QALA NEWS

31 Yanvar Çərşənbə axşamı

Bakı 6˚

SİYASƏT
ÖLKƏ
SOSİAL
HADİSƏ
İDMAN
MƏDƏNİYYƏT
MARAQLI
MUSAHİBƏ
ŞOU-BİZNES
Covid-19
DÜNYADA
HƏRBİ
İQTİSADİYYAT


MUSAHİBƏ



MUSAHİBƏ
11 Jan 2023

“Aşk-ı Memnu” ekranlara qayıdır: Bu dəfə fərqli formada

MUSAHİBƏ
01 Dec 2022

Toksikoloq: “Zəhərlənən şəxsə qatıq verməyi məsləhət görmürük”

MUSAHİBƏ
15 Nov 2022

Mustafa Abbasbəyli: "Hər il Azərbaycanın əmək bazarına 100-120 min gənc daxil olur”

MUSAHİBƏ
03 Nov 2022

Andrey Karaulovun Rusiyadan çıxışı məhdudlaşdırılıb - YENİLƏNİB

MUSAHİBƏ
03 Nov 2022

Anar: “Yazıçılar Birliyi mənim balamdır” - MÜSAHİBƏ

MUSAHİBƏ
03 Nov 2022

"Neftçi"nin legioneri: "Hər mövsüm komandada xeyli dəyişiklik olur"



MUSAHİBƏ
03 Nov 2022
“Bəzi ölkələrdə neft gəlirlərindən əhaliyə yardımlar edilir”
“Dövlət büdcəsində qeyd olunur ki, 21-ci əsr tələblərinə uyğun təhsil sistemi təmin olunacaq. Necə nail olunacaq? Kim bunu təmin edəcək?” QalaNews.com xəbər verir ki, bunu Milli Məclisin İqtisadi siyasət, sənaye və sahibkarlıq komitəsində “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı deputat Tahir Kərimli bildirib. “Qeyd olunur ki, 2021-ci ilin iyulun 1-nə qədər Azərbaycanda məşğul olan əhalinin sayı 5 milyon 334 min nəfərdir. Bunun da 1 milyon 720 mini dövlət və qeyri-dövlət sektorunda işləyir. Biz bilirik ki, 30 min insan neft sektorunda adam işləyir. Əvvəl bu rəqəm 80 min idi. Mənə deyin görüm, 3.6 milyon insan haradadır? Neynəyir? Nə işlə məşğul olur?”, - deyə millət vəkili sual edib. Deputat bildirib ki, hər dəfə büdcəyə kənd təsərrüfatının quyruğunda balıqçılıq fəaliyyətinin adı çəkilir: “Amma ölkədə balıqçılıq yoxdur. Bizim quru ərazimiz boyda Xəzər ərazimiz, çaylarımız var. Bunu kimi izah edəcək?” Tahir Kərimli neftdən gələn gəlirlərdən xalqa kömək olmamasını bildirib: “İnflyasiya part-part, arta-arta gedir. Bəzi ölkələrdə neftdən gələn gəlirlərdən əhaliyə birdəfəlik yardımlar edilir. Amma bizdə niyə edilmir?! İnternet qiymətləri artır, telefon qiymətləri artır, qiymətlər artır”.

MUSAHİBƏ
03 Nov 2022
Aleksey Kuleba: “Biz qələbəyə köklənmişik, başqa fikrimiz yoxdur” - MÜSAHİBƏ
Rusiyanın Ukraynaya qarşı müharibəsi dünya siyasətinin gündəmində əsas məsələ olaraq qalmaqda davam edir. Kiyev Vilayət Dövlət Administrasiyasının rəhbəri Aleksey Kuleba “Report”un Şərqi Avropa Bürosuna müsahibəsində Ukraynada baş verən son hadisələr, Kiyev vilayətindəki vəziyyət, son hücumlar zamanı ciddi ziyan dəymiş energetika infrastrukturunun durumu barədə məlumat verib. - Oktyabrdakı nisbi sakitlikdən sonra Rusiya Ukrayna paytaxtına və ölkənin digər şəhərlərinə kütləvi hava hücumlarını bərpa edib. Bu aviazərbələr nəticəsində şəhər və vilayət infrastrukturuna nə qədər ziyan dəyib, maddi ziyan nə qədərdir? Yenə insan tələfatı olubmu? - Oktyabrın 10-11-də və 17-18-də havadan və Rusiya ərazisindən vilayətin mühüm infrastruktur obyektlərinə və yaşayış məntəqələrinə raket zərbələri endirilməsi davam etdirilib. Təəssüf ki, itkilər də olub – 1 nəfər ölüb, 10 nəfər yaralanıb və onların hamısı hərbi əməliyyatlarla heç bir əlaqəsi olmayan mülki şəxslərdir. Yaşayış infrastrukturunun dağıdılmasına gəlincə, 60 evə, əsasən də özəl sektora ziyan vurulub, onlardan 8-i tamamilə dağıdılıb. İnsanlar üçün bu, yeganə mənzil idi, indi onların qışı harada keçirəcəklərini tapmaq üçün çalışırıq. Çünki qarşıda bizi ən çətin dövr - qış dövrü gözləyir. Digər məsələlərlə yanaşı, onu da qeyd etmək lazımdır ki, Rusiya ordusu kritik infrastruktur obyektlərimizi atəşə tutmağa davam edir, məqsəd bütün dünyaya aydındır. İndi elə vaxtdır ki, hər kəs baş verənləri görə və müşahidə edə bilər. Heç kimə sirr deyil ki, Rusiya ordusu bizi işıqsız, müvafiq olaraq susuz və istiliksiz qoymaq üçün enerji sistemimizi məhv etməyə başlayıb. Bu üsullarla bizi məhv etmək yolunu seçmək tamamilə qeyri-insanidir. Buna baxmayaraq, demək istəyirəm ki, qısa zamanda bərpa oluna biləcək bütün infrastruktur bərpa olunub və hazırda daha çox vaxt tələb edən obyektlərdə təmir işləri davam etdirilir. Təəssüf ki, bu, bütün Ukrayna ərazisində elektrik enerjisinin verilməsində kəsilmələrin olmasına səbəb olub. İndi biz enerji sistemini tarazlaşdırmaq üçün planlar və cədvəllər hazırlayırıq ki, insanlar kifayət qədər ciddi çətinlikləri nəzərə alaraq günlərini başa düşə və planlaşdıra bilsinlər. Bütün bunlar bir daha təsdiqləyir ki, Rusiya Silahlı Qüvvələrinin məqsədi danışdıqları informasiya tezisləri deyil, tamam başqa şeydir. Onlar bizi dövlət olaraq, xalq olaraq məhv etmək istəyirlər, amma işığımızın olub-olmamasından asılı olmayaraq, bunu bacarmayacaqlar. Onları məhv etməyə və torpaqlarımızdan qovmağa davam edəcəyik. - Hamı bilir ki, bu zərbələrin əsas hədəfi mülki obyektlər, o cümlədən enerji obyektləridir. Vilayətdə nə qədər belə obyektə ziyan dəyib? Vilayətdə elektrik enerjisinin verilişində yaranmış kəsintilərin mövcud vəziyyətinin aradan qaldırılması üçün hansı operativ addımlar atılır? Hazırda əsasən istiliklə bağlı qışa hansı hazırlıq işləri görülür? - Mühüm əhəmiyyət kəsb edən infrastruktura – enerji obyektlərinə gəlincə, bununla bağlı dəqiq rəqəm deməyəcəyəm, amma bir neçə enerji obyektinə qarşı ciddi hücumlar həyata keçirilib. Dağıntılar var. Üstəlik, bu obyektlər arasında ciddi ziyan dəymişləri də var və onların təmir edilməsi uzun müddət, məsələn 1 il sərf oluna bilər. Tez bir zamanda, operativ şəkildə lazım olan addımlar atılıb. Yəni ortamüddətli dövr – 1 ay üçün lazım olan hər şey edilib. Bu işlər ya icra edilib, ya da planlı şəkildə noyabrın ortalarına qədər həyata keçiriləcək. Qeyd etmək istərdim ki, bu işdə əməyi keçən bütün energetiklər, hər bir kəs qəhrəmandır, çünki onlar hava həyəcanı siqnalına, yeni atəş risklərinə baxmayaraq, istehlakçıların, əhalinin elektrik enerjisi ilə təmin olunması üçün çalışıblar. İsitmə mövsümünə və bu qış bizi gözləyən çağırışlara gəlincə, həqiqətən də bizi böyük çağırışlar gözləyir. İsitmə mövsümünün bizim üçün böyük çağırış olduğunu anlayırıq. Hərbi risklər, Rusiya ordusunun qeyri-adekvat hərəkətləri – onlar mühün əhəmiyyət kəsb edən infrastrukturumuzu məhv edir – səbəbindən bizim üçün qış mövsümü çətin keçə bilər və insanlar istilikdən və elektrik enerjisindən məhrum ola bilər. Amma biz buna hazırlaşırıq. Qış mövsümünü keçə bilməyimiz üçün planlarımız var. Bizim üçün ən başlıca hədəf hər bir vətəndaşımızın həyatını qorumaqdır. Məsələn, Kiyev vilayətində 720 isitmə məntəqəsi qururuq. Buraya əsasən müəyyən sayda - 50-dən 300-ə qədər insanın yerləşə biləcəyi böyük inzibati binalar daxildir. Bu isitmə məntəqələrinin, inzibati binaların avtonom olması üçün işlər görürük. Bu avtonomluq 24 saatdan çox müddətə dözümlü olmalıdır. İndi bunun 72 saata və daha uzun müddətə qədər artırılması üzərində çalışırıq. Bu isitmə məntəqələrində lazımi isti əşyalar, qida ehtiyatı, su və təbii ki, rabitə vasitəsi olacaq. Çünki indi üzləşdiyimiz əsas problemlərdən biri odur ki, elektrik enerjisinin kəsildiyi ərazilərdə müəyyən müddətdən sonra rabitə ilə bağlı da problemlər yaranır. - Bu dəfə hücumlarda İranın kamikadze-dronlarından istifadə edilir. Bu dronlara qarşı hansı tədbirlər görülür? İranın Ukraynaya qarşı təcavüzdə belə iştirakına cavab necə olmalıdır? - Təəssüf ki, İran Ukraynaya qarşı istifadə edilən silahları Rusiyaya verməklə özünü Rusiyanın hərbi cinayətləri ilə eyni pilləyə qoydu. Məncə, bu cür hərbi cinayətlər törədən ölkələrin - Rusiya, Belarus, və yeni qoşulan İranın rəhbərləri cəzalandırılmalıdır. Niyə Rusiya son 30 ildə qonşu ölkələrə - müstəqil dövlətlərə qarşı Çeçenistanda, Qafqazda və digər respublikalarda təcavüzkar hərəkətləri davam etdirir? Çünki bu 30 il ərzində o, heç bir siyasi və hərbi məsuliyyət daşımayıb. İndi də eyni şey Ukraynaya gəlib çatıb. Bu, tam cəzasızlıqdan xəbər verir. Dünya ictimaiyyəti buna yol verənləri məsuliyyətə cəlb etmək üçün bir yol tapmalıdır. Ukrayna ərazisindəki İranın pilotsuz uçuş aparatlarına gəlincə, bu gün deyə bilərik ki, onlarla necə davranacağımızı aydın başa düşürük. Son hücumlar göstərdi ki, biz bu hava hədəflərinin ya 95, ya da 100 faizini vururuq. Bütün bunlar ona görədir ki, biz Kiyevə və Kiyev vilayətinə edilən ilk hücumlardan sonra adaptasiya olunmuşuq və indi bu hücumların mahiyyətini daha yaxşı başa düşürük. Hava hücumundan müdafiə qoşunlarımız 24/7 rejimdə daimi nəzarət həyata keçirir, potensial təhlükələri qiymətləndirir. Bu, bizə lazım olan yerlərdə əlavə müdafiə qüvvələri yaratmağa imkan verir. Əminəm ki, biz bundan sonra da səylərimizi artıracağıq və düşmənə nə İranın PUA-larının, nə də başqa silahların onlara kömək etməyəcəyini göstərəcəyik. - Ümumiyyətlə, müharibənin ilk günləri ilə müqayisə aparsaq, Kiyevin hava hücumundan müdafiəsi nə dərəcədə yaxşı təşkil olunub? Ukraynaya yeni hava hücumundan müdafiə sistemləri verilirmi? - Konkret rəqəm deməyəcəyəm, çünki bütün bunlar ona gətirib çıxarır ki, informasiya mənbələrdən, xüsusən də rəsmi mənbələrdən götürülür, müqayisə edilir və bizə qarşı istifadə olunur. Son hücumda Kiyev vilayəti ərazisində aşkar etdiyimiz hədəflər dəf edilib. Artıq bununla bağlı zarafatımız da var. Orada deyilir ki, müharibənin ilk günlərindəki şəhəri təcili tərk etmək, ərzaq ehtiyatı yığmaq və s. ilə bağlı elanlar artıq “Kiyevin hörmətli sakinləri, xahiş edirik ki, evdə olarkən avtomat silahlardan pilotsuz uçuş aparatlarını vurmayın” ilə əvəz olunub. Həyatımız beləcə dəyişib. Müharibənin ilk günlərində insanlar qorxurdularsa, özlərinin və ölkəmizin taleyinin necə cərəyan edəcəyini bilmirdilərsə, indi heç bir qorxu yoxdur, insanlar uyğunlaşıb və qələbəyə qədər dayanmağa hazırdırlar. Başqa fikrimiz də yoxdur, hamımız qələbəyə köklənmişik. - Hazırda Ukraynaya şimaldan, Kiyev istiqamətində, Belarusdan hücumların mümkünlüyü müzakirə olunur. Bu nə dərəcədə realdır? - Biz Belarusun müstəqil dövlət olduğunu düşünürdük, amma təəssüf ki, fevralın 24-də bu müstəqil ölkənin artıq olmadığını gördük. Onlar öz ərazilərini istifadə üçün tamamilə Rusiya ordusunun ixtiyarına veriblər. Belarus ərazisindən Kiyev vilayətinə böyük hərbi birləşmə daxil olub. Belə bir qonşumuz olduğu üçün buna hazır olmalıyıq. Bununla əlaqədar, aprel ayında hücumu dəf edib Kiyev vilayətinin ərazisini azad etdikdən dərhal sonra sərhədlərin möhkəmləndirilməsinə keçdik. Bu iş hər gün davam edir. Ərazi sərhədlərimizi elə möhkəmləndirəcəyik ki, düşmən sərhəddən uzağa, Kiyev vilayətinin dərinliklərinə və bununla da Kiyev şəhərinə gedə bilməsin. - Müharibənin ilk günlərində Kiyev vilayətini çox adam tərk etdi. Kifayət qədər vaxt keçib. Nə qədər adamın geri qayıtması barədə məlumatınız varmı? - Deyə bilərik ki, pik dövrlərdə 1 milyona yaxın insanın Kiyev vilayətini tərk etməsini qeydə almışıq. Müharibədən əvvəl vilayətin təxmini əhalisi 2,5 milyon nəfər idi. İndi həmin 1,5 milyonun 50%-i geri qayıdıb. Hadisələrin necə inkişaf edəcəyindən asılı olaraq, bəlkə də insanlar gedəcəklər. Bu, əsasən belə şəraitdə yaşamaqda çətinlik çəkən qadınlara və uşaqlara aiddir. Hadisələrin belə inkişafı mümkündür, bunu başa düşürük. Amma ötən ay biz əksinə, kifayət qədər güclü axının şahidi olduq. İnsanlar ya xaricdən, ya da Qərbi Ukraynadan evlərinə qayıdırlar. Heç kim özünə məxsus olmayan evdə, vətənindən kənarda yaşamaq istəmir. İndi, ölkə çətin tarixi məqamda olanda babalarımızın, ulu babalarımızın etdiklərini etməliyik. Əlbəttə, insanlar burada olmaq və dəstək olmaq istəyirlər - indi istənilən yardıma çox ehtiyac var. Hər kəsin öz cəbhəsi var, hətta bu gün sadəcə küçəni süpürən adam da rol oynayır. Ona görə də belə yekunlaşdıra bilərəm ki, həyat səviyyəsi pisləşsə, işıqsız, istiliksiz qalsaq, təbii ki, insanlar gedəcək. Amma vəziyyət sabitləşərsə, əhalimizin geri axınını gözləyirik.



MUSAHİBƏ
01 Nov 2022

Azərbaycanda ekoturizm xidmətləri turistlər üçün əlverişlidirmi?

MUSAHİBƏ
29 Oct 2022

Maksim Şevçenko: “Paris Ermənistanla Azərbaycan arasında yeni müharibə yaradır” - RUSİYADAN ŞƏRH

MUSAHİBƏ
23 Oct 2022

Bitmək bilməyən uşaq pulu DƏRDİ

MUSAHİBƏ
20 Oct 2022

Ruslan Əliyev: "Yaxın 5 ildə smart-kart tipli sayğaclardan tam imtina edəcəyik"

MUSAHİBƏ
18 Oct 2022

Apteklərdə müştəriyə ƏDV çekinin verilməməsi qanunaziddir

MUSAHİBƏ
18 Oct 2022

Bəhruz Məhərrəmov: “Fransa və İranın əsl siması üzə çıxdı”



MUSAHİBƏ
15 Oct 2022
Macarıstanın türk dünyası ilə inteqrasiyası güclənir - TƏHLİL
Türk Dövlətləri Təşkilatında müşahidəçi qismində təmsil olunan Macarıstan birlikdə təmsil olunan ölkələrlə ikitərəfli ticarət münasibətlərini də genişləndirir. Macarıstan həm də istər beynəlxalq platformalarda, istərsə də müxtəlif formatlı görüşlərdə daim türk dünyası ilə bağlı məsələlərdə obyektiv mövqe nümayiş etdirir. Bu barədə Kaspi qəzetində dərc edilən siyasi təhlildə qeyd olunur. Müəllif hesab edir ki, Türk dünyası ilə əməkdaşlığı genişləndirmək xətti götürən Macarıstan bu istiqamətdə önəmli addımlar atmaqdadır. Türk Dövlətləri Təşkilatında (TDT) müşahidəçi qismində təmsil olunan Macarıstan ikitərəfli ticarət münasibətlərini də genişləndirib. Macarıstan il ərzində Azərbaycan da daxil olmaqla türkdilli ölkələrin tələbələrinə təqaüd də verir. Önəmli olan məsələlərdən biri də odur ki, Macarıstan tərəfi Budapeştdə Türkdilli Dövlətlərin Əməkdaşlıq Şurasının rəsmi ofisinin yaradılması təklifini da irəli sürüb. Həmin ofisin maliyyə xərclərini də tam olaraq öz üzərinə götürüb. Bundan əlavə, Macarıstan istər beynəlxalq platformalarda, istərsə də müxtəlif formatlı görüşlərdə daim türk dünyası ilə bağlı məsələlərdə obyektiv mövqe nümayiş etdirir, Azərbaycan və Türkiyə başda olmaqla verilən qərarlarda türk dünyasının haqq səsini müdafiə edir. Artıq Macarıstan Avropada türkdilli dövlətlər üçün sadiq və etibarlı dosta çevrilib. “Macarıstan xristian türklərin torpağıdır” Yeri gəlmişkən, son bir ildə Mərkəzi Asiya ölkələri ilə əməkdaşlığı prioritet elan edən Macarıstanın baş naziri Vktor Orban artıq Özbəkistanda olub. Ötən həftə isə Özbəkistan prezidenti Şavkat Mirziyoyev Budapeştə səfər edib. Danışıqlar zamanı ticarət-iqtisadi əlaqələrin genişləndirilməsi, maliyyə və investisiya əməkdaşlığı, eləcə də Rusiyanın Ukraynanın 4 regionunu işğalı fonunda beynəlxalq və regional siyasət məsələləri müzakirə olunub. Dövlət başçıları Macarıstanın müşahidəçi statusuna malik olduğu və tamhüquqlu üzvlük alacağını gözlədiyi TDT çərçivəsində qarşılıqlı fəaliyyətə dair qeydləri müqayisə ediblər. Macarıstan Avropa İttifaqının yeganə ölkəsidir ki, türk ölkələri ilə sıx əməkdaşlıq kursu götürüb və Türk Dövlətləri Təşkilatına müşahidəçi kimi daxil olub. Macarıstanın baş nazirinin qeyd etdiyi kimi, “macarlar qıpçaq türkləridir, Macarıstan isə xristian türklərin torpağıdır”. Birinci iqtisadi maraq, sonra digər faktorlardır “Mano” Siyasi Təşəbbüslər Mərkəzinin direktoru Bəxtiyor Erqaşev hesab edir ki, macarların “Şərqə yürüşü”nün əvvəlində iqtisadi maraq, yalnız bundan sonra türk qardaşlığı amili durur. “Macarıstan və Mərkəzi Asiyanın türk ölkələri arasında türk kimliyinə dair eyhamlar var. Lakin bu, sadəcə bir xarici qabıqdır. Mənə elə gəlir ki, Macarıstan Avropa İttifaqı çərçivəsində özünü çox da rahat hiss etmir. Aİ-nin öz balinaları var - böyük iqtisadiyyatlar - Almaniya, Fransa, İtaliya, eləcə də ittifaqda təsirini artırmağa çalışan Polşa. Macarıstan onlarla effektiv rəqabət apara bilməz, ona görə də Budapeştin Avrasiya istiqaməti ortaq türk kökləri axtarışından daha çox iqtisadi potensialdan istifadə etməkdir”, - deyə Erqaşev bildirib. Ekspert qeyd edib ki, Macarıstan təkcə Türk Dövlətləri Təşkilatında müşahidəçi deyil, həm də Şanxay Əməkdaşlıq Təşkilatında (ŞƏT) iştirakda maraqlıdır. Təşkilatın Səmərqənddə keçirilən son sammitinə də macar nümayəndələr dəvət olunub. “Macarıstan nümayəndə heyətinin ŞƏT sammitində iştirakı qeyri-rəsmi statusa malik idi, ona görə də heç bir danışıqlar aparılmadı, lakin buna baxmayaraq, maraqlı və perspektivli idi”, - deyə ekspert vurğulayır. Budapeştdə özbək səfirliyi açılacaq Özbəkistan prezidenti Budapeştdə qeyd edib ki, son beş ildə iki ölkə arasında qarşılıqlı ticarətin həcmi təxminən 3 dəfə artıb. Tərəflər yaxın gələcəkdə ikitərəfli ticarəti 500 milyon dollara çatdırmaq üçün hədəf planı razırlayıblar. V.Orban bildirib ki, Macarıstan Özbəkistanı mühüm və uzunmüddətli tərəfdaş hesab edir. Onun Özbəkistana səfəri zamanı strateji tərəfdaşlıq haqqında birgə bəyannamə imzalanıb. Mirziyoyev və Orban kənd təsərrüfatı, nəqliyyat, əczaçılıq, tekstil, qida, elektrik, suya qənaət və sənaye sektorlarında prioritet layihələri maliyyələşdirmək üçün birgə fond yaratmaq barədə razılığa gəliblər. Dövlətlərarası əlaqələrin möhkəmləndirilməsi və razılaşdırılmış layihələrin həyata keçirilməsi məqsədilə Macarıstan ərazisində Özbəkistanın diplomatik nümayəndəliyi fəaliyyət göstərəcək. Özbəkistanla münasibətlər strateji tərəfdaşlıq xarakteri daşıyır Onu da qeyd edək ki, Macarıstanın Özbəkistanla münasibətləri strateji tərəfdaşlıq xarakteri daşıyır. Son dörd ildə Özbəkistan-Macarıstan ticarətinin həcmi pandemiyanın mənfi nəticələrinə baxmayaraq, 2,5 dəfə artıb və hətta 2020-2021-ci illərdə də artım nümayiş etdirib. Belə ki, 2021-ci ilin yekunlarına görə ölkələr arasında qarşılıqlı ticarət dövriyyəsi 114 milyon dolları ötüb, bu ilin altı ayında isə bu rəqəm 50 milyon dollara yaxın olub. Özbəkistanda macar investorlarının iştirakı ilə yaradılmış 10 müəssisə var ki, onlardan altısı müştərəkdir. B.Erqaşevin sözlərinə görə, ölkələr arasında maliyyə sahəsində kifayət qədər ciddi əməkdaşlıq qurulur. İki ölkə əczaçılıq sənayesində əməkdaşlıq qurmaq üçün də danışıqlar aparır. Macarıstanın bu istiqamətdə potensialı var. IMEMO RAS-ın Postsovet Araşdırmaları Mərkəzinin baş elmi işçisi Stanislav Pritçin də hesab edir ki, Özbəkistan üçün Macarıstanla əməkdaşlıq tərəfdaşlıq coğrafiyasını genişləndirmək cəhdidir: “Macarıstan Özbəkistan üçün Aİ ölkələri ilə tərəfdaşlıq üçün prioritetlərdən biridir. Birincisi, ümumi mədəni köklər, mentalitet, qarşılıqlı əlaqə platforması TDT var. İkinci amil Macarıstanın Aİ daxilində bir çox məsələlərdə xüsusi mövqeyidir. Ənənəvi dəyərlərə bağlılıq baxımından Özbəkistanın mühafizəkar daxili siyasəti bir çox cəhətdən Macarıstanın dəyərləri ilə ortaqdır. Macarıstanla əməkdaşlıq Özbəkistan üçün bir növ Avropa istiqamətində ilk addımdır”. Azər Nuriyev
MUSAHİBƏ
15 Oct 2022
Alman alim Prezident Makrona açıq etiraz məktubu yazdı, Azərbaycanı müdafiə etdi
Almaniyalı alim, doktor Mixael Reynhard Hess (Michael Reinhard Hess) Fransa Prezidenti Emmanuel Makrona açıq etiraz məktubu yazaraq, onun bu il oktyabrın 14-də “France 2” telekanalına verdiyi müsahibədə Azərbaycanla bağlı fikirlərinə tutarlı dəlillərlə tənqidi münasibət bildirib. Açıq məktubu alim özünün Facebook sosial şəbəkəsindəki şəxsi hesabında yerləşdirib. “Nə Fransa, nə Ermənistan, nə də Azərbaycan vətəndaşıyam, bu ölkələrdə yaşayan xalqlardan heç biri ilə də etnik bağlılığım yoxdur, bununla belə, Ermənistan və Azərbaycan arasında münaqişə barədə bir neçə kitabın və məqalələrin müəllifi olan tədqiqatçı kimi Sizə kiçik bir açıq məktub yazmağı vacib saydım”. E.Makrona müraciətini bu sözlərlə başlayan alman alim, ilk növbədə, Fransa prezidentinin müsahibədə münaqişə barədə söylədiklərini özünün şəxsi fikri kimi qələmə verməsi ilə razılaşmır və onun mövqeyini həm də Fransanın rəsmi mövqeyi hesab etdiyini bildirir. Bunu aşkar məntiqsizlik kimi səciyyələndirən M.R.Hess yazır: “Çünki, bir tərəfdən siz Fransanı “vasitəçi qüvvələrin bir hissəsi” kimi təsvir edir, digər tərəfdən, həvəslə, böyük emosionallıqla və təsirli şəkildə vurğulayırsınız ki, Fransa bu münaqişədə Ermənistanı dəstəkləyir və ondan “əlini çəkməyəcək”. Mən anlamıram, hər hansı dövlət və ya siyasətçi “vasitəçilik” səylərində iştirak etməklə neytral mövqedə olmalı ikən münaqişə tərəflərindən birinin tərəfini necə saxlaya bilər”. Alman alim, həmçinin, hesab edir ki, məhz Fransa kimi tərəfsizliyi bacarmayan dövlətlərin vasitəçilik missiyası yerinə yetirən dövlətlərarası siyasi qurumların (Minsk qrupu kimi) tərkibində olması münaqişənin tənzimlənməsi üçün 1992-ci ildən həyata keçirilən diplomatik səylərin uğursuzlunun səbəblərindən biridir. E.Makronun Qarabağla bağlı qaranlıq tarixi, siyasi və hüquqi istinadlarını da qəbul etmədiyini bildirən M.R.Hess Fransa prezidentinin “Gördüyünüz kimi, Dağlıq Qarabağ beynəlxalq səviyyədə tanınmadı və buna görə də münaqişə yarandı” sözlərini misal gətirir, keçmiş muxtar vilayətin daim Azərbaycanın tərkibində olduğunu xatırladır. Alman alim “Qarabağdan və Azərbaycanın digər rayonlarından bütün işğalçı qüvvələrin dərhal çıxarılması haqqında” 1993-cü ildə BMT Təhlükəsizlik Şurasının Fransanın iştirakı ilə qəbul etdiyi qətnamələri də E.Makronun yadına salır. O, həmçinin Fransanın prezidentinin diqqətini Normandiya əyalətindəki separatçıların, Adalarla yaxınlığına görə, bu ərazinin Böyük Britaniyaya birləşdirilməsi barədə iddialara da yönəldir və yazır: “Siz çıxışınızda BMT-nin qəbul etdiyi beynəlxalq hüquq prinsiplərinə açıq və birmənalı şəkildə üstünlük vermir, sanki xalqlar və dövlətlər arasında münasibətlərdə, əksərən yersiz qeyri-rəsmi söhbətlərin istənilən vaxt “mübahisə” üçün dəlil kimi istifadə edildiyi, separatçıların işinə yarayan konsepsiyadan yapışırsınız”. M.R.Hess “müharibəni Azərbaycanın başlaması, əraziləri işğal etməsi” barədə Fransa prezidentinin əsassız iddialarına da açıq məktubda tutarlı cavablar verir, 1991-ci ildən başlanan erməni təcavüzü, erməni silahlı dəstələrinin törətdiyi kütləvi qətllər, o cümlədən Xocalı hadisəsi barədə həqiqətləri xatırladır. Almaniyalı alim ötən əsrin əvvəllərində baş verdiyi iddia edilən uydurma “erməni genosidi”ni Ermənistan-Azərbaycan konflikti kontekstində xatırlatmasını isə E.Makronun çıxışının ən təhlükəli məqamı kimi səciyyələndirir. Fransa prezidentinin müsahibəsində söylədiklərinin onun bir siyasətçi kimi ölkəsindəki erməni dairələri ilə yaxşı münasibət qurmaq istəyi ilə bağlı olduğunu ehtimal edən M.R.Hess onu qarşı tərəfindən səsini eşitməyə, fransızdilli mühitdə azərbaycanlıların dəlillərini ortaya qoyacaq çox az sayda araşdırmaçıları və publisistləri də görməyə çağırır, həmçinin, münaqişə tərəfləri arasında sülhə nail olmaq naminə E.Makrona vasitəçi və arbitr mövqelərini bir-birinə qarışdırmamağı tövsiyə edir. Xatırladaq ki, 55 yaşlı alim Mixael Reynhard Hess hazırda Azad Berlin Universitetində və Giezen şəhər Universitetində çalışır. Azərbaycan ədəbiyyatına, tarixinə və mədəni irsinə dair bir neçə kitabın müəllifidir. Onun bu il çapdan çıxmış almanca “Şuşanın irsi. Azərbaycan mədəniyyət paytaxtının tarixi və inkişaf yolu” kitabın ADA Universitetində və Qaçqınların və Məcburi Köçkünlərin İşləri üzrə Dövlət Komitəsində təqdimatı təşkil edilib. Açıq məktubun fransız dilində mətni ilə aşağıdakı linkdə tanış olmaq mümküdür: (https://www.facebook.com/michael.berlinistanbul/posts/pfbid0fMKBu6PvQ7uE4p9Yn47zABheo8W9LZTsJ7153TyAYrR5ySuyVAmSxNsSdJrReoHSl)


MUSAHİBƏ
15 Oct 2022

Asiyada təhlükəsizliyin gələcək strateji arxitekturası - TƏHLİL

MUSAHİBƏ
15 Oct 2022

Niderlandlı yazıçı: "Makron Ermənilər tərəfindən baş verənləri vecinə almır"

MUSAHİBƏ
15 Oct 2022

Polşa Gənc Demokratlar Partiyasının təmsilçisi: "İnsanları bu cür öldürən erməni əsgərlərin qəddarlığı göstərilməlidir"

MUSAHİBƏ
15 Oct 2022

"Türkiyədə dezinformasiyalara qarşı həbs tədbirinin qanunvericiliyə gətirilməsi tamamilə ədalətlidir" - RƏY

MUSAHİBƏ
15 Oct 2022

Hikmət Babaoğlu: “İlham Əliyevin hakimiyyətə gəlməsi yeni bir eranın başlanğıcı oldu”

MUSAHİBƏ
15 Oct 2022

“Azərbaycanın misilsiz uğurlarının qarşısında Prezident İlham Əliyevin imzası var” - RƏY + FOTO



MUSAHİBƏ
15 Oct 2022
Bahalaşma şadlıq saraylarına da təsir edib: Qiymətlər 45 manatdan başlayır - SORĞU
Məhərrəm və Səfər ayı başa çatdıqdan sonra ölkəmizdə sentyabrın 27-dən etibarən toy məclislərinin keçirilməsinə başlanıldı. Ölkəmizdə davam edən bahalaşma şadlıq sarayları və restoranlardan da yan keçməyib. Menyu qiymətlərinin əvvəlki illərə nisbətən kəskin şəkildə yüksək olduğu, bu səbəbdən də müraciət edənlərin sayında azalma müşahidə edildiyi bildirilib. Mövcud durumla maraqlanmaq üçün QalaNews-un əməkdaşı restoranlar arasında sorğu keçirir. Şadlıq saraylarından birinin səlahiyyətlisi standart menyu tətbiq etmədiklərini bildirib: “Ölkəmizdə davam edən bahalaşma, əlbəttə ki, şadlıq saraylarına da öz təsirini göstərir. Lakin biz menyunu əvvəlki kimi tərtib etmişik. Qiymət qaldırmırıq. Menyunu yerində danışırıq. Standart qiymət yoxdur. Ortalama 40-45 manatdır. Qiymət ev sahibinə görə müəyyən edilir”. Səlahiyyətli gediş-gəlişin azlığından şikayətlənib: “Müraciət edənlərin sayında kəskin azalma müşahidə olunur. Son aylarda gediş-gəliş çox azalıb”. Digər bir şadlıq sarayı isə minimum menyularının 45 manatdan başladığını söyləyib: “Qiymətlər çox qalxıb. Biz menyu qiymətlərini artırmamışıq. Müştəri gələndə endirim istəyir. Endirim edəndə də ziyana gedirik. Minimum qiymət 45-dən başlayır. Müəyyən endirimlər olur. Müraciət edənlərin sayında da get-gedə azalma müşahidə olunur. Oktyabr, noyabr və digər aylar çox zəifdir. Halbuki əvvəllər noyabr və dekabrda müraciət edənlər çox olurdu”. Başqa bir restoran səlahiyyətlisi isə menyunun fərdə görə dəyişdiyini qeyd edib: “İnsanların müraciəti azalıb. Bu, şübhəsiz ki, belədir. Qiymət artımı yoxdur. Sadəcə olaraq incəliklər var. Biz bir nəfərlik üçün qiyməti 35-40 manat edə bilirik. Amma gərək qonaq sayı 300-350 nəfər olsun ki, biz o toyu edə bilək. Standart menyu qiyməti tətbiq etməmişik. Müştəri ilə danışıb yerindəcə tərtib edirik. Kimsə menyuda fərqli təam istəyirsə, o təamın qiymətini iştirak edən insan sayına görə hesablayıb menyunun üzərinə əlavə edirik. Menyunun tərkibinə görə, qiymətlər müəyyənləşir. Bir qiymət siyasəti aparmırıq. İnsanlara uyğunlaşmağa çalışırıq. Müraciətlərdə qonaq sayları azalıb. 300 əvəzi 100-150 nəfər gəlir. Bunu da etmək bizə sərf etmir. Çünki işçilərin maaşlarını ödəmək lazımdır. Bizdə qiymətlərdə bahalaşma yoxdur. Çox münasib qiymətlərdir. Minimum 45 manatdır. Noyabr ayı üçün zəiflik var. O da başa düşüləndir. Oktyabr ayında toylar çox olub deyə zəifləyib. Gözləniləndir”. Restoranlardan biri başlanğıc menyunun 120 manat olduğunu bildirib: “Bahalaşma menyu qiymətlərinə də öz təsirini göstərir. Standart menyu 120 manatdır. Müraciətlər bir qədər azalıb. Amma müraciət edənlər o qədər də az deyil”. Digər bir şadlıq sarayında isə minimum menyu 70-75 manatdır: “Menyu qiymətlərinin dəyişməsi gözləniləndir. Təbii prosesdir. Standart menyumuz 70 manatdan başlayır. Lakin müştəri sayı da az deyil”. Müşahidələrdən aydın oldu ki, ən aşağı menyu 45 manatdır. 30-35 manata demək olar rast gəlinmədi. Araşdırmalardan aydın oldu ki, ən aşağı menyu 45 manatdan başlayır.