Fotoğraf:
24 May 2023, 15:19
Şəkidə zəhərlənmə baş verən məktəbdə dərslər dayandırılıb
Şəki rayonunun Qudula kənd orta məktəbindən götürülmüş müvafiq nümunələrdən müsbət cavab alınanadək məktəbdə dərs keçirilməyəcək.
Bu barədə Şəki-Zaqatala Regional Təhsil İdarəsindən Qalanews-ın sorğusuna cavab olaraq bildirilib. Qeyd edilib ki, məktəbdə dərmanlanma işlərini Elm və Təhsil Nazirliyi ilə imzalanmış müqavilə əsasında “Ecomedi” şirkəti həyata keçirib. Bildirilib ki, məktəbdən müvafiq nümunələr götürülüb və müsbət cavab gələnədək dərslər keçirilməyəcək.
“Keçirilməyən dərslər istirahət günlərində əvəzlənəcək”, - deyə təhsil idarəsində bildirilib.
