Fotoğraf:
05 Dec 2021, 17:12
Myanmada polis avtomobillə nümayişçiləri vurub, ölənlər var
Myanmanın Yanqon şəhərində polisin avtomobili nümayişə qalxan kütlənin üzərinə sürməsi nəticəsində azı 5 nəfər həlak olub.
Qalanews xəbər verir ki, bu barədə "Myanmar Now" məlumat yayıb.
Məlumata görə, insident nəticəsində onlarla insan yaralanıb. Azı 15 etirazçı həbs edilib.
Qeyd edək ki, 2021-ci il fevralın 1-də Myanma ordusu bir illik fövqəladə vəziyyət elan edib və ölkə rəhbərliyinin, o cümlədən prezident Vin Myin istefasını elan edib. Fevralın əvvəlindən ölkədə mülki hökumətin yerdəyişməsinə qarşı etirazlar davam edir.
