Fotoğraf:
17 Jan 2022, 19:09
Yanacaq daşıyan gəmilərə PUA-lar ilə hücum edildi - 3 tanker partladıldı
Birləşmiş Ərəb Əmirliklərinin paytaxtı Əbu-Dabi sahillərində yanacaq daşıyan 3 tankerdə partlayış baş verib.
Qalanews "Reuters" agentliyinə istinadən xəbər verir ki, partlayışdan sonra güclü yanğın başlayıb. 3 nəfərin öldüyü, 6 nəfərin isə yaralandığı bildirilir. Polisin ehtimalına görə, tankerlər PUA-larla vurulub. Musaffa və Əbu-Dabi Beynəlxalq hava limanı ətrafında dron hissələrinin tapılması da bu ehtimalı gücləndirir. Hadisələrə görə məsuliyyəti hələlik heç bir qruplaşma üzərinə götürməyib. Hadisədən sonra Əbu-Dabidə təhlükəsizlik tədbirləri gücləndirilib.
Lakin hadisə ərəfəsində Yəməndəki Husi üsyançıların Birləşmiş Ərəb Əmirliklərinə hücum təşkil etdiklərini açıqlayıb. Onlar hücumun detalları barədə məlumat verməyiblər.
metbuataz
