az
Dağlıq Qarabağda 3 avqust tarixində hərbi xidmətə çağırılan vətəndaşların qismən səfərbərliyinə son qoyulub. Müvafiq fərmanı qondarma rejimin rəhbəri Araik Arutyunyan imzalayıb.
"Regionda vəziyyət avqustun 1-dən etibarən qızışıb. Bundan sonra qismən səfərbərlik elan edildi."
Əhalisi və ərazisi olmayan qondarma rejimin rəhbəri Araik Arutyunyanın verdiyi məlumata görə, guya Azərbaycan Silahlı Qüvvələri şimal və şimal-qərb istiqamətinin hissələrində (mövcud olmayan) təmas xəttini keçməyə çalışıblar. Azərbaycan tərəfindən PUA və qumbaraatanların nəticəsində iki erməni hərbçisi ölüb, 19 nəfər isə yaralanıb.
Xatırladaq ki, avqustun 3-ü şəhid edilən Azərbaycan ordusunun müddətli həqiqi hərbi xidmət qulluqçusuna görə Azərbaycan ordusu adekvat cavab tədbiri olaraq, "Qisas" əməliyyatı keçirib.Azərbaycan Müdafiə Nazirliyinin yaydığı məlumata əsasən düşmənin 4 hərbçisi məhv edilib, 15-dən çox hərbçisi yaralanıb.Bundan əlavə ərazidə mövqelənən terrorçu qrupların hərbi hissəsinə zərbələr endirilib, çoxlu sayda D 30 haubitsası, silah-sürsat anbarı, hərbi nəqliyyat avtomobilləri məhv edilib.
Baxış sayı: 3136