, toplanan məlumatlara əsasən, həkimlər sağalmış xəstələrin yeni SARS-CoV-2 infeksiyasına qarşı immunitetə sahib olduqlarına dair nəticə əldə ediblər. Həkimlərin fikrincə, epidemiyadan sağalmış şəxslərin SARS-CoV-2 koronavirus infeksiyasına yenidən yoluxma ehtimalı azdır.

    Ətraflı   10:46     26-Mar-2020     1214
  • alternative title

    Yeni doğulan qıza Korona adı qoyuldu

    Hindistanın Uttar Pradeş ştatında yeni doğulan qıza koronavirusun şərəfinə Korona adı verilib. QALANEWS xarici KİV-ə istinadla bildirir ki, uşağın dayısı Niteş Tripati deyib ki, virus çox təhlükəli olmasına baxmayaraq insanları birləşdirir və sağlam vərdişlərin yaranmasına kömək edir. Onun sözlərinə görə, indi çaxnaşma yaratmamaq, həkimlərin və hakimiyyətin tövsiyələrinə əməl etmək vacibdir. “Bu körpə insanların virusa qarşı mübarizədə birlik simvolu olacaq”, - o, vurğulayıb. Korona martın 22-də komendant saatının tətbiqinə bir neçə saat qalanda dünyaya gəlib.

    Ətraflı   15:41     25-Mar-2020     1070
  • alternative title

    Koronavirusa görə karantinə alınan qız intihar etdi - FOTO

    Koronavirusa görə karantinə alınan 19 yaşlı qız intihar edib. “The Sun” nəşrinin məlumatına görə, dəhşətli hadisə Böyük Britaniyada qeydə alınıb. Məlumata görə, Emili Ouen intihardan bir neçə gün əvvəl karantinin koronavirusdan daha çox insan ölümünə səbəb olacağını deyib. Tanışlarının sözlərinə görə, ətrafda hər şeyin qapanması, planların ləğv olunması qız üçün ağır olub. Emilinin ailəsinin sözlərinə görə, qız təcrid olunanların psixi vəziyyəti barədə narahatlıq hissləri keçirirmiş. Qeyd edək ki, Böyük Britaniyada 8 mindən artıq insan koronavirusa yoluxub, bunlardan 400 nəfəri ölüb.

    Ətraflı   14:48     25-Mar-2020     2671
  • alternative title

    Onlayn ayin zamanı din xadimi faciənin astanasından döndü

    İngiltərədə bir keşiş küçəyə çıxma qadağası səbəbindən ilk dəfə olaraq internet vasitəsilə ayin həyata keçirməyə çalışıb. “HaberGlobal”ın məlumatına görə görə, onun bu cəhdi uğursuzluqla nəticələnib. Belə ki, ayin zamanı şamlar keşişin köynəyini yandırıb. Xoşbəxtlikdən keşiş bunun fərqinə vaxtında varıb. Yoxsa faciə qaçılmaz olacaqdı.

    Ətraflı   12:49     25-Mar-2020     1072
  • alternative title

    Uğursuz plastik əməliyyat keçirən qadın gülüş obyektinə çevrildi - FOTO

    2018-ci ildə sağrılarını plastik əməliyyat etdirən 33 yaşlı Star Delqadis bir müddət keçdikdən sonra pis vəziyyətə düşüb. “The Mirror” xəbər verir ki, həkimlərin məsləhət gördüyündən iki dəfə böyük implantlar taxdıran Star ilk öncə xarici görünüşündən çox razı qalıb. Lakin zaman keçdikcə qadının arxa hissəsi sallanmağa başlayıb. S.Delqadis hamının ona güldüyünü etiraf edir. “Sanki uşaq bezi geyinirəm. Görənlər məni ələ salır”, - deyə, qadın şikayət edir. Bundan əlavə, qadın nə qaça, nə də normal qaydada yeriyə bilir, çünki sallanan implantlar səbəbindən hərəkət zamanı ağrılar başlayır. Ağrımamaq üçün yatarkən Star iki dar leggins geyməyə məcbur olduğunu bildirib. Hazırda qadın onu bu bəladan qurtara biləcək cərrah axtarır.

    Ətraflı   11:45     25-Mar-2020     1336
  • alternative title

    İki aylıq küçük “qanlı ölümü” ilə öz sahibini qorxutdu – FOTO

    Qodi adında iki aylıq korqi cinsindən olan küçük öz vyetnamlı sahibini dəhşətli dərəcədə qorxudub. “Daily Mail” xəbər verir ki, evə gəldikdə küçüyün qanlar içində yerdə uzandığını görən kişinin qorxudan ayaqları tutulub. Lakin qətl səhnəsinə bənzəyən bu mənzərənin başqa səbəbi olub. Ac olan Qodi pitaya (əjdaha meyvəsi) yeyərkən meyvənin qırmızı şirəsi onun üzərinə yaxılıb. Doyduqdan sonra isə küçük uzanıb yatıb. Qeyd etmək lazımdır ki, Qodi itlərə xas olmayan tərzdə - beli üstə yatmağı xoşlayır. Məhz buna görə itin üzərində qırmızı ləkələrlə yerdə uzanması qətl hadisəsinə bənzəyib.

    Ətraflı   11:39     25-Mar-2020     1192
  • alternative title

    Pəhrizin düşmənləri: bu tərəvəzlər arıqlamağa mane olur

    Bir çox pəhrizlərin tərəvəzləri məsləhət görməsinə baxmayaraq, onlardan elələri var ki arıqlamaq istəyən insanlar üçün bir xeyri yoxdur. “Planet Today” xəbər verir ki, bu nəticəyə Harvard Universitetinin alimləri gəlib. 20 il ərzində davam edən sınaqlarda iştirak edən insanlar iki qrupa bölünüb. Hər qrup üçün xüsusi qida rasiyonu hazırlanıb. Sınaqda iştirak edən insanların bir hissəsi nişasta ilə zəngin tərəvəzlər, digəri isə əsasən göyərti ilə qidalanırdı. Alınan nəticələrə əsasən, nişasta ilə zəngin tərəvəzlər arıqlamağa kömək etmir. Alimlər qeyd edir ki, qida rasiyonunda bu tərəvəzlərin azaldılması sağlamlığa təhlükə yaratmır. Beləliklə, pəhriz tutan insanlar üçün kartof, lobya, qarğıdalı və noxud kimi tərəvəzlər bir xeyir vermir. Alimlər onlardan birdəfəlik imtina etməyi məsləhət görməsə də, rasiyonda saylarının azaldılmasını tövsiyyə edirlər.

    Ətraflı   11:28     25-Mar-2020     1407
  • alternative title

    Koronavirusa qarşı yeni ixtirası ilə hər kəsi sevindirdi - FOTO

    Çinin Şanxay şəhərində 30 yaşlı bir ata çölə çıxarkən övladını koronavirusdan müdafiə etmək üçün qeyri-adi ixtiraya imza atıb. Onun yeni layihəsi hamı tərəfindən bəyənilib. Bu barədə “HaberGlobal” məlumat yayıb. Bildirilir ki, Bai Ying adlı şəxs uşağı təhlükəsizlik şəraitində saxlayan və daşına bilən kapsul hazırlayıb. Yeni qurğu hava filtri, içəridə karbondioksid sıxlığını və istiliyi göstərən monitor, həmçinin valideynlərin uşağa təmas etmədən toxunmasına imkan verən steril bir əlcəklə təchiz olunub. Bai Ying yeni ixtirası barədə danışarkən uşaqların tənəffüs sisteminin zəif olduğundan maska taxmağın onlarda oksigen çatışmazlığına səbəb ola biləcəyini deyib. O, kapsulu “Death Stranding” video oyununa baxaraq hazırladığını vurğulayıb. Bai Ying kapsuldan daha çox istehsal etmək üçün artıq bir firma ilə danışıqlara başladığını əlavə edib.

    Ətraflı   11:10     25-Mar-2020     1876
  • alternative title

    Araşdırmaçılar şokda: Koronavirus səthdə 17 gün yaşayırmış

    Yaponiyada karantinə alınan kruiz gəmisi “Diamond Princess”in kayutlarında sərnişinlərin nəqliyyat vasitəsini tərk etməsindən iki həftə sonra koronavirusun izlərinə rast gəlinib. “HaberGlobal”ın məlumatına görə, ABŞ Xəstəliklərə Nəzarət və Müdafiə Mərkəzindən bu barədə açıqlama verilib. Bildirilir ki, izlərə yoluxma əlaməti olan xəstələrin otaqları boşaldıqdan 17 gün sonra rast gəlinib. Beləliklə, araşdırmaçıları da təəccübləndirən nəticələrə görə, koronovirus səth üzərində iki həftədən artıq qala bilərmiş. Bununla belə, həmin koronavirus izlərinin hər hansı bir infeksiyaya səbəb olub-olmadığını söyləmək mümkün deyil. Bundan əvvəl aparılan araşdırma zamanı virusun plastik və ya soyuducu kimi paslanmaz polad səthlərdə üç günə qədər yaşaya bildiyi, ancaq zamanla zərərvermə səviyyəsinin aşağı düşdüyü məlum olmuşdu.

    Ətraflı   10:38     25-Mar-2020     1068
  • alternative title

    ABŞ-da “qar adamını” yaxın məsafədən lentə aldılar – FOTO

    ABŞ-ın Beyli şəhərinin (Kolorado ştatı) sakini Skott Yomen əfsanəvi “qar adamının” yaxın məsafədən şəklini çəkməyə nail olub. “Daily Mail” xəbər verir ki, 2017-ci ilin oktyabr ayında axşam saatlarında evdə oturan Skott və həyat yoldaşı çöldən üfunət iyinin gəldiyini hiss ediblər. Pəncərəyə yaxınlaşan Skott dəhşətlə çöldən ona qorxunc bir varlığın baxdığını görüb. Həmin canlının yekə, bir-birindən aralı gözləri var idi və bu ayı deyildi. Bir təhər qorxu hissini boğmağı bacaran Skott əlinə fotoaparat alaraq həmin canlının şəkillərini çəkib. “Məni təəcübləndirən şəkil çəkərkən həmin canlının gözlərini yumması oldu. Bunu adətən balaca uşaqlar edir. Onlar elə bilir ki, gözlərini yumsalar, onları heç kim görməyəcək”, - deyə S.Yomen qeyd edib.

    Ətraflı   11:48     24-Mar-2020     1139
  • alternative title

    Koronavirus səbəbindən işsiz qalan striptizçi qadınlar yemək çatdırılması ilə məşğul olurlar

    Koronavirus pandemiyası səbəbindən işsiz qalan amerikalı qadın striptizçilər vəziyyətdən çıxış yolu tapıblar. “Mirror” xəbər verir ki, ölkədə striptiz klubların bağlanmasına baxmayaraq onlara dövlət tərəfindən yaşayış müavinəti verilməyib. Bu səbəbdən də Portlend şəhərində fəaliyyət göstərən “Lucky Devil” striptiz klubu seksual yemək çatdırılması xidmətini təşkil edib. Klubun rəhbəri qeyd edir ki, hal-hazırda striptizçilər açıq-saçıq paltarlarda evdən çölə çıxa bilməyən insanlar üçün yemək çatdırır.

    Ətraflı   11:46     24-Mar-2020     345

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 18:36     28-Mar-2020     1286
  • alternative title 17:43     28-Mar-2020     2129
  • alternative title 17:34     28-Mar-2020     1869
  • alternative title 17:20     28-Mar-2020     1610
  • alternative title 17:14     28-Mar-2020     1227
image title here

Some title