Fotoğraf:
01 Dec 2022, 16:17
Türkiyə Qara dənizin 2,2 min metr dərinliyində nəhəng qaz rezervuarı quraşdırdı
Türkiyə Qara dənizin 2,2 min metr dərinliyində 280 tonluq qaz rezervuarı quraşdırıb. Əməliyyat 20 saat davam edib.
Beləliklə, Qara dəniz qazı quruya bir az da yaxınlaşıb: “Peçenek” adı verilən nəhəng paylayıcı rezervuar quyulardan gələn qazı toplayaraq, onu əsas boru kəmərinə birləşdirəcək.
Məlumata görə, akvatoriyada irimiqyaslı anbarın quraşdırılması cərrah dəqiqliyi ilə həyata keçirilib.
O da vurğulanır ki, Sakarya qaz yatağında Türkiyə Neft Şirkəti (TPAO) qruplarının işi, demək olar ki, gecə-gündüz davam edir.
Ekspertlərin hesablamalarına görə, Qara dənizin dibində yeni yataqların işlənməsi Türkiyənin idxal qazından asılılığının 30% azalmasına səbəb ola bilər.
