QALA NEWS

07 İyun Çərşənbə

Bakı 20˚

SİYASƏT
ÖLKƏ
SOSİAL
HADİSƏ
İDMAN
MƏDƏNİYYƏT
MARAQLI
MUSAHİBƏ
ŞOU-BİZNES
Covid-19
DÜNYADA
HƏRBİ
İQTİSADİYYAT


MƏDƏNİYYƏT





MƏDƏNİYYƏT
31 May 2023
Harvard və Oksford universitetlərinin professorları niyə Bakıda bir araya gəldilər?
27 may tarixində Bakımız, Azərbaycan səhiyyəsindəki inkişafı dünyaya tanıtmaqda önəmli rol oynayan beynəlxalq tədbirə ev sahibliyi etdi. Ulu Öndər Heydər Əliyevin 100 illik Yubileyinə Həsr Olunmuş, 6-cı Beynəlxalq, 2-Xəzəryanı Dövlətlərin, 4-cü Türk dilli Xalqların Bariatrik Cərrahiyyə və Metabolik Xəstəliklər Konqresi, 52-ci Beynəlxalq Bariatrik Klub Simpoziumunda 90-a yaxın xarici və yerli professorların, elm xadimlərinin çıxışları, 500-ə yaxın həkim və rezidentlərin iştirakı ilə yüksək səviyyədə təşkilatçılığı ilə fərqlənən Konqres oldu. Dünya şöhrətli Harvard, Oxford, Cərrahpaşa və digər universitetlərin bariatrik metabolik cərrahiyyə üzrə bölüm rəhbərləri, İFSO, İBC prezidentləri, 12 beynəlxalq dərnəkdən, 12 ölkədən konqresə təşrif buyuran elm xadimləri tədbirin nə qədər əhəmiyyətli olduğunu göstərən faktorlardandır. Önəmli məqamlardan biri də, konqresin beynəlxalq qurumlar olan İFSO(Beynəlxalq Bariatrik Federasiya), İBC(Beynəlxalq Bariatrik Klub Simpoziumu) və GLR(Qlobal Laporoskopik & Robotik) tərəfindən təsdiq olunması idi. Həmçinin Konqres Azərbaycan Səhiyyə Nazirliyi tərəfindən 17 DTT balı ilə akkreditasiya olunmuşdur. Konqresin milli sədri olan, Beynəlxalq Bariatrik Federasiyasının ölkəmizdəki tək rəsmi üzvü, Bariatriya sahəsində beynəlxalq elmi jurnallarda məqalələri dərc olunan, ABMCA(Azərbaycan Bariatrik Metabolik Cərrahiyyə Asossasiyası) sədri olan T.ü.f.(Tibb üzrə fəlsəfə) Dr. Taryel Ömərov tədbir haqqında qısa məlumat verib: “Ulu Öndərimizin 100 illiyinə Həsr olunmuş beynəlxalq konqresə ev sahibliyi etmək bizlər üçün çox böyük məsuliyyət, eyni zamanda qürürdur. Böyük fəxr hissi ilə qeyd edə bilərik ki, artıq Azərbaycanda da beynəlxalq aləmdə təsdiqlənmiş tibbi elmi konqreslər, tədbirlər yüksək səviyyədə təşkil edilir. Bu eyni zamanda, Cənab Prezident İlham Əliyevin tibb sahəsinə göstərdiyi yüksək qayğının nəticəsidir ki, beynəlxalq tibb aləminə Azərbaycanda icra etdiyimiz cərrahi və qeyri cərrahi müalicə metodikalarının uğurlu nəticələrini xarici qonaqlarımızla paylaşaraq təcrübə mübadiləsi edirik. Xarici mütəxəssislər bu metodikalarla yaxından maraqlanaraq təqdirlə qarşılayır və səhiyyəmizdəki inkişafı müsbət mənada təəccüb ilə qarşılayırlar.” Konqresin beynəlxalq sədrlərindən olan İFSO(Beynəlxalq Bariatrik Federasiyasının) prezidenti, Amerikanın tanınmış Harvard Universitetinin fəxri elmi məruzəçisi Professor Skott Şikora da öz təəssüratlarını paylaşıb: “İlk dəfədir Azərbaycanda bir tibbi elmi konqresdə iştirak edirəm. Təəssüratlarım çox yüksəkdir, istər Bakı, istərsə də konqress haqqında. Əlbət ki, beynəlxalq elmi konqreslərin təşkil olunması asan iş deyil, ama əminliklə demək olar ki, dostumuz Dr.Taryel Ömərov və komandası bunun öhdəsindən çox gözəl gəliblər. Bariatrik cərrahiyyənin beynəlxalq protokollara uygun tətbiq edilməsi və pasiyentlərə daha çox faydalı ola bilmək üçün bu silsilədən olan konqreslər, tədbirlərin əhəmiyyəti əvəzedilməzdir.” Son olaraq, konqres haqqında digər beynəlxalq sədr olan, TOSS(Türkiyə Bariatrik Cərrahiyyəsi Dərnəyi) prezidenti, Professor Mustafa Taşkın öz fikirlərini söyləyib: “Can Azərbaycan mənim üçün hər anlamda doğma vətəndir. Buraları çox sevirik və qardaşımız Dr. Taryel Ömərovun təşkil etdiyi bütün beynəlxalq tədbirlərdə oğlum Dr. Halit Eren Taşkınla sevərək və böyük qürurla iştirak edirik. Hər gəlişimizdə istər tibb, istər digər sahələrdə olan inkişaflara gözlərimizlə şahid olmamız isə bizi xoşbəxt edir. Günümüzün qlobal xəstəliklərindən hesab edilən piylənməyə qarşı mübarizədə uğurlu təcrübələri həm paylaşmaq, həm də digər çıxışçılardan dinləmək isə bizlərdə gələcəyimizə dair ümid yaradır. Unutmayaq ki, bütün bu xidmətlər həm Azərbaycan, həm dünya insanına faydalı olmaq üçündür.” Son olaraq qeyd edək ki, konqres Modern Hospitalın təşkilati dəstəyi ilə həyata keçirilmişdir.

MƏDƏNİYYƏT
31 May 2023
UNEC Tədqiqat Fondu - Azərbaycanın ekspert bazasının inkişafı üçün “Helios” müsabiqəsi elan edib
UNEC Tədqiqat Fondu bu ilin may ayının 25-dən “Helios” intellektual-analitik müsabiqəsində iştirak üçün qeydiyyat ərizələrinin qəbuluna start verib. “Qalanews”un məlumatına görə, müsabiqənin məqsədi beynəlxalq münasibətlər, beynəlxalq iqtisadiyyat, dünya və regional siyasət sahələri ilə maraqlanan şəxsləri dəstəkləmək və onları istiqamətləndirməkdir. Müsabiqə seminarlar vasitəsilə aparılacaq. Müsabiqənin gedişatı ərzində keçirilməsi planlaşdırılan seminar və məsləhətləşmələrin təşkili məqsədi ilə müvafiq sahələrdə uzun illər təcrübəsi olan, xüsusi dəvət olunmuş ekspertlər layihəyə cəlb olunacaq. Müsabiqə iştirakçıya müasir politologiya və iqtisadiyyatda geniş müzakirə olunan aktual məsələlərin və problemlərin üzə çıxarılmasında yeni təcrübə qazanmaq, analitik materialların hazırlanması və tərtibi sahəsində biliklər əldə etmək imkanı verəcək. Mükafat fondu 1000 AZN təşkil edir. Qaliblər - 3 ən uğurlu işlərin müəlliflərin hər biri 1000 AZN qazanacaq. Müsabiqənin qaydalarına əsasən iştirakçılar yalnız Azərbaycan vətəndaşı olmalıdır. Yaş məhdudiyyəti 20 – 35 arası təyin edilib. Namizədlərə aid tələblər aşağıdakılardır: 1. www.unectf.org/helios saytına daxil olaraq, göstərilən mövzulardan birini və ya ikisini seçərək və 15 iyun 2023-ci il , Bakı vaxtı ilə saat 18:00-a qədər müsabiqə üçün qeydiyyatdan keçərək iştirakınızı təsdiqləmək 2.Müsabiqənin işçi dilləri: Azərbaycan, Rus və yaxud İngilis. Mövzular: 1. Xəzər hövzəsinin enerji ehtiyatları və qlobal və regional aktorların geosiyasi maraqları. 2. Enerji və nəqliyyat sahələrində Azərbaycanın türkdilli dövlətlərlə münasibətlərinin geosiyasi aspektləri. 3. Müasir geosiyasi çağırışlar və Azərbaycanın milli maraqları. 4. Beynəlxalq arenada Azərbaycanın “yumşaq güc” (soft power) potensialı. 5. Ermənistan – Azərbaycan münaqişəsi və Cənubi Qafqazın təhlükəsizliyinə mümkün təsirləri. 6. Cənubi Qafqazda münaqişələr və böyük dövlətlərin maraqlarının səbəbləri. 7. Cənubi Qafqazın təhlükəsizlik problemləri: risklər və perspektivlər. 8. Müasir diplomatiyada media təsir aləti kimi. 9. Azərbaycan – Türkiyə strateji əməkdaşlığı Cənubi Qafqazda stabilləşdirici amil kimi. 10. Qlobal ekoloji siyasət və istehlakın yeni standartları (Davos Forumu kontekstində). 11. 3+3 əməkdaşlıq platformasının perspektivi və Cənubi Qafqaz regionunda mümkün geosiyasi təsirləri.





MƏDƏNİYYƏT
24 May 2023
Yunanıstan məhkəməsi “Esena Mono” mahnısının müəllifliyi ilə bağlı Eldar Mansurovun xeyrinə qərar verib
Yunanıstanda “Esena Mono” mahnısının musiqisinin müəllifliyi ilə bağlı 11 il davam etmiş məhkəmə işi yekunlaşıb. Qalanews xəbər verir ki, Yunanıstan Ali Məhkəməsi yekun qərarı ilə “Esena Mono” vasitəsilə Azərbaycan Respublikasının Xalq artisti Eldar Mansurovun “Bayatılar” mahnısının musiqisi üzərindəki müəlliflik hüquqlarının pozulmasını tanıyıb. Bəstəkar Eldar Mansurov “Bayatılar” mahnısının musiqisini 1988-ci ildə bəstələmiş və həmin musiqi əsəri üzərində bütün şəxsi və iqtisadi müəlliflik hüquqlarına malik yeganə şəxsdir. “Bayatılar” ilk dəfə 1989-cu ildə Brilliant Dadaşovanın ifasında audiovisual formatda lentə alınmış və həmin lent yazısının Azərbaycan Televiziyasının efirində kütləvi nümayiş zamanı kütləvi ifa edilib. 1990-cı ildə Brilliant Dadaşovanın ifasında “Bayatılar” “Melodiya” şirkəti tərəfindən vala yazılaraq, geniş tirajla yayılıb. 2008-ci ildə Eldar Mansurov musiqisi yunan bəstəkara aid olduğu iddia edilən və “Bayatılar”ın musiqisini təkrarlayan “Esena Mono” mahnısı barədə məlumat əldə edib. Eldar Mansurov “Esena Mono”nun musiqisinin “Bayatılar”ın musiqisinin surəti olduğu və bu səbəbdən plagiat olduğunu, onun müəlliflik hüquqlarını pozduğunu “Esena Mono”nun müəllifi kimi qeyd edilən yunan bəstəkar Dimitris Kontopulosa və əsərin yayımını həyata keçirən “Sony Music Entertainment Hellas AE” şirkətinə məhkəməyəqədər iddia qaydasında bildirib və bu səbəbdən onlardan dərhal “Esena Mono”nun qanunsuz yayılmasını və “Bayatılar”dan digər şəkildə qanunsuz istifadəni dayandırmağı tələb edib. İddiaya cavab olaraq cənab Kontopulos bu məlumatın doğru olmadığını və “Esena Mono”nun musiqisinin orijinal olduğunu və onun tərəfindən bəstələndiyini bildirib. 2011-ci ildə, hüquqi hazırlıqlardan sonra, Eldar Mansurov öz hüquqlarını müdafiə etmək məqsədilə Afina Çoxtərkibli Birinci İnstansiya Məhkəməsinə cavabdehlər Dimitris Kontopulos və “Sony Music Entertainment Hellas AE” şirkətinə qarşı müəlliflik hüquqlarının pozulması ilə bağlı iddia ilə müraciət edib. Həmin iddia ilə bağlı iş 11 il davam edib. Bu müddət ərzində işə Yunanıstanın hər 3 məhkəmə instansiyasında baxılıb. 2018-ci ildə birinci instansiya məhkəməsi Eldar Mansurovun iddiasını təmin edərək, onun müəlliflik hüququnun pozulması faktını tanımış və hər iki cavabdeh tərəfindən ona vurulmuş maddi və mənəvi zərərin əvəzinin ödənilməsini qət edib. Cavabdehlər qərardan Afina Apellyasiya Məhkəməsinə apellyasiya şikayəti veriblər, lakin 2020-ci ildə apellyasiya məhkəməsi də birinci instansiya məhkəməsinin qərarını dəstəkləyərək, Eldar Mansurovun hüquqlarının pozulmasını tanınıb. Bundan sonra “Sony Music Entertainment Hellas AE” şirkəti apellyasiya məhkəməsinin qərarını tanımış və icra etmiş, cavabdeh Dimitris Kontopulos isə Yunanıstan Ali Məhkəməsinə kasasiya şikayəti verib. Nəhayət, Yunanıstan Ali Məhkəməsi də 2022-ci ildə məhkəmə baxışı zamanı şifahi qaydada bəyan etdiyi və 2023-cü ildə tərəflərə yazılı şəkildə təqdim etdiyi qərarı ilə birinci instansiya məhkəməsinin qərarını qüvvədə saxlamış və cavabdeh Kontopulosun şikayətini tamamilə rədd edib. Yunanıstan Ali Məhkəməsi qərarında qeyd edib ki, “Esena Mono” “Bayatılar”ın adaptasiya şəklində yenidən işlənməsini, bütövlükdə “Bayatılar”ın orijinal kompozisiyasının tərkib hissəsini, “Bayatılar”ın melodik məzmununun cüzi dəyişdirilməsini (yenidən qurulmasını) təşkil edir; “Esena Mono”nun musiqisinin “Bayatılar”ın musiqisi ilə oxşarlığı 50 faizdən çox təşkil edib. Qeyd olunanlara görə, “Esena Mono” əsəri cənab Mansurovun “Bayatılar”ın musiqisi üzərində olan müstəsna və özgəninkiləşdirilməz şəxsi müəlliflik hüquqlarını pozmuş, habelə “Esena Mono”nun cənab Mansurovun razılığı olmadan yayılması onun müstəsna hüquqlarını pozmaqla yanaşı, onu öz əqli mülkiyyəti ilə bağlı iqtisadi hüquqlarını həyata keçirmək imkanından da məhrum edib. Bu səbəbdən Yunanıstan Ali Məhkəməsi cənab Kontopulosun bundan sonra “Esena Mono” adlı musiqi əsərinin və ya “Bayatılar”ın musiqisinin hər hansı bir hissəsindən, yaxud onun dəyişdirilməsindən ibarət hər hansı digər əsərin bəstəkarı kimi çıxış etməyi qadağan edib. Hazırkı mübahisə ilə bağlı Eldar Mansurovun maraqlarını Azərbaycan Respublikasının Vəkillər Kollegiyasının üzvü Nazlı Əhmədova, Yunanıstanın “HP&P Dr. Helen G. Papaconstantinou & Partners” hüquq firması (vəkillər Kardiopulis, Qusios və Kurkutas) və professor Maykl Parossis təmsil edib.




MƏDƏNİYYƏT
19 May 2023
MİQ-ə elektron sənəd qəbulu başlayır
Mayın 22-də 2023-2024-cü tədris ili üçün dövlət ümumi təhsil müəssisələrinə müəllimlərin işə qəbulu üzrə müsabiqənin elektron sənəd qəbulu mərhələsinə start veriləcək. Bu barədə "Qalanews"a Elm və Təhsil Nazirliyindən məlumat verilib. Bildirilib ki, elektron sənəd qəbulu mərhələsi 22-30 may tarixlərini əhatə edəcək. Müsabiqədə iştirak etmək istəyən namizədlər 22 may saat 11:00-dan etibarən 30 may saat 11:00-dək www.miq.edu.az linkinə daxil olaraq qeydiyyatdan keçə bilərlər. Müəllimlərin işə qəbulu üzrə müsabiqədə orta ixtisas və ali təhsil müəssisələrini pedaqoji ixtisaslar üzrə bitirmiş, dövlət nümunəli təhsil sənədi almış və ya xarici ölkədə aldığı ali təhsil haqqında sənədi tanınmış Azərbaycan Respublikasının vətəndaşları və ya Azərbaycan Respublikasında daimi yaşamaq üçün icazə verilmiş şəxslər iştirak edə bilərlər. Hazırda dövlət ümumi təhsil müəssisəsində müddətsiz əsaslarla çalışan müəllimlər də təyin olunduğu müəssisədə 3 ildən artıq fəaliyyət göstərdikləri halda müsabiqədə iştirak etmək hüququna sahibdirlər. Müsabiqənin vakansiya seçimi mərhələsində ilk növbədə şəhid ailəsinin üzvləri iştirak edəcəklər. Eyni zamanda müsabiqədə həvəsləndirmə tədbirlərinin tətbiq edildiyi ümumi təhsil müəssisələrində 3-5 il ərzində fasiləsiz olaraq işləyən müəllimlərin imtahan nəticəsi 1,05, 5 il və daha artıq müddətdə fasiləsiz işləyən müəllimlərin imtahan nəticəsi isə 1,1 artım əmsalı ilə hesablanacaq. Qeyd edək ki, müsabiqə elektron ərizələrin yoxlanılması, test imtahanı, vakant yerlərin seçilməsi və müsahibə mərhələlərini əhatə edəcək.