Fotoğraf:
09 Jun 2023, 15:29
Slovakiyada parlament seçkilərinin vaxtı rəsmi olaraq açıqlanıb
Slovakiyada növbədənkənar parlament seçkilərinin tarixi rəsmi olaraq 30 sentyabra təyin edilib.
Qalanews xəbər verir ki, bu barədə ölkə parlamentinin mətbuat xidməti məlumat yayıb.
"Parlamentə seçkilər şənbə günü, 30 sentyabrda keçiriləcək. Bu rəsmi qərarı bu gün palamentin spikeri Boris Kollar verib", - məlumatda deyilir.
Qeyd edək ki, Slovakiyada seçki tarixinin qanuni məcəllədə dərc edildiyi gün seçki kampaniyası rəsmən açıq elan edilir.
Seçkiqabağı kampaniya seçki gününə 48 saat qalmış bitməlidir və iştirak etmək istəyən partiyalar kampaniyaya 3 milyon avroya qədər vəsait xərcləyə bilərlər.
