Loading alternative title

DÜNYADA

  • alternative title

    “ByteDance” “TikTok” əlavəsinə görə ABŞ kompaniyalarından 12 milyard dollar almaq istəyir

    Çinin “ByteDance” kompaniyası sahib olduğu “TikTok” sosial şəbəkəsinin Amerika seqmentinə görə ABŞ-ın “Oracle” və “Walmart” kompaniyaları ilə razılaşacağı təqdirdə onlardan 12 milyard dollar almağa ümid edir. “Bloomberg” agentliyi xəbər verir ki, “ByteDance” kompaniyası “TikTok” əlavəsinin dəyərinin 60 milyard dollar həcmində qiymətləndirilməsinə çalışır. Sövdələşmənin şərtlərinə görə, “Oracle” və “Walmart” kompaniyaları “TikTok”-un qlobal biznesinin müvafiq olaraq 12,5 və 7,5 faizini almaq hüququna malikdir. Beləliklə, əgər onlar həmin qiymətlə razılaşsa, “ByteDance” kompaniyasına 12 milyard dollar pul ödəməlidirlər. ABŞ Prezidenti Donald Tramp sentyabrın 19-da jurnalistlərə bildirib ki, “Oracle” və “Walmart” kompaniyalarının “TikTok” əlavəsinin Amerika seqmentini almalarını dəstəkləyir. Onun sözlərinə görə, sosial şəbəkənin Amerika seqmenti öz adını saxlayacaq, onun Çinlə heç bir əlaqəsi olmayacaq və mənzil qərargahı Texas ştatında yerləşəcək. Ağ ev administrasiyası bir milyarda yaxın istifadəçisi olan sosial şəbəkənin Çin hökuməti ilə əlaqəli olduğunu və Pekin üçün məlumat toplamaq üçün istifadə edildiyini düşünür. “TikTok” isə öz növbəsində bu iddianı qəti şəkildə inkar edir. Qeyd edək ki, “TikTok” 2020-ci ilin avqust ayı ərzində dünyada ən çox yüklənən əlavə olub.

    Ətraflı   17:46     21-Sep-2020     194
  • alternative title

    Brüssel daha bir avtomobilsiz gün yaşayıb

    Belçikanın paytaxtı Brüsseldə bir günlüyə avtomobillər üçün bağlanan yolları və küçələri piyadalar və velosipedçilər doldurub. QALANEWS xarici KİV-lərə istinadla xəbər verir ki, Belçikada hər il sentyabrın üçüncü bazar günü “Avtomobilsiz gün” tədbirləri ilə qeyd olunur. Saat 9:30-dan 19:00-dək sərnişin nəqliyyatı istisna olmaqla, avtomobillərin hərəkəti dayandırılır. Avtobuslar və hərəkət etməsi zəruri olan maşınlar üçün saatda 30 kilometr sürət limiti qoyulur. Brüssel şəhərində gün boyu gəzintilər, oyunlar, sərgilər, idman yə sənət tədbirləri keçirilir.

    Ətraflı   17:45     21-Sep-2020     180
  • alternative title

    Xakerlər 11 min isveçrəlinin pasport məlumatlarını oğurlayıblar

    Xakerlər 11 min İsveçrə vətəndaşının pasport məlumatlarını oğurlayaraq internetdə yayıblar. Hadisə Cənubi Amerikada baş verib. Argentina hökuməti miqrasiya orqanlarının məlumat bazasını ələ keçirmiş bir qrup xakerin bu məlumatları geri qaytarmaq üçün 4 milyon ABŞ dolları tələbini rədd etdiyinə görə, cinayətkar dəstə on minlərlə şəxsə aid pasport məlumatlarını internetdə yayıb. Xakerlərin kiberhücumuna məruz qalan məlumatlar arasında bu ilin yanvar-mart aylarında Argentinada səfərdə olan 11 min İsveçrə vətəndaşının pasport məlumatları, eləcə də səyahət istiqamətləri barədə məlumatlar yer alıb. İsveçrə Xarici İşlər Departamenti bu barədə məlumatlandırılıb və hazırda Argentinanın yerli qurumları ilə iş aparılır. Bildirilib ki, ələ keçirilən pasport məlumatları real şəxslərin identitetinin oğurlanması və müxtəlif cinayət əməllərində bu məlumatlardan istifadəsinə yol aça bilər. Qeyd edək ki, şəxsi məlumatları oğurlananlar arasında Almaniya, Fransa və İsrail vətəndaşları da var.

    Ətraflı   17:42     21-Sep-2020     331
  • alternative title

    Qarşıdan gələn 30 il ərzində Türkiyədə baş verə biləcək yeraltı təkanlar araşdırılıb

    Türkiyənin Marmara bölgəsində 1999-cu ildə baş verən zəlzələdən sonra aparılan araşdırmalar onu göstərir ki, qarşıdan gələn 30 il ərzində bu bölgədə dağıdıcı yeraltı təkanların baş vermə ehtimalı 60-65 faizdir. Bu fikirləri türkiyəli professor Süleyman Pampal ifadə edib. Türkiyədə coğrafi yerləşmə baxımından yeraltı təkanların tez-tez baş verdiyini deyən professor hazırda Mərmərə bölgəsi üzrə seysmik xətdə boşluqların yarandığını, məhz bu səbəbdən Anadolunun şimalında baş verəcək yeraltı təkanların Mərmərə bölgəsinə təsir edə biləcəyini deyib. Qeyd edilib ki, belə olacağı təqdirdə, Mərmərə dənizinin İstanbulun Silivri rayonu sahillərinə yaxın bölgəsində 7-7,5 bal gücündə yeraltı təkanların olma ehtimalı istisna deyil. S.Pampal Türkiyənin, əsasən, Ərzincan və Bingöl vilayətlərini əhatə edən “Yedisu” seysmik xəttində də boşluqların olduğunu və bu xəttin 7 baldan yüksək yeraltı təkanlara səbəb ola biləcəyini vurğulayıb. Ölkə ərazisindən keçən “Duz gölü” seysmik xətti haqqında danışan professor bu xəttin də Ankara və ətraf bölgələr üçün risk mənbəyi olduğunu ifadə edib.

    Ətraflı   17:38     21-Sep-2020     172
  • alternative title

    Yaponiya və ABŞ liderləri iki ölkə arasındakı ittifaqı daha da möhkəmləndirmək barədə razılığa gəliblər

    Yaponiyanın Baş Naziri Yoşihide Suqa və ABŞ Prezidenti Donald Tramp iki ölkə arasındakı ittifaqı daha da möhkəmləndirmək üçün birgə fəaliyyət barədə razılığa gəliblər. Yaponiya KİV-ləri xəbər verir ki, bu barədə razılaşma bazar günü liderlərin telefon danışığı zamanı əldə edilib. Təqribən 25 dəqiqə davam edən telefon danışığı Y.Suqanın sentyabrın 16-da Baş Nazir vəzifəsinə təsdiq olunmasından sonra iki liderin ilk təması olub. ABŞ Prezidenti ilə telefon danışığından sonra Y.Suqa jurnalistlərə bildirib ki, D.Tramp regionda sülhün və sabitliyin əsası hesab edilən iki ölkənin ittifaqının möhkəmlənməsi üçün onunla birlikdə çalışacağını qeyd edib. Bununla yanaşı, Y.Suqa ABŞ Prezidentindən oğurlanmış Yaponiya vətəndaşları ilə bağlı problemin həlli üçün yardım göstərməsini xahiş edib. D.Tramp problemin həlli üçün Yaponiya ilə sıx əməkdaşlıq ediləcəyini bildirib. Eyni zamanda, liderlər COVID-19 virusuna qarşı peyvəndin və digər dərmanların hazırlanması üçün birgə fəaliyyət barədə razılıq əldə ediblər. Y.Suqa və D.Tramp azad və açıq Hind-Sakit Okean regionunun qurulması üçün birgə əməkdaşlığı davam etdirəcəklərini vurğulayıblar. ABŞ Prezidenti fövqəladə vəziyyət yaranacağı təqdirdə, Y.Suqanın telefon zəngini sutkanın istənilən saatında qəbul etməyə hazır olduğunu da bildirib.

    Ətraflı   17:34     21-Sep-2020     790
  • alternative title

    Yaponiyada əhalinin tərkibində yaşlıların sayı dünya üzrə rekord səviyyəyə çatıb

    Yaponiya Ümummilli Məsələlər, Yerli Muxtariyyət və Rabitə Nazirliyinin yaydığı məlumata görə, bu ölkədə yaşlı əhalinin sayı rekord səviyyəyə çatıb. AZƏRTAC xəbər verir ki, nazirlik tərəfindən bu barədə məlumat sentyabrın 20-də Yaponiyada qeyd edilən Ahıllar Günü ərəfəsində dərc edilib. Bildirilir ki, cari il sentyabrın 15-nə olan son məlumata görə, Yaponiyada 65 və daha yuxarı yaşlı insanların sayı 36 milyon 170 min nəfərə bərabərdir. Bu rəqəm ötənilki göstəricini 300 min nəfər üstələyib. Ölkə əhalisinin tərkibində yaşlı insanların ümumi payı isə 28,7 faiz təşkil edib ki, bu da əvvəlki göstəricidən 0,3 faiz çoxdur. Həmin rəqəmin artmasına ölkə üzrə əhalinin ildə təqribən 290 min nəfər azalmasının təsir etdiyi də bildirilir.

    Ətraflı   17:31     21-Sep-2020     194
  • alternative title

    Hindistanda binanın uçması nəticəsində azı 10 nəfər ölüb

    Hindistanın Maharaştra ştatında yaşayış binasının çökməsi nəticəsində azı 10 nəfər ölüb. QALANEWS yerli mətbuata istinadla xəbər verir ki, hadisə sentyabrın 21-də erkən saatlarda Bhivandi şəhərində baş verib. Sakinlər qısa vaxtda 20 nəfəri xilas edə biliblər. Hadisə yerinə gələn mülki müdafiə qüvvələri üçmərtəbəli binanın dağıntıları altından indiyədək 10 nəfərin meyitini tapıblar. Dağıntılar altında təxminən 25 nəfərin qaldığı güman olunur. Hazırda axtarış işləri davam edir.

    Ətraflı   17:21     21-Sep-2020     204
  • alternative title

    İstanbulda ilk dəfə qadın gəmiçilər dəniz nəqliyyatında işə başlayıblar

    İstanbul tarixində ilk dəfə qadın gəmiçilər dəniz nəqliyyatında fəaliyyətə başlayıblar. QALANEWS xəbər verir ki, dənizçilik təhsili alan gənc xanımlar istismar, gözətçilik, gəminin sahilə sabitlənməsi də daxil olmaqla hər işdə yer alırlar. Qadınların hər birinin arzusu gələcəkdə gəmi kapitanı olmaqdır. Yeni tətbiq şəhər əhalisi tərəfindən də rəğbətlə qarşılanır. İlkin mərhələdə bir xətt üzrə fəaliyyətə başlayan xanımları gələcəkdə İstanbulun bütün dəniz nəqliyyat vasitələrində görmək mümkün olacaq.

    Ətraflı   17:19     21-Sep-2020     173
  • alternative title

    Sabiq liderlər dünya dövlətlərini Nüvə Silahının Ləğvi Barədə Müqaviləyə qoşulmağa çağırırlar

    Dünya dövlətlərinin sabiq liderləri öz ölkələrini BMT-nin Nüvə Silahının Ləğvi Barədə Müqaviləsinə qoşulmağa çağırıblar. Yaponiya KİV-ləri xəbər verir ki, sentyabrın 20-də bu barədə bəyanatla çıxış edən Nüvə Silahının Ləğvi Barədə Beynəlxalq Kampaniya (ICAN) 56 sabiq liderin həmin çağırışının açıq məktubda əksini tapdığını bildirib. Bu sabiq liderlər sırasında NATO üzvü olan 20 ölkənin keçmiş Baş nazirləri, Xarici İşlər nazirləri, o cümlədən Yaponiyanın keçmiş Baş Naziri Hatoyama Yukio və BMT-nin keçmiş Baş katibi Pan Gi Mun (Cənubi Koreya) da var. Məktubda son illər nüvə silahının tətbiqi imkanlarının genişləndiyi qeyd edilir. Bildirilir ki, bu məsələdə “nüvə silahının yeni növlərinin yaranması” və “nüvə strukturlarına real kiberhücumlar təhlükəsinin artması” xüsusi rol oynayır. Sabiq liderlər hazırkı dövlət başçılarına müraciət edərək, onları nə qədər ki, gec deyil bu silahların ləğvi istiqamətində birgə fəaliyyətə çağırırlar. ICAN-dan bildirildiyinə görə, məktub yaxın günlərdə NATO üzvü olan 20 dövlətin, həmçinin Yaponiya və Cənubi Koreyanın liderlərinə göndəriləcək. Həmin ölkələr BMT-nin 2017-ci ildə imzalanmış Nüvə Silahının Ləğvi Barədə Müqaviləsinə qoşulmayıblar. Bu dövlətlər, əsasən ABŞ-ın nüvə çətirinə arxalanırlar. Qeyd edək ki, həmin müqavilə 50 dövlət tərəfindən imzalandıqdan 90 gün sonra qüvvəyə minəcək. Hazırda bu sənəd 44 dövlət tərəfindən imzalanıb.

    Ətraflı   17:06     21-Sep-2020     1016
  • alternative title

    Gürcüstanın xarici borcu son illərdə 3 dəfə artıb

    Gürcüstan hökumətinin xarici borcu son 8 ildə 3 dəfə (təqribən 13,3 milyard lari) artıb. Bu barədə Gürcüstanın Maliyyə Nazirliyi məlumat yayıb. Bildirilir ki, ölkənin xarici borcu ilbəil artır. Təkcə cari ilin sonuna hökumətin xarici borcunun daha 6,1 milyard lariyə qədər artacağı gözlənilir. Əvvəlki illərin dinamikasına baxdıqda məlum olur ki, 2003-cü il dekabrın 31-də Gürcüstanın xarici borcu 3,2 milyard lari (1,5 milyard ABŞ dolları) olub. Rəsmi statistikaya əsasən, 2003-cü ildən 2012-ci ilin (2012-ci il 31 dekabr) sonunadək Gürcüstan hökumətinin xarici borcu 6,6 milyard lari (3,9 milyard dollar) təşkil edib. Ölkənin xarici borcu bu gündə artmaqda davam edir. Xarici valyutanın dəyişən məzənnəsi nəzərə alınaraq 2012-ci ildən bu il oktyabrın 31-dək hökumətin xarici borcunun 3 dəfə artaraq 19,9 milyard lari (6,5 milyard dollar) olacağı bildirilir.

    Ətraflı   17:05     21-Sep-2020     203
  • alternative title

    Gürcüstan neft məhsullarının idxalını azaldıb

    Gürcüstan neft və neft məhsullarının idxalını 31,4 faiz azaldıb. Yanvar-avqust aylarında Gürcüstan 325 milyon ABŞ dolları dəyərində neft və neft məhsulları tədarük edib. Bu da ötən ilin eyni aylarının göstəriciləri ilə müqayisədə 31,4 faiz azdır. Bu barədə Gürcüstanın Milli Statistika İdarəsi məlumat yayıb. Bildirilir ki, hesabat dövründə Gürcüstanın ümumi idxalında neft və neft məhsullarının payı 6,6 faiz olub. Səkkiz ayı ərzində Gürcüstanın idxal etdiyi təbii qazın dəyəri isə illik müqayisədə 11,5 faiz azalaraq 179 milyon dollar təşkil edib. Hesabat dövründə neft və neft məhsulları Gürcüstanın ikinci, təbii qaz isə 5-ci əsas idxal məhsulu olub.

    Ətraflı   17:03     21-Sep-2020     968
  • alternative title

    Türkiyədə birinci siniflər üçün əyani dərslər başlayıb

    Yeni növ koronavirus (COVID-19) infeksiyası riski ilə əlaqədar bu gün Türkiyədə yalnız məktəbəqədər və birinci siniflər üçün simvolik olaraq əyani dərslərə başlanıb. QALANEWS xəbər verir ki, hələlik məlum siniflər üçün əyani dərslər yalnız həftənin birinci günləri olmaqla altı saat davam edəcək. Bu siniflərdən olan şagirdlər digər günlərdə dərs prosesini başqaları kimi onlayn davam edəcəklər. Orta məktəblərdə və liseylərdə normal dərs prosesinin nə vaxt başlayacağı isə məlum deyil. Bu barədə son qərar Türkiyənin Səhiyyə Elmi Komitəsinin tövsiyəsi əsasında veriləcək. Türkiyənin Milli Təhsil naziri Ziya Səlçuq açıqlamasında bildirib ki, məktəbəqədər və birinci siniflər üçün simvolik əyani dərslərin keçirilməsi sinfə ilk dəfə qədəm qoyan şagirdlərdə məktəb sevgisini aşılamaq məqsədi daşıyır. Nazirin sözlərinə görə, ölkə üzrə bütün məktəblərdə dezinfeksiya işlər başa çatıb, tədris müəssisələrinə bədən hərarətini ölçən cihaz və müəyyən sayda maska göndərilib. Dərslərin normal şəkildə keçiriləcəyi təqdirdə sosial məsafənin qorunması, təmizlik qaydalarına əməl edilməsi və maska taxılması tədbirlərinin nəzarətli qaydada olması üçün bütün şərait yaradılıb.

    Ətraflı   16:48     21-Sep-2020     279
  • alternative title

    Dubay polisi dəbdəbəli doğum günü məclisi keçirən aktrisanı həbs edib

    Dubayda çoxlu sayda qonaqların iştirakı ilə restoranda dəbdəbəli doğum günü şənliyi keçirən ərəb aktrisa həbs edilib. Bu barədə Əmirliyin polis rəisi “Əl Ərəbiyə” telekanalına bildirib. Adı şərti olaraq M.H. kimi təqdim edilən aktrisa sosial şəbəkələrdə doğum günü məclisindən videogörüntülər paylaşıb. Həmin videomaterialda qonaqların qapalı məkanda qoruyucu maska taxmadıqları və sosial məsafə saxlamadıqları müəyyənləşdirilib. Dubay Əmirliyində karantin qaydalarını pozanlara qarşı 10 min dirhəm məbləğində cərimə tətbiq olunur. Birləşmiş Ərəb Əmirliklərində toy və yas mərasimlərində 10 nəfərdən artıq insanın iştirakına icazə verilmir.

    Ətraflı   16:41     21-Sep-2020     1256
  • alternative title

    Türkiyədə axtarışda olan üç terrorçu məhv edilib

    Türkiyədə həyata keçirilən “İldırım-3” antiterror əməliyyatı çərçivəsində Hatay vilayətinin Amanoslar ərazisində məhv edilən üç terrorçunun Daxili İşlər Nazirliyi tərəfindən axtarışda olduğu müəyyənləşdirilib. Bu barədə Türkiyənin Daxili İşlər Nazirliyi məlumat yayıb. Nazirliyin həmin terrorçuların hər birinin ələ keçirilməsi üçün 500 min türk lirəsi (təxminən 70 min ABŞ dolları) məbləğində mükafat nəzərdə tutduğu məlum olub. Məhv edilən terrorçular “Hüseyn” ləqəbli Cihan Erbaş, “Ciğer Amed” ləqəbli Serhat Aykul və “Ali Norşin” ləqəbli Şefik Körmandır. Onların üçü də müxtəlif cinayət əməllərində ittiham edilib.

    Ətraflı   16:36     21-Sep-2020     1126
  • alternative title

    Çin daha bir okeanoqrafiya peykini orbitə çıxarıb

    Çin daha bir okeanoqrafiya peyki olan “HaiYang-2C”ni orbitə çıxarıb. Peyki orbitə aparan “Long March-4B” daşıyıcı raketi Ciuçüən buraxılış məntəqəsindən yerli vaxtla saat 13:40-da səmaya buraxılıb. Bu, Çinin üçüncü okeanoqrafiya peykidir və əvvəlkilərlə birlikdə şəbəkə halında işləyəcək. Peyk gün ərzində və istənilən hava şəraitində okean mühitindəki dəyişiklərin monitorinqini aparacaq. Bu, “Long March” (“Böyük yürüş”) silsiləsindən 347-ci raket buraxılışı olub. “HaiYang-2C” peykini və “Long March 4B” raketini Çin Aerokosmik Elmi-Texniki Korporasiyasının mütəxəssisləri hazırlayıblar.

    Ətraflı   16:34     21-Sep-2020     1194
  • alternative title

    Türkiyədə 14 nəfər İŞİD terrorçusu saxlanılıb

    Türkiyənin Samsun vilayətində İŞİD terror təşkilatı üzvlərinin saxlanılması istiqamətində əməliyyat keçirilib. AZƏRTAC xəbər verir ki, əməliyyat zamanı terror təşkilatı ilə sıx əlaqəsi olmaqda şübhəli bilinən 14 nəfər saxlanılıb. Onların İraq vətəndaşları olduqları müəyyən edilib. Saxlanılan şəxslərin yaşadıqları ünvanlarda axtarış aparılan zaman təşkilata aid çoxlu sayda rəqəmsal material aşkarlanıb. Ölkə ərazisində terrorçuların saxlanılması istiqamətdə əməliyyatlar davam etdirilir.

    Ətraflı   16:32     21-Sep-2020     1172
  • alternative title

    Britaniyada benzinlə işləyən avtomobillərin satışına 2030-cu ildən qadağa qoyula bilər

    Böyük Britaniya hökuməti benzinlə işləyən avtomobillərin satışına qadağanı on il tezləşdirə bilər. Ekoloji təmiz yanacağa keçid planlarına görə, bu, 2040-cı il üçün nəzərdə tutulurdu. “The Guardian” qəzeti xəbər verir ki, bu addım Birləşmiş Krallığın avtomobil yollarında elektriklə işləyən maşınların artmasını sürətləndirə bilər. Avtomobillərdə daxiliyanma mühərriklərindən imtina üzrə yeni “yol xəritəsinin” 2020-ci ilin sonlarında elan olunacağı gözlənilir. Qeyd edək ki, klassik güc qurğuları ilə təchiz olunan yeni avtomobillərinin tam qadağan ediləcəyi ilk ölkə Norveç olacaq. Burada daxiliyanma mühərrikli avtomobillərin satışı 2025-ci ildə, Almaniya, İrlandiya və Niderlandda 2030-cu ildə, Fransada isə 2040-cı ildə qadağan ediləcək.

    Ətraflı   16:28     21-Sep-2020     943
  • alternative title

    Tehran Vaşinqtona sarsıdıcı cavab vəd etdi

    İran Prezidenti Həsən Ruhani Tehranın ABŞ zorakılığına sarsıdıcı cavab verəcəyini deyib. Rg.ru-nun məlumatına görə, Ruhani televiziya çıxışında bildirib ki, ABŞ bu tədbirləri etibarsız adlandıran Avropa müttəfiqlərinin dəstəyini itirib. İran Xarici İşlər Nazirliyi öz növbəsində, Vaşinqtonun səylərini faydasız hesab edib və bildirib ki, ABŞ-ın yanaşması beynəlxalq sülh və təhlükəsizlik, BMT və Təhlükəsizlik Şurası üçün görünməmiş ciddi təhdid yaradır. Bildirilir ki, ABŞ birbaşa və ya bir sıra müttəfiqləri ilə əməkdaşlıq edərək, bu təhdidlərə uyğun hər hansı bir addım atarsa, ciddi reaksiya ilə qarşılaşacaq və qərarının bütün təhlükəli nəticələrini nəzərə almalı olacaq. “Reuters”in məlumatına görə, ABŞ 21 sentyabrda İranın nüvə, raket və adi silah proqramlarında iştirak edən iyirmidən çox şəxsə və təşkilata sanksiya tətbiq edəcək.

    Ətraflı   16:21     21-Sep-2020     352
  • alternative title

    Finlandiyada saya oturan bərədən 200-dən çox sərnişin təxliyə olunub

    Finlandiyada saya oturan bərədən 200-dən çox sərnişin təxliyə olunub. İsveç KİV-ləri xəbər verir ki, “Viking Line” şirkətinə məxsus “Amorella” bərəsi bazar günü yerli vaxtla təxminən saat 12.35-də Aland adaları ərazisində saya oturub. Finlandiyanın Turku limanından İsveç paytaxtına səmt götürən gəminin gövdəsi naməlum səbəbdən deşilib və bölmələrdən birinə su dolub. Bununla əlaqədar Yarsö adası sahillərinə doğru üzmək barədə təcili qərar qəbul edilib. Sərnişinlərin təxliyəsi yerli vaxtla 15.40-da başlayıb. Qərbi Finlandiyanın sahil mühafizə xidmətinin məlumatına görə təxliyə işləri dörd gəmidən istifadə olunmaqla həyata keçirilib. Əvvəlcə sərnişinlər, sonra heyətin bir hissəsi təxliyə olunub. Qəza anında gəmidə 207 sərnişin və 74 heyət üzvü olub. Az sonra Finlandiyanın sahil mühafizə xidməti bütün sərnişinlərin və heyət üzvlərinin bir hissəsinin uğurla təxliyə edildiyini bildirib. Zərər çəkənlər barədə hələ ki, məlumat yoxdur. Bədbəxt hadisələrin təhqiqatı üzrə Finlandiya Şurası hadisə ilə bağlı araşdırmaya başlandığını xəbər verib.

    Ətraflı   16:03     21-Sep-2020     1084
  • alternative title

    BMT Baş katibi dünya ölkələrinə xəbərdarlıq etdi: ABŞ-la Çin arasındakı münaqişə...

    BMT Baş katibi Antonio Quterreş dünyaya ABŞ-la Çin arasındakı münaqişəyə görə ciddi problemlərin yaşana biləcəyi barədə xəbərdarlıq edib. Bu barədə TASS məlumat yayıb. A.Quterreş əvvəlki ikiqütblü dünya sisteminin pozulduğunu və onun yerinə çoxqütblü sistemin gəldiyini qeyd edib. “Ancaq dünya hələ çoxqütblü deyil, əksinə, orada xaos hökm sürür və nəhəng güclər arasındakı münasibətlər getdikcə daha da mürəkkəbləşir”, - deyə A.Quterreş bildirib.

    Ətraflı   16:00     21-Sep-2020     1339

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 17:14     21-Sep-2020     217
  • alternative title 15:08     21-Sep-2020     370
  • alternative title 15:06     21-Sep-2020     1334
  • alternative title 14:53     21-Sep-2020     1301
  • alternative title 14:51     21-Sep-2020     1390
image title here

Some title