Loading alternative title

DÜNYADA

  • alternative title

    Rusiya Belarus da daxil olmaqla bütün ölkələrlə sərhədlərini bağladı

    Rusiya bütün ətraf ölkələrlə sərhədlərini bağlayıb. “RİA Novosti” xəbər verir ki, bu barədə Rusiya hökumətinin saytında məlumat dərc olunub. Qərara görə, ətraf ölkələrlə olan bütün quru, su, çay, avtomobil, piyada keçid məntəqələri, həmçinin Rusiya – Belarus sərhədi müvəqqəti bağlanıb. Buna ölkədə koronavirusun yüksək sürətlə yayılması və yoluxan şəxslərin sayının artması səbəb olub.

    Ətraflı   18:48     28-Mar-2020     309
  • alternative title

    İordaniyada nazirlər bir aylıq maaşlarını koronavirusla mübarizəyə bağışladılar

    İordaniyada nazirlər bir aylıq maaşlarını koronavirusla mübarizəyə bağışlayıblar. Qalanews.com xəbər verir ki, İordaniyalı nazirləri mart ayının əməkhaqqlarını koronavirusla mübarizəni dəstəkləmək üçün bağışlayıblar. Bu barədə İordaniyanın "Əl Məkanə" televiziya kanalı məlumat yayıb. Sözügedən xəbərlərlə əlaqədar İordaniya hökumətindən rəsmi açıqlama verilməyib. Rəsmi məlumatlara görə, ölkədə koronavirusa yoluxma hadisələrinin sayı 235-ə çatıb, 1 nəfər həyatını itirib.  

    Ətraflı   18:31     28-Mar-2020     1601
  • alternative title

    Almaniyada taksi sürücüləri üsyan edir : "Müştərilər pul əvəzinə tualet kağızı verirlər"

    "Müştərilər pul əvəzinə tualet kağızı verirlər". Qalanews.com xəbər verir ki, bunu Almaniyada taksi sürücüləri deyiblər. Dünyanı sarsıdan koronavirus, ticarət qaydalarını da pozub. "Müştərilər, bizə 2 rulon tualet kağızı təklif edərək, təyin etdikləri yerə aparılmalarını istəyirlər" deyən Almaniyadakı taksi sürücüləri bunun ölkədə səyahət məhdudiyyəti tətbiq edildikdən sonra baş verdiyini bildiriblər. Ölkədə səyahətin məhdudlaşdırılması ilə qatar xidmətlərinin ləğvi, məktəblərin və iş yerlərinin bağlanması və qatar stansiyalarının zabitlərin iş sisteminə keçməsi həyatı iflic edib. Qeyd edək ki, Almaniyada 53 340 nəfərdə koronavirus aşkarlanıb, 399 nəfər həyatını itirib.

    Ətraflı   18:00     28-Mar-2020     2585
  • alternative title

    Əfqanıstanda iki bombalı hücumunda 6 nəfər həyatını itirdi

    Əfqanıstanda iki bombalı hücumunda 6 nəfər həyatını itirib. Qalanews.com xəbər verir ki, Əfqanıstanın Helmand və Nangarhar əyalətlərində iki ayrı bombalı hücumda altı nəfər ölüb. Mətbuata danışan Helmand valisinin sözçüsü Ömer Zuvak Helmandın Laşkargah şəhərində bir evdə qoyulan bombanın partlaması nəticəsində 4 uşağın öldüyünü söyləyib. Digər tərəfdən, Nangarhar Qubernatorluğunun sözçüsü Ataullah Hogyani Nangarharın Lalpur mahalındakı Serbend kəndində alim Mevlevi Şeydainin avtomobilinə yerləşdirilən bomba uzaqdan idarəetmə vasitəsi ilə partladıldığını qeyd edib. Hücumda Şeydainin və oğlunun öldüyünü ifadə edən Hogyani, 2 nəfərin yaralandığını deyib. Hələlik hər iki hücumla bağlı məsuliyyəti heç bir qruplaşma öz üzərinə götürməyib.

    Ətraflı   17:49     28-Mar-2020     1384
  • alternative title

    Ruhani : "Səhiyyə sistemimiz hazırlıqlıdır"

    "Səhiyyə sistemimiz tam hazırlıqlıdır". Qalanews.com xəbər verir ki, bunu İranın prezidenti Həsən Ruhani deyib. "Pandemiya bir neçə həftə davam edərsə və zirvəyə çatsa da, səhiyyə sistemimiz buna hazırdır" deyən dövlət başçısı Ruhani, həyatını itirənlərin sayının 2517-ə yüksəldiyini söyləyib. Həsən Ruhi koronavirusun ilk dəfə ölkədə ortaya çıxdığı 19 Fevraldan bəri virusla mübarizədə müvəffəq olduqlarını qeyd edib. Koronavirusla mübarizədə digər ölkələrdən yaxşı vəziyyətdə olduqlarına diqqət çəkən Ruhani, "Bəzi ölkələrdə olduğu kimi, yer olmadığı üçün xəstəxana dəhlizlərində xəstələrimiz yoxdur və ya ölənləri soyuducu ilə yük maşınlarında daşımırıq" deyib. Xatırladaq ki, ABŞ hökuməti koronavirusdan ölən şəxləri daşımaq üçün soyuducu maşınlar gətirildiyini açıqlamışdı.

    Ətraflı   15:51     28-Mar-2020     1400
  • alternative title

    Belçikada karantin qaydalarına nəzarət edən polislərdən diqqət çəkən addım - FOTO

    Belçikada koronavirusun yayılmasının qarşısının alınması məqsədilə həyata keçirilən tədbirlər çərçivəsində vətəndaşların ancaq zəruri ehtiyaclarını ödəmək üçün çölə çıxmaqlarına icazə verilib. Həmçinin, virusa görə məsafənin qorunması məcburi tələb olub. “HaberGlobal”ın məlumatına görə, ölkədə tətbiq olunan qaydaları pozan sakinlər cərimələnir. Maraqlıdır ki, polislər qanun pozanları müəyyən etmək üçün avtomobillərdən daha çox, atlardan istifadəyə üstünlük verirlər. Bununla bağlı görüntülər sosial şəbəkələrdə maraqla qarşılanıb. Qeyd edək ki, Belçikada koronavirusdan 7284 nəfər virusa yoluxub, 289 nəfər isə ölüb.

    Ətraflı   15:40     28-Mar-2020     1461
  • alternative title

    Ekspert: "Ukraynada ölənlərin sayı iki milyon ola bilər"

    Ukraynada koronavirusa yoluxma halları rəsmi statistikada göstəriləndən 10, hətta 100 dəfələrlə çoxdur. Bu barədə “Obozrevatel” nəşrinə müsahibəsində Ukraynanın keçmiş baş sanitar həkimi Svyatoslav Protas bildirib. “Virus həndəsi silsilə ilə yayılır. Yalnız qızılca və pnevmonik taun xəstəliyində daha yüksək yoluxuculuq var - əlaqədə olan 10 insanın hamısı yoluxur. Adi həyatda bir nəfər 5-30 nəfərlə əlaqə yaradır, koronavirusa nə qədər insanın yoluxa biləcəyini düşünün”, - deyə həkim bildirib. Onun sözlərinə görə, ölkənin səhiyyə sistemi ölüm hallarının artmasına hazır olmalıdır. Protas qeyd edib ki, koronavirusun xüsusi müalicəsi və ya profilaktikası yoxdur. Müvafiq immunitetin formalaşması üçün əhalinin çox hissəsi yoluxmalıdır: “Əgər biz Ukrayna üçün pik göstəricidən danışırıqsa, bu əhalinin 70 faizi ola bilər. Mütləq rəqəmlərlə desək, 20 milyondan çox”. Həkim bildirib ki, Çində 1500 nəfərlə bir epidemioloq işləyir, ukraynalı həmkarları isə 100 dəfə artıq, 150 min insana baxmalı olurlar. “Bu məntiqlə Ukrayna Çindəkindən 100 dəfə ağır nəticələrlə üzləşməlidir. Əgər 20 milyondan çox ukraynalı yoluxmalıdırsa, o zaman ölənlərin sayı iki milyon olacaq. Mən bunu insanlar arasında təşviş yaratmaq üçün demirəm. İnsanlar riski və məsuliyyəti düzgün başa düşməlidirlər”, - deyə həkim bildirib.

    Ətraflı   14:30     28-Mar-2020     1217
  • alternative title

    Zaxarova : "Biz küçəyə aslanları yox, ayıları buraxardıq"

    "Biz küçəyə aslanları yox, ayıları buraxardıq". Qalanews.com xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova, Rusiya lideri Vladimir Putinin insanların çıxmaması üçün küçələrdə aslanların sərbəst buraxılması iddialarına cavab verərkən deyib. Britaniyalı iş adamı Alan Suqarın bu açıqlama ilə bağlı sosial media hesabında böyük bir iddia qaldırması və bunun dünyanın demək olar ki, hər ölkəsində sərt qarşılanmasından sonra bu açıqlama Rusiya tərəfindən bir təkzib olub. Bu iddiaların qarşısını ala bilməyən Rusiya hökuməti rəsmi açıqlama verməli olub. Gündəmi dəyərləndirən Rusiya Xarici İşlər Nazirliyinin sözçüsü Mariya Zaxarova bu iddiaya yumorla yanaşaraq cavab verib: “Rusiyada sərbəst buraxılan şirlər və pələnglərin zarafatı həqiqətən gülməlidir. Əlbətdə ki, bu real olmayacaq, amma ənənəvi olaraq aslan və ya pələng deyil, ayıları buraxardıq. Ayılar daha təsirli olur ", deyə Nazirliyin sözçüsü qeyd edib.

    Ətraflı   12:57     28-Mar-2020     1730
  • alternative title

    Merkel və Tramp koronavirusu müzakirə ediblər

    Merkel və Tramp koronavirusun yayılmasını müzakirə ediblər. Qalanews.com xəbər verir ki, Almaniya kansleri Angela Merkel və ABŞ prezidenti Donald Tramp koronavirusa qarşı əməkdaşlığı müzakirə ediblər. Almaniya hökumətinin sözçüsü Steffen Seibertin yazılı açıqlamasında Angela Merkel və Donald Trampın telefon danışığındakı əsas məsələnin, koronavirus pandemiyasının yeni növünün dünya miqyasında təsirli olmasının və buna qarşı görüləcək işlər olduğu bildirilib. Açıqlamada Merkel və Trampın Əfqanıstandakı sülh danışıqları haqqında danışdıqları və Almaniya ilə ABŞ-ın Əfqanıstanda sülh və sabitliyin təmin edilməsi üçün birlikdə işləməyə davam etmələri mövzusunda razılığa gəldikləri qeyd edilib.

    Ətraflı   12:32     28-Mar-2020     1506
  • alternative title

    Venesuela generalı ABŞ-a təslim oldu

    Son iki ildir Kolumbiyada yaşayan və narkotiklərin qanunsuz dövriyyəsində ittiham olunan Venesuela Silahlı Qüvvələrinin istefada olan general-mayoru Kliver Alkala Kordones ABŞ-ın Narkotiklərlə Mübarizə İdarəsinə təslim olub. Bu barədə “Tiempo” qəzeti məlumat yayıb. Alkala Barrankilya şəhərində təslim olub və oradan Narkotiklərlə Mübarizə İdarəsinin təyyarəsi ilə ABŞ-a aparılıb. General ona qarşı bu cür ittihamların irəli sürülməsini təəccüblə qarşılayıb və hətta Nikolas Maduroya qarşı dövlət çevrilişi planlaşdırdığını da qeyd edib.

    Ətraflı   11:59     28-Mar-2020     1533
  • alternative title

    Türkiyədə nazir vəzifədən azad edildi

    Türkiyə prezidenti Rəcəb Tayyib Ərdoğan naziri işdən çıxarıb. Qalanews.com xəbər verir ki, Türkiyənin Nəqliyyat və infrastruktur naziri Məhmət Cahit Turhan vəzifəsindən azad edilib. Bu barədə Türkiyə Prezidenti Rəcəb Tayyib Ərdoğan müvafiq əmr imzalayıb. Prezident bu vəzifəyə Məhmət Cahit Turanın müavini Adil Karaismayıloğlunu təyin edib.

    Ətraflı   11:47     28-Mar-2020     2028
  • alternative title

    Koronavirusun episentrində metropolitenin işi bərpa edildi

    COVID-19 pandemiyasının episentri sayılan Çinin Uhan şəhərində metropolitenin fəaliyyəti bərpa edilib. Bu barədə Gazeta.ru “Jenmin Jibao” qəzetinə istinadən məlumat yayıb. Hazırda Uhanda metronun 184 stansiyasının işi bərpa edilib. Metro stansiyalarında vətəndaşların temperaturunu ölçmək üçün texnika da quraşdırılıb. Xatırladaq ki, ilk dəfə Çinin Uhan şəhərində ortaya çıxan koronavirus martın 11-də Ümumdünya Səhiyyə Təşkilatı (ÜST) tərəfindən pandemiya elan edilib.

    Ətraflı   11:41     28-Mar-2020     2069
  • alternative title

    Zukerberq və Qeyts pandemiya ilə mübarizəyə 25 milyon dollar ayıracaqlar

    “Facebook”un rəhbəri Mark Zukerberq və həyat yoldaşı Pristsilla Çan “Microsoft”un təsisçilərindən olan Bill Qeytsin xeyriyyə fondu ilə birlikdə koronavirusun müalicəsi üçün dərmanların tapılmasına 25 milyon dollar ayıracaqlar. Bu barədə Zukerberq və Çan CBS telekanalına müsahibəsində bildiriblər. “Bunu mümkün qədər tez başlamaq üçün biz Qeyts və başqaları ilə birlikdə 25 milyon dollar ayıracağıq”, - deyə Çan qeyd edib. Zukerberq isə əlavə edib ki, tapılan dərman bir neçə xəstəliyin müalicəsində istifadə oluna bilər. “Əslində təhlükəsiz hesab olunan mövcud preparatları götürərək, onların koronavirusa yoluxmanın qarşısını alıb-almadığını və ya simptomları nə dərəcədə yüngülləşdirdiyini yoxlamaq olar”, - deyə “Facebook”un rəhbəri bildirib.

    Ətraflı   10:59     28-Mar-2020     1019
  • alternative title

    Nigeriyada Boko Harama ağır zərbə: 100 terrorçu öldürüldü

    Nigeriyada Boko Harama ağır zərbə vurulub. Qalanews.com xəbər verir ki, Nigeriyanın şimal-şərqində, Qərbi Afrikada Boko Haram terror təşkilatına qarşı edilən əməliyyatlarda ən azı 100 terror üzvü öldürülüb. Hərbi Təlim və Əməliyyat İdarəsinin rəisi Enobong Okon Udoh, ordunun Borno əyalətindəki Boko Harama hücumu nəticəsində öldürülənlərlə yanaşı onlarla terrorçunun yaralandığını açıqlayıb. Udoh, terror təşkilatının 4 gün əvvəl orduya təşkil etdiyi hücumda 29 əsgərin öldüyünü və 61 əsgərin yaralandığını qeyd edib. Qeyd edək ki, 2009-cu ildən bəri Nigeriyada Boko Haram tərəfindən təşkil edilən kütləvi hücumlarda 20 mindən çox insan həyatını itirib. Terror təşkilatı 2015-ci ildən bəri ölkənin sərhəd qonşuları olan Kamerun, Çad və Nigerdə də hücumlar həyata keçirir. Təşkilatın Çad gölündəki hücumlarında ən azı 2 min adam ölüb.

    Ətraflı   10:57     28-Mar-2020     1488
  • alternative title

    Saçın rəngi ilə həyat müddəti arasında əlaqə aşkar edildi

    Kembric Universitetinin alimləri saçın rəngi ilə həyat müddəti arasındakı əlaqəni müəyyən ediblər. Tədqiqatın nəticələri “Nature Communications” jurnalında dərc edilib. Alimlər xeyli sayda insanın genomunu təhlil ediblər və qənaətə gəliblər ki, saçı tünd rəngdə olanlar daha az yaşayırlar. Ekspertlərin sözlərinə görə, bu, tünd saçlı insanlarda cinsi yetkinliyin (pubertat dövr) daha tez baş verməsi ilə əlaqədardır. Qeyd olunur ki, erkən pubertat dövr bəzi xəstəliklərin inkişaf riskini artırır. Məsələn, ürək-damar sistemi xəstəlikləri və ikinci tip diabet cinsi yetkinliyə erkən yaşda çatanlarda daha çox müşahidə olunur.

    Ətraflı   10:56     28-Mar-2020     1595
  • alternative title

    Türk Hava Yolları bütün beynəlxalq uçuşları dayandırdı

    Türk Hava Yolları (THY) bütün beynəlxalq uçuşları dayandırdı. Qalanews.com xəbər verir ki, bu barədə öz "Twitter" səhifəsində şirkətin baş direktoru Bilal Ekşi yazıb. B.Ekşi bildirib: "Koronavirusla mübarizə çərçivəsində bütün beynəlxalq uçuşlarımız dayandırılıb. Şənbə günü 23:59-dan etibarən daxili reyslər İstanbul və Ankaradan bəzi mərkəzi şəhərlərə uçuşlarla məhdudlaşacaq". Baş direktor əlavə edib ki, daxili reyslər İstanbul Hava Limanından və Ankara Esenboğa Hava limanından həyata keçiriləcək. Qeyd edək ki, Türkyədə 5 698 nəfər koronvirusa yoluxub, 92 nəfər həyatını itirib.

    Ətraflı   10:34     28-Mar-2020     1540
  • alternative title

    Makedoniya NATO-ya üzv oldu

    Şimali Makedoniya Şimali Atlantika Müqaviləsi Təşkilatına (NATO) qoşulan 30-cu ölkə oldu, bayrağı martın 30-da Alyansın Brüsseldəki mənzil qərargahının qarşısında qaldırılacaq. Qalanews.com xəbər verir ki, bu barədə ABŞ dövlət katibi Maykl Pompeo tərəfindən yayılmış yazılı açıqlamada deyilir. “27 Mart 2020-ci ildə ABŞ müqavilənin depozitarisi olaraq Şimali Makedoniya Respublikasının Şimali Atlantika Müqaviləsinə qoşulmasına dair sənəd alıb. Bu sənəd Şimali Makedoniyanı NATO-nun 30-cu müttəfiqi edib. Martın 30-da Şimali Makedoniya bayrağı NATO qərargahının qarşısında qaldırılacaq” - deyə, məlumatda qeyd olunub. Bildirilib ki, bayraq qaldırma mərasimi rəsmi şəxslərin iştirakı ilə keçiriləcək.

    Ətraflı   10:28     28-Mar-2020     622
  • alternative title

    Ərdoğan məmurlarla videokonfrans keçirdi

    Türkiyə Prezidenti Rəcəb Tayyib Ərdoğan dövlət rəsmiləri ilə videokonfrans keçirib. Qalanews.com xəbər verir ki, iclasa Türkiyə Prezidentinin sözçüsü İbrahim Kalın və Prezidenti Administrasiyasının İctimaiyyətlə əlaqələr şöbəsinin rəhbəri Fəxrəddin Altun da qatılıblar. Videokonfransda Ərdoğan koronavirusla bağlı ölkədəki son durumu müzakirə edib, zəruri tapşırıqlarını verib.

    Ətraflı   10:22     28-Mar-2020     647
  • alternative title

    8 ölkədə 50 Türkiyə vətəndaşı koronavirusdan öldü

    8 ölkədə 50 Türkiyə vətəndaşının koronavirusu ölüb. Qalanews.com xəbər verir ki, Türkiyə Xarici işlər nazirinin müavini Yavuz Səlim Kıran, bu günə qədər 8 ölkədə 50 Türkiyə vətəndaşının yeni növ koronavirus (Kovid-19) pandemiyasından öldüyünü bildirib. Kıran, "Təəssüf ki, sayı artır. Bu günə qədər 8 fərqli ölkədə virus səbəbiylə 50 vətəndaşımızı itirdik. Dünyanın fərqli ölkələrində də testləri müsbət olan nəticələrimiz var. Xaricdək vətəndaşlarımızın 151 test nəticəsi müsbət olub. Onların vəziyyətini də yaxından izləyirik ", deyə qeyd edib. Kıran Xarici işlər naziri Mevlüt Çavuşoğlunun köməyə ehtiyacı olan vətəndaşların vəziyyətləriylə şəxsən maraqlandığını, cənazələrin dəfnindən Türkiyəyə çatdırılmasına qədər hər prosesi yaxından təqib etdiyini bildirib.

    Ətraflı   18:26     27-Mar-2020     2083
  • alternative title

    Koronavirus tədbirləri görməyən yeganə ölkə - Belarusiya

    Dünyada koronavirus tədbirləri görməyən yeganə ölkə Belarusiyadır. Qalanews.com xəbər verir ki, dünya sürətlə yayılan koronavirus səbəbindən vahiməyə düşsə də, Belarusiya pandemiyaya qarşı heç bir tədbir görməməsi ilə diqqət çəkir. Prezident Aleksandr Lukaşenko virusua qarşı ölkə olaraq heç bir tədbir görməyəcəklərini söyləyərək, "Belə hadisələr olur. Ən əsası çaxnaşma yaratmamaqdır", deyə qeyd edib. Hadisə və itki sayının hər gün artmasına baxmayaraq, ölkələr antivirus tədbirlərini sərtləşdirməyə çalışırlar. Qeyd edək ki, bu günə qədər Belarusiyada 86 nəfər koronavirusa yoluxub.

    Ətraflı   18:00     27-Mar-2020     9607

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 18:36     28-Mar-2020     1286
  • alternative title 17:43     28-Mar-2020     2129
  • alternative title 17:34     28-Mar-2020     1869
  • alternative title 17:20     28-Mar-2020     1610
  • alternative title 17:14     28-Mar-2020     1227
image title here

Some title