Şolts Putini Rusiya qoşunlarını Ukraynadan çıxarmağa çağırıb
Rusiya Prezidenti Vladimir Putinlə telefon danışığı barədə Almaniya kansleri Olaf Şoltsun ofisinin yaydığı press-reliz çox lakonik olub.
Qalanews-ın Moskva müxbirinin məlumatına görə, Almaniya kanslerinin ofisinin yaydığı press-relizdə Şolts-Putin telefon danışığının bir saata yaxın davam etdiyi bildirib: "Almaniya kansleri Rusiyanın Ukraynada mülki infrastruktura aviazərbələr endirməsini pisləyib və Almaniyanın Ukraynanı Rusiyanın təcavüzünə qarşı müdafiə qabiliyyətini təmin etməkdə dəstəkləməkdə qərarlı olduğunu vurğulayıb. Şolts Putini Rusiya qoşunlarının çıxarılmasını ehtiva edən diplomatik həlli tezliklə axtarmağa çağırıb", açıqlamada vurğulanıb.